Гагарин, Юрий Алексеевич

Википедиысь материал

РАН экспертиза

Logo-ran.png
Экспертизаез ортчытӥз
Россиысь Тодосъёсъя Академия
Пыр-поч лыдӟе
Aprove.svg

Экспертиза РАН

Arrow-Right.png
Logo-ran.png
Экспертизаез ортытӥз
Россиысь Тодосъёсъя Академия
Поыр-поч лыдӟе
Learning.svg

Материалъёс басьтэмын Б.Н. Ельцин нимо библиотекаысь

Arrow-Right.png
Library.png
Та гожтосын Б.Н. Ельцин нимо Президент библиотекалэн фондысьтыз материалъёс кутэмын
Рос-прос учке
Юрий Алексеевич Гагарин
Юрий Гагаринлэн данъетъёсыныз туспуктэмез
Юрий Гагаринлэн данъетъёсыныз туспуктэмез
Кун СССРFlag of the Soviet Union.svg СССР
Ӧнерез Ожгар лётчик
Лётчик-космонавт
Воинской званиез
Полковник ВВС СССР полковник
Экспедициосы потамез «Восток-1» (1961-тӥ арын 12-тӥ оштолэзе)
Инсьӧр вӧлметын нырысетӥез адями
Инсьӧрын ортчытэм дырыз 1 час 48 минут
Вордӥськемын 9-тӥ южтолэзе 1934({{padleft:1934|4|0}}-{{padleft:3|2|0}}-{{padleft:9|2|0}})[1][2][…]
Вордӥськон интыез
Кулэмын 27-тӥ южтолэзе 1968({{padleft:1968|4|0}}-{{padleft:3|2|0}}-{{padleft:27|2|0}})[1][3][…] (34 года)
Кулон интыез
Кинюртэмез Изображение автографа
Данъетъёсыз
Кунсьӧр данъетъёсыз
Позывноез «Кедр»
Логотип РУВИКИ.Медиа Медиафайлъёс РувикиМедиа пушкын

Ю́рий Алексе́евич Гага́рин (9-тӥ южтолэзе 1934, Клушино[d], Западной улос[d], РСФСР, СССР — 27-тӥ южтолэзе 1968, Новосёлово[d], Владимир улос, РСФСР, СССР) — нырысетӥез инсьӧры лобам мурт. СССР-ысь лётчик-космонавт, Совето Союзлэн Героез, пӧртэм кунъёслэн вылӥ данъетъёссылэн кавалерез, Россиысь но кунгожсьӧр каръёслэн Дано кунмуртэзПерейти к разделу «#Почётные звания и награды».

ВВС-ысь полковник (1963), 1-тӥ классъем ожгар лётчик, СССР-ысь спортъя сӥё-дано мастер (1961), ЦК ВЛКСМ-лэн ёзчиез, СССР-ысь Вылӥ Кенешлэн 7-тӥ но 8-тӥ ӧтчамысьтыз депутат.

1961-тӥ арын 12-тӥ оштолэзе Юрий Гагарин дунневыл историын нырысьсэ инсьӧры потӥз[5]. «Восток» ракета-носителен «Восток-1» корабль бортаз Гагаринэн ӵош Казах ССР-ысь Кызылорда улосын интыяськем Байконур  [ӟуч] (удм. космодромысь лэземын вал. 108 минут[6] ӵоже лобамез бере Гагаринлэн кораблез Саратов улосысь Энгельс кар вӧзы азинлыко пуксиз. 1961-тӥ арын 12-тӥ оштолэзь, Юрий Гагаринлэн инсьӧры лобон нуналыз, праздник нуналэн — Инсьӧртодослэн нуналэныз ялэмынПерейти к разделу «#Полёт».

Улон сюресэз

Пинал аръёсыз но дышетскемез

Юрий Алексеевич Гагарин вордӥськиз 1934-тӥ арын 9-тӥ южтолэзе, ужказагъёсын пусъемын РСФСР-лэн Шундыпуксёнпал улосысьтыз Гжатск ёросысь Клушино гурт (али дыре — Смоленск улосысь Гагарин ёрос)[5][7], анай-атаезлэн улон интызыя (пусйиськем интызыя). Фактической вордӥськем интыез — Гжатск карысь нылпи ваён юрт[8] (1968-тӥ арын Гагарин кар шуыса нимамын). Крестьян ужасьёслэн семьяысьтызы потэмын: атаез Алексей Иванович Гагарин (1902-тӥ арын 14-тӥ (27-тӥ) южтолэзе[9] — 1973-тӥ арын 30-тӥ гудырикошконэ[10]) — ӵуписькись, анаез Анна Тимофеевна Матвеева  [ӟуч] (удм. (1903-тӥ арын 20-тӥ толсуре — 1984-тӥ арын 12-тӥ инвожое) — йӧл кыскон фермаысь ужась[комм. 1][11], Ужысь Горд Знамя но Калык Эшъяськон орденъёсын пусъемын. Песятаез Тимофей Матвеевич Матвеев (1871—1918) — Путилов заводысь  [ӟуч] (удм. ужась, XIX даур пумын Санкт-Петербургысь Автовоысь Богомоловской ульчаын улӥз (али — Возрождения).

Тимофей Матвеевич Матвеев — путилов ужась (сверловщик), революционер, Ю. А. Гагаринлэн песятаез
Юрий Гагаринлэн коркаез. Татын со школаын дышетскон аръёсаз улӥз. Гагарин кар (азьвыл Гжатск)

Гагаринъёс куинь пи но одӥг ныл будэтӥзы. Юра куинетӥез пинал вал.

1945-тӥ арын 24-тӥ куартолэзе Гагаринъёслэн семьязы Гжатске улыны выжиз. 1949-тӥ арын куартолэзе Юра куатетӥ классэз йылпумъяз. Со аре ик куарусёнэ Люберцы карысь 10 номеро ремесленной училищее  [ӟуч] (удм. дышетскыны пыриз[12][13], татын со азьло сямен ик духовой оркестрын трубаен шудонзэ азьланьтӥз[14][15]. Со дыре ик ужась егитъёслэн ӝыт школаязы  [ӟуч] (удм. дышетскыны ветлӥз. 1949-тӥ арын 16-тӥ толсуре комсомолэ пыриз[16]. Ӝыт школалэсь сизьыметӥ классэ 1951-тӥ арын куартолэзе йылпумъяз, нош инвожое формовщик-литейщик ӧнеръя отличиен быдтӥз училищеез[5][17].

1951-тӥ арын гудырикошконэ Саратовысь индустри техникумлэн  [ӟуч] (удм. литейной ёзэтаз дышетсконзэ азьланьтӥз, татын ик «Трудовые резервы» нимо ДСО-ысь ӟеч физкультурник но секретарь луэмзэ возьматӥз[16]. 1954-тӥ арын 25-тӥ коньывуонэ нырысьсэ СССР-ысь ДОСААФ-лэн Саратовысь аэроклубаз вуиз. 1955-тӥ арын дышетсконзэ отличиен йылпумъяз но Дубки спортъя аэродромын Як-18 самолётэн нырысьсэ огназ инме ӝутскиз. Татысь аэроклубын Юрий Гагарин 196 пол лобалляз, огъя лобан дырыз ― 42 час 23 минут люкаськиз[5].

Авиациын ужамез

1955-тӥ арын 27-тӥ коньывуонэ Гагаринэз Совето армие басьтӥзы но Оренбурге (со вакытэ — Чкалов кар) К. Е. Ворошилов нимо 1-тӥ ожгар авиацияя училищее  [ӟуч] (удм. келязы. Татын со тодмо лётчик-инструктор Я. Ш. Акбулатов дорын дышетскиз[18][17]. 1957-тӥ арын 25-тӥ коньывуонэ Гагарин дышетсконзэ отличиен йылпумъяз[5].

Кык ар ӵоже Луостариысь (Мурманск улос) 769-тӥ истребительной авиационной полкын[19] ВВС-лэн Уйпал флотэзлэн 122-тӥ истребительной авиационной дивизияз[5] МиГ-15бис ожгар самолётъёсын[19] лобаз. 1959-тӥ арын коньывуонлы огъя лобан дырыз 265 час люкаськиз[5][20]. Татын «3-тӥ классъем ожгар лётчик» квалификация басьтӥз[21]. Ожгар званиез — старшой лейтенант.

Инсьӧр отрядын

Космонавтъёсын отряд кылдытон сярысь но нырысьсэ «Восток-1» кораблен инсьӧры лобыны дасяськон сярысь ЦК КПСС-лэн пумкылъёсыз СССР-ысь Министръёслэн Кенешсылэн 1959-тӥ арын 5-тӥ толшоре кутэм 22-10 номеро Пуктэтаз но СССР-ысь Министръёслэн Кенешсылэн 1959-тӥ арын 22-тӥ куартолэзе кутэм 569—264 номеро Пуктэтаз юнматэмын вал.

Вуоно космонавтъёсты быръён но дасян ужпумъёсты СССР-ысь Ожгар-омыр кужымъёс быдэсъязы. Чакламъя 20 кандидат бырйыны кулэ вал.

1959-тӥ арын 9-тӥ толсуре Гагарин космонавтэ кандидатъёслэн группаязы кутон сярысь куриськонэн рапорт гожтӥз. Арня ортчыса, сое Мускоысь Центральной научно-исследовательской авиационной госпитальын тазалыксэ эскерон понна ӧтизы. 1960-тӥ арлэн кутсконаз эшшо одӥг нимысьтыз медкомиссия пыр потэмез бере, старшой лейтенант Гагаринлэн тазалыкез инсьӧр лобанъёслы тупа шуыса, пумкыл гожтӥзы.

1960-тӥ арын 11-тӥ толшоре ВВС-лэн Главнокомандующиез К. А. Вершинин  [ӟуч] (удм. космонавтъёсты дасянъя нимысьтыз 26266 номеро ожгар часть (в/ч) кылдытон сярысь приказ гожтӥз (берлогес со часть ВВС-лэн космонавтъёсты дасянъя центрезлы пӧрмытэмын вал). К. А. Вершинин Главнокомандующийлэн 1960-тӥ арын 3-тӥ южтолэзе гожтэм приказэзъя Ю. А. Гагарин вуоно космонавтъёслэн группаязы кутэмын, нош 11-тӥ южтолэзе Гагарин семьяеныз валче службазэ нуон выль интые выжиз. 25-тӥ южтолэзьысен космонавтъёсты дасян программая  [ӟуч] (удм. яланлыко занятиос кутскизы[22].

Космонавтэз быръён но дасян

Валтӥсь статья: Нырысьсэ иньсьӧры лобӟыны космонавтъёсты быръён  [ӟуч] (удм.

Нырысьсэ инсьӧры лобыны мылкыд карисьёс Гагарин сяна но вал; ваньзэ-ӧвӧлзэ соос кызь кузя люкаськизы (СССР-ысь космонавтъёслэн нырысетӥ отрядзы  [ӟуч] (удм.). Ожгар лётчик-истребительёс пӧлысь устооссэ Королёв  [ӟуч] (удм. ачиз бырйылӥз, солэн малпамезъя, лётчикъёс троссэ вормыны, секыт югдурысь потыны быгатылӥзы но давление воштӥськон учыръёсы шедьылӥзы ни. Озьы ке но, космонавтъёсты бырйыку, одно ик медицинской, психологической но мукет тодметъёсты чаклазы, кылсярысь: арлыдыз 25-30 арес, ӝуждалаез 170 см, секталаез 70—72 кг[23]. Озьы ик учкизы, вылӥын но стратосфераын воштӥськонъёслы ӝог дышыны быгатэмзэ, реакциезлэсь ӝоглыксэ, огъя чиданлыксэ, сямызъя лап-лап луэмзэ. Официальной луись служебной характеристикая, Юрий Гагаринлэн ӝуждалаез 165 см вал[24], мукет источникъёсын, кылсярысь, «Европаысь инсьӧр агентство  [ӟуч] (удм.» ивортэмъя,[25], 157 см вал[26][27]. Ӝуждалая но секталая куронъёс «Восток» инсьӧр корабльлэн тодметъёсызъя пусъемын вал, соос «Восток» ракета-носительлэн кужымез бордысь потылӥзы. Со сяна, лыдэ басьтэмын вал кандидатъёслэн характеристиказы, партие пыриськемзы (Гагарин КПСС-сэ ёзчие кандидат 1959-тӥ арын луиз, нош партие 1960-тӥ арын инвожо толэзе пыриз), политикаын мыло-кыдо луэмзы, кыӵе семьяын будэмзы[28].

1961-тӥ арын 8-тӥ оштолэзе «Восток» кораблез лэзёнъя Кун ӧрилэн мурт синъёслэсь пытсам кенешонэз ортчиз, соин кивалтӥз СССР-ысь Министръёслэн Кенешсылэн оборонной техникая комитетлэн тӧроез К. Н. Руднев  [ӟуч] (удм.. Ӧри историын нырысьсэ адямилы инсьӧры лобон сярысь ужпумез юнматӥз. Сое гожтӥзы С. П. Королёв но Н. П. Каманин  [ӟуч] (удм.:

180-230 иськем ӝуждалаын 1 час но 30 минут ӵоже одӥг пол Музъемез котыртоно но чаклам интые пуксёно. Лобӟонлэн ужпумез — нимысьтыз дасям корабльын адямилэсь инсьӧрын улыны луонлыксэ эскерон, корабльысь оборудованиез уж вылын эскерон, корабльлэсь Музъемен герӟаськемзэ эскерон, корабльлэсь но космонавтлэсь музъем вылэ берытскон тӥрлыклэсь ӟечлыксэ эскерон.

Та ӧрилэн кенешаз ик отчы пыриськисьёс Юрий Гагаринэз лобыны лэзён но Титовез запасной космонавтэ кутон сярысь Каманинлэсь ӵектоссэ юнматӥзы[29][30].

Инсьӧры лобон

Валтӥсь статьяос: Восток-1  [ӟуч] (удм. и Адямилэн инсьӧры нырысетӥ лобонэз  [ӟуч] (удм.

1961-тӥ арын 12-тӥ оштолэзе Москвая 09:07 часкын (06:07 UTC-ъя) Байконур космодромысь «Восток» корабль лэземын вал, солэн бортаз нырысьсэ инсьӧры ӝутскиз пилот-космонавт Юрий Алексеевич Гагарин.

Гагарин лобыны старт азьын
Полигонъя дежурнойлэн журналаз гожтэм

«Восток» ракета-носитель нокыӵе могӟетъёстэк ужаз, но ужпумез йылпумъяку, радиоуправления сӧзнэт ӧз ӝуатскы — со 3-тӥ ступеньысь двигательёсты кысыны кулэ вал. Двигательёс дублирующий механизмлэн (таймерлэн) ӝуатскемез бере гинэ кысӥзы, но корабль со дыре орбитае ӝутскемын ни вал. Солэн тужгес вылӥ точкаез азьвыл лыдъямлэсь 100 иськемлы ӝужытынгес вылэм: орбиталэн параметръёсыз 327×180 иськемын[31]. Сыӵе орбитаысь «аэродинамикая торможение» амалэн васькон 20-сен 50 нуналозь кыстӥськысал[31][32].

Орбитаысен Гагарин ас шӧдонъёсыз но чакланъёсыз, корабльын воштӥськонъёс сярысь ивортылӥз. Иллюминатор пыр Музъемез но солэсь вылтуссэ чаклаз. Музъемлэн вужеретӥз ортчыкуз, инбамез, гурезьёсты, сикъёсты, шуръёсты, зарезьёсты, Шундыез но мукет кизилиосты адӟиз.

Юрий Походаевлэн «Ю. А. Гагарин но С. П. Королёв» нимо суредэзлы репродукция. Триптихлэн шор люкетэз «Улон понна» нимаське, 1977

Музъемез огпол котыртыса, 10:53 часкын 106-тӥ минутаз корабль пуктэм ужпумез быдэстӥз. Дугдытон сӧзнэт сӧриськемен, Гагаринэн лэзёно аппарат, Сталинградлэсь 110 иськемлы палэнэ пуксем интые, Саратов улосысь Энгельслы матын луись Смеловка но Подгорное гуртъёс вискы пуксёно луиз. 10:48 часкын матысь зенитно-ракетной дивизионлэн радарез[33] тодмотэм целез синйылтӥз — со лэзёно аппарат вал (зенитчикъёсты уй-нунал азьвыл куризы, «инмысь контейнеръёсты» мед чаклалозы шуыса).

Музъем вылын космонавтэз нырысь ик адӟыны кемдӥзы та интыысь нюлэсчилэн кузпалыз Анна (Анихайят) Тахтарова но солэн куать аресъем Рита (Румия) внучкаез[34]. Ӝоген пуксён бервылэ дивизионысь ожгарчиос но интыысь колхозникъёс вуизы. Ожгарчиос пӧлысь огез группа лобан аппаратэз утёно кариськиз, нош мукетыз Гагаринэз частязы нуиз. Отысен Гагарин телефон пыр ПВО дивизилэн командирезлы ужпумез азинлыко быдэстэмез сярысь ивортӥз: «ВВС-лэн главкомезлы вераны курисько: ужпумез быдэстӥ, чаклам ёросэ пукси, асме умой шӧдӥсько, шуккиськем но тӥяськем интыосы ӧвӧл. Гагарин»[35].

Статистика[36]
# Старт
корабль		 Старт, UTC Экспедиция Пуксёно
корабль		 Пуксён, UTC Лобӟон Инсьӧры
потанъёс		 Инсьӧрын
ортчытэм дыр
1 Восток-1 12.04.1961, 06:07 Восток-1 Восток-1 12.04.1961, 07:55 00 суток 01 час 48 минут 0 0

Совето СМИ-ын ивортон

Инсьӧры нырысетӥ адямиез лэзён лушкем вал бере Гагаринэз келян сярысь ивор нырысь-валысь нокытын ӧз вӧлмы. Со сярысь тодмо луэм кадръёсты инсьӧры келян нуналэ гожтэмын ӧй вал — бӧрьысьгес кинохроника понна нимысьтыз лэсьтэмын, отын зэмос запуск дыръя сямен ик Гагарин ваньзэ озьы ик кариз[37].

1961-тӥ арын 12-тӥ оштолэзе диктор Ю. Б. Левитан  [ӟуч] (удм. «Восток» инсьӧр корабльын Юрий Гагаринлэн лобемез сярысь ТАСС ивортонэз радио пыр вераз[38]ː

«1961-тӥ арын 12-тӥ оштолэзе Совето Союзын Музъем котырысь орбитае келямын бортаз адямиен дуннеысь нырысетӥез „Восток“ инсьӧр корабль-спутник. „Восток“ инсьӧр корабль-спутниклэн пилот-космонавтэз луэ Совето Социалистической Республикаослэн Союзысьтызы гражданин лётчик майор Гагарин Юрий Алексеевич».

Инсьӧры лобам бере

Мускоын пумиськон

Мускоын Гагаринэз сиё-дано пумитаны нырысь-валысь нокин уг меды вал. Н. С. Хрущёв  [ӟуч] (удм. берпуметӥ минутаз решение кутӥз. Сергей Хрущёв пиезлэн верамысьтыз:

Нырысь ик со обороная министр маршал Малиновскийлы жингыртӥз но шуиз: «Со тӥляд старшой лейтенант луэ. Званизэ али ик будэтоно». Малиновский мылкыдтэк вазиз, Гагаринлы капитан звание сётоз шуыса. Тае кылыса, Никита Сергеевич йыркуръяськиз: «Кыӵе капитан? Тӥ сое майорозь ке но ӝутэ». Малиновский кема ваменъяськиз, но Хрущёв аслаз кыл вылаз сылӥз, со нуналэ Гагарин майор луиз.

Отӥяз Хрущёв Кремле жингыртӥз но Гагаринэз умой пумитаны куриз.

Мукет ивортонъёсъя, капитан звание Гагаринлы 1961-тӥ арын оштолэзе сётӥськыны кулэ вал, но Д. Ф. Устинов ӵектӥз соку ик майорозь ӝутыны. Та званиен пусъён сярысь приказ стартлэсь азьвыл ик дасямын вал, но Юрий Гагарин майор сярысь званиез пумысен музъем вылэ пуксемез бере гинэ тодӥз[39]. ТАСС-лэн вань ивортонъёсаз 12 оштолэзе «майор Юрий Гагарин» сярысь верамын вал ни.

14-тӥ оштолэзе Гагаринэз нуон вылысь вуиз Ил-18, нош Муское вуон азязы самолёт борды итӥськиз сизьым МиГ-17 истребительёслэсь кылдытэм дано авиацияя эскорт. Эскортэн самолётъёс сӥё-дано строен ортчизы Мусколэн шор вадьсытӥз, Горд карлуд вадьсытӥ, собере Внуково аэропортэ пуксизы, татын Гагаринэз зол пумитазы: гужйись калык, журналистъёс но операторъёс, кунэн кивалтӥсьёс. Самолёт аэропортлэн валтӥсь юртэз доры кожиз, трапсэ лэзиз, со вылтӥ нырысь ик васькиз Гагарин. Самолётысен правительственной трибунаос дорозь яркыт-горд выжлёгет вӧлдэмын вал, со вылтӥ ик вамыштӥз Юрий Гагарин. Сюрес вылаз ботинкаысьтыз шнурокез пертчиськиз (мукет веранъёсъя — носкиосты кутӥсь подтяжкаез), но со, канжаськыны но усьыны быгатоз шуыса учкытэк, дугдылытэк вуиз кивалтэт трибунаос дорозь[40] «Мы рождены, чтоб сказку сделать былью» совето авиамаршез быдэстӥсь оркестрлэн шудэмез улсын. Трибунаос дорозь матэктыса, Юрий Гагарин Никита Хрущёвлы вераз[41]:

Товарищ Совето Союзысь Коммунистической партилэн Центральной Комитетэзлэн Нырысетӥ секретарез, СССР-ысь Министръёслэн Кенешсылэн Тӧроез! Шумпотыса ивортӥсько тӥледлы, Коммунистической партилэн Центральной Комитетэзлэн но Совето правительстволэн ужпумез быдэстэмын…

Отӥяз, «ЗИЛ-111В» машинаын мыныса, Гагарин сылыса пумитаз сое пумитасьёсты. Котыр кылӥськизы ӟечкыланъёс, уноез кышетъёсын шоналлязы. Одӥг адями котыртэмысь мозмытскиз но Гагаринлы букет кузьмаз. Горд карлудын митинг ортчиз, отын Никита Хрущёв Гагаринлы Совето Союзысь Герой но «СССР-ысь лётчик-космонавт» нимын пусъён сярысь ивортӥз.

Митинг 3 часъем стихийной демонстрацилы пӧрмиз, сое Юрий Гагарин но совето кунлэн кивалтӥсьёсыз Ленин мавзолейлэн трибунаысеныз пумитазы. Демонстрация йылпумъяськем бере Никита Хрущёв Гагаринэз келяз мавзолей пушкы, саркофаг доры[41]. Сӥлы карон азинтӥськиз Кремльын приём дыръя, ужрадэ со вакытэ нимъёссэс официально шараяны лэзьымтэ уно конструкторъёс пыриськизы. Леонид Брежнев  [ӟуч] (удм. Гагаринэз пусйиз Совето Союзлэн Героезлэн «Зарни Кизили» медаленыз но Ленин орденэн. Со нуналэ вордӥськем пиналъёссэс уноез анай-атайёс, Гагаринлы сӥзьыса, Юрий нималлязы.

Мукет нуналаз пресс-конференция радъяськиз, отын Гагаринлы но конструкторъёслы юанъёс сётъязы кунгож сьӧрысь журналистъёс. Конференция кутскиз Гагаринлы юан бордысен, США-ын улӥсь Гагарин князьёслэн выжыысьтызы потэмын ӧвӧл-а шуыса. Талы Гагарин валэктӥз[41]: «Ӵыжы-выжыосы пӧлын нокыӵе князьёсты но бадӟым выжыысь адямиосты уг тодӥськы, соос сярысь ноку ӧй кылылы».

Кунгож сьӧры потан

Валтӥсь статьяос: Юрий Гагаринлэн кунгож сьӧры потамъёсыныз список  [ӟуч] (удм. и Юрий Гагаринлэн потамъёсызлы сӥзем почта маркаосын список  [ӟуч] (удм.

Юрий Гагаринлэн кунгож сьӧры нырысетӥез потэмез луиз Чехословакия. Со огшоры рейсовой Ту-104 самолётэн Прагае лобӟиз. Гагарин озьы ик Болгарие, Финляндие, Великобритание, Польшае, Кубае, Кюрасао шормуӵе дугдылыса, Бразилие вуылӥз, Канадае Исландия пыр лобалляз, Венгрие, Индие, Цейлонэ (али Шри-Ланка), Афганистанэ ветлылӥз. 1962-тӥ арын Гагарин Огазеям Араб Республикае (Египет) вуылӥз

Юрий Гагарин Египетэ кунгож сьӧры визитэн потан дыръяз, 1962-тӥ арын 5-тӥ тулыспалэ

1963-тӥ арын куарусёнэ Гагарин Париже ветлӥз, татын астронавтикалы сӥзем XIV калыккуспо конгрессэ пыриськиз[42][43]. 1963-тӥ арын коньывуонэ В. Терешковаен ӵош ООН-лэн Нью-Йоркысь штаб-квартираяз вуылӥз[44].

Ваньзэ-ӧвӧлзэ Юрий Гагарин кунгож сьӧры визитэн потан улсын оглом 30 кунэ вуылӥз[45][46].

Азьлань улонэз но ужез

1961-тӥ арын 3-тӥ куарусёнэ Юрий Гагарин Жуковский нимо военно-воздушной инженерияя академие  [ӟуч] (удм. пыриз, нош 1968-тӥ арын 17-тӥ тулыспалэ С. М. Белоцерковский кивалтэм улсын диплом проектсэ утииз, со сӥземын вал кылзӥсьёслэн-космонавтъёслэн группаенызы дасям одӥг интыен воздушно-космической лобась аппаратэз уже кутон методологилы но дозвуковой аэродинамикалы. Экзамен кутӥсь кун комиссия полковник Юрий Гагаринлы «лётчик-инженер-космонавт» квалификация сётӥз но ӵектӥз сое академилы адъюнктуре[47].

Космонавтъёс: Юрий Гагарин (туспуктэмын паллянысен куинетӥез), Виктор Горбатко Долгопрудныйын эшъёсыныз пукон дыръя, 1963-тӥ арын 19-тӥ гудырикошконэ
Совето космонавтъёс паллянысен бур пала: Павел Попович, Юрий Гагарин, Валентина Терешкова телевиденилэн студияз, Муско. 1964-тӥ арын 1-тӥ толшоре

1964-тӥ арын Гагарин Космонавтъёсты дасянъя центрлэн кивалтӥсезлэн воштӥсез луиз, сое совето космонавтъёслэн отрядзылы командире юнматӥзы.

Гагарин СССР-ысь Вылӥ Кенешлэн 6-тӥ (1962-тӥ арын Союзлэн Кенешаз Сычёвской округъя) но 7-тӥ (1966-тӥ арын Йӧскалык ужпумъёсъя Кенеше) ӧтчамъёсаз депутатэ бырйиськылӥз[48], ЦК ВЛКСМ-лэн ёзчиез вал (ВЛКСМ-лэн XXIV но XXV ӧтчамъёсаз бырйиськылӥз), «Красная Звезда» газетлэн штатэ пырисьтэм космонавтикая ёзэныз кивалтӥз (1964-тӥ арысен). Со сяна, инсьӧре лобамез сое данэ поттӥз, кунгож сьӧрын тодмамон адями луиз. Гагарин совето-кубинской эшъяськонъя обществолэн президентэз[49], «Финляндия — СССР» обществолэн дано ёзчиез вал, со дуннеысь уно кунъёсы тупаса улонлэн но эшъяськонлэн миссиеныз вуылӥз.

1965-тӥ арын Гагарин вашкала синпелетъёсты утён пумысен вазиськонэн потӥз, Мускоын Христос Спасительлэсь храмзэ 1931-тӥ арын куашкатэмзы пумысен жалямзэ ивортӥз. 1965-тӥ арын 27-тӥ толсуре ЦК ВЛКСМ-лэн VIII пленумаз Гагарин пусйиз: «асьмеос геройлыко ортчем улонлы гажан мылкыд тырмыт ум пыӵатӥське на, ӵем дыръя синпелетъёсты утён сярысь ум малпаськиське. Мускоын куштэмын но аналтэмын вал 1812-тӥ арысь Триумфальной арка, куашкатэмын вал быдэс кунэн люкам уксёен Наполеонэз вормонлы сӥзьыса ӝутэм Христос Спасительлэн храмез. Ортчемзэ варвар кадь быдтон учыръёсты азьланьтыны быгатысал на. Таӵе примеръёс, жаляса верано луэ, трос»[50][51]. Отӥяз Гагаринэн пусъем кыкез но объектъёс выльысь ӝутэмын вал, Триумфальной капкаосты Кутузов проспектэ 1966-тӥ—1968-тӥ аръёсы ик пуктӥзы, космонавт тае адӟыса вуттӥз на; мукет мерлыко ӵектосъёс пӧлысь солэсь дэмланъёссэ, вылды, кивалтӥсьёс санэ басьтылӥзы.

1966-тӥ арын Гагаринэз Астронавтикая калыккуспо академие дано ёзчие бырйизы, со арын ик инвожое Гагарин «Союз  [ӟуч] (удм.» программая тренировкаос борды кутскиз. Со выль кораблен нырысьсэ лобӟем Владимир Комаровлы  [ӟуч] (удм. дублёре юнматэмын вал. Шундылэсь ужась батарея тӥяськемен, лобонэз дырызлэсь вазь дугдытӥзы, парашют сӧзнэтын шуг-секытъёс кылдэмен, космонавт быриз. Королёв улэп луысал ке, Гагарин «Союз-1» корабльлэн валтӥсь пилотэз луыса, вылды, Королёв сое выль типъем корабльын лобӟыны оскытӥз вал[52].

Ужез трос ке но вал, Гагарин хоббиезлы но дыр шедьтылӥз: ву куасъёсын нискылалляз но кактусъёсты люкалляз[53].

Кремльлэн борддорысьтыз шайгу плита
Бразилилэн президентэз Жаниу Куадруш Ю. А. Гагаринэз бразилия орденэн сӥлы каре (1961)
Огазеям Араб Республикаысь уксё лэсьтон дворен ӵыжатэм капка усьтон

1964-тӥ арын, Ю. А. Гагарин сюлмаськемен, СССР-ысь ву куасъёсын споръя федерация кылдытэмын вал, нош 1965-тӥ арын СССР-ысь ву куасъёсын ӵошатсконъя нырысетӥез чемпионат радъяськиз[54].

Быронэз

Валтӥсь статьяос: Юрий Гагаринлэн быронэз  [ӟуч] (удм. и Юрий Гагаринэз но Владимир Серёгинэз ватон  [ӟуч] (удм.

1968-тӥ арын 27-тӥ южтолэзе Гагарин Владимир улосысь Киржач ёросысь Новосёлово гурт котырын, В. С. Серёгин  [ӟуч] (удм. инструктор кивалтэм улсын МиГ-15УТИ самолётэн дышетон сямен лобакузы, авиакатастрофаын бырыны шедиз. Гагаринлэн но Серёгинлэн мугоръёссы кремация пыр сутэмын вал. Гагаринэн но Серёгинэн пыраклы люкиськон 1968-тӥ арын 30-тӥ южтолэзе ортчиз. Совето Армилэн Шор юртаз пененызы урнаос пуктэмын вал, Горд карлудын траур митинг радъяськиз, кунын чус улон минут ялэмын вал. Гагаринлэн но Серёгинлэн пеньлы пӧрмытэм мугоръёсынызы урнаос Кремльлэн борддораз ожгар данъянэн ватэмын вал[55].

Дано нимъёсыз но данъетъёсыз

Дано нимъёсыз

Основной источник: [56]
  • Совето Союзлэн Героез (1961-тӥ арын 14-тӥ оштолэзе, 11175 номеро «Зарни Кизили» медаль);
  • СССР-ысь лётчик-космонавт (1961-тӥ арын 27-тӥ инвожое);
  • ЧССР-ысь Социалистической Ужысь Герой (1961-тӥ арын 29-тӥ оштолэзе);
  • Социалистической Ужысь Герой (НРБ) (1961-тӥ арын 24-тӥ куартолэзе);
  • Вьетнамысь Ужысь Герой (1962-тӥ арын 28-тӥ оштолэзе).

Совето правительство озьы ик Ю. А. Гагаринэз старшой лейтенантысен соку ик майор званиозь ӝутӥз (инсьӧры старшой лейтенант нимын лобӟиз).

«Подполковник» звание Юрий Гагаринлы сётэмын 1962-тӥ арын 12-тӥ инвожое, нош «полковник» звание — 1963-тӥ арын 6-тӥ шуркынмонэ.

  • Совето-кубинской эшъяськонъя обществолэн президентэз;
  • «Финляндия — Совето Союз» обществолэн но мукет огазеяськонъёслэн дано ёзчиез.

1966-тӥ арысен Юрий Гагарин Астронавтикая калыккуспо академилэн дано ёзчиез вал.

  • СССР-ысь спортъя дано мастер (1961, ним сётэмын инсьӧры лобамез но инсьӧрын нырысетӥ дунневыл рекордъёс пуктэмез понна[21][комм. 2]);
  • 1-тӥ классъем ожгар лётчик (1961, квалификация сётэмын инсьӧры лобамез понна)[21].

Орденъёсыз

Основной источник: [53][56][57]
  • Ленинлэн орденэз (СССР, 1961-тӥ арын 14-тӥ оштолэзе);
  • «Георгий Димитров» нимо орден (Болгария, 1961-тӥ арын 24-тӥ куартолэзе);
  • Индонезилэн Кизилиез II классъем орден (Индонезия, 1961-тӥ арын 10-тӥ инвожое);
  • «Грюнвальдлэн Киросэз» нимо I степенё орден (Польша, 1961-тӥ арын 20-тӥ инвожое);
  • «Плайя-Хирон» орденлэн нырысетӥ кавалерез (Куба, 1961-тӥ арын 18-тӥ пӧсьтолэзе);
  • «Инметӥ лобанын вормонъёс понна» орден (Бразилия, 1961-тӥ арын 2-тӥ гудырикошконэ);
  • ВНР-лэн Знамяезлэн бриллиантъёсын I степенё орденэз (Венгрия, 1961-тӥ арын 21-тӥ гудырикошконэ);
  • «Ниллэн орденэз» (Египет, 1962-тӥ арын 31-тӥ толшоре);
  • Африка Кизилилэн орденэз бадӟым лента (Либерия, 1962-тӥ арын 6-тӥ тулыспалэ);
  • Карл Маркслэн орденэз (ГДР, 1963-тӥ арын 22-тӥ коньывуонэ).

Медальёсыз но дипломъёсыз

Источник[56].

  • СССР-ысь Ожгар кужымъёслы 40 ар" юбилей медаль (СССР, 1958);
  • «Целина музъемъёсты ӝутэм понна» медаль (СССР, 1961-тӥ арын 12-тӥ оштолэзе);
  • «Зарни Кизили» медаль (СССР, 1961-тӥ арын 14-тӥ оштолэзе);
  • Планетаос куспын кусып возёнъя Британ обществолэн зарни медалез (1961);
  • Австриысь правительстволэн зарни медалез (1962);
  • «1941-тӥ—1945-тӥ аръёсысь Быдӟым Атыкай ожын вормонлы кызь ар» юбилей медаль (СССР, 1965-тӥ арын 9-тӥ куартолэзе);
  • «Тыро-пыдо служба понна» III степенё медаль (СССР, 1966-тӥ арын южтолэзе);
  • «СССР-ысь Ожгар кужымъёслы 50 ар» юбилей медаль (СССР, 1968-тӥ арын толшоре);
  • «Планетаос куспын кусып тупатон удысын вормонъёс понна» Константин Циолковский нимо зарни медаль (СССР-ысь АН);
  • Медаль де Лаво (Аэронавтикая калыккуспо федерация);
  • Италиысь космонавтикая ассоциацилэн зарни медалез но «Адями инсьӧрын» дано дипломез;
  • Швецилэн «Юн висъяськем понна» зарни медалез но Королевской аэроклублэн данъян дипломез;
  • ФАИ-лэн авиацияя зарни медалез;
  • Колумблэн медалез (Италия);
  • Сен-Дени карлэн зарни медалез (Франция);
  • Маццотти фондлэн «Дӥсьтон понна» премилэн зарни медалез (Италия) (2007);
  • ВЛКСМ-лэн данъян пусэз;
мукетъёсыз

Дано кунмуртлык

Юрий Гагарин таӵе каръёслы дано кунмуртэ быръемын вал:

  • СССР — Байконур, Калуга, Новозыбков, Клинцы, Новочеркасск, Люберцы, Сумгаит, Смоленск, Винница, Севастополь, Саратов, Комсомольск-на-Амуре, Тюмень, Гагарин[58];
  • Россия — Оренбург, Щёлковской ёрос[59];
  • Болгария — София, Перник, Пловдив;
  • Греция — Афины;
  • Кипр — Фамагуста, Лимасол;
  • Франция — Сен-Дени;
  • Чехословакия — Тренчьянске Теплице.

Солы озьы ик сётэмын вал Каир но Александрия (Египет) каръёсысь капкаослэн зарни усьтонъёссы[56][60]. Каир капкаослэсь усьтонзэ 1962-тӥ арын карысь губернатор Салах Дессуки висъяз[61].

Уксёен сӥлы карон

Премия чот нырысетӥ космонавт СССР-ысь правительстволэсь басьтӥз:

  • 15 000 совето манет;
  • «Волга» автомобиль (78-78 МОД номерез);
  • службазэ нуон интыысь мебелен ньыль комнатаем квартира;
  • уно кузьымъёс[62][56].

Ожгар званиосыз

  • Сержант (22.02.1956);
  • Лейтенант (5.11.1957);
  • Старшой лейтенант (6.11.1959);
  • Майор (12.04.1961, капитан ожгар званиез тэтчыса);
  • Подполковник (12.06.1962);
  • Полковник (6.11.1963).

Семьяез

  • Песятаез (атаезъя) — Иван Фёдорович Гагарин (1858—1914), крестьян, плотник, столяр.
    Путилов заводын ужась Тимофей Матвеевич Матвеев Анна Егоровна кышноеныз но нылпиосыныз. Кыкетӥ радын (паллянысен бур пала): Николай, Сергей, Анна (Гагаринлэн вуоно мумиз, пеймыт сяськаен сылэ), Мария; нырысетӥ радын — Ольга
Юрий Гагарин Валентина кышноеныз чабо Мускоысь Бадӟым театрын «Турандотэз» 1964-тӥ арын возьматэм «Ла Скала» театр труппалы
  • Песятаез (анаезъя) — Тимофей Матвеевич Матвеев (1871—1918), Путилов заводын ужась, революционер. Нырысетӥ дунневыл ож вакытэ сӧсыр кылиз.
  • Песянаез (анаезъя) — Анна Егоровна Матвеева (1875—1922), мисьтаськись, дӥсь миськеменыз уксё поттылӥз. Кӧткыльлэсь (ӟуч: тиф) кулӥз.
  • Песянаез (атаезъя) — Анастасия Степановна Гагарина (1864—1928).
  • Атаез — Алексей Иванович Гагарин (1902—1973), пастух, плотник луыса тыршиз, Быдӟым Атыкай оже пыриськиз но отын сӧсырмиз; ФЗУ школаын комендант, «Динамик» заводын столяр вал. Гагарин карысь Предтеченской шайвылысь валтӥсь аллеяе ватэмын.
  • Анаез — Анна Тимофеевна Матвеева (1903—1984), бусыын но теплицаын тыршиз, отӥяз скал кыскись но парсь фермаен кивалтӥсь вал. Гагарин карысь Предтеченской шайвылысь валтӥсь аллеяе ватэмын.
  • Апаез — Зоя Алексеевна Гагарина (бызем нимыз — Бруевич, 1927—2004), Гжатск больницаын эмсузэр вал. Гагарин карысь Предтеченской шайвылысь валтӥсь аллеяе ватэмын. Солэн Тамара Дмитриевна Филатова нылыз — Ю. А. Гагаринлэн музейысьтыз ёзэн кивалтӥсь (Гагарин кар)[63].
  • Агай-вынъёсыз:
    • Валентин Алексеевич Гагарин (1924—2006), Рязаньысь радиоламповой заводын плотник, отӥяз мастер, слесарь-сборщик луыса тыршиз, «Мой брат — Юрий» книгалэн авторез. Гагарин карысь Предтеченской шайвылысь валтӥсь аллеяе ватэмын.
    • Борис Алексеевич Гагарин (1936—1977), Харьковысь авиацияя институтэз йылпумъяз. ОКБ-23-ын тыршиз, отӥяз Гжатскысь радиоламповой заводын инженер вал. Гагарин карысь Предтеченской шайвылысь валтӥсь аллеяе ватэмын.
  • Кышноез — Валентина Ивановна Гагарина  [ӟуч] (удм., ныл нимыз — Горячева (1935—2020). Кузпалъяськизы 1957-тӥ арын Оренбургын. Лобанъёсын кивалтонъя центрын медициная управлениысь лабораториын ужаз[64][65]. Оренбургын улэм семьялэн юртаз отӥяз Юрий но Валентина Гагаринъёслэн музей-квартиразы усьтэмын вал.
  • Нылъёсыз:
    • Елена Юрьевна Гагарина  [ӟуч] (удм. (ворд. 1959-тӥ арын 17-тӥ оштолэзе) — «Муско Кремль» музей-заповедниклэн валтӥсь директорез, искусствоведениея кандидат;
    • Галина Юрьевна Гагарина  [ӟуч] (удм. (ворд. 1961-тӥ арын 7-тӥ южтолэзе) — профессор, Россиысь Г. В. Плеханов нимо экономикая университетысь йӧскалык но улос экономикая кафедраен кивалтӥсь, экономика наукаосъя доктор[66].

Оскон шоры учконэз

Космонавт оскон шоры учконзэ аслаз книгаяз тазьы гожтэ[67]:

Адямилэн космосэ лобӟемез черкын ужасьёслы туж зол шуккет сётӥз. Мыным ыстэм уно гожтэтъёсысь шумпотыса лыдӟылӥ оскисьёслэн наукалэн азинсконъёсыз улсын инмарлэсь куштӥськемзы сярысь, соос соглаш луылӥзы, инмар ӧвӧл шуыса но солэн нимыныз вань герӟаськемез — со юри малпан но кулэтэм уж.

Но Виктория университетысь Тревор Роквелл историклэн лыдъямезъя, та книгаез («Дорога в космос») условно гинэ автобиографической шуыны луэ, пуштросэз шоры бадӟым скептицизмен учконо. Роквелл пусйылӥз со фактэз: книгаез Гагаринлэн верамезъя гожтӥзы «Правда» газетысь корреспондентъёс Н. Денисов но С. Борзенко, нош редакторез вал вылӥ генерал Николай Каманин (та титул бамаз но пусъемын)[68]. Озьыен, официальной «автобиографиез» осконлы пумит мытэм кампанилэн пропагандая тӥрлыкез луыны быгатэ вал, со Юрий Гагаринлэсь мылкыдъёссэ рос-прос возьматытэк но кельтӥз, вылды.

Гагаринлэн оскон шоры учконэзъя мукет учыр но вань, со «Дорога в космос» книгаяз та пумысен верамезлы воксё пумит луэ. Россиысь космонавтъёсты дасянъя центрысь огез ужась Валентин Петров «Интерфакс-религия» агентстволы интервьюаз ивортӥз Музъемысь нырысетӥ космонавтэн Троице-Сергиев лаврае вуылэмзы сярысь[69]:

Юрий Алексеевич, вань ӟуч адямиос сямен ик, чукындыремын вал, мон тодэмъя, оскись вал. Мон понна вунонтэм кылиз ӵошен Троице-Сергиев лаврае 1964-тӥ арын ветлэммы, Гагаринлы соку ӵапак 30 арес тырмиз. <…> Лаврае лыктэммы бере, со доры лачак калык кинюртэмзэ басьтыны матэктӥз. Служба йылпумъяськыса ӧз вутты на, Гагарин сярысь кылыса, адямиос вуизы. Тӥни макем зол калык Юраез яратылӥз, со нокинэ но ӧз палэнты.

Озьы ик Валентин Петров вералляз Гагаринлэн Христос Спасительлэсь храмзэ выльысь ӝутыны ӵектэмез пумысен[69]:

Ветлэммы бере кӧня ке дыр ортчыса, Юрий Гагарин, ЦК-лэн пленумезлэн кенешаз, егитъёсты нодъян-будэтон сярысь ужпум ӝутыкуз, Христос Спасительлэсь храмзэ ожгар данлыкъя синпелетэз сямен, православиысь учкымон произведениез сямен выльысь ӝутыны ӵектӥз. Со дыре ик со дэмлаз выльысь пуктыны со вакытэ куашкатэм Триумфальной аркаез. Гагаринлэн мотивез туж огшоры вал: ас выжыостэ тодытэк, патриотизм мылкыдэз ӝутыны уг яра. Христос Спасительлэн храмез — со ожгар данлыкъя синпелет бере, Родиназэс утьыны мынӥсь адямиос со сярысь тодыны кулэ.

Но Петров Гагаринлэсь кылъёссэ умойтэм вераз. Юрий Алексеевич номыр но ӧз поттылы выльысь ӝутон сярысь но, «православиысь учкымон произведение» сярысь но. ЦК ВЛКСМ-лэн VIII пленумаз вазиськоназ (текстлэн оригиналэз: Россиысь мерлыко политикая историяя кун архив, 1 номеро фонд, 2-тӥ опись, 2-тӥ люкет, 471-тӥ утёно единица) Гагарин тазьы шуиз[70]:

Мон лыдъямъя, геройлыко ортчем улонлы гажан мылкыд тырмыт ум пыӵатӥське на, ӵем дыръя синпелетъёсты утён сярысь ум малпаськиське. Мускоын куштэмын но аналтэмын вал 1812-тӥ арысь Триумфальной арка, куашкатэмын вал быдэс кунэн люкам уксёен Наполеонэз вормонлы сӥзьыса ӝутэм Христос Спасительлэн храмез. Ортчемзэ варвар кадь быдтон учыръёсты азьланьтыны быгатысал на.

Daily Mirror, Гагаринэз ӟечкылан

Космонавт Алексей Леонов югдурлы таӵе комментарий сётӥз[70]:

Мыным ярасьтэм тенденция али кылдӥз. Совето вакытэ вань космонавтъёс — одно ик атеистъёс шуыса веран юнмамын вал ке, али соосты ваньзэсты ӵемысь возьматыны тыршо православной, черке пырем адямиосты сямен. Зэм, совето аръёсы Инмарлы оскисьтэмъёсыз ӧй вал шуыны луоз, уноез Инмарлы оскылӥзы, но та учырын уг яра вераськыны, Гагарин Христос Спасительлэсь храмзэ выльысь ӝутыны кужмысь куре вал шуыса, кылъёссэ но йылтыны уг яра. Тӥ азьын зэмос ужкагаз, отын адӟиське, Гагарин Христос Спасительлэсь храмзэ выльысь ӝутыны кужмысь ӧз косылы, со патриотической синпелетъёслы варвар сямен кариськеммы сярысь пусйылӥз.

Ю. А. Гагарин пуксем интыысь синпелет. Саратов улосысь «Инсьӧре лобасьёслэн Юрий Гагарин нимо парксы»

Гагарин совето космонавтъёслэн нимынызы осконэз курлась «Совето кунысь егит атеист-ленинецъёслы» (ӟуч: Юным атеистам-ленинцам Страны Советов) вазиськон улэ ӧз гожтӥськы (печатламын 1966-тӥ арын «Наука но религия» журналын[71]).

Ватсам ивортонъёс

  • 2022-тӥ арын куарусёнэ Космонавтъёсты дасянъя центр Ю. Гагаринлэсь личной ужзэ шараяз. Личной ужаз пыро анкета, ожгар службазэ ортчем сярысь таблица, дышетскемезъя ивортонъёс[72].
    Саратов улосысь Энгельс кырысь Королёвлы но Ю. А. Гагаринлы синпелет
    Ю. А. Гагаринлэн бюстэз Евпаториын
  • Британиысь Daily Mirror газет инсьӧры нырысетӥ адями лобӟем сярысь ивортонэз но Гагаринлы ӟечкыланэз нырысетӥ бамаз поттӥз, совето космонавтлэсь фамилизэ Wild Duck берыктӥзы — «Луд ӵӧж» (ӟуч: Дикая утка)[73].

Толон ӵукна сизьым часлэсь бергес со космосэ кошкиз. 27 аресъем егит ӟуч семьяё мурт. Юрий Гагарин. Гагарин луд ӵӧж шуэм луэ. Со быдэс дуннеез котыртӥз. Океанъёс но континентъёс вадьсытӥ кошкиз, огшоры ивортӥз: «Лобӟон огсыр ортче. Асме умой шӧдӥсько». Луд ӵӧж кытын ке Россиын ӵукна укмыс час котырын пуксиз.

Буре ваён

Валтӥсь статья: Юрий Гагарин лулчеберетын но искусствоын  [ӟуч] (удм.

Юрий Гагаринлэн образэз лулчеберетысь но искусствоысь уно произведениосы пыриз.

Библиография

Валэктонъёс

Комментарийёс

  1. ↑ «… буби пуэн ужалляз, нош мемие скал кыскиз. Быгатыса тыршемез понна сое колхоз фермалы кивалтӥсе юнматӥзы». — Гагарин, 1961
  2. ↑ Званиен пусйиз СССР-ысь спорт обществоослэн но огазеяськонъёслэн Союзысьтызы центральной кенеш. Ю. А. Гагарин — заслуженный мастер спорта СССР // «Известия» : Газета. — 1961. — 14 оштолэзе (№ 90 (13636)). — С. 3.

Источникъёс

  1. ↑ 1 2 Гагарин Юрий Алексеевич // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ↑ Jurij Aleksejevič Gagarin // Proleksis enciklopedija, Opća i nacionalna enciklopedija (хорв.) — 2009.
  3. ↑ Juri Alexejewitsch Gagarin // Filmportal.de — 2005.
  4. ↑ Большая российская энциклопедия (ӟуч) — М.: Большая российская энциклопедия, 2004.
  5. ↑ 1 2 3 4 5 6 7 Александров А. П. Гагарин Юрий Алексеевич // Большая советская энциклопедия, 3-е изд. Т. 1–30. — 1969. — С. 622.
  6. ↑ Давыдов В. А. Первый Пилотируемый Полёт, том 2. — М.: Родина Медиа, 2011. — С. 42. — 1096 с. — ISBN 978-5-905350-01-6 / 9785905350016.
  7. ↑ В. Н. Куприянов. Биография Ю. А. Гагарина // Пресс-бюллетень № 1. — 2010. — Август (№ 1). — С. 16—18.
  8. ↑ Николаев Николай (2011-03-02) Тайна рождения Юрия Гагарина [ӟуч] Рабочий путь. Эскеремын 2026-04-08 арын
  9. ↑ Первушин А. И. Юрий Гагарин: Один полёт и вся жизнь. — М.: Пальмира, 2017. — 664 с.
  10. ↑ Гагарин Алексей Иванович [ӟуч] smolnecropol.ru. Эскеремын 2026-04-08 арын
  11. ↑ Гагарин, 1979
  12. ↑ Михайлова Екатерина Ю. А. Гагарин — сын Земли и звёзд [ӟуч] cosmos.ucoz.com. Эскеремын 2026-04-08 арын
  13. ↑ Гагаринский техникум в подмосковных Люберцах — уже не Гагаринский [ӟуч] ИА REGNUM (2015-09-03). Эскеремын 2026-04-08 арын
  14. ↑ Алина Василенко (2019-04-11) Играл на трубе, танцевал вальс. Необычные факты из биографии Юрия Гагарина [ӟуч] Аргументы и факты. Эскеремын 2026-04-08 арын
  15. ↑ Владислав Шурыгин (старший) (2021-04-12) Трубач космической зари. Об истории одной фотографии Юрия Гагарина [ӟуч] Ваши новости. Эскеремын 2026-04-08 арын
  16. ↑ 1 2 Алексеев М. Когда ему было шестнадцать // Огонёк. — 1961. — 30 оштолэзе (№ 18). — С. 30—31.
  17. ↑ 1 2 Лесков Сергей Главный полёт человека [ӟуч] izvestia.ru. Эскеремын 2026-04-08 арын
  18. ↑ Копылов И. С., Лазукин А. Н., Райкин Г. Л. Первый космонавт // Оренбургское лётное: Очерк истории Оренбургского высш. воен. авиационного Краснознамённого училища лётчиков им. И. С. Полбина. — М.: Воениздат, 1976. — 268 с.
  19. ↑ 1 2 Ольга Воробьёва (2011-04-12) Север в судьбе первопроходца [ӟуч] Красная звезда. Эскеремын 2026-04-08 арын
  20. ↑ Юрий Алексеевич Гагарин [ӟуч] astronaut.ru (2018-05-03). Эскеремын 2026-04-08 арын
  21. ↑ 1 2 3 Галлай, 1985
  22. ↑ Хронология событий Центра [ӟуч] ФГБУ «НИИ ЦПК имени Ю. А. Гагарина». Эскеремын 2026-04-08 арын
  23. ↑ Лантратов Константин (2008-05-19) Резюме для космонавта [ӟуч] Коммерсантъ-Власть. Эскеремын 2026-04-08 арын
  24. ↑ Рассекреченные архивные документы из фондов ЦА МО, рассказывающие об офицерской службе первого космонавта планеты Земля [ӟуч] gagarin2018.mil.ru. Эскеремын 2026-04-08 арын
  25. ↑ Yuri Gagarin [англи] Европейское космическое агентство. Эскеремын 2026-04-08 арын
  26. ↑ Деннис Тито Yuri Gagarin [англи] time.com. Эскеремын 2026-04-08 арын
  27. ↑ Крис Импи. Part 1. Prelude // Beyond: Our Future in Space [англи]. — W. W. Norton & Company, 2015. — ISBN 978-0-393-24664-3.
  28. ↑ Лебедев В. В (2010-04-20) Астронавты и космонавты [ӟуч] Советская Россия. Эскеремын 2026-04-08 арын
  29. ↑ Каманин Н. П. Скрытый космос (в 4-х кн.). — М.: Инфортекст-ИФ, 1995—1997. — 352 с.
  30. ↑ Сидоров Анатолий (2013-04-12) Инопланетяне страны Советов [ӟуч] Вечерняя Москва. Эскеремын 2026-04-08 арын
  31. ↑ 1 2 Михаил Руденко (2005-05-02) Юрий Гагарин погибал трижды [ӟуч] Русская Германия. Эскеремын 2026-04-08 арын
  32. ↑ Пономарёва Валентина (2000-11-05) Неоткрытый космос [ӟуч] Дружба народов. Эскеремын 2026-04-08 арын
  33. ↑ Столярова Татьяна (2002-04-12) Гагарин приземлился в секретном ракетном дивизионе [ӟуч] Комсомольская правда. Эскеремын 2026-04-08 арын
  34. ↑ Малинина Екатерина (2011-04-06) Девочка, которая первой встретила Гагарина на земле, сейчас работает официанткой под Астраханью [ӟуч] Комсомольская правда. Эскеремын 2026-04-08 арын
  35. ↑ Маринин И. (2005-04) Апрельский день: 44 года назад [ӟуч] Новости космонавтики. Эскеремын 2026-04-08 арын
  36. ↑ Statistics — Gagarin Yuri Alekseyevich [англи] spacefacts.de. Эскеремын 2026-04-08 арын
  37. ↑ Александр Габнис (2003) Фильм «Звёздный отряд», серия «Самые первые» [ӟуч] my.mail.ru. Эскеремын 2026-04-08 арын
  38. ↑ День радио. Голос советского радио Ю. Б. Левитан [ӟуч] rgantd.ru. Эскеремын 2026-04-08 арын
  39. ↑ Россошанский В. И. Феномен Гагарина. — Саратов: Летопись, 2001. — 304 с.
  40. ↑ Встреча Юрия Гагарина [ӟуч] RetroMap (2012-06-18). Эскеремын 2026-04-08 арын
  41. ↑ 1 2 3 Гагарин, 1961.
  42. ↑ Голованов Василий (2010-04-12) Праздник по имени Гагарин [ӟуч] Известия. Эскеремын 2026-04-08 арын
  43. ↑ First Man In Space Yuri Gagarin Visits France 1963 [англи] britishpathe.com. Эскеремын 2026-04-08 арын
  44. ↑ Пресс-конференция советских космонавтов Ю. А. Гагарина и В. В. Терешковой в штаб-квартире ООН [ӟуч] ООН. Эскеремын 2026-04-08 арын
  45. ↑ Отчёт СССР. — Foreign Broadcast Information Service, Joint Publications Research Service, 1986. — С. 25. — 92 с.
  46. ↑ USSR Report [англи] dtic.mil. Эскеремын 2026-04-08 арын
  47. ↑ Белоцерковский С. М. Диплом Гагарина. — Молодая гвардия, 1986. — С. 5. — 173 с.
  48. ↑ Гафутулин Наиль (2011-04-12) Космонавт и депутат [ӟуч] Красная звезда. Эскеремын 2026-04-08 арын
  49. ↑ Гагарин Юрий Алексеевич — первый космонавт планеты // Космонавтика: Энциклопедия / Редколлегия: В. П. Бармин, К. Д. Бушуев, В. С. Верещетин и др. — М.: Советская энциклопедия, 1985. — 528 с.
  50. ↑ Первый космонавт о разрушении Храма Христа Спасителя [ӟуч] Журнал «Фома» (2011-04-11). Эскеремын 2026-04-08 арын
  51. ↑ Страницы истории храма [ӟуч] Храм Христа Спасителя. Эскеремын 2026-04-08 арын
  52. ↑ Шубин Павел. Почему, зачем и как погиб космонавт Комаров: аудиокнига / читает Алексей Халецкий. — Компьюлента, 2011.
  53. ↑ 1 2 Гагарин Юрий Алексеевич [ӟуч] Роскосмос. Эскеремын 2026-04-08 арын
  54. ↑ Борис Столярж Юрий Гагарин и водные лыжи [ӟуч] waterskiworld.ru. Эскеремын 2026-04-08 арын
  55. ↑ Скорбные дни прощания // Огонёк. — 1968. — № 15 (6 апреля). — С. 1—4.
  56. ↑ 1 2 3 4 5 Роскосмос Биография Ю. А. Гагарина [ӟуч] Центр управления полётами. Эскеремын 2026-04-08 арын
  57. ↑ Юрий Алексеевич Гагарин [ӟуч] РКК Энергия. Эскеремын 2026-04-08 арын
  58. ↑ Гагарин Алексей Иванович [ӟуч] smolnecropol.ru (2019-07-21). Эскеремын 2026-04-08 арын
  59. ↑ Звание Почётного гражданина города Оренбурга присвоено Постановлением Оренбургского городского Совета от 11 апреля 2000 года № 59 (посмертно) [ӟуч] Официальный сайт Администрации Оренбурга. Эскеремын 2026-04-08 арын
  60. ↑ Биография первого космонавта планеты Юрия Алексеевича Гагарина [ӟуч] Роскосмос. Эскеремын 2026-04-08 арын
  61. ↑ Уникальные фотографии визита Ю. Гагарина в Египет [ӟуч] Русский Дом в Каире. Эскеремын 2026-04-08 арын
  62. ↑ Светлана Самоделова (2010-04-12) Секретная премия Юрия Гагарина. За свой полёт первый космонавт получил 15 тысяч рублей и кучу подарков [ӟуч] Московский комсомолец. Эскеремын 2026-04-08 арын
  63. ↑ П. Шаров (2004-11-11) Незабываемая встреча с Гагариным [ӟуч] Новости космонавтики. Эскеремын 2026-04-08 арын
  64. ↑ Жена Юрия Гагарина до сих пор тоскует по мужу [ӟуч] mobus.com. Эскеремын 2026-04-08 арын
  65. ↑ История любви Гагарина [ӟуч] Комсомольская правда (2006-04-10). Эскеремын 2026-04-08 арын
  66. ↑ Гагарина Галина Юрьевна [ӟуч] Российский экономический университет имени Г. В. Плеханова. Эскеремын 2026-04-08 арын
  67. ↑ Гагарин, 1961, с. 39.
  68. ↑ Rockwell, Trevor. "The Road to the Stars is Paved by the Communists!": Soviet Propaganda and the Hero-Myth of Iurii Gagarin [англи]. — University of Victoria, 2005. — P. 39, 40.
  69. ↑ 1 2 Я горжусь обвинениями в том, что ввёл Юрия Гагарина в православие [ӟуч] Интерфакс-Религия (2016-04-12). Эскеремын 2026-04-08 арын
  70. ↑ 1 2 «ФОМА»: «Первый космонавт о разрушении Храма Христа Спасителя» [ӟуч] Интерфакс-религия (2011). Эскеремын 2026-04-08 арын
  71. ↑ Юным атеистам-ленинцам Страны Советов // Наука и религия. — 1966. — № 8. — С. 69.
  72. ↑ Рассекречено дело Гагарина [ӟуч] Lenta.RU. Эскеремын 2026-04-08 арын
  73. ↑ «Коммунист в космосе»: зарубежная пресса о триумфе Гагарина [ӟуч] РБК Стиль (2017-04-12). Эскеремын 2026-04-08 арын


Learning.svg

Материалы библиотеки имени Б.Н. Ельцина

Arrow-Right.png
Library.png
В данной статье использованы материалы из фондов Президентской библиотеки имени Б.Н. Ельцина
Подробнее

Литература

Ӟуч кылын
Мукет кылъёсын

Чӧлсконъёс

«https://udm.ruwiki.ru/w/index.php?title=Гагарин,_Юрий_Алексеевич&oldid=505084»-ысь басьтэмын