Лямин, Михаил Андреевич
| Михаил Андреевич Лямин | |
|---|---|
| Вордӥськем нуналыз | 26-тӥ толсуре 1906 |
| Вордӥськем интыез | |
| Кулон нуналыз | 8-тӥ пӧсьтолэзе 1978 (71 год) |
| Кулэм интыез | |
| Ужудысэз | гожъяськись |
| Данъетъёсыз |
   |
Михаил Андреевич Лямин (1906—1978) — тодмо Комакгуртын). Школаез йылпумъяса, дышетскыны пыриз Ленинградысь А. И. Герцен нимо педагогикая институтэз. Сое йылпумъяз 1930-тӥ арын. 1931-тӥ арын ужаны интыяськиз Ижкарысь совпаршколае дышетӥсе, та удыссэ одӥг ар ӵоже гинэ нуыны кылдӥз. 1932-тӥ арысен 1941-тӥ арозь кивалтӥз Удмурт книгапоттониен, нош 1948-тӥ арысен 1953-тӥ арозь сое КПСС-лэн Удмурт Обкомезлэн печатья ёзэныз кивалтӥсе юнматӥзы. Со вие ик Удмурт радиоын литературая но драмая передачаос понна кыл кутӥсьлэсь ужзэ быдэсъяз.
Творчествоез
Творчествое нырысетӥ вамышъёссэ лэсьтыны ӧдъяз 1924-тӥ арын. Быдӟым Отечественной ож кутскем бере Михаил Лямин вамыштэ фронтэ. Ожмаське Удмуртиын кылдытэм 357-тӥ дивизиын. Ож аръёс писательлэсь сюлэмзэ бугыртытэк ӧз кельтэ. Война бӧрсьы кылдытэм ужъёсаз со валтӥсь радэ поттӥз ож темаез, эшъёсызлэсь фронтын вормон понна жугиськемзэс. Ож мыныку, гожтӥз уно очеркъёс, соос потӥзы «За Родину!» фронт газетын. Бӧрысь 1956-тӥ арын со очеркъёсыз потӥзы нимаз книгаосын — «Вунонтэм аръёс», «Ож сюрес» (1962-тӥ ар). Быдэс улонзэ тыршиз валтӥсь ужез — «Шудбур понна» повестез-трилогиез бордын. Нырысетӥ люкетэз потӥз 1950-тӥ арын, кыкетӥез — 1961-тӥ арын, куинетӥзэ йылпумъяны ӧз вутты. М. Лямин нылпиос понна гожтӥз «Туктымысь пи» повестьсэ — со сӥземын Удмурт облисполкомлэн нырысетӥ кивалтӥсезлы И. Наговицынлы. Та ужез нимаз книгаен потӥз 1988-тӥ арын. 1933-тӥ арын М. Лямин пыриськиз 7-тӥ классын дышетскисьёслы чаклам удмурт литературая хрестоматиез кылдытонэ, «Судьбы солдатские» (1975-тӥ ар) но «Сын народа» (1975-тӥ ар) альбомъёсты дасянэ. М. А. Лямин оже пыриськемез понна пусъемын пӧртэм орденъёсын но медальёсын. Пыртэмын УАССР-лэн Данъян Книгаяз (1969-тӥ ар).
1966-тӥ арын М. Ляминэз пусйизы УАССР-ысь Калык писатель нимын, 1946-тӥ арысен со пыриськиз СССР-ысь писательёслэн огазеяськоназы. Улонысь кошкиз 8-тӥ июле 1978-тӥ арын Ижын.