28-тӥ толшоре

28 толшор — Григориан дырпусъя — арлэн 28-тӥ нуналыз. Ар пумозь 337 нунал кылемын (касьян аре — 338 нунал).

← → Толшор
Вн Пкс Вирн Па УдмА Кӧсн Ан     1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
2025-тӥ ар

Нунал тодметъёс

• Паволлэн нуналыз. Та нуналэ, пе, вегинъёс асьсэлы бӧрысьчи утчало. Туннэ куно ӧтчамлэсь но, куное ветлэмлэсь но ало. Та нуналэ ышем маке ноку уз шедьы ни шуо.

• Туннэ куазь тӧло ке ― ар кот улоз.
• Та уй кизилиё ке луиз ― етӥн удалтоз.
• Туннэ нуназе пелляськиз ке ― уйин ӟырт кезьыт кариськоз.

Нимнуналзэс пусъё

• Алпсидий, Варлам, Гавриил, Герасим, Елена, Елпидий, Иван, Михаил, Павел, Пансофий, Прохор.

Праздникъёс но буре ваён нуналъёс

• ООН ООН - Аслыко тодэтъёсты утён калыккуспо нунал.
• Армения Армения — Армилэн Нуналыз.
• Славян калык туннэ Коркаутисьлэсь нуналзэ пусъе.

Луэм учыръёс

Удмуртиын

• 1922 — Истпартлэн Вотской бюроез кылдытэмын, али дыре со — Удмурт Элькунысь выль историлэн документациезъя центр.
• 1984 — Куйбышевысь лобись Ан-24 самолёт, Ижевск аэропортэ пуксьыкуз, музъем борды мырӟиськыса пальккиськиз. 4 адями бырыны шедиз.
• 1986 — КПСС-лэн Удмурт обкомезлэн бюроез нылпиослы удмурт кылын «Кизили» журнал поттон сярысь Пуктэт кутӥз.

Россиын но дуннеын

• 98 — Римлэн императорез Марк Ульпий Траян луиз, со «умой императоръёс» пӧлысь кыкетӥез, шуэм сямен.
• 1724 — Петр Iлэн Указэзъя Петербургысь наукаосъя академи но Петербург университет кылдытэмын.
• 1725 — Россиын «дворцовой переворотъёслэн вакытсы» кутскиз.
• 1813 — Джейн Остинлэн «Pride and Prejudice» романэз потӥз.
• 1820 — Фаддей Беллинсгаузенлэн корабльёсыз тодмотэм «йӧ материк» доры вуизы.
• 1906 — Санкт-Петербургын политехникая нылкышно курсъёс усьтӥськизы — Россиын нырысетӥез техникая вылӥ дышетсконни, кудӥз нылкышноослы чакламын вал.
• 1918 — Эстония но Латвия Россилэсь эрико луэмзы сярысь ялӥзы.
• 1855 — нырысьсэ историын поезд континентъёс пыр ортчиз (Панамаысь чугун сюрес кузя).
• 1932 — японецъёс Шанхай вылэ урдӥськизы.
• 1933 — Рахмат Али Индиысь мусульманъёслэсь кунзэс Пакистан шуыса ниманы ӵектӥз.
• 1945 — Кыкетӥ дунне ож: совето ожгарчиос Мемелез басьтӥзы (Клайпедаез).
• 1956 — куасэн бызьылӥсь Любовь Козырева Кортине-д’Ампеццоысь тол Олимпи шудонъёсын 10 иськемез ортчыса вормиз но тол Олимпиадалэн историяз нырысьсэ СССР-лы нырысетӥ зарни медаль вайиз.
• 1985 — Америкаысь крезьгурчиослэн ӧтчамзы «We Are the World» синглэз гожтӥз.
• 1986 — «Челленджер» инсьӧр челнок сизьым астронавтэн валче пуштӥз.
• 1992 ― Борис Ельцин «Эрико вузкарон сярысь» указ поттӥз.

Вордскизы

• 1900 — Валериан Ступишин, Воткаысь историк, дышетӥсь, шаерчи, коллекционер.
• 1936 — Зинаида Боткина, удмурт мерлыко но кун ужась, УАССР-ысь Министръёслэн Кенешсылэн Тӧроезлэн воштӥсез (1982-1990).
• 1939 — Вероника Садаева, удмурт актриса, Удмуртиысь но Россиысь Калык артист.
• 1949 — Юрий Толкач, Ижысь крезьгурчи но музыковед.
• 1955 — Надежда Шутова, удмурт археолог но этнолог, истори наукаосъя доктор.
• 1965 — Галина Глухова, удмурт тодосчи-фольклорист.
• 1841 — Василий Ключевский, Россиысь историк.
• 1853 — Хосе Марти, Кубаысь революционер но гожъясьчи, Кубалэн йӧскалык героез.
• 1897 — Валентин Катаев, ӟуч совето гожъясьчи.
• 1955 ― Николя Саркози, Францилэн президентэз (2007-2012).
• 1963 — Сергей Супонев, СССР-ысь но Россиысь телеведущий.
• 1968 — Ольга Кабо, Россиысь актриса.

Кулӥзы

• 814 — Карл Великий, франкъёслэн корользы.
• 1596 — Фрэнсис Дрейк, англи зарезьуясь, пират, вице-адмирал.
• 1864 — Бенуа Поль Эмиль Клапейрон, Франциысь физик но инженер.
• 1996 — Иосиф Бродский, ӟуч кылбурчи, Нобель премилэн лауреатэз (1987).
• 2002 — Астрид Линдгрен, Швециысь гожъяськись.