Наговицын, Иосиф Алексеевич

Иосиф Алексеевич Наговицын
Иосиф Алексеевич Наговицын
3-й РСФСР-ысь мер обеспечения калык комиссар
	10-тӥ куартолэзе 1926-тӥ арын — 1937-тӥ арын гудырикошкон толэзе
Азьпалчиез	В. Г. Яковенко
Бӧрысьчиез	М. А. Шабурова
1-й Вотской автономной областьлэн облисполкомезлэн тӧроез
	толшор 1921-тӥ ар — гудырикошкон 1925-тӥ ар
Азьпалчиез	ужоскет юнматэмын
Бӧрысьчиез	Т. К. Борисов
Вордӥськемын	6‑тӥ (18-тӥ) куарусёнэ 1888; Туктым[d], Глаз утем, Ватка губерния, Росси империя[d];
Кулэмын	21-тӥ шуркынмонэ 1937 (49 лет); Мисхор[d], Кореиз каргурт кенеш[d], Ялта кар кенеш[d], Крым АССР[d], РСФСР, СССР;
Дышетскемез	Ваткаысь гурт возёс училище

Эскерем гожтос

Ио́сиф Алексе́евич Нагови́цын (6‑тӥ (18-тӥ) куарусёнэ 1888, Туктым^[d], Ватка губерния — 21-тӥ шуркынмонэ 1937^[1], Мисхор^[d], Крым АССР^[d]) — совето кун ужась, РСФСР-ысь мер обеспечения калык комиссар (1926—1937).

Улон сюресэз

Вордӥськиз Омутница гуртын (али — Удмуртиысь Глаз ёрос) удмурт крестьян семьяын. Дышетскиз куинь классъем земской школаын, собере Глазысь кар училищеын, 1903-тӥ арын марксистъёсын эшъяськиз^[2]. 1904-тӥ арысен Ваткаысь гурт возёс училищеын дышетсконзэ азьланьтӥз, социал-демократ кружоклэн ёзчиез луиз^[3]. 1905-тӥ арын, студент ӝутӥськонэ пыриськемез понна, училищеысь уллямын. Революци уже мыло-кыдо пыриськиз : прокламациосты вӧлмытъяз, крестьян калык пӧлын удмурт но ӟуч кылын агитаци уж нуиз^[4]. 1905-тӥ—1907-тӥ аръёсы Ваткаын, Глазовын, Екатеринбургын партийной ужез быдэсъяз, Кыштыме выжтэмзы бере РСДРП-лэн Уфалейско-Кыштымской окружкомезлэн ёзчиез луиз. II Думае быръёнъёс азьын агитаци уж нуиз^[5]. 1907-тӥ арын пытсэт улэ шедиз, 1908-тӥ арын Енисейской губерние келямын. 1913-тӥ арын, эмигрировать карыса, Бельгиын, Франциын, Великобританиын улӥз, большевикъёслэн кунсьӧр ужрадъёсазы пыриськылӥз.1918-тӥ арлэн пумаз Россие берытскиз, Я. М. Свердлов нимо Коммунистической университетын ужаз, 1919-тӥ арысен Вотской комиссариатлэсь Наркомнац ёзэтсэ йыръяз. 1921-тӥ арысен Вотской Автномной Обласьтлэн Ревкомезлэн тӧроез луиз, собере областной Советлэн исполкомезлэн тӧроез, РКП(б)-лэн обкомезлэн бюроезлэн ёзчиез. 1925-тӥ—1926-тӥ аръёсы РСФСР-ысь Наркомпрослэн коллегиезлэн ёзчиез, Йӧскалык меньшинствоез дышетонъя советлэн тӧроез.

1926-тӥ—1937-тӥ аръёсы — РСФСР-ысь мер обеспечения калык комиссар.

Кулӥз 1937-тӥ арын ты туберкулёзлэсь Крымысь Мисхор санаториын. Эмъяськиз «Горное солнце» санаториын^[6]. Наговицынлэн кулонэз сярысь пӧртэм вераськонъёс кылдылӥзы, кылсярысь, пытсэтамын но кужмысь виемын, ыбемын шуыса^[7].

Иосиф Наговицынлэн лысьӧмыз Ливадийской шайвылысь Ялтаысь Вуж шайвылэ выжтэмын ^[8].

Буре ваён

1957-тӥ арын 28-тӥ коньывуонэ Ижысь кар кенешлэн исполкомезлэн решениезъя азьвыл Будённыйлэсь нимзэ нуллӥсь пролка Наговицын нимо урам шуыса нимамын^[9].
Наговицынлэн нимыз сётэмын Можгалась но Глазовысь урамъёслы.
2020-тӥ арын 24-тӥ шуркынмонэ Удмурт Элькунлэн Кун Кенешезлэн депутатъёсыз Наговицынлэсь вордӥськем нуналзэ Удмуртилэн буре ваён нуналъёсыз пӧлы пыртӥзы^[10].

Ижысь Советской урамын Наговицынлы Памятник (Ижевск).jpg

синпелет И. А. Наговицыну
Глазовысь Наговицын нимо урамысь одӥгысьтыз юрт вылысь буре ваён пул
Глазовысь Первомай урамысь 39-тӥ номеро юрт вылысь буре ваён пул

Валэктонъёс

Иосиф Алексеевич Наговицын Сергей Борисович Наговицынлэн двоюродной песятаез луэ.

↑ ¹ ² Наговицын Иосиф Алексеевич // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ Павлов, 1988, с. 9.
↑ Павлов, 1988, с. 10—12.
↑ Павлов, 1988, с. 24—25.
↑ Павлов, 1988, с. 30.
↑ Эпистолярное наследие Иосифа Наговицына
↑ См., напр.: Биография на сайте «Хронос» Архивная копия от 20 коньывуонэ 2011 на Wayback Machine
↑ Могила И. А. Наговицына
↑ Наговицын Иосиф Алексеевич — информационный сайт по Ижевску
↑ В Удмуртии законодательно установили 14 праздников и 19 памятных дат Эскеремын 2020-11-24 арын

Литература

Павлов Н. П. И. А. Наговицын. — Ижевск: Удмуртия, 1988.

Чӧлсконъёс

Наговицын Иосиф Алексеевич [ӟуч] Справочник по истории Коммунистической партии и Советского Союза 1898—1991. Эскеремын 2019-09-08 арын

[_4dba1438eb2e7ca4-1] ¹ ² Наговицын Иосиф Алексеевич // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[_7e25cfd43bf29e62-2] Павлов, 1988, с. 9.

[_0e4dba2cd83f3b6d-3] Павлов, 1988, с. 10—12.

[_5475da4a76625714-4] Павлов, 1988, с. 24—25.

[_4cde8da1dd432a88-5] Павлов, 1988, с. 30.

[6] Эпистолярное наследие Иосифа Наговицына

[7] См., напр.: Биография на сайте «Хронос» Архивная копия от 20 коньывуонэ 2011 на Wayback Machine

[8] Могила И. А. Наговицына

[9] Наговицын Иосиф Алексеевич — информационный сайт по Ижевску

[10] В Удмуртии законодательно установили 14 праздников и 19 памятных дат Эскеремын 2020-11-24 арын

[1]

[2]

[3]

[4]

[5]

[6]

[7]

[8]

[9]

[10]