Ижевск аэропорт

Википедиысь материал
Ижкарысь калыккуспо аэропорт
Ижевский аэропорт.jpg
ИАТА: IJK – ИКАО: USII – Внутр. код: ИЖВ
Тодэтъёс
Аэропортлэн видэз калыкез нуись-ваись каллыккуспо
Кун Россия
Интыяськемын Дэри ёрос, Удмуртия
Усьтэмын 1974
Кузё / оператор Удмурт Элькунлэн Кивалтэтэз
Узловой аэропорт Ижавиа
Ӝуждалаез 165 м
Часовой пояс UTC+4
Ужан дырыз уй но нунал ӵоже
Сайтэз www.izhavia.su
Взлётно-посадочной полосаосыз
Номер Размеры (м) Покрытие
01/19 2,500х45 армобетон
Статистика (2022)
Арскын пассажиропоток ▲ 658 846 адями
Источникъёс: Статистика[1]
Логотип РУВИКИ.Медиа Медиафайлъёс РувикиМедиа пушкын

Ижкарысь калыккуспо аэропорт (ӟуч: Международный аэропорт Иже́вск (ИАТА: IJK, ИКАО: USII)) — Удмурт Элькунысь аэропорт. Интыяськемын шоркарлэсь 15 иськемлы шундыӝужанпалагес, Дэри ёросысь Тямагурт но Тямапочинка вискын. Федерал значениен калыккуспо аэропорт[2].

Регистрациез ортчон зал
Возьман зал

2021-тӥ арын аэропорт пыр ӝыны миллион пала мынӥсь-ветлӥсь ортчиз[3]. «Ижавиа» аэропортлэн валтӥсь авиакомпаниез луэ.

2025-тӥ арын гудырикошкон толэзе Удмурт Элькунын улӥсьёс аэропортэз М. Т. Калашниковлэн нимыныз ниман понна куаразэс сётӥзы[4].

Историез

Ижкарлэн нырысетӥез аэродромез 1934-тӥ арын пуктэмын вал. Интыяськемын Дэри ёросысь Пероггурт вӧзын. Отысен почтово-пассажирской рейсъёс быдэсъяськылӥзы, озьы ик срочной грузъёсты нуылӥзы-вайылӥзы. Али дыре со ДОСААФ-лэн Ижысь аэроклубезлэн базаез луэ[5].

1943-тӥ арын сӥзьыл «Пятилетка» нимо возёслэн музъем вылаз бетонлэсь лэсьтэм взлётно-посадочной полосаен выль военной аэродром  [ӟуч] (удм. пуктэмын вал. Атыкай ож вакытэ со «Аэрокобра  [ӟуч] (удм.», «ДБ-7 Бо́стон  [ӟуч] (удм.» американ но Сибирьысь заводъёсын поттэм асьме Ил  [ӟуч] (удм. но Пе  [ӟуч] (удм. самолётъёсты фронтэ келян понна кутӥськылӥз.

Туала интыын сылӥсез аэропорт усьтэмын вал 1974-тӥ арын. Азьвылэз аэропорт котырын трос улон коркаос ӝутскемен,Тямагурт вӧзы выльзэ пуктоно луиз. Со Ижысь куинетӥез аэропорт луиз. Отчы со вакытлы тупась туала Ан-24, Ан-26, Як-42, Ту-134 самолётъёслы пуксьылыны луонлык кылдӥз.

2023-тӥ арын 22-тӥ оштолэзе Росси Федерациысь Кивалтэтлэн распоряжениезъя Ижкарысь аэропортлы калыккуспо инлык сётэмын[6].

2025-тӥ арын 29-тӥ гудырикошконэ Удмурт Элькунлэн тӧроез Александр Бречалов аэропортлы пыӵалтӥрлык кылдытӥсьлэн Михаил Калашниковлэн нимыз сётэмын луоз шуыса ялӥз. Ним быръён куара сётонэ пӧсьтолэзьлэн пумысеныз улосысь 70 сюрслэсь трос мурт пыриськиз. Быръем нимез юнматон вылысь, куара сётонлэн пумкылъянэз Россилэн мерлыко палатаяз келямын[4].

Со арын ик 20-тӥ куарусёнэ аэропортлэн выль терминалэз усьтӥськиз[7].

Авиакомпаниос но маршрутъёссы

Ижавиалэн Як-42Д самолётэз аэропортын
Авиакомпания Кытчыозь лоба
Ижавиа Краснодар, Муско (Домодедово), Нижневартовск, Санкт-Петербург, Сочи
Гужем вакытэ: Анапа, Симферополь
Оренбуржье Самара, Уфа
Победа Муско (Внуково)
Аэрофлот Муско (Шереметьево)

Статистика

Арскын нуэм-ваем пассажиръёслэн лыдзы:
ар 2013 2014 2015 2016 2017 2018
сюрсъёс 195,4 254,9 240,9 257,0 315,6 352,4[8]
Источникъёс:[9][10][11]

Валэктонъёс

  1. ↑ Аэропорт Ижевска достиг максимума пассажиропотока в 2021 году [ӟуч] ТАСС. Эскеремын 9 куарусёнэ 2025 арын
  2. ↑ Распоряжение Правительства Российской Федерации от 20 апреля 2016 года № 726-р «Об утверждении перечня аэропортов федерального значения» [ӟуч] http://static.government.ru/. Эскеремын 9 куарусёнэ 2025 арын
  3. ↑ Пассажиропоток аэропорта Ижевска впервые превысил 500 тыс. человек [ӟуч] ТАСС. Эскеремын 9 куарусёнэ 2025 арын
  4. ↑ 1 2 Аэропорт Ижевска назовут в честь Михаила Калашникова, РБК. Эскеремын: 9 куарусёнэ 2025 арын.
  5. ↑ К 65-летию ижевского аэроклуба [ӟуч] Архивная служба Удмуртии. Эскеремын 9 куарусёнэ 2025 арын
  6. ↑ Аэропорт Ижевска стал международным [ӟуч] Коммерсантъ (25.04.2023). Эскеремын 9 куарусёнэ 2025 арын
  7. ↑ Новый терминал аэропорта Ижевска принял первый самолет [ӟуч] izhlife. Эскеремын 21.09.2025 арын
  8. ↑ В АО «Ижавиа» подвели итоги работы за 2018 год [ӟуч] Ижавиа. Эскеремын 9 куарусёнэ 2025 арын
  9. ↑ Объемы перевозок через аэропорты России за январь-декабрь 2014-2015 гг. Росавиация. Эскеремын 9 куарусёнэ 2025 арын
  10. ↑ Объемы перевозок через аэропорты России за январь-декабрь 2016-2017 гг. Росавиация. Эскеремын 9 куарусёнэ 2025 арын
  11. ↑ Объемы перевозок через аэропорты России за январь-декабрь 2018 год Росавиация. Эскеремын 9 куарусёнэ 2025 арын

Чӧлсконъёс

«https://udm.ruwiki.ru/w/index.php?title=Ижевск_аэропорт&oldid=507622»-ысь басьтэмын