Балезино ёрос

**Балезино ёрос**
Файл:Coat of Arms of Balezino rayon (Udmurtia).png
Герб	Флаг
Центр	Балезино
Улӥсьёс
- ваньмыз	40 700
- плотность	15,7 адями/км²
Территория
- ваньмыз	2586,8 км²

Балезино ёрос Удмуртилэн уй палаз интыяськемын. Центрез — кар типъем гурт Балезино. Мукет улон интыос пӧлысь тужгес тодмосыз:

Каменное Заделье
Кестым
Пибаньшур
Юнда
Люк
Пыбъя.

Бускель ёросъёсыз:

Ёрослэн музъем вылтӥз бызё таӵе шуръёс:

Чупчи
Пызеп
Кампызеп
Кеп
Люк
Юнда.

Ёрос кылдӥз 15-тӥ июле 1929-тӥ арын. Соку отчы 18 сельсовет, 189 населённой пункт пыриз. Огъя площадез — 2587 км². Улӥсез — 41,1 сюрс. Та пӧлысь 57,6%-эз — удмуртъёс, 28,2%-эз — ӟучъёс, 12,1%-эз — бигеръёс, 2,1%-эз — мукет калыкъёс.

Инкуазь

Балезино ёрос интыяськемын Верхнекамской возвышенностьын. Республикамылэн тужгес вылӥ интыез — ёросысь Новосёлы гуртын: зарезьлэсь 323 метрлы вылӥын. Та палъёстӥ бызё Люк шуръёс. Ёрослэсь 30%-сэ шобырто нюлэс кушъёс.

Экономика

Ёросын 8 промышленной предприятие: литейно-механической завод, 2 нюлэс участок, 1 леспромхоз, етӥн сэстон завод, спирт завод, лэсьтӥськон удыслы чаклам материалъёс дасянъя завод.

Гурт удысын тужгес бадӟым саклык висъяло йӧл, сӥль поттонлы. Ёросын вань 3 банк.

1895-тӥ арын ёросэтӥ кыскизы Вятка-Пермь чугун сюрес. Ёрослэн лымшор палтӥз ортче Ижевск-Глазов асфальт сюрес.

Дышетон, тазалыкез утён, культура

Ёросын вань 35 школа, 48 номеро ПТУ, искусствоосъя школа но солэн 2 филиалъёсыз, ДЮСШ, нылпи юрт, пиналъёсты школалэсь азьвыл дышетонъя 36 учреждение, 43 культурая юрт, музей, 54 культурая памятник, 26 библиотека но мукет. Ёрос газетсы — «Вперёд!» (1931).

Чӧлсконъёс