11-тӥ толшоре
11-тӥ толшор — Григориан дырпусъя — арлэн 11-тӥ нуналыз. Выль арозь 354 нунал кылемын (касьян аре — 355 нунал).
☀️ Ижкарын Шунды 8 час 50 минутэ ӝужа, пуксе 16 час 4 минутэ. Югыт нуналлэн кыстӥськемез 🕒 7 час 13 минут.
🌗 Берпуметӥ ньыльмосэз (будэмез 22.08 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
Калык осконъёсъя туннэ тужгес кышкытэз нунал. Та нуналэ нылпиосты огназэс педло потаны уг лэзё. Туннэ дэмлало корка пушкын утялскыны, пӧраськыны. Уг яра тодмотэм муртъёсты корка лэзьыны, ченгешыны, куаретыны но выль ужъёсты мытыны. Та уе адӟем вӧтъёс зэмало, шуо.
- Та нуналэ куазь шуныт ке — тулыс вазь вуоз.
11-тӥ толшоре православной христианъёс тодазы ваё Иудейын трос дауръёс талэсь азьвыл ортчем учырез. Иисус Христослэн вордскемез сярысь тодэмез бере, Ирод эксэй, тӧрлыкез кияз возён понна, инмын Вифлеем кизили ӝуатскем бере вордӥськем нунокъёсты одӥгтэм быдтыны косӥз. Евангелиын Матфейлэн мадемезъя гожтэм учырын дас ньыль сюрс кык арес тырмымтэ пияшъёс виемын вал.
Нимнуналзэс пусъё
- Агриппина, Анна, Афинодор, Варвара, Василиск, Вениамин, Георгий, Евдокия, Евфросиния, Иван, Лаврентий, Марк, Маркелл, Матрона, Наталия, Фаддей, Феодосий, Феофил.
Праздникъёс но буре ваён нуналъёс
Россия — Йӧскалык паркъёслэн но заповедникъёслэн нуналзы.
Албания — Элькунлэн нуналыыыз (1946).
Тунис — Нылпиослэн нуналзы.
Луэм учыръёс
Удмуртиын
- 1965 — Каракулино ёросысь пудо-животъёслэн висёнъёсынызы нюръяськонъя станци кылдытэмын.
Россиын но дуннеын
- 1559 — Англиысь Сьӧлыктэм Павеллэн Собораз историын нырысьсэ лотерея ортчытэмын.
- 1693 — Сицилиын музъем зурканэн сэрен куатьтон сюрслэсь трос адями бырыны шедиз.
- 1700 — Россиын византи дырпус интые юлиан дырпус кутэмын. Арлэн кутсконэз 1 толшоре выжтэмын.
- 1774 — Пугачёв ӝуткаме пыриськемъёсын судебной процесс йылпумъямын. Емельян Пугачёвлы, Максим Шигаевлы но мукетъёсызлы виыса быдтон сярысь пумкыл ялэмын.
- 1879 — Британ импери зулусъёслы ож ялӥз.
- 1917 — кылдытэмын Баргузин заповедник, со Росси империысь нырысетӥез луэ.
- 1919 — РСФСР-ысь Калык комиссаръёслэн кенешсы продразвёрсткаез кутон сярысь декрет гожтӥз.
- 1935 — Амелия Эрхарт — нырысетӥез нылкышно-авиатор нырысьсэ одӥгназ Чус океан вамен лобиз.
- 1940 — Сергей Прокофьевлэн «Ромео и Джульетта» балетэзлэн премьераез ортчиз.
- 1946 — Зогу эксэез палэнтэм бере, Албания Калык Элькун шуыса ялэмын вал.
- 1994 — Россия Федерациысь Федерал ӧтчамлэн нырысетӥ кенешез ортчиз.
Вордӥськизы
- Удмуртиысь тодмо муртъёс
- 1925 — Василий Овсиенко, юрист, Удмурт кун университетысь тодосчи.
- 1964 — Валентина Пудова, Удмуртиысь калык артистка.
- 1986 — Роман Романов, Ижкарысь удмурт SEO-оптимизатор, веб-мастер но блоггер.
- Россиысь но дуннеысь тодмо муртъёс
- 1972
- Аманда Пит, Америкаысь киноактриса.
- Константин Хабенский, актёр, Россиысь Калык артист.
- Андрей Малахов, Россиысь телеведущий, шоумен.
- 1983 — Кайса Мякяряйнен, финн биатлонистка, дуннелэн чемпионэз.
Кулӥзы
- Удмуртиысь тодмо муртъёс
- 1973 — Василий Жарский, Удмуртиысь инкуазез суредась.
- Россиысь но дуннеысь тодмо муртъёс
- 1999 — Брайан Мур, Ирландиысь гожъясьчи.
- 2014 — Ариэль Шарон, Израильысь политик, Израильлэн премьер-министрез (2001—2006).