29-тӥ коньывуонэ

← → Коньывуон
Вн Пкс Вирн Па УдмА Кӧсн Ан     1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2025-тӥ ар

29-тӥ коньывуонэ — Григориан дырпусъя — арлэн 302-тӥ нуналыз (касьян аре — 303-тӥез). Ар пумозь 63 нунал кылемын.

Нунал тодметъёс

• Сӥзьыл Пимен (ӟуч Пимен Осенний). Та нуналысен, пе, инкуазь гужемысь толалтэе выже, шутэтскыны кутске. Пименысен улон но ӝега, шуо калыкын.
• Туннэ трос тылобурдоос огазе люкасько ке ― тол кезьыт луоз.
• Туннэ куазь зоро ке ― толалтэ кот луоз, шундыё ке ― куазь сайкыт возиськоз.

Нимнуналзэс пусъё

• Coфья, Лeoнтий, Aлeкceй, Тepeнтий, Евгeний, Ивaн, Гeopгий.

Калыккуспо Горд Кирослэн Женеваысь валтӥсь юртэз

Праздникъёс но буре ваён нуналъёс

• — Инсультэн нюръяськонлы сӥзем дунневыл нунал (ӟуч Всемирный день борьбы с инсультом).
• — Псориазэн нюръяськонлы сӥзем дунневыл нунал (ӟуч Всемирный день борьбы с псориазом).

Йӧскалык праздникъёс

• Россия Россия —
  • Росгвардилэн вневедомственной охранаезлэн нуналыз (ӟуч День вневедомственной охраны Росгвардии).
  • Комсомоллэн вордӥськон нуналыз (ӟуч День рождения комсомола).
• Турция Турция — Элькунлэн нуналыз (ӟуч День Республики).
• Сербия Сербия — Конституциез кутон нунал (ӟуч День принятия Конституции).

Тумошо праздникъёс

• Миндэрлэн нуналыз (ӟуч День подушки).
• Зульымлэн нуналыз (ӟуч День Говоруна).

Луэм учыръёс

Удмуртиын

• 1959 — Быдэс Россиысь инкуазез утёнъя обществолэн Удмурт ёзэтэз кылдытэмын — Удмурт шаерысь тужгес вужез экологи организация.
• 1968 — Ижысь Ленин урамын памятник-пушка усьтэмын, 174-тӥ противотанковой Удмуртиысь Комсомоллэсь нимзэ нуись нимысьтыз артдивизионлэн батыръёсызлы сӥзем синпелет.
• 1980 — Удмуртиысь суредан устолыкъёсъя музей усьтӥськиз.
• 1993 — Ижкарысь Калык депутатъёслэн Кенешсылэн быдэсъясь комитетэз Ижысь кар администрацилы пӧрмытэмын.
• 1994 — Экранъёс вылэ потӥз «Алангасарлэн вужерез» кинофильм.
• 2002 — Удмуртилэн кун гимнэз сярысь кат кутэмын.

Россиын но дуннеын

Комсомоллэн гадьпусэз

• 1787 — Ностицлэн театраз Моцартлэн «Дон Жуан» операезлэн премьераез ортчиз.
• 1863 — Калыккуспо Горд Кирос инъямын.
• 1888 — Борки дорын ӟуч императорлэн поездэз усьыса куашказ.
• 1905 — Кругобайкальской чугун сюрес яланлыко мынон-ветлонлы усьтэмын.
• 1918 — Россиысь коммунистической егитъёслэн союззы ― комсомол кылдытэмын.
• 1945 — Нью-Йоркын нырысьсэ шариковой ручкаос вузаськыны кутскизы.
• 1955 — «Новороссийск» линкор Севастопольысь бухтаын валантэм шорысь пуштӥз.
• 1956 — «Кадеш» операция: Великобританилэн но Францилэн юрттэтэнызы Израиль Синай мукоже кужмысь пыриз.
• 1998 — инсьӧры лобиз тужгес мӧйыэз астронавт, Джон Гленн.

Йозеф Геббельс, немец кун но политика удысын ужась

Вордскизы

• 1924 — Иван Смагин, ӟуч актёр, Удмуртиысь калык артист.
• 1947 — Анатолий Салтыков, Ижкарлэн нырысетӥ мэрез (1994—2001).
• 1957 — Татьяна Князева, Удмуртиысь актриса.
• 1972 — Андрей Прокопьев, удмурт этнохореолог но артист.

• 1897 — Йозеф Геббельс, немец кун но политика удысын ужась, нацист.
• 1929 — Евгений Примаков, СССР-ысь но Россиысь кун ужась, экономист но историк, Россиысь премьер-министр (1998—1999).
• 1948 — Елена Драпеко, СССР-ысь но Россиысь киноактриса, политик, Россиысь Кун Думалэн депутатэз.
• 1971 — Вайнона Райдер, Америкаысь киноактриса, «Зарни глобус» премилэн лауреатэз (1994).

Николай Чернышевский, ӟуч гожъяськись

Кулӥзы

• 1783 — Жан Лерон Д’Аламбер, Франциысь философ, механик но математик.
• 1889 — Николай Чернышевский, ӟуч философ-утопист, литературной критик, публицист но гожъяськись.
• 1911 — Джозеф Пулитцер (Joseph Pulitzer), Америкаысь журналист, книга поттӥсь, журналистъёслы Пулитцер премиез инъясь.
• 1943 — Василий Таначев, Быдӟым Атыкай оже пыриськем мурт, Совето Союзысь Герой.
• 1957 — Луи Мейер, Америкаысь кинопродюсер, «Metro-Goldwyn-Mayer» киностудилэн кивалтӥсез.
• 2001 — Григорий Чухрай, кинорежиссёр но сценарист, СССР-ысь калык артист.
• 2006 — Алексей Ермолаев, Удмуртиысь критик, удмурт литератураез эскерись.
• 2014 — Людмила Христолюбова, удмурт этнограф но историк.

Валэктонъёс