Семёнов, Игорь Николаевич

Рувикиын таӵе фамилиен мукет муртъёс сярысь гожтосъёс вань. Учке: Семёнов.

Семёнов Игорь Николаевич
Удмурт Элькунысь Кун Кенешысь депутат (I,II, III, IV ӧтчамъёсысь)
1995 — 2011
Удмурт Элькунысь Кун Кенешлэн Тӧроез
2000 — 2007
Вордӥськемын	20-тӥ толсуре 1951({{padleft:1951|4|0}}-{{padleft:12|2|0}}-{{padleft:20|2|0}}) (74 года) Сям-Какся, Туймыйыл муниципал кылдытэт, Алнаш ёрос, Удмурт Автономной Советской Социалистической Республика, РСФСР, СССР
Дышетскемез	Гурт удысъя удмурт кун университет
Данъетъёсыз

И́горь Никола́евич Семёнов (ворд. 20-тӥ толсуре 1951, Сям-Какся, Удмурт Автономной Советской Социалистической Республика) — Удмурт Элькунысь Кун Кенешлэн нырысетӥ (1995—1999), кыкетӥ (1999—2003) куинетӥ (2003—2007), ньылетӥ (2007—2011) ӧтчамъёсысьтыз депутат. Удмурт Элькунысь Кун Кенешлэн Тӧроез (2000—2007).

Улон сюресэз

1951-тӥ арын 20-тӥ толсуре Удмурт АССР-ысь Алнаш ёросысь Сям-Какси гуртын вордӥськиз.

1973-тӥ арын «Востокпромсвязьмонтаж» (Пермь) монтажъя управлениын связья монтажник луыса ужаз. Отӥяз Можгаысь 5 номеро шор ёзо профессионально-технической училищеын производстволы дышетонъя мастер вал.

1973—1974-тӥ аръёсы Совето армиысь стратегической назначениен ракетной войскоосын службазэ нуиз.

1974-тӥ арын толсурысен Можга карысь школа-интернатын начальной военной подготовкая дышетӥсь луыса ужаз, 1978-тӥ арын пӧсьтолэзьысен 5 номеро СПТУ-ын производстволы дышетонъя мастер вал.

1977-тӥ арын Ижысь гурт удысъя институтэз «инженер-механик» ӧнеръя йылпумъяз.

1979-тӥ арын — Можгаысь консерва поттон заводын тӥрлыкъя инженер.

1982-тӥ арысен Можга карысь жилищно-коммунальной возёсъя сӧзнэтын ужаз: нырысь ву сётон но канализацияя хозяйствоысь производствоя управлениысь инженер, отӥяз бадӟымез инженер луыса. Карысь коммунальной службаосты одӥг предприятие огазеямзы дырысен Игорь Николаевич солэн кивалтӥсез вал: 1987-тӥ арын куартолэзе юнматэмын коммунальной предприятиосъя но благоустройствоя комбинатлы кивалтӥсе, 1988-тӥ арын толсуре — Можгаысь жилищно-коммунальной хозяйстволэн производствоя огазеяськонлы (1993-тӥ арын куартолэзьысен — жилищно-коммунальной хозяйствоя муниципал предприятилы) директоре.

1998-тӥ арын оштолэзе быръемын Можга карлы интыысь аскивалтонъя йыре.

Удмурт Элькунысь Кун Кенешлэн нырысетӥ (1995—1999), кыкетӥ (1999—2003) куинетӥ (2003—2007), ньылетӥ (2007—2011) ӧтчамъёсысьтыз депутат.

2000-тӥ арын 28-тӥ шуркынмонэ Удмуртиысь элькун парламентлэн азьвыл чакламтэ сессияз УР-ысь Кун Кенешлы Тӧрое быръемын. Игорь Николаевич УР-ысь Кун Кенешлэн но солэн Президиумезлэн кенешонъёсынызы кивалтӥз, УР-ысь Кун Кенешен эскероно ужпумъёсты дасянэн огъя кивалтӥз, УР-ысь Кун Кенешлэн ялан ужась комиссиосызлэсь ужзэс радъяз, Удмуртиысь кат кылдытъясь кивалтэтлэсь данзэ элькунын но солэн палэназ утиз.

2003-тӥ арын 23-тӥ оштолэзе выльысь быръемын УР-ысь Кун Кенешлы Тӧрое.

Элькунысь Президентлэн А. А. Волковлэн ӵектэмезъя, 2012-тӥ арын толсуре улосысь «Удмурт Кенеш» калык огазеяськонлэн тӧроез луиз.

Данъетъёсыз

• Данъян орден (2004);
• Росси Федерациысь жилищно-коммунальной возёсысь дано ужась;
• Можга карлэн дано муртэз;
• РФ-ысь Югдурез утёнъя министерстволэн «За боевое содружество» медалез;
• Россиысь Нимысьтыз лэсьтӥськонъя агентстволэн «Россиысь Спецстройлы 50 ар» юбилей медалез (2000);
• РФ-ысь Граждан обороная, шуэрес учыръёсъя но шугадӟонъёслэсь бервылзэс утялтонъя министерстволэн «За заслуги» данъян пусэз (2000);
• Черк но мерлыко огазеяськонъёслэн данъетъёссы: Ӟуч православной черкысь Вӧсьлыко благоверной князь Даниил Московскийлэн II степенё орденэз, «Дуннеысь ӟеч адямиос» благотворительной мерлыко движенилэн «Нацилэн данэз» I степенё орденэз (2006).

Валэктонъёс

Чӧлсконъёс

• Семёнов Игорь Николаевич [ӟуч]

• Семёнов Игорь Николаевич [ӟуч]