Ганза, Николай Алексеевич

Николай Алексеевич Ганза
Николай Алексеевич Ганза
Удмурт Элькун Кивалтэтлэн Тӧроез
	1999-тӥ 23-тӥ оштолэзьысен — 2000-тӥ арын 15-тӥ коньывуонозь
Азьпалчиез	Павел Вершинин
Бӧрысьчиез	Юрий Питкевич
Вордӥськемын	27-тӥ коньывуонэ 1946 (79 лет); Шемонаиха[d];
Дышетскемез	Томскысь политехникая университет
Ужудысэз	инженер-строитель
	Медиафайлъёс РувикиМедиа пушкын

Никола́й Алексеевич Ганза́ (ворд. 27-тӥ коньывуонэ 1946, Шемонаиха^[d]) — росси кун ужась. 1999-тӥ арын 23-тӥ оштолэзьысен 2000-тӥ арын 15-тӥ коньывуонозь Удмурт Элькунысь Кивалтэтлэн Тӧроез.

Улон сюресэз

1946-тӥ арын 27-тӥ коньывуонэ Казах ССР-лэн шундыӝужан палысьтыз Шемонаиха черкогуртын (али — кар) вордӥськемын.

1971-тӥ арын С. М. Киров нимо Томскысь политехникая институтэз [ӟуч] (удм. «изотопъёсты люкон но уже кутон» специальностья йылпумъяз (инженер-физик)^[1].

1971-тӥ—1982-тӥ аръёсы — Навоиысь гурезь металлургияя комбинатысь [ӟуч] (удм. 2 номеро гидрометаллургияя заводын тыршиз (Заравшан кар, Узбек ССР) — усточи-технолог, ёзэтысь технолог, ёзэтлэн кивалтӥсез, инженер-технолог, цехен кивалтӥсь^[1].

1982-тӥ—1986-тӥ аръёсы — валтӥсь инженер, Навоиысь гурезь металлургияя комбинатысь Уйпал руда поттонэз лэсьтонъя директорлэн воштӥсез (Учкудук кар, Узбекистан)^[1].

1986-тӥ—1994-тӥ аръёсы — Восточной горно-обогатительной комбинатысь [ӟуч] (удм. валтӥсь инженерлэн воштӥсез, рос-прос лэсьтӥськон ужпумъёсъя директорлэн воштӥсез, директор.

1994-тӥ—1999-тӥ аръёсы — Чепца механикая завод производствоя огазеяськонлэн (1996 арысен — ОАО) валтӥсь директорез (Глазкар, Удмурт Элькун)^[1].

1999-тӥ арын 23-тӥ оштолэзе Удмурт Элькун Кивалтэтлы Тӧрое юнматэмын вал. Удмуртилы Президентэз бырйытозь та ужудысын тыршиз. Со вакытэ ик Удмурт Элькунлы Президентэ нырысетӥ быръёнъёсы пыриськиз. 2000-тӥ арын 15-тӥ коньывуонэ ортчем быръёнъёсын тямыс кандидат пӧлын куинетӥ инты басьтӥз (12,3 % куара). Келямезлэсь мугзэ Николай Ганза элькун прессалэсь солы пумит кык толэзь ӵоже вылаз пож ву кисьтаменыз но мае ке палэнтыны зэмос амалъёс ӧвӧлэн герӟаз^[2].

Удмурт Элькунысь Кун Кенеше кыкетӥ ӧтчаме депутатэ бырйиськылӥз (1999—2003). 1999-тӥ арысен Кивалтэтлэн Тӧроез сямен РФ-ысь Федерал Собранилэн Федерацияя Кенешаз пыриз, Наукая, лулчеберетъя, дышетонъя, тазалыкез утёнъя но экологияя комитетлэн ёзчиез вал. 2001-тӥ арын оштолэзе ёзчиезлэсь ужоскетъёссэ Элькун Кивалтэтлэн оскем муртэзлы сётӥз, со росси парламентлэсь вылӥ палатазэ кылдытонлэн выль радлыкезъя юнматэмын вал^[3].

2001-тӥ арын — Побугскоеысь ферроникель комбинатлэн валтӥсь директорез (Кировоград улос, Украина).

2001-тӥ—2002-тӥ аръёсы — «Спецсталь» заводлэн валтӥсь директорезлэн нырысетӥ воштӥсез (Екатеринбург).

2003-тӥ арын оштолэзьысен — «Еврохим [ӟуч] (удм.» минералъя но химияя компанилэн ёзэзлэн кивалтӥсез (Ковдор кар, Мурманск улос)^[4].

2011-тӥ арын Ковдорысь горно-обогатительной комбинатлэн быдэсъясь директорезлэн стратегияя но азинскон луонлыкъёсъя, предприятилэн мерлыко политикаезъя, улосвылысь каткылдытӥсь но быдэсъясь ёзъёсын, мерлыко организациосын но кусып возён ужпумъёсъя советнике юнматэмын вал^[4].

Данъетъёсыз

«За трудовую доблесть» медален пусъемын.

Валэктонъёс

↑ ¹ ² ³ ⁴ Ганза Николай Алексеевич [ӟуч], shemlibrary.kz. Эскеремын: 14 гудырикошконэ 2025 арын.
↑ Николай Ганза и Павел Вершинин об итогах выборов первого Президента Удмуртии [ӟуч], newdaynews.ru. Эскеремын: 14 гудырикошконэ 2025 арын.
↑ Ганза Николай Алексеевич [ӟуч], council.gov.ru. Эскеремын: 14 гудырикошконэ 2025 арын.
↑ ¹ ² Чем занимаются ижевские акулы бизнеса и политики 90-х сейчас? [ӟуч], izhlife.ru. Эскеремын: 14 гудырикошконэ 2025 арын.

Чӧлсконъёс

Ганза Николай Алексеевич [ӟуч], council.gov.ru. Эскеремын: 14 гудырикошконэ 2025 арын.

[:0-1] ¹ ² ³ ⁴ Ганза Николай Алексеевич [ӟуч], shemlibrary.kz. Эскеремын: 14 гудырикошконэ 2025 арын.

[2] Николай Ганза и Павел Вершинин об итогах выборов первого Президента Удмуртии [ӟуч], newdaynews.ru. Эскеремын: 14 гудырикошконэ 2025 арын.

[3] Ганза Николай Алексеевич [ӟуч], council.gov.ru. Эскеремын: 14 гудырикошконэ 2025 арын.

[:1-4] ¹ ² Чем занимаются ижевские акулы бизнеса и политики 90-х сейчас? [ӟуч], izhlife.ru. Эскеремын: 14 гудырикошконэ 2025 арын.

[1]

[2]

[3]

[4]