25-тӥ инвожо — Григориан дырпусъя — арлэн 176-тӥ нуналыз (касьян аре — 177-тӥез). Ар пумозь 189 нунал кылемын
☀️ Ижкарын Шунды 3 час 32 минутэ ӝужа, пуксе 21 час 22 минутэ. Югыт нуналлэн кыстӥськемез 🕒 17 час 49 минут.
🌓 Нырысетӥ ньыльмосэз (будэмез 9.90 нунал).
Нунал тодметъёс
- Петыр Шунды берыктӥсь (ӟуч: Пётр Солнцеворот). Та нуналэ гужем шунды берытскон йылпумъяське. Нуналъёс вакчиёмо, уйёс–кузёмо. Ӵемысь куазь пӧсь кариське но 40 нунал ӵоже возьке[1]. Вулэн нуналыз (ӟуч: День воды, Вода именинница).
- Туннэ куазь шулдыр ке — турын трос луоз. Зоро ке — турын утялтыку но зорыса улоз.
- Ӝыт лысву усиз ке — ӵуказеяз куазь шулдыр луоз.
- Ӟольгыриос укыр юн ӟабыльто ке — куазь воштӥськоз.
Нимнуналзэс пусъё
- Андрeй, Анна, Арсений, Иван, Мария, Онуфрий, Петр, Степан, Тимофей, Юлиан.
Горд площадь Иван Грозный эксэйяськон вакытэ
Санкт-Петербургысь Казанской собор
Праздникъёс но буре ваён нуналъёс
- Славян калыклэн тупаса но огъя луон нуналыз[2].
Йӧскалык праздникъёс
Тумошо праздникъёс
- Тодмотэм муртъёслы мынектон нунал.
Луэм учыръёс
Удмуртиын
- 1957 — Удмурт экономической административной ёрос интые Калык хозяйствоя совет (Удмурт совнархоз) кылдытэмын.
Россиын но дуннеын
Жар-птица костюмлы эскиз.Леон Бакст
- 1498 — Китайын пинь сузян щётка кылдытэмын. (Дырыз та лыдпус котыр, пырак та нуналэ ик шуыса пусъемын ӧвӧл).
- 1570 — Москваысь Горд площадьын калык азе янгыше уськытэм 300 мурт поттэмын. Соос пӧлысь 184-зэ Иван Грозный татын ик шонере поттыса лэзиз, 116-сэ кужмысь виыны косӥз.
- 1762 — росси император Пётр III православи но лютеран черкъёсты огкадь эрикрадо кариз.
- 1783 — француз химик Антуан Лоран Лавуазье (Antoine Laurent de Lavoisier) Парижысь Тодос академилэн кенешаз, ву — со валчеяськем водород но кислород шуыса оскытӥз, нош кык ар ортчыса, военной инженерен Жан Мёньеен (Jean Baptiste Marie Charles Meusnier de la Place) ӵошен со кылдытосысь вуэз синтезировать каризы.
- 1788 — Вирджиния США-лэн дасэтӥ штатэз луиз.
- 1794 — революционной учыръёс луэмысь, Екатерина II Россиын француз вузъёсты вузамлэсь алӥз.
- 1797 — Тенерифеез киултыны дауртыкуз, адмирал Нельсон аслэсьтыз бур кизэ ыштӥз.
- 1813 — Санкт-Петербургысь Казанской соборын ватэмын быдӟым ӟуч полководец Михаил Илларионович Голенищев-Кутузов.
- 1844 — Забайкальеын зарни поттыны кутскемын.
- 1883 — Россиын церковно-приходской дышетон реформа кутскемын.
- 1910 — Парижын И.Стравинскийлэн «Жар-птица» балетэзлэн премьераез ортчиз.
- 1916 — Николай II Шор Азиын улӥсь воинской повинностез тодӥсьтэм калыкез армие басьтон сярысь декрет гожтӥз[3].
- 1919 — генерал Деникинлэн войскоез Харьковез басьтӥз.
- 1926 — Ленинградын Петропавловской соборлэн курантъёсыз нуназе шорын нырысьсэ «Интернационалэз» шудӥзы.
- 1932 — Эскерон уянэ поттэмын СССР-ысь «Алеут» нимо нырысетӥез китобойной база.
- 1935 — СССР-ын быдтэмын политссыльнойёслэн но политкаторжникъёслэн дэменлыксы.
- 1935 — Парижын ортчись Гожъяськисьёслэн лулчеберетэз утёнъя калыккуспо конгрессазы инъямын Гожъяськисьёслэн калыккуспо ассоциацизы но Гожъяськисьёслэн лулчеберетэз утёнъя яланлыко калыккуспо бюрозы. Солэн президиумаз быръемын вал Анри Барбюс, Ромен Роллан, Максим Горький, Генрих Манн, Томас Манн, Альд Гексли, Бернард Шоу, Синклер Льюис, Сельма Лагерлёф но мукетъёсыз.
- 1946 — СССР Футболъя калыккуспо федерацие пыриз.
- 1950 — Лымшор Корея Уйпал Корея вылэ урдӥськиз: Корей ож кутскиз.
- 1966 — лэземын «Космос-122» нимо нырысетӥез совето метеоспутник .
- 1967 — нырысьсэ радъямын быдэс дуннелы адӟымон меӵак эфирын мынӥсь «Наш мир» телепередача («англ. Our World»). Программаез огдыре 5 континетъёсысь 24 кунъёсын 400 миллион пала адями учкыны быгатӥз.
- 1970 — Кремль борддор вӧзысь Сталинлэн шайгу вылаз, Мавзолейысь поттэм дырысен 9 ар ортчыса, синпелет пуктэмын.
- 1987 — СССР ЦК-лэн Пленумаз экономикая реформаосыз сярысь ялӥз.
- 1991 — Словения но Хорватия Югославилэсь люкиськыса, асэриклыксы сярысь ялӥзы.
- 1993 — Литваын калыке поттэмын йӧскалык валюта — лит.
- 1994 — 33 аресъем Диего Марадона Аргентиналэн сборнояз берпуметӥ матчсэ шудӥз.
- 2001 — чечен террористъёс Ханкалаез атаковать каризы.
- 2020 — Росси Федерацилэн Конституцияз воштэтъёс пыртон пумысен Огъяроссии куарасётон кутскиз.
Вордӥськизы
Удмуртиысь тодмо муртъёс
Россиысь но дуннеысь тодмо муртъёс
- 1849 — Ольга Садовская (кул. 1919), росси актриса, Императорской театръёслэн сӥё-дано артистказы.
- 1852 — Антонио Гауди, Испаниысь архитектор.
- 1903 — Джордж Оруэлл, Англиысь гожъясьчи но публицист, «1984» романлэн авторез.
- 1963 — Джордж Майкл, Англиысь поп-кырӟась но крезьгурчи.
- 1975 — Владимир Крамник, ПША-лэн версиезъя, шахматъя дуннеысь 14-тӥ чемпион.
- 1980 — Инма Куэста, Испаниысь актриса.
- 1982 — Михаил Южный, Россиысь теннисэн шудӥсь.
Эрнст Теодор Амадей Гофман
Кулӥзы
Удмуртиысь тодмо муртъёс
- 1952 — Александр Эрик (зэмос нимыз Александр Никифорович Наговицын), удмурт гожъясьчи, кылбурчи но журналист.
Россиысь но дуннеысь одмо муртъёс
- 1822 — Эрнст Теодор Вильгельм Амадей Гофман, немец гожъясьчи, крезьгурчи, суредась.
- 1893 — Ференц Эркель, венгер крезьгурчи, пианиноен шудӥсь, дирижёр.
- 1997 — Жак-Ив Кусто, Франциысь океанограф, аквалангез кылдытӥсь.
- 1999 — Евгений Моргунов, театрын но киноын шудӥсь актёр, кинорежиссёр, РСФСР-ысь дано артист.
- 2009 — Майкл Джексон, Америкаысь кырӟась, эктӥсь но кырӟанъёслэн авторзы, «поп-музыкалэн королез».
Валэктонъёс
Россия — Статистика удысын ужасьёслэн нуналзы (ӟуч: День работников статистики);
Мозамбик — Асэриклык басьтон нунал);
Словения — Кунлыклэн нуналыз;
Филиппины — Писпу мерттон нунал.
