2-тӥ тулыспалэ
2-тӥ тулыспалэ — Григориан дырпусъя — арлэн 33-тӥ нуналыз. Ар пумозь 332 нунал кылемын (касьян аре — 333 нунал).
☀️ Ижкарын Шунды 8 час 10 минутэ ӝужа, пуксе 16 час 43 минутэ. Югыт нуналлэн кыстӥськемез 🕒 8 час 32 минут.
🌕 Тыр толэзь (будэмез 14.55 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
Калыкын туннэ Ефимлэсь нуналзэ пусъё. Коркан уксё мед возиськоз шуыса, туннэ вуж арбериосты но кулэтэм луись макеосты куштыны дэмлало. Тазалыкез юнматон понна мунчое ветлыны косо.
- Туннэ жобаськиз ке ― быдэс арнязэ жобаськыса улоз.
- Та уе адӟем вӧтъёслэн валатонзы оглань луэ.
Нимнуналзэс пусъё
- Агна, Василид, Васс, Евсевий, Евтихий, Евфимий, Захария, Инна, Лев, Лаврентий, Павел, Пинна, Римма, Фирс.
Праздникъёс но буре ваён нуналъёс
Россия — Ож данлыко нунал — Сталинград ожмаськонын Горд Арми немец ожгарчиосты пазьгиз (1943).
Азербайджан — Егитъёслэн нуналзы.
Канада, 
США — Суроклэн нуналыз. Вашкала Римысен кутскыса, куд-ог интыосын ӵушъяллэсь нуналзэ пусъё.
Эстония — РСФСР но Эстони куспын тупанкыл гожтон нунал (1920)
Луэм учыръёс
Удмуртиын
- 1896 — Иж заводын калык библиотека-лыдӟонни усьтэмын.
Россиын но дуннеын
- 962 — Оттон I Вӧсьлыко Рим империлэн нырысетӥ императорез луиз.
- 1238 — Батый Москваез тарказ.
- 1536 — Педро де Мендоса Буэнос-Айрес карез инъяз.
- 1589 — Москваын патриаршество кылдытэмын.
- 1620 — Сибирской епархия кылдытэмын.
- 1701 — «Ладожской озероын 18-пушкаё куать корабль лэсьтон сярысь указ» поттэмын. Со ик Балтийской флотлы инъет луиз.
- 1905 — Петербургын Египетской выж куашказ.
- 1918 — Калык комиссаръёслэн кенешсы Черкез кун бордысь но школаез черк бордысь висъян сярысь декрет кутӥз.
- 1920 — Тартуын РСФСР но Эстония куспын тупанкыл гожтэмын.
- 1922 — Джеймс Джойслэн «Улисс» романэз нырысьсэ нимаз книгаен поттэмын.
- 1924 — СССР-ысь Калык комиссаръёслэн кенешсылэн тӧроез Алексей Иванович Рыков луиз.
- 1943 — Сталинград ож пумын 91 000 немец ожгарчиос Паулюс фельдмаршалэн ӵош пленэ басьтэмын.
- 1946 — Лымшор Сахалинэз но Курил шормуӵъёсты Совето Союзлэн пушпӧлаз пыртон сярысь указ поттэмын.
- 1959 — Дятловлэн тургруппаез Уйпал Уралын бырыны шедиз.
- 1986 — Лихтенштейнысь нылкышноос нырысьсэ быръёнъёсы пыриськизы.
- 1993 — Андорралэн конституциез кутэмын.
- 1999 — Уго Чавес Венесуэлалэн президентэз луиз.
Вордӥськизы
- Удмуртиысь тодмо муртъёс
- 1960 — Александр Вахрушев, удмурт тодосчи, филологи наукаосъя доктор.
- 1963 — Марина Ходырева, удмурт крезьгурчи, тодосчи-этнограф, тодмо кылбурчилэн Г. А. Ходыревлэн нылыз.
- Россиысь но дуннеысь тодмо муртъёс
- 1857 — Шимон Холлоши, венгер живописец-реалист.
- 1861 — Соломон Гуггенхайм, Америкаысь меценат, Нью-Йоркысь Туала искусствоя музеез кылдытӥсь.
- 1885 — Михаил Васильевич Фрунзе, Горд Армилэн Граждан ож дыръя ожйырыз.
- 1904 — Валерий Чкалов, совето лётчик-испытатель, Совето Союзлэн Героез.
- 1935 — Евгений Велихов, Россиысь физик-теоретик, РАН-лэн академикез.
- 1952 — Пак Кын Хе, Корея Республикалэн 11-тӥ президентэз.
Кулӥзы
- Удмуртиысь тодмо муртъёс
- 2006 — Владимир Варачёв, Удмурт Элькунысь калык артист.
- Россиысь но дуннеысь тодмо муртъёс
- 1704 — Гийом Лопиталь, Франциысь математик.
- 1907 — Дмитрий Иванович Менделеев, дано ӟуч химик.
- 1939 — Владимир Шухов, ӟуч инженер, изобретатель, тодосчи; СССР-ысь Наукаосъя академилэн сӥё-дано ёзчиез (1929).
- 1940 — Всеволод Мейерхольд, режиссёр, актёр, дышетӥсь, РСФСР-ысь калык артист.
- 1942 — Даниил Хармс (зэмос фамилиез Ювачёв), ӟуч совето гожъясьчи но кылбурчи.
- 1954 — Хелла Вуолийоки, Финляндиысь эстон гожъясьчи.
- 1970 — Бертран Рассел, Англиысь философ, литературая Нобель премилэн лауреатэз (1950).
- 1989 — Юрий Богатырёв, совето актёр, РСФСР-ысь калык артист.
- 1990 — Пауль Аристе, тодмо эстон кылчи, полиглот, Тарту университетысь профессор, академик.