25-тӥ толсур — Григориан дырпусъя — арлэн 359-тӥ нуналыз (касьян аре — 360-тӥез). Ар пумозь 6 нунал кылемын.
☀️ Ижкарын Шунды 9 час 4 минутэ ӝужа, пуксе 15 час 49 минутэ. Югыт нуналлэн кыстӥськемез 🕒 6 час 45 минут.
🌕 Тыр толэзь (будэмез 15.71 нунал).
Нунал тодметъёс
- Туннэ Спиридонлэн нуналыз. Спиридон-Шундыберыктӥсь ачиз, пе, шундыез гужем пала берыктэ но, оглань медам берытскы шуыса, эскерыса улэ. Та нуналэ пӧйшураны уг яра — коньдондэ ыштод, шуо. Нош кинэн ке копаськид-тэкшерид ке, быдэс ардэ висьыса, курадӟыса улод, пе.
- Та нуналэ куазь пильмо ке — тулыс вазь вуоз.
- Та уе инбам чылкыт ке — толзэ кезьыт улоз, гужемез пӧсь луоз.
Нимнуналзэс пусъё
- Адам, Александр, Альберт, Ноэль, Адальсинда, Адальсинда, Ангелина, Евгения, Наталья, Мария, Пётр но Сиемяслав.
Праздникъёс но буре ваён нуналъёс
Йӧскалык праздникъёс
Китай Элькун (Тайвань) — Конституцилэн нуналыз.
Мозамбик — Семьялэн нуналыз.
Пакистан — Куайд-и-Азамлэн нуналыз.- Турция
Турция — Газиантеп карез мозмытон нунал (1921).
- Дуннеысь католикъёс туннэ пусъё Рождествоез.
Луэм учыръёс
Удмуртиын
Россиын но дуннеын
- 1902 — Солодовниковлэн оперной театраз Римский-Корсаковлэн «Кащей Бессмертный» операезлэн премьераез ортчиз.
- 1905 — Новороссийской республика зӥбемын.
- 1917 — Украинаын Совето власть ялэмын.
- 1946 — И. В. Курчатов кивалтэм улсын, Совето Союзын Европаысь нырысетӥез ядерной реактор лэземын.
- 1973 — Киров улосысь Фалёнки станциын 2073-тӥ номеро но 3531-тӥ номеро поездъёс мырӟиськизы.
- 1979 — совето войскоосты Афганистанэ пыртон нунал.
- 1991 — Михаил Горбачёв, СССР-лэн нырысетӥ но берпуметӥ президентэз отставкае келямын. 19 час 35 минутэ Кремль вадьсысь СССР-лэн кункышетэз Россилэнэныз воштэмын. Совето Союз интые Росси Федерация кылдытэмын.
- 1991 — «Долг» газетлэн нырысь номерез поттэмын.
- 1993 — Россилэн туала Конституциез кужымлыко луиз.
- 1950 — Шотландиысь корольёслэн коронаци иззы Вестминстер аббатствоысь лушкамын.
- 1989 — Румынилэн тӧроез Николае Чаушеску кузпалыныз ӵош ыбемын.
- 2003 — Европа космической агентство «Бигль-2» пуксён модуленыз герӟетсэ ыштӥз.
Вордӥськизы
- Удмуртиысь тодмо муртъёс
- Россиысь но дуннеысь тодмо муртъёс
- 1940 — Левон Оганезов, крезьчи, композитор, актёр но телеведущий.
- 1955 — Евгений Маргулис, СССР-ысь но Россиысь рок крезьчи, гитараен шудӥсь но кырӟась.
- 1958 — Константин Кинчев, кырӟась, кылбурчи но композитор, «Алиса» группалэн валтӥсез.
- 1971 — Владислав Галкин, Россиысь актёр.
- 1976 — Туомас Холопайнен, финн крезьчи, «Nightwish» симфоник-метал-группаез кылдытӥсь.
Кулӥзы
- Удмуртиысь тодмо муртъёс
- Россиысь но дуннеысь тодмо муртъёс
