30-тӥ толшоре
30-тӥ толшор — Григориан дырпусъя — арлэн 30-тӥ нуналыз. Ар пумозь 335 нунал кылемын (касьян аре — 336 нунал).
☀️ Ижкарын Шунды 8 час 17 минутэ ӝужа, пуксе 16 час 37 минутэ. Югыт нуналлэн кыстӥськемез 🕒 8 час 20 минут.
🌔 Йылӥсь Толэзь (будэмез 11.55 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
Калыкын туннэ Онтонлэсь нуналзэ пусъё. Та нуналъёсы куазьлы оскыны уг яра, шунытскоз но выльысь кезьытскоз. Туннэ, пе, нянез пуртэн уг шорыло, тулыслэсь вуэмзэ ӝегатод шуо.
- Туннэ пильмаськиз ке ― ӝоген пелляськоз.
- Туннэ куазь шуныт ке ― тулыс вазь вуоз, лымыяз ке ― беромоз.
Нимнуналзэс пусъё
- Антоний, Антонина, Ахила, Виктор, Георгий, Иван, Мартирий, Павел, Феодосий.
Праздникъёс но буре ваён нуналъёс
Россия — День Тол Бабайлэн но Лымы ныллэн нуналыз[1].
Индия — Эриклык понна нюръяськисьёслэн нуналзы.
Азербайджан — Таможняын ужасьёслэн нуналзы.
Луэм учыръёс
Удмуртиын
- 1956 ― Ижкарын Пожарский нимо урам кылдэмын (азьвыл Строительная нимаське вал).
- 2012 ― Удмурт Элькун Кивалтэтлэн Пуктэмезъя «ИжГТУ-лэн 60 ар тырмеменыз валче, но научно-технической тодэтъёсты азинтонын но дышетон удысын бадӟым инты басьтэмез понна», Ижысь техникая кун университетлы Михаил Тимофеевич Калашниковлэн нимыз сётэмын.
Россиын но дуннеын
- 9 ар асьме вапумозь — Рим-ын Алтарь Мира вӧсямын.
- 1722 — Москваын обер-полицмейстер интыуж кылдытэмын.
- 1847 — Мексикалэн кивалтэтэз Йерба-Буэна карлы Сан-Франциско выль ним сётӥз.
- 1930 — Павел Молчанов Павловскын нырысетӥ радиозондъёс пӧлысь одӥгзэ инме лэзиз.
- 1933 — Адольф Гитлер Германилэн рейхсканцлерез луиз.
- 1934 — 20,6 иськемлы вылӥе ӝутскем «Осоавиахим-1» стратостат катастрофае шедиз.
- 1935 — Америкаысь сейсмолог Чарльз Рихтер музъемурканъёслэсь кужымзэс мертан понна нимысьтыз шкала усьтыны ӵектӥз. Туннэ со Рихтерлэн шкалаез нимаське.
- 1945 — С-13 совето вуул лодка «Вильгельм Густлофф» немец лайнерез выйтытӥз.
- 1969 — «The Beatles» группалэн берпуметӥ концертэз Лондонысь Apple Records юртлэн липет вылаз ортчиз.
Вордӥськизы
- Удмуртиысь тодмо муртъёс
- Россиысь но дуннеысь тодмо муртъёс
- 1882 — Франклин Делано Рузвельт, США-лэн 32-тӥ президентэз.
- 1900 — Исаак Осипович Дунаевский, совето композитор.
- 1923 — Леонид Гайдай, кинорежиссёр, сценарист, актёр, СССР-ысь калык артист.
- 1930 — Джин Хэкмен, Америкаысь актёр.
- 1937 — Ванесса Редгрейв, Великобританиысь актриса, «Оскар» премилэн лауреатэз.
- 1938 — Ислам Каримов, Узбекистанлэн президентэз (1990—2016).
- 1941 — Ричард Чейни, Америкаысь политик.
- 1968 — Филипп VI, Испаниысь король.
- 1981 — Питер Джеймс Крауч, Англиысь футболист.
Кулӥзы
- Удмуртиысь тодмо муртъёс
- 1965 — Фрол Козлов, инженер-металлург, совето кун ужчи, 1936—1939 аръёсын «Ижсталь» заводын ужаз.
- 1999
- Николай Миронов, кун ужась но политик, УАССР-ысь но Удмурт Элькунысь Министръёслэн Советсылэн тӧроез 1990—1993 аръёсын.
- Владимир Остроумов, инженер-механик, Ижысь механикая институтлэн нырысетӥ ректорез.
- россиысь но дуннеысь тодмо муртъёс
- 1649 — Карл І Стюарт, Англилэн, Шотландилэн но Ирландилэн королез 1625-тӥ арысен.
- 1730 — Пётр II, ӟуч император 1727-тӥ арысен.
- 1948 ― Махатма Ганди, Индиысь йӧскалык движенилэн азьветлӥсез но кивалтӥсьёс пӧлысь одӥгез.
- 1951 — Фердинанд Порше, автоконструктор, промышленник, «Фольксваген» автомобилез кылдытӥсь.
- 1982 — Виктор Глушков, совето математик, академик.
- 1986 — Иван Папанин, Арктикаез совето эскерись, контр-адмирал, Совето Союзлэн кык пол Героез.
- 1995 — Джеральд Даррел, Англиысь зоолог, путешественник но писатель.
- 2007 — Сидни Шелдон, Америкаысь гожъяськись но сценарист.