Терешкова, Валентина Владимировна

Валентина Терешкова
Валентина Терешкова
Росси Федерацысь Федерал Собраниысь Кун Думалэн депутатэз
	21-тӥ толсур 2011-тӥ ар
Ярославль улосвылысь Думалэн депутатэз
	2008-тӥ ар — 21-тӥ толсур 2011-тӥ ар
СССР-ысь Вылӥ Советлэн Президиумезэн членэз
	1974-тӥ ар — 1989-тӥ ар
СССР-ысь Вылӥ Советлэн депутатэз
	1966-тӥ ар — 1989-тӥ ар
Вордӥськемын	6-тӥ южтолэзе 1937 (88 арес); Ярославль улосвыл, Тутаевск ёрос, Большое Масленниково гурт, РСФСР, СССР
Кузпалыз	Андриян Николаев (1963—1982); Юлий Шапошников (1982—1999)
Дышетскемез	Военно-воздушная инженерная академия имени Н. Е. Жуковского[d] (1969);
Учёной степенез	техника тодосъёсъя кандидат
Учёной званиез	профессор[d]
Ужудысэз	инженер, лётчик-космонавт
Ужез	политик
Кинюртэмез
Военной службаез
Кытысь луэмез	Шаблон:Ussr → Россия
Званиез	; генерал-майор
Ужан интыез	Ярославский шинный завод[d]; Красный Перекоп[d]; Восток-6[d]; Верховный Совет СССР[d]; Президиум Верховного Совета СССР[d]; Всесоюзное общество культурной связи с заграницей[d]; Ярославская областная дума[d]; Государственная дума[d];
	Медиафайлъёс РувикиМедиа пушкын

Эскерем гожтос

Валенти́на Влади́мировна Терешко́ва (вордӥськемын 6 южтолэзе 1937-тӥ арын, Ярославской улосвылысь Тутаевской ёросысь Большое Масленниково гуртын (РСФСР, СССР)) — СССР-ысь лётчик-космонавт, дунне вылысь нырысетӥез кышномурт-космонавт (1963-тӥ ар), Совето Союзлэн Героез (1963-тӥ ар), генерал-майор (1995- тӥ ар)^[2]. «За заслуги перед Отечеством» орденлэн Полной кавалерез.

СССР-ысь Вылӥ Кенешлэн VII—XI ӧтчамъёслэн депутатэз (1966-тӥ —1989-тӥ аръёс), Вылӥ Кенешлэн Президиумезлэн членэз (1974-тӥ — 1989-тӥ аръёс). Совето Союзысь нылкышноослэн комитетсылэн (1968 — тӥ—1987- тӥ аръёс) но кунсьӧр элькунъёсын эшлык но культурной кусып возёнъя союзъёслэн тӧрӧзы (1987-тӥ—1992-тӥ аръёс).

Россиысь политик, Росси Федерациысь Кун думалэн депутатэз, «Единая Россия» политической партилэн ёзчиез^[3].

Пинал но егит дырыз

Валентина Терешкова вордӥськиз 1937-тӥ арын, 6-тӥ южтолэзе Ярославской областьысь Тутаево кар вӧзысь Большое Масленниково гуртын, Белоруссиысь потэм крестьян семьяын. Атаез — Терешков Владимир Аксёнович (1912-тӥ—1940-тӥ аръёс), Выйлово гуртысь, тракторист. 1939-тӥ арын Горд Армие басьтэмын вал, со арын ик Советско- финской войнаын бырыны шедиз^[4]). Анаез — Терешкова (нылдыр фамилиез Круглова) Елена Фёдоровна (1913-тӥ — 1987-тӥ аръёс), Витебской улосвылысь Дубровенской ёросысь Еремеевщина гуртысь, текстильной фабрикаын ужась. Семьяязы 3 пинал вал: бадӟымез Людмила, Валентина но пичиез Владимир^[5].

1945-тӥ арын Валентина дышетскыны мынӥз Ярославль карысь 32-тӥ шоръёзо школае (школа нимамын солэн нимыныз)^[6]. Сизьыметӥ классэз быдтэм бераз, ужаны пыриз Ярославльысь шина лэсьтон заводэ . Со вакыт ик, 1954-тӥ — 1955-тӥ аръёсы дышетскиз 8—9 классын 10-тӥ номеро школаын, ӝытпал ёзэтаз. Туж усто шӧдэ вал крезьгурез, соин ик ваньмон дыръяз домраен шудыны дышетскиз.

1955-тӥ арысен оштолэзьысен ужаз Ярославльысь «Горд Перекоп» басма поттон комбинатын (озьы ик отын ужазы анаез но апаез^[5]). 1955-тӥ арысен 1960-тӥ арозь Капчи промышленностья техникумын синсьӧр люкетаз дышетскиз.

1957-тӥ арын пыриз ВЛКСМ-е. 1960-тӥ арысен (11 гудырикошконысен) 1962-тӥ арозь (южтолэзёзь) «Горд Перекоп» комбинатлэн ВЛКСМ-ысь комитетэзлэн мозмытэм секретарез луыса тыршиз.

1959-тӥ арысен Ярославской аэроклубын парашютной спортэн вырыны ӧдъяз (90 пол тэтчиз парашютэн). Парашютэн тунсыкъяськон мылкыдзэ адӟыса ик, сое ӧтчазы нырысетӥ космонавтъёслэн отрядазы.

Инсьӧрчиослэн отрядазы

1962 — тӥ арын бырйыны одъязы вуоно кышномурт инсьӧрчиосты, соос одно ик луыны кулэ вал: парашютист, арлыдзыя 30 аресозь, ӝуждалазыя 170 сантиметрозь, секталазыя 70 килограммозь. Вить адями быръемын вал: Жанна Ёркина, Татьяна Кузнецова, Валентина Пономарёва, Ирина Соловьёва но Валентина Терешкова.

Инсьӧрчиослэн отрядазы басьтэмзы бере ик, Терешковаез мукет нылъёсмуртъёсын ӵош басьтӥзы срочной военной службае рядовой званиен.

Космонавт луыны дасяськон

Инсьӧрчиослэн отрядазы Терешковаез басьтӥзы 12-тӥ южтолэзе 1962-тӥ арын. 1-тӥ толсурысен Терешкова луиз 1-тӥ отрядысь космонавт. 16-тӥ инвожоысен 1963-тӥ арысен, нырысетӥзэ лобамез бере ик, сое пуктӥзы 1-тӥ отрядэ инструкторе, та интыужын со14 южтолэзёзь 1966-тӥ арозь^[7] ужаз.

Дышетскон куспаз Валентина инсьӧре лобанъёслы чиданзэ эскериз. Со программая кулэ вал луыны термокамера (кудаз возиськиз +70 °C температура но 30 % омырлэн мускытлыкез), сурдокамера, но озьы ик капчилыкъя (невесомость) тренировкаос. Тужгес но юн саклык висъямын вал парашютэн тэтчаны дасянлы, малы ке шуоно, инсьӧрчи пуксён азяз катапультироваться кариськылӥз но инмысь парашютэн лэзиськылӥз.

Инсьӧре лобыны кандидатэ быръён

Инсьӧре нырысь лэзьыны малпало вал огӵош кык кышномурт экипажъёсты, но 1963-тӥ арын южтолэзе та малпанлэсь куштӥськизы, ужпум кылдӥз 5 ӵектэм мурт пӧлысь одӥг адямиез гинэ.

Мавзолейлэн трибунаяз 22 инвожое 1963 арын

Терешковаез нырысетӥ кышномурт-инсьӧрчие бырйыкузы, дышетсконын азьпала потэм сяна, мукет мертэтъёс но лыдэ басьтэмын вал: кыӵе семьяын вордскемын ӵектэм мурт, солэн ужан удысэз, калыкен ужаны мылкыд каремез но мерлыко ужен вырыны быгатэмез^[8]. Куд-огез ӵектэм муртъёс космической подготовка ласянь Валентинаез азьпалто ке но вал, мукет дунъян мертэтъёсъя соос ваньзы шӧдскымон бере кылизы .

Космосэ лобыны валтӥсь кандидатэ пуктэмын вал Терешкова, дублёре — И. Б. Соловьёва, но запасное — В. Л. Пономарёва. Терешковаез «Восток-6» пилотэ пуктыкузы, со 10 арлы пиналгес вал Гордон Куперлэсь — нырысетӥ американ отрядысь самой пинал инсьӧрчилэсь.

«Восток-6» кораблен инсьӧр вӧлметэ лобон

Валентина Терешкова ВВС СССР майорлэн формаеныз

Азербайджанысь почта блок, сӥземын инсьӧре нырысетӥ кышномурт-космонавтлэн лобемезлы 50 ар тырмонлы

16 инвожое 1963-тӥ арын Валентина Терешкова (тодметнимыз «Чайка»), «Восток-6» корабльын Байконурысь старт сётыса, лобиз инсьӧре, озьы со луиз дуннеысь нырысетӥез кышномурт-космонавт. Со вакыт, соин ӵош, орбитаын вал «Восток-5» нимаськись корабль, кудаз пилотэз вал Валерий Быковский.

Инсьӧре лобон азяз Терешкова матысь адямиосызлы вераз, парашютэн лобанъя ӵошатсконъёсы кошкисько шуыса, нош со инсьӧре лобем шуыса, ваньзы соос иворъёсысь гинэ тодӥзы. «Эй! Инбам! Кушты шляпадэ!» — таӵе кылъёсын Валентина вазиськиз старт азьын инбамлы (В. Маяковскийлэн «Облако в штанах» поэмаысьтыз кылъёс).

Лобон дыръя малпамтэ шорысь югдур кылдӥз: Терешковалэн аслаз уг пӧрмы вал корабльлэсь сюрессэ тупатэмез, озьы ке но, кораблез автоматической режимен пуктыны быгатӥзы. Валентиналэн верамезъя, киын тупатон система шонертэм лэсьтэмын вылэм: улӥе васькон интые, вылэ ӝутскыны команда сётиське вал^[9]^[10].

Куинь уй-нунал ӵоже кыстӥськиз инсьӧр вӧлметэз эскерон ужрад. Терешкова 48 пол Музъем котыртӥ берытсконэз чидаз, инсьӧрын куинь уй-нунал пала улӥз. «Восток-6» аппарат ӟечкын лэзиськиз Алтай улосвылысь Баевской ёросэ. Терешковалы космосын сиён сярысь малпаськыны ноку вал, соин ик, кораблез пуктэмез бере, со соку ик сиыны кутскиз та улосвылысь сиёнэз, эмчиос уг ке но лэзё вал^[11].

Лобонлэн статистикаез^[12]
#	Стартовой корабль	UTC	Экспедиция	Корабль пуксён	Пуксён, UTC	Кӧня лобамын	Инсьӧре лобон	Космосын дыр
1	Восток-6	16\|06\|1963, 09:29	Восток-6	Восток-6	19\|06\|1963, 08:20	02 уй-нунал 22 час 51 минут	0	0

Терешкова — СССР-ысь 6-тӥ лётчик-космонавт, дунне вылысь 10-тӥез космонавт; со сяна, кышномуртъёс пӧлысь со огназ гинэ инсьӧре лобамын корабльын чылкак одӥгназ^[13].

Космосэ вуылэм бераз

Терешкова, космосэ лобамез бере, мерлыко ужен выриз, асьме кунын сяна, кунгож сьӧрын но^[14]. 1969-тӥ арысен 1997-тӥ арозь космонавтъёслэн отрядазы инструктор луыса ужаз. 1962-тӥ арын бичам нылкышно инструкторъёс пӧлысь со гинэ пумозяз ужаз, ужысьтыз кошкиз аресыз тырмемен.

1997-тӥ арысен — космонавтъёсты дасянъя Центрысь бадӟымез научной сотрудник.

Космосэ лобамез бере Терешкова дышетскыны пыриз Н. Е. Жуковский нимо Военно-воздушной инженерной академие. Академиез отличиен быдтыса, техника наукаосъя кандидат, профессор луиз, 50-лэсь ятыр научной ужъёслэн авторзы.

1969-тӥ арын 22-тӥ толшоре Леонид Ильич Брежнев вылэ покушение лэсьтӥз террорист, офицер Ильин В. И., машиназэ ыбылӥз, нош со вакыт машинаын Леонид Ильичен чош Терешкова но вылэм.

Общественно-политической уже пыриськемез

Валентина Терешкова Финляндиын. 2002-тӥ ар

Валентина Терешкова Росси Федерациысь Кун Думалэн Федерал Собранияз. 2017-тӥ ар

1962-тӥ арысен, южтолэзьысен — КПСС-лэн ёзчиез. 1966-тӥ — 1989-тӥ аръёсы — Совето Союзысь Вылӥ Советысь VII—XI ӧтчамъёсысь депутат. 1968-тӥ—1987-тӥ аръёсы Совето Союзысь нылкышноослэн Комитетэнызы кивалтӥз. 1974-тӥ арысен 1989-тӥ арозь — депутат но СССР-ысь Вылӥ Кенешлэн Президиумезлэн членэз. Пӧртэм огазеяськонъёсын калыккуспо, гуманитарной но культурной герӟетъёсты азинтонъя кивалтӥсь ужудысъёсын ужаз.

1992-тӥ арын — Россиысь кункусыпо валчеужан ассоциацилэн президиумезлэн тӧроез.

1992-тӥ—1995-тӥ аръёсы — Росси но калыккуспо валчеужанъя но азинсконлыкъя агентстволэн тӧроезлэн нырысетӥ воштӥсез . 1994-тӥ—2004-тӥ аръёсы — Россиысь калыккуспо научной но культурной валчеужанъя центрлэн кивалтӥсез.

2011-тӥ арын «Единая Россия» партилэн Ярославль улосвылысь Кун Думаысь депутатэ^[15] быръемын вал. 21-тӥ толшорысен 2011-тӥ арысен — Кун Думаысь Интыысь аскивалтон ужпумъёсъя но федеративной устройствоя комитетлэн председателезлэн кивоштӥсез .

7-тӥ южтолэзе 2014-тӥ Сочиын Олимпийской тол шудонъёсты усьтон нуналэ 8 быръем адямиос пӧлысь со но Олимпийской флагез нуиз^[16].

2015-тӥ арысен — «Выжыосызлэн тодэ ваёнъёссы» некоммерческой благотворительной фондлэн тӧроез^[17].

Росси Федерациысь Следственной комитетлэн Общественной Советаз^[18] пыре.

Терешковалы луыса, Ярославльын университет усьтэмын, капчи промышленностья техникумлэн выль юртэз пуктэмын, речной вокзал, планетарий лэсьтэмын, тупатъямын Волга шурлэн ярдур урамъёсыз^[5].

2011-тӥ арысен 2019-тӥ арозь Кун Думаын тыршон вакытаз, 21 законодательной инициативаослэн но катъёсы тупатъянъёслэн соавторзы луэ^[19].

Семьяез сярысь

Валентина Терешкова но Андриян Николаевлэн торжественной гожтӥськонзы. Муско, 3-тӥ шуркынмон, 1963-тӥ ар

Нырысетӥ кузпалыз (1963-тӥ —1982-тӥ аръёс) — Андриян Николаев (1929-тӥ — 2004-тӥ) — Советысь 3-тӥез космонавт, сюанзы 3-тӥ шуркынмонэ 1963-тӥ арын Ленинской гурезьёсысь правительственной особнякын ортчиз.

Нылыз — Елена Терешкова (ворд. 8-тӥ инвожое 1964-тӥ арын) — дунне вылысь нырысетӥ пинал, кутӥзлэн анаез но, атаез но космонавт вал^[20].

Кыкетӥ кузпалыз — Юлий Шапошников (1931-тӥ—1999-тӥ) — медицинской службаысь генерал-майор, Травматологияя но ортопедияя центральной институтлэн кивалтӥсез (1985-тӥ—1998-тӥ).

2004-тӥ арын сюлэм вылаз операция лэсьтӥзы^[21].

2012-тӥ арын 75 арес тырмонзэ сӥё-дано пусйиз Ярославльын^[5].

Валэктонъёс

↑ РИА Новости (ӟуч) — Россия сегодня, 1941.
↑ ТЕРЕШКОВА Архивная копия от 2 южтолэзе 2018 на Wayback Machine // Большая российская энциклопедия. Том 32. Москва, 2016, с. 65.
↑ Высший совет Партии. Состав Официальный сайт российской политической партии «Единая Россия». Эскеремын 2013-11-15 аре
↑ ОБД Мемориал(ӟуч)
↑ ¹ ² ³ ⁴ Тайны биографии Валентины Терешковой Эскеремын 2013-06-14 аре
↑ Муниципальное общеобразовательное учреждение «Средняя школа № 32 имени В. В. Терешковой»
↑ Первый женский набор ЦПК Архивная копия от 30 оштолэзе 2008 на Wayback Machine.
↑ Валентина Пономарёва. Усьтымтэ космос Архивная копия от 2 толсуре 2013 на Wayback Machine.
↑ Терешкова: по просьбе Королёва я не один десяток лет хранила эту тайну Архивная копия от 14 гудырикошконэ 2013 на Wayback Machine // Известия, 2 марта 2007.
↑ Вести.Ru: Терешкова готова отправиться на Марс в одну сторону
↑ Черток Б. Е. Ракеты и люди. Фили — Подлипки — Тюратам — М.: Машиностроение, 1999. «Отбросив все медицинские наставления, она расправлялась с местными продуктами питания, удобно расположившись на парашютном шёлке. Трое суток в космосе „Чайке“ было не до еды.»
↑ Statistics — Tereshkova Valentina Vladimirovna spacefacts.de. Эскеремын 2018-01-23 аре
↑ Дмитрий Кайстро. Небо, сними шляпу: 50 лет полёту Валентины Терешковой Архивная копия от 15 инвожое 2013 на Wayback Machine // vesti.ru (14 июня 2013 года).
↑ Как Терешкова проложила дорогу женщинам-астронавтам США
↑ Валентина Терешкова — депутат от «Единой России» Архивная копия от 21 толсуре 2012 на Wayback Machine. НТМ.
↑ Валентина Терешкова: «Церемонию открытия я смотрела в записи. На мой взгляд, она была очень красивой» Архивная копия от 11 тулыспалэ 2014 на Wayback Machine.
↑ Благотворительный фонд «Память поколений» Архивная копия от 22 инвожое 2015 на Wayback Machine.
↑ Бастрыкин, Александр Общественный совет при СК России Следственный комитет Российской Федерации. Эскеремын 2017-08-27 аре
↑ Официальный сайт Государственной Думы Федерального Собрания Российской Федерации old.duma.gov.ru. Эскеремын 2019-08-06 аре
↑ Андриян Григорьевич Николаев astronaut.ru. Эскеремын 2011-09-05 аре
↑ Сегодня вечером — Выпуск от 22 июня Первый канал.

[_3ca0a30550c69356-1] РИА Новости (ӟуч) — Россия сегодня, 1941.

[BRE-2] ТЕРЕШКОВА Архивная копия от 2 южтолэзе 2018 на Wayback Machine // Большая российская энциклопедия. Том 32. Москва, 2016, с. 65.

[3] Высший совет Партии. Состав Официальный сайт российской политической партии «Единая Россия». Эскеремын 2013-11-15 аре

[4] ОБД Мемориал(ӟуч)

[autogenerated20130618-1-5] ¹ ² ³ ⁴ Тайны биографии Валентины Терешковой Эскеремын 2013-06-14 аре

[6] Муниципальное общеобразовательное учреждение «Средняя школа № 32 имени В. В. Терешковой»

[7] Первый женский набор ЦПК Архивная копия от 30 оштолэзе 2008 на Wayback Machine.

[пономарева2-8] Валентина Пономарёва. Усьтымтэ космос Архивная копия от 2 толсуре 2013 на Wayback Machine.

[9] Терешкова: по просьбе Королёва я не один десяток лет хранила эту тайну Архивная копия от 14 гудырикошконэ 2013 на Wayback Machine // Известия, 2 марта 2007.

[autogenerated20130618-2-10] Вести.Ru: Терешкова готова отправиться на Марс в одну сторону

[11] Черток Б. Е. Ракеты и люди. Фили — Подлипки — Тюратам — М.: Машиностроение, 1999. «Отбросив все медицинские наставления, она расправлялась с местными продуктами питания, удобно расположившись на парашютном шёлке. Трое суток в космосе „Чайке“ было не до еды.»

[STATS6-12] Statistics — Tereshkova Valentina Vladimirovna spacefacts.de. Эскеремын 2018-01-23 аре

[autogenerated1-13] Дмитрий Кайстро. Небо, сними шляпу: 50 лет полёту Валентины Терешковой Архивная копия от 15 инвожое 2013 на Wayback Machine // vesti.ru (14 июня 2013 года).

[14] Как Терешкова проложила дорогу женщинам-астронавтам США

[15] Валентина Терешкова — депутат от «Единой России» Архивная копия от 21 толсуре 2012 на Wayback Machine. НТМ.

[16] Валентина Терешкова: «Церемонию открытия я смотрела в записи. На мой взгляд, она была очень красивой» Архивная копия от 11 тулыспалэ 2014 на Wayback Machine.

[17] Благотворительный фонд «Память поколений» Архивная копия от 22 инвожое 2015 на Wayback Machine.

[18] Бастрыкин, Александр Общественный совет при СК России Следственный комитет Российской Федерации. Эскеремын 2017-08-27 аре

[19] Официальный сайт Государственной Думы Федерального Собрания Российской Федерации old.duma.gov.ru. Эскеремын 2019-08-06 аре

[20] Андриян Григорьевич Николаев astronaut.ru. Эскеремын 2011-09-05 аре

[autogenerated20130629-2-21] Сегодня вечером — Выпуск от 22 июня Первый канал.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]