Аристе, Пауль Александрович

Пауль Александрович Аристе
Пауль Александрович Аристе
	эст. Paul Ariste
Вордӥськем нуналыз	3-тӥ тулыспалэ 1905
Вордӥськем интыез	Торма[d], Йыгевамаа, Эстония;
Кулон нуналыз	2-тӥ тулыспалэ 1990 (84 года)
Кулэм интыез	Тарту, Эстон ССР, СССР;
Кун	Российской империя[d]; Эстония; СССР;
Ужудысэз	лингвист, эсперантист, педагог, преподаватель университета
Данъетъёсыз	почётный доктор Хельсинкского университета[d] Почётный гражданин Тарту[d]

Па́уль Алекса́ндрович А́ристе (ӵемысь солэсь нимтулзэ Аристэ шуыса гожъяло но) — туж тодмо кылчи, полиглот, Тарту университетысь профессор, академик. Вордскемын 1905 аре 3 феврале Россиын, Эстляндия губерняысь Тартумаа утемысь Ряэбиза нимо мызаын, дуриськисьлэн семьяяз. Аслэсьтыз азьвыл фамилизэ — Берг — со воштӥз 1927 аре (со вие уноез эстонъёс асьсэлэсь немец тусо нимтулъёссэс куштыло вылэм но эстон тусо кылъёслэсь пӧрмытэм выль нимтулъёссэс асьсэлы басьтыло вылэм). 1916 аре Пауль семьяеныз Таллинэ выже. Отын со кутскон школаез но пимурт гимназиез йылпумъяз. Дышесткемын Тарту университетын. Пауль Аристелэн наука ласянь кивалтӥсез вал тодмо эстон кылчи Петер Арумаа. 1931 аре Аристе магистрлэсь степеньзэ басьтэ (магистр луон дисертациез «Эстон-швед асэстэмъёс эстон кылын» шуыса нимаське вал), 1939 аре нош, Хийумааысь говоръёслэн фонетиказылы сӥзем диссертацизэ утьыса, филологияя докторлэсь степеньзэ басьтӥз.

Пауль Аристе Финн-угор научной обществолэн, Финляндиысь но Венгриысь наукаосъя академиослэн сӥё-дано члензы, Эстон ССР-ысь наукаосъя академилэн зэмос членэз вал (1954 арысен). Аристелэн кичӧлтэмезъя Таллинын усьтэмын вал «Советское финно-угроведение» нимо научной журнал. Ачиз Аристе со журналын улонэзлэн пумозяз ик валтӥсь редактор луыса ужаз.

Аристелэн тодос наука удысысь ужъёсыз водь, лив но ижора кылъёслы.

Ӵапак Аристелэн ӵектэмезъя Татьяна Владыкина, Георгий Архипов, Бибинур Загуляева, Валентина Калашникова, Серафим Соколов, Роза Яшина, Людмила Карпова.

Аристе тросэз адямиосты паймытъяз аслаз полиглот (уно кылъёсты тодӥсь) луэменыз. Аристе ог ньыльдон кылъёс тодэ вал, шуо; соос пӧлын — вашкала еврей кыл, цыган кыл но трос мукет кылъёс.

Пауль Аристэ кулӥз 1990 аре, 2 феврале.

Валэктонъёс

↑ ^1,0 ^1,1 Paul Ariste // Eesti biograafiline andmebaas ISIK (эст.)

[_abe06ccc42e292b6-1] 1,0 ^1,1 Paul Ariste // Eesti biograafiline andmebaas ISIK (эст.)

[1]