Анкудинов, Леонид Георгиевич

Рувикиын таӵе фамилиен мукет муртъёс сярысь гожтосъёс вань. Учке: Анкудинов.

Леонид Георгиевич Анкудинов
Вордӥськем нуналыз	25-тӥ инвожое 1906({{padleft:1906|4|0}}-{{padleft:6|2|0}}-{{padleft:25|2|0}})
Вордӥськем интыез	Вотка, Сарапул утем, Ватка губерния, Росси империя[d]
Кулон нуналыз	9-тӥ толшоре 1988({{padleft:1988|4|0}}-{{padleft:1|2|0}}-{{padleft:9|2|0}}) (81 год)
Кулэм интыез	Муско, СССР
Кунмуртлыкез	СССР СССР
Данъетъёсыз

Леонид Георгиевич Анкудинов (25-тӥ инвожое 1906, Вотка, Ватка губерния — 9-тӥ толшоре 1988, Муско) — инженер-лэсьтӥськись, Челябинск улосысь «Магнитострой» трестэн кивалтӥсь. Социалистической Ужысь Герой.

Улон сюресэз

Вордӥськиз 1906-тӥ арын 25-тӥ инвожое (12-тӥ инвожое вуж стилья) Вотка заводын (али — Вотка кар, Удмуртия).

1926-тӥ арын Воткаысь индустриальной техникумез «огъя машиностроение» ӧнеръя йылпумъяз. Ижысь машиностроительной заводын конструктор луыса ужаз.

1929-тӥ арысен «Магнитостройын» тыршиз прокатъя ёзэтысь конструктор луыса; 1931-тӥ—1936-тӥ аръёсы — производствоя но техникая ёзэтысь (ПТО) инженер, монтаж ужъёсъя прораб, «Прокатстройысь» производствоя но техникая ёзэтэн кивалтӥсь; 1936-тӥ—1940-тӥ аръёсы — «Магнитострой» трестысь производствоя ёзэтысь бадӟымез инженер; 1940-тӥ—1941-тӥ аръёсы — «Доменстрой» управленилэн кивалтӥсез; 1941-тӥ—1955-тӥ аръёсы — «Магнитострой» трестысь производствоя ёзэтэн кивалтӥсь, валтӥсь инженерлэн воштӥсез, со дыре ик 7 но 8 номеро домен гуръёсты, 1 номеро мартен цехез, 4 номеро аглофабрикаез но улон инты лэсьтон комплексъёсын кивалтӥсь вал; трестысь валтӥсь инженер. 1955-тӥ арын 14-тӥ куартолэзе «Магнитострой» трестэн кивалтӥсе юнматӥзы.

«Магнитострой» Совето Союзын нырысь ик басьтӥськиз бадӟымесь панельёсын коркаос пуктон борды. Анкудинов Магнитогорскысь Ждановлэн ульчаетӥз (али — Ленинградской) трамвай лэзён понна сюлмаськиз. Солэн валтэмез улсын «Магнитострой» трестлы выль профилакторий ӝутӥськиз, лэсьтӥськисьёслэн нылпиоссылы пионер лагерь пуктыны кутскемын вал (отӥяз — «Орлёнок» лагерь). Трестэн Анкудинов кивалтон вакытэ Магнитогорскын лэсьтэмын: вуриськон фабрика, Урал шур вамен лымшор но уйпал выжонъёс, санитар станция, рыбозавод, типографилэн выль юртэз, промышленностья, соцкультбытъя но улон интыя трос мукет объектъёс.

1967-тӥ—1975-тӥ аръёсы — СССР-ысь Минтяжстройлэн валтӥсь лэсьтӥськонъя управлениезлэн кивалтӥсезлэн воштӥсез вал. 1975-тӥ арын ужлэсь шутэтскон вылысь палэнскиз.

КПСС-лэн ёзчиез, КПСС-лэн XXII ӧтчамаз делегат вал.

Улонысь кошкиз 1988-тӥ арын 9-тӥ толшоре Мускоын. Ватэмын Ваганьково шайвылэ.

Данъетъёсыз но дано нимъёсыз

• Социалистической Ужысь Герой (1958);
• Горд Кизили орден (15.01.1943);
• «Данъян пус» орден (31.03.1945);
• Ленин нимо кык орден (30.01.1952, 09.08.1958);
• Ужысь Горд Знамя нимо кык орден (25.10.1953; 11.08.1966);
• ВДНХ-лэн бадӟым зарни медалез (1966);
• «Ӟеч тыршемез понна» медаль (11.01.1957);
• РСФСР-ысь дано лэсьтӥськись (1966);
• СССР-ысь Министръёслэн Кенешсылэн премиезлэн лауреатэз (1973);
• Магнитогорск карлэн дано муртэз (1966).

Валэктонъёс

Чӧлсконъёс

• Леонид Георгиевич Анкудинов

• КПРФ в Магнитогорске — Анкудинов Леонид Георгиевич