Савельев, Виктор Алексеевич

Рувикиын таӵе фамилиен мукет муртъёс сярысь гожтосъёс вань. Учке: Савельев.

Виктор Алексеевич Савельев
Удмурт Элькунысь Правительстволэн Тӧроез (2014-тӥ арын 1-тӥ южтолэзьысен 10-тӥ коньывуонозь ужзэ быдэсъясь)
2014-тӥ арын 10-тӥ коньывуонысен — 2017-тӥ арын 6-тӥ оштолэзёзь (2017-тӥ арын 6-тӥ оштолэзьысен 31-тӥ пӧсьтолэзёзь ужзэ быдэсъясь)
Азьпалчиез	Юрий Питкевич
Бӧрысьчиез	Александр Бречалов (ужез быдэсъясь элькунлэн тӧроез сямен) Ярослав Семёнов
Вордӥськемын	24-тӥ толшоре 1963({{padleft:1963|4|0}}-{{padleft:1|2|0}}-{{padleft:24|2|0}}) (63 года) Альметьевск[d], Бигер Автономной Советской Социалистической Республика, СССР
Дышетскемез	Кузонысь В. И. Ульянов-Ленин нимо кун университет СССР-ысь Наукаосъя академия бордысь геологияя но эстӥськон ископаемойёсты поттонъя институт
Учёной степенез	геологияя но минералогияя наукаосъя доктор

Ви́ктор Алексе́евич Саве́льев (ворд. 24-тӥ толшоре 1963, Альметьевск^[d], Бигер Автономной Советской Социалистической Республика) — росси кун ужась. «РуссНефть» мувӧй компанилэн вице-президентэз (2006—2008), Удмурт Элькунысь эстӥськонъя, энергетикая но связья министр (1999—2000), Удмурт Элькунысь Правительстволэн Тӧроез (2014—2017). Геологияя но минералогияя наукаосъя доктор, профессор.

Улон сюресэз

Вордӥськиз 1963-тӥ арын 24-тӥ толшоре Бигер АССР-ысь Альметьевскын. 1985-тӥ арын «Геология но мувӧй но газ кылдон интыосты эскерон» ӧнеръя Кузонысь кун университетэз йылпумъяз, 1991-тӥ арын — СССР-ысь Наукаосъя академия бордысь геологияя но эстӥськон ископаемойёсты поттонъя институтысь аспирантураез.

1985-тӥ—1986-тӥ аръёсы геолог луыса поталляз Томск улосысь Колпашево котырысь мувӧй но газ кылдон интыосты эскеронъя экспедицие. 1986-тӥ—1994-тӥ аръёсы Бугульма карысь «ТатНИПИнефть» институтын тыршиз, татын инженерысен лабораториен кивалтӥсёзь будӥз.

1994-тӥ арысен геологияя лабораториен кивалтӥз, 1995-тӥ арысен Ижкарысь «УдмуртНИПИнефть» институтысь наука ужъя директорлэн воштӥсез но выль амалъёсъя но музъем ваньбурез ӝоггес но ӟечгес поттонъя ёзэн кивалтӥсь вал.

1999-тӥ арын Удмурт Элькунысь эстӥськонъя, энергетикая но связья министре юнматӥзы.

2000-тӥ—2006-тӥ аръёсы Удмурт Элькунысь Правительстволэн Тӧроезлэн воштӥсез вал. Та ужинтыяз инкуазь но му узырлыкъёсты кутон, эстӥськон промышленность но промышленность ужпумъёс понна кылкутӥз.

2006-тӥ—2008-тӥ аръёсы «РуссНефть» мувӧй компаниын геологияя но мувӧй кылдон интыосты эскеронъя-бугыртонъя вице-президент луыса тыршиз. 2008-тӥ арын южтолэзе «Газпромнефть Наукая но Техникая Центр» ООО-ез валтыны ӧдъяз. 2009-тӥ арын тулыспалэ «Газпром нефть» ОАО-е выжиз, татын геологияя но музъем узырлыкъя интыосты поттонъя дирекциен кивалтӥз, 2011-тӥ арын геологоразведочной ужъёсъя но мувӧй компанилэсь кужымзэ азинтонъя дирекциен валтыны кутскиз.

2007-тӥ арын тулыспалысен озьы ик кивалтӥз Удмурт кун университетысь мувӧй но газ геологияя кафедраен, 2008-тӥ арын кафедраысь профессор луиз.

2012-тӥ арын «Славнефть» компанилы мувӧй поттонъя но геологияя ужпумъёсъя вице-президентэ юнматӥзы.

2013-тӥ—2014-тӥ аръёсы — Ижын пусъем «Геосервис» компаниослэн группазы" ООО-лэн президентэз.

2014-тӥ арын южтолэзьысен 10-тӥ коньывуонозь — Удмуртиысь премьер-министрлэсь ужзэ быдэсъясь.

2014-тӥ арын 10-тӥ коньывуонысен 2017-тӥ арозь — Удмурт Элькунысь Правительстволэн Тӧроез. 2017-тӥ арын, Удмуртиысь кивалтэт воштӥськемен, Удмурт Элькунысь Правительстволэн Тӧроезлэсь ужъёссэ быдэсъяз, отӥяз отставкае кошкиз.

Кун службалэсь палэнскемез бере Савельев медийной луэмысь дугдӥз, солэн азьлань сюресэз сярысь ивортонъёс ӧвӧл шуыны луэ. Тодмо, 2019-тӥ арын со «Гео Групп» компанилэн президентэз вал шуыса.

Виктор Савельев — Россиысь естественной наукаосъя академилэн корреспондент ёзчиез, Минералогияя ресурсъёсъя калыккуспо академиысь академик, РФ-ысь гурезь наукаосъя академилэн корреспондент ёзчиез, Россиысь но калыккуспо инженерияя академиослэн корреспондент ёзчиез. Геологияя но минералогияя наукаосъя доктор, профессор. Сюлэсь ятыр статьяослэн но наукая ужъёслэн авторез.

Библиографиез

• В. А. Савельев. Нефтегазоносность и перспективы освоения ресурсов нефти Удмуртской Республики. — М., Ижевск: Институт компьютерных исследований, 2003. — 287 с.
• В. А. Савельев, В. К. Преснухин, И. Г. Русяк. Концепция развития топливно-энергетического комплекса Удмуртской Республики на 2003-2010 годы / редактор И. Г. Русяк. — Ижевск: Издательство ИжГТУ, 2003. — 256 с.
• Д. А. Сугаипов, В. А. Савельев. Регулирование эффективности разработки нефтяных месторождений горизонтально-направленными скважинами. — Ижевск: Типография Удмуртского государственного университета, 2004. — С. 39. — 287 с.
• В. А. Савельев. Комплексное решение проблемы освоения ресурсов нефти на стадии высокой степени изученности недр [ӟуч]. — 2006. — С. 349.
• В. А. Савельев, В. А. Силич. Разработка алгоритма принятия решений по выбору геолого-технического мероприятия для нефтедобывающей скважины [ӟуч]. — 2012.

Данъетъёсыз но дано нимъёсыз

• Удмурт Элькунысь дано нефтяник (2003);
• Удмурт Элькунысь Кун премилэн лауреатэз (2005);
• «Химияя ожтӥрлыкез быдтонын вормонъёсыз понна» II степенё гадьпус (2006);
• Удмурт Элькунлэн Данъян грамотаез (2006);
• РФ-ысь Энергетикая министерстволэн Данъян грамотаез;
• «РуссНефть» ОАО НК-лэн I степенё Ужысь данлык" нимо гадьпус (2007);
• РФ-ысь му узырлыкез эскеронъя отличник (2011).

Валэктонъёс

Чӧлсконъёс

• Виктор Савельев: Удмуртия выдержала основной удар кризиса [ӟуч]

• О самом главном. Виктор Савельев ответил на вопросы наших читателей [ӟуч]

• Премьер-министр Удмуртии: Нелогично требовать, чтобы министр привез 100 млн из федерального бюджета, если его тоже сократили [ӟуч]