27-тӥ толшор — Григориан дырпусъя — арлэн 27-тӥ нуналыз. Ар пумозь 338 нунал кылемын (касьян аре — 339 нунал). 7
☀️ Ижкарын Шунды 8 час 23 минутэ ӝужа, пуксе 16 час 31 минутэ. Югыт нуналлэн кыстӥськемез 🕒 8 час 8 минут.
🌓 Нырысетӥ ньыльмосэз (будэмез 8.55 нунал).
Нунал тодметъёс
Калык дырпусъя туннэ Ниналэн нуналыз. Та нуналэ гурт пудоез чакланы-утьыны дэмлало. Нылкышноос корка котырын утялско, кизёно кидысъёссэс дасяло. Та нуналэ вань мытэм ужъёс пайдаё луозы шуо.
- Ӟырт кезьыт нуналэ атасъёс вазь ӵукна ик чоръяны кутскизы ке ― кезьытъёс ӝоген ортчозы.
- Туннэ писпуос гӧртэмын ке ― шунытскоз.
- Инмын тӧдьы пилемъёс уяло ке ― кезьытскоз.
Нимнуналзэс пусъё
- Агния, Адам, Андрей, Аристарх, Вениамин, Геласий, Домн, Давид, Евсевий, Иеремия, Иван, Ипатий, Илья, Иосиф, Исаак, Исаия , Макарий, Марк, Маркел, Моисей, Нина, Орион, Павел, Пафнутий, Прокл, Савва, Сергей, Стефан, Феодул.
Праздникъёс но буре ваён нуналъёс
- ООН
ООН — Холокостэ шедемъёсты буре ваён калыккуспо нунал.
- Россия
Россия — «Ож данлыко нунал — Ленинградэз фашист блокадалэсь мозмытон нунал».
Монако — Монаколэсь кылчинзэ дун-чылкыт Девотаез буре ваён нунал.- Грузия
Грузия — вӧсьлыко равноапостольной Ниноез, Грузилэсь югдытӥсьсэ (Нинообаез) буре ваён нунал.
Туркмения — Атыкай музъемез утисьлэн нуналыз.
Луэм учыръёс
Удмуртиын
- 1867 — Ижысь Базар площадьын Иж заводысь ужасьёсты ужъёслэсь мозмытон сярысь эксэй косон шара лыдӟемын.
- 1994 — Удмурт Элькунын «Интыысь аскивалтон сярысь» кат кутэмын.
Россиын но дуннеын
- 1785 — Джорджиын университет усьтэмын.
- 1918 — финн граждан ож гомӟиз.
- 1924 — Москваын Владимир Ленинэз ватон ужрад ортчиз (шайкоросэз мавзолее интыямын).
- 1935 — Самара карлы Куйбышев ним сётэмын, совето партийной ужчиез Валериан Куйбышевез буре вайыса.
- 1944 — Ленинград блокадалэсь быдэсак мозмытэмын.
- 1945 — Горд арми Аушвицеын концлагере шедемъёсты мозмытӥз.
- 1948 — США «Wire Recording» магнитофон вузаны кутскиз. Солэн дуныз 149$ вал.
- 1961 — Баренцево зарезьын совето вуул лодка С-80 выйиз. Ву вылэ 1969 арын поттэмын вал.
- 1967 — «Аполлон-1» инсьӧр корабльлэн экипажез Кеннеди нимо центрын бырыны шедиз.
- 1973 — Парижын Вьетнамын ожез дугдытон сярысь тупанкыл гожтэмын.
- 2009 — митрополит Кирилл Ӟуч православи черклэн 16-тӥ патриархез луиз.
- 2023 — Шундыӝужанпал Иерусалимысь синагогагын ыбылыӥськон пуромиз.
Вордӥськизы
- Удмуртиысь тодмо муртъёс
- 1905 — Александр Миронов, удмурт гожъясьчи, проза гожъясь.
- 1936 — Семён Виноградов, удмурт живописец, профессор, этнограф, Удмуртиысь Калык художник.
- 1985 — Хохряков Николай Анатольевич, росси куасчи, куасэн бызьылонъя Россиысь калыккуспо классъем спортъя мастер. Удмуртиысь егитъёслэн сборнойзылэн тренерез.
- 1946 — Антонина Лисина, удмурт дышетӥсь, кун но мерлыко ужась, УАССР-ысь дышетонъя министр (1986—1990).
- 1958 — Люция Волкова, удмурт этнограф.
- Россиысь но дуннеысь тодмо муртъёс
- 1756 — Вольфганг Амадей Моцарт, Австриысь крезьгурчи.
- 1826 — Михаил Евграфович Салтыков-Щедрин, ӟуч гожъясьчи.
- 1832
- Льюис Кэрролл, Англиысь гожъясьчи, математик но философ.
- Фёдор Богданович Шмидт, Россиысь геолог, ботаник но палеонтолог.
- 1859 — Вильгельм II, Герман империлэн 3-тӥ кайзерез но Пруссилэн королез.
- 1879 — Павел Петрович Бажов, ӟуч гожъясьчи, урал выжы-мадёсъёслэн авторзы.
- 1900 — Александр Ахола-Вало, финн суредась но мыслитель.
- 1974 — Уле Эйнар Бьёрндален, Норвегиысь биатлонист.
- 1977 — Елена Ваенга, Россиысь кырӟась, кырӟанъёслэн авторзы.
- 1980 — Марат Сафин, Россиысь теннисэн шудӥсь.
Кулӥзы
- Удмуртиысь тодмо муртъёс
- 2007 — Виталий Анатольевич Журавлёв (ворд. 1941-тӥ арын 1-тӥ тулыспалэ Ленинградын, СССР) — совето и росси тодосчи. Физика но математика тодосъёсъя доктор, профессор, РАЕН-ысь академик. 1986-тӥ — 2007-тӥ аръёсы — Удмурт кун университетлэн ректорез. СССР-ысь Кун премилэн наука но техника удысысь лауреатэз. Россиысь Вылӥ аттестационной комиссилэн дунъет сётонъя кенешысьтыз ёзчиез. Удмуртиысь наука удысысь дано ужась, Росси Федерациысь вылӥ тодон-валан сётон удысысь дано ужась.
- Россиысь но дуннеысь тодмо муртъёс
- 1860 — Янош Бойяи, венгер математик.
- 1901 — Джузеппе Верди, Италиысь крезьгурчи.
- 1919 — Эндре Ади, венгер кылбурчи но мерлыко ужась, революци-демократи публицист.
- 1942 — Ян Жункур, Эстониысь ожгар офицер, полковник.
- 1951 — Карл Маннергейм, финн ожгар но кун ужась, Финляндилэн президентэз (1944—1946).
- 1983 — Луи Де Фюнес, Франциысь киноактёр-комик, режиссёр но продюсер.
- 2006 — Йоханнес Рау, Германилэн федерал президентэз (1999—2004).
- 2010 — Джером Дэвид Сэлинджер, Америкаысь гожъясьчи.
