Левиатов, Юлий Георгиевич
| Юлий Георгиевич Левиатов | ||||||
|---|---|---|---|---|---|---|
 | ||||||
| Вордӥськем нуналыз | 1915-тӥ арын 21-тӥ толшоре | |||||
| Вордӥськем интыез | Херсон губерниысь Кривой Рог карын, | |||||
| Кулон нуналыз | 2005-тӥ арын 12-тӥ оштолэзе | |||||
| Кулэм интыез | Удмуртия, Сарапул | |||||
| Кунмуртлыкез |
 СССР →  Россия |
|||||
| Ужудысэз | директор, инженер-конструктор | |||||
| Данъетъёсыз |
|
|||||
Левиатов Юлий Георгиевич (1915-тӥ арын 21-тӥ толшоре, Кривой Рог, Херсон губерния — 2005-тӥ арын 12-тӥ оштолэзе, Сарапул, Удмуртия) — совето промышленность удысысь ужась, производствоез радъясь. Сарапулысь электрогенератор поттон заводлэн (СЭГЗ) директорез (1959—1982).
Улон сюресэз
1915-тӥ арын 21-тӥ толшоре Херсон губерниысь Кривой Рог карын вордӥськиз[1].
1933-тӥ арын ФЗУ школаез йылпумъяз но ужан сюрессэ слесарь-механик луыса мытӥз.
1941-тӥ арын Мускоысь энергетикая институтэз йылпумъяз. Авиацияя промышленностья министерстволэн Мускоысь но Кировысь заводъёсаз ужаз. 1944-тӥ арысен ВКП(б)-лэн ёзчиез.
1942-тӥ арысен Сарапулысь электрогенератор поттон заводын ужаны кутскиз —инженер-конструктор, цехлэн кивалтӥсез, валтӥсь технолог, валтӥсь инженер, 1959-тӥ—1982-тӥ аръёсы — директор[1].
П-2 штурмовикъёслы генераторъёсты серийной амалэн поттон, кокиль амалэн детальёслы заготовкаос кылдытон но соосты поттон, электрокаръёслы питранлэсь венецсэ центробежной амалэз ӵыжатон понна трос лэсьтӥз. Трос пумо эскерон стендъёс дасяз, кылсярысь, электро генераторъёслы роторъёсты динамикаын эскерон понна. Ю. Г. Левиатов кивалтэм улсын СЭГЗ-ын вылӥ шонерлыко централизованной гидропривод лэьтыны ӧдъязы, со инсьӧр ракетаослэн рульёсынызы кивалтон сӧзнэтъёсын кутӥськиз. Выль авиацияя техникаез, вӧй бус пушкын сӥятэм ГТНЖЧ сериысь генераторъёсты поттонэн кивалтӥз. Завод калыклы кулэ луись вузъёсты серийно поттон борды басьтӥськиз. Предприятиен автомат амалэн кивалтон, вузэз шекъёстэк поттон, производствоез дасяны сетевой план пуктон сӧзнэтъёсты пыӵатӥзы.
Сарапулэз азинтон понна трос лэсьтӥз. Городысь 2 номеро искусствоосъя нылпи школаез усьтыны юрттӥз[2].
Кык изобретениослэн авторзы луэ. Заводэз выльдонъя 30 кичӧлтонъёсын потӥз но соосты улонэ пыӵатӥз. Удмурт АССР-ысь Вылӥ Кенешлэн депутатэз (1980—1984). Ожысь но ужысь ветеранъёслэн Сарапулысь кенешсылэн тӧроез.
2005-тӥ арын 12-тӥ оштолэзе Сарапулын улонысь кошкиз.
Данъетъёсыз
- СССР-ысь дано авиастроитель;
- Сарапуллэн дано муртэз (1980) — городэз экономика ласянь азинтонын, производствоын но калык ужын но политикаын трос лэсьтэмез понна;
- Ленин нимо орден (1971);
- Ужысь Горд Знамя нимо орден (1966);
- «Ужысь ветеран» медаль
Буре ваён
- Ю. Г. Левиатовлэн нимыз Сарапулысь огез ульчалы сётэмын[3];
- Сарапулысь электрогенератор поттон завод борды буре ваён пул юнматэмын[4].
Валэктонъёс
- ↑ 1 2 МБУК Централизованная библиотечная система г. Сарапул. Левиатов Юлий Георгиевич (1915 - 2005) – директор Сарапульского электрогенераторного завода
- ↑ История детской школы искусств № 2.
- ↑ Утверждение улицы Левиатова.
- ↑ Золотыми буквами имя Юлия Левиатова вписано в историю // Красное Прикамье. — 2015. — 18 июня. — С. 2.
Литература
- Левиатов Юлий Георгиевич // Удмуртская республика: Энциклопедия / гл. ред. В. В. Туганаев. — Ижевск: Удмуртия, 2000. — С. 448. — 800 с. — 20 000 экз. — ISBN 5-7659-0732-6.
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Чухланцева, В. Эпоха Юлия Левиатова, красного директора ЭГЗ / В. Чухланцева // Красное Прикамье. — 2015. — 25 июня. — С. 5.
- Высоцкий, Лев Абрамович. Красный директор ЭГЗ [Текст] / Лев Высоцкий // Деловой квадрат. — 2015. — № 5. — С. 54—55.
- Золотыми буквами имя Юлия Левиатова вписано в историю // Красное Прикамье. — 2015. — 18 июня. — С. 2.
- Шадрина И. И долго будет тем любезен он народу / И. Шадрина // Красное Прикамье. — 2002. — 15 июня.
- Субботина, Марина Валентиновна. Юлий Великолепный: и почему он не Герой? [Текст] / Марина Субботина // Удмуртская правда. — 2015. — 21 января. — С. 3.
- Левиатов Юлий Георгиевич // Урал ковал победу. Сборник-справочник / Алексеев С. Д. и др. — Челябинск: Южно-Уральское книжное издательство, 1993. — 387 с. — С. 123—124.
Чӧлсконъёс
- Левиатов Юлий Георгиевич (1915—2005), директор Сарапульского электрогенераторного завода.
- Сарапульский электрогенераторный завод. (ЭКЗ) Завод № 284.