Питкевич, Юрий Степанович

Юрий Степанович Питкевич
бел. Юрый Сцяпанавіч Піткевіч
Удмурт Элькун Кивалтэтлэн тӧроез
15-тӥ коньывуонысен 2000 — 25-тӥ тулыспалозь 2014
Азьпалчиез	Николай Ганза
Бӧрысьчиез	Виктор Савельев
Глазкарысь Калык депутатъёслэн Кенешсылэн исполнительной комитетэзлэн тӧроез
1989 — 1993
Вордӥськемын	2-тӥ куартолэзе 1951(1951-05-02) (75 арес) Жлобин[d], Гомельская область[d], Белорус ССР, СССР
Дышетскемез	Пермьысь политехнической институт
Ужудысэз	инженер-строитель
Данъетъёсыз

Ю́рий Степа́нович Питке́вич (бел. Юрый Сцяпанавіч Піткевіч; ворд. 2-тӥ куартолэзе 1951, Жлобин^[d], Гомельская область^[d]) — совето но росси кун ужась, политик. Удмурт Элькун Кивалтэтлэн тӧроез (2000-тӥ арын 15-тӥ коньывуонысен 2014-тӥ арын 25-тӥ тулыспалозь). Глазкарлэн Дано муртэз. Росси Федерациысь но Удмурт Элькунысь дано строитель.

Улон сюресэз

Ю́рий Степа́нович Питке́вич вордӥськемын 1951-тӥ арын 2-тӥ куартолэзе Белоруссиын, Жлобин карын. Выжыезъя белорус. Дышетскиз Пермьысь кун политехникая кун институтын, инженер-строитель удысъя (1978). Егит дырысеныз Удмуртиын улэ. 1971—1993-тӥ аръёсы Глаз карын ужаз: 1989-тӥ арозь — Чупчи механикая заводын, 1993-тӥ арозь — Глазкарысь Калык депутатъёслэн кар кенешысьтызы исполнительной комитетлэн тӧроез. 1993-тӥ арысен Ижын ужаз: нырысь — Ижысь калык депутатъёслэн кар кенешысьтызы исполнительной комитетлэн тӧроезлэн нырысетӥ воштӥсез луыса, собере (1993—1995-тӥ аръёсы) — Удмурт Элькунысь Министръёслэн Кенешсылэн Тӧроезлэн воштӥсез (1995-тӥ арысен — нырысетӥ воштӥсез). 2000-тӥ арысен — Удмурт Элькун Кивалтэтлэн Тӧроез.

Удмурт АССР-ысь Вылӥ Кенеше но Кун Кенеше депутатэ бырйиськылӥз.

2014-тӥ арын 25-тӥ тулыспалэ элькунлэн выль тӧроез Александр Соловьёв Питкевич кивалтэм улсын ужась кивалтэтэз отставкае келяз.

Семьяез

Пиез — Михаил. Вордӥськиз 1979-тӥ арын 19-тӥ тулыспалэ. 2007-тӥ арын ЛДПР-лэн списокезъя РФ Кун Думае депутатэ быръемын вал, 2011-тӥ арын "Единая Россия" партилэн списокезъя баллотироваться кариськиз. 2012-тӥ арысен Смоленск улослэн Алексей Островскийлэн нырысетӥ воштӥсез вал.

Нылыз — Евгения В. Г. Хорошавцевлы быземын.

Данъетъёсыз

• Данлыко орден (2011);
• Эшъяськон орден (2004);
• «За заслуги в проведении Всероссийской переписи населения» медаль (2002);
• «Росси Федерациысь» дано строитель (1999);
• «Надежда нации» орден (2001);
• Преподобной Сергий Радонежскийлэн орденэз (2005);
• Россиысь МЧС-лэн Данъян знакез;
• «В память 200-летия Минюста России» медаль;
• «В память 125-летия уголовно-исполнительной системы России» медаль;
• РФ МЧС-лэн «За отвагу на пожаре» медалез (2003);
• «За вклад в развитие агропромышленного комплекса» Зарни медаль;
• «Россиысь транспорт удысысь дано ужась» (1998);
• «Удмурт Элькунысь дано строитель» (1996);
• Удмурт Элькунлэн премиез;
• «Лучший менеджер России» диплом (2002);
• Удмурт Элькунысь Кун Кенешлэн Данъян грамотаез;
• Глазкарлэн Дано муртэз;
• «30 лет Государственному Совету Удмуртской Республики» (2025) памятной медаль.

Валэктонъёс