11-тӥ оштолэзь — Григориан дырпусъя — арлэн 101-тӥ нуналыз (касьян аре — 102-тӥез). Ар пумозь 264 нунал кылемын.
☀️ Ижкарын Шунды 5 час 29 минутэ ӝужа, пуксе 19 час 24 минутэ. Югыт нуналлэн кыстӥськемез 🕒 13 час 55 минут.
🌗 Берпуметӥ ньыльмосэз (будэмез 23.49 нунал).
Нунал тодметъёс
- Корка утён нунал. Ӟуч дырпусъя Берещенье — кызьпуэз сӥлы карон нунал. Туннэ, пе, одно ик сурсву юоно но кызьпу веникен париськоно, шуо. Нош писпу кораны но тылскиськыны уг яра.
- Туннэ пилемъёс вылэтӥ ӝог лобо ке ― ӝоген куазь тупатскоз.
- Туннэ гудыртӥз ке ― куазь кезьыт кариськоз, гужем но кезьыт улоз.
- Туннэ зоре ке ― сӥзьыл шулдыр луоз.
- Кызьпулэн пипулэсь вазьгес куарез бычыраз ке ― гужем кӧс луоз.
Нимнуналзэс пусъё
- Антипа/Антип, Иван, Кирилл, Марк, Яков.
Батыйлы синпелет. Отель Монголия, Гачуурт, Баянзурх, Улан-Батор.
Праздникъёс но буре ваён нуналъёс
- Россия
Россия — ВМФ-ысь химиклэн нуналыз. ВМФ-ысь paдиaциoннoй, xимичecкoй но биoлoгичecкoй утиськонъя ӧнерчилэн нуналыз.
— Паркинсонлэн висёнэныз курадӟисьёслэн дунневыл нуналзы.- — немец концлагерьёсысь жуммытэмъёсты мозмытон калыккуспо нунал.
- Гурт пудоослэн нуналзы.
Коста-Рика — Йӧскалык геройёслэн нуналзы.
Либерия — Вӧсяськон нунал.
Уганда — Эриклыко нунал.
Луэм учыръёс
Удмуртиын
- 1896 ― Ижын Ольгинской нылпи приют (Ижкар) кылдӥз. 1901-тӥ арын пуктэм приют Советской ульчаысь 22б номеро юртын интыяськемын, Удмурт Элькунысь историысь но лулчеберет удысысь утёно синпелетъёс пӧлы пыре.
- 2024 ― арлы быдэ ортче “Ночь карьеры в IТ" нимо профориентационной ужрад. Татын одӥг ӝыт куспын тодматскыны луэ IТ-удысэн, Ижысь IТ-компаниосын но ӧнерчиосын.
Ӟуч кунлэн гербез. «Портреты, гербы и печати Большой государственной книги» книгаысь, 1672-тӥ ар
Сибыр сюресэз лэсьтон. «Великий путь. Виды Сибири и Великой сибирской железной дороги» альбом, 1899-тӥ ар
Россиын но дуннеын
- 217 — Макрин Римлэн императорез луиз.
- 1241 — Шайо шур дурын ожмаськонын Батый хан Бела IV венгер корольлэсь армизэ пазьгем.
- 1801 — Александр I «Негласной комитет» кылдытӥз («Комитет общественного спасения»). Отчы аслэсьтыз матысь эшъёссэ пыртӥз: граф П. А. Строганов, граф В. П. Кочубей, граф Н. Н. Новосильцев но князь Адама Чарторыйский). Комитет кык ар пала ужаз.
- 1814 — Фонтенблоын тупанкыл гожтэмын. Куатетӥ коалицилэн ожмаськонэз дугдытэмын. Наполеон Бонапарт престолэзлэсь куштӥськыса, Эльбае кошкиз.
- 1857 — россий император Александр II Россилэсь кунпуссэ юнматӥз (кык йыро ӧрӟи).
- 1868 — Япониын сёгунат быдтэмын.
- 1891 — россий император Александр III Быдӟым Сибыр сюресэз лэсьтыны кутскон сярысь Косэт гожтӥз. (Транссибирской железнодорожной магистраль).
- 1899 — Испания Пуэрто-Рико шормуӵез Америкалэн Огазеяськем Штатъёсызлы сётӥз.
- 1927 — Белорус ССР-лэн Конституциез кутэмын.
- 1940 — Гитлер Лодзь карлы Лицманштадт выль ним сётӥз (Лицман генералэз сӥлы карыса).
- 1944 — Керчь но Джанкой фашистъёслэсь мозмытэмын.
- 1945 — Бухенвальд концентрационной лагерьын жуммытэмъёс мозмытэмын.
- 1964 — экранъёс вылэ потӥз Георгий Данелилэн «Я шагаю по Москве» фильмез.
- 1970 — лэземын Аполлон-13.
- 2011 — Минскысь «Октябрьская» метро станциын теракт лэсьтэмын.
- 2023 — Мьянмаын граждан ож кутскемын.
Вордскизы
Удмуртиысь тодмо муртъёс
Россиысь но дуннеысь тодмо муртъёс
- 1755 — Джеймс Паркинсон, Англиысь эмчи.
- 1773 — Юрий Лисянский, Россиысь зарезьуясь, ӟуч океанографиез кылдытӥсь, І рангъем капитан.
- 1825 — Фердинанд Лассаль, немец социалист.
- 1905 — Аттила Йожеф, венгер кылбурчи.
- 1954 — Валерий Гаркалин, театрын но киноын шудӥсь актёр, Россиысь калык артист.
- 1968 — Сергей Лукьяненко, ӟуч гожъяськись-фантаст.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1165 — Иштван IV, Венгрилэн королез (1163-тӥ арын).
- 1681 — протопоп Аввакум (сутыса быдтэмын), ӟуч старообрядчествоез кылдытӥсьёс пӧлысь одӥгез.
- 1958 — Константин Юон, СССР-ысь но Россиысь суредась.
- 1979 — Леонид Быков, совето актёр, режиссёр, сценарист.
- 1985 — Энвер Ходжа, социалистической Албаниен кивалтӥсь (1944—1985).
- 2007 — Курт Воннегут, Америкаысь гожъяськись.
.jpg)