Первомай ёрос (Иж)

Википедиысь материал
Та кыллэн мукет валатонъёсыз вань, учке Первомай ёрос.
карысь ёрос
Первомай ёрос
ӟуч: Первомайский район
Aerial photographs of Izhevsk-36.jpg
56°48′25″ с. ш. 53°16′05″ в. д.GЯO
Кун РоссияFlag of Russia.svg Россия
Пыре ИжкарFlag of Izhevsk (Udmurtia).svg Ижкар
Администрацилэн йырыз Сазонова Наталья Викторовна
Историез но географиез
Кылдытэмын 1945-тӥ арын 7-тӥ тулыспалысен 1952-тӥ арын 3-тӥ южтолэзёзь; 1962-тӥ арын 23-тӥ куартолэзьысен
Быдӟалаез

49,45 км²

  • (карысь ёросъёс пӧлын 3-тӥ интыын)
Часовой пояс MSK+1 (UTC+4)
Улӥсез
Улӥсез

↘119 101[1] мурт (2021)

  • (карысь ёросъёс пӧлын 3-тӥ интыын)
Йӧскалыкъёс ӟучъёс, удмуртъёс но мукетъёсыз
Официальной луись кылъёс удмурт, ӟуч
Сайтэз
Первомай ёрос на карте
Логотип РУВИКИ.Медиа Медиафайлъёс РувикиМедиа пушкын

Первомай ёрос (ӟуч: Первомайский район (Ижевск)) — Ижкарысь вить ёросъёс пӧлысь огез.

Администрацилэн йырыз — Сазонова Наталья Викторовна[2].

Интыяськемез

Первомай ёрос Ижкарлэн лымшор но шундыӝужан палаз интыяськемын.

Бускельёсыз:

  • Устинов ёрос — Ленин нимо ульча кузя гожъёссы кошко;
  • Индустри ёрос — Ленин нимо ульча кузя гожъёссы кошко (Вормонлы 40 ар ульчаысен Совхозной дорозь), отӥяз Совхозной кузя (Ленин нимо ульчаысен Мичуринаозь), собере Мичурина ульча кузя ортчо (Совхознойысен Фронтовой дорозь), Фронтовой кузя мыно (Мичуринаысен Ленин нимо ульчаозь), выльысь Ленин нимо ульча кузя васько (Фронтовойысен Карлутка набережной ульчаозь), отысен Карлутка набережной ульча кузя (Ленин нимо ульчаысен Советской дорозь), бератаз Советской ульча кузя йылпумъясько (Карлутка набережной ульчаысен Коммунаръёслэн ульчаозязы);
  • Октябрь ёрос — Советской нимо ульча кузя гожъёссы кошко;
  • Ленин ёрос — Иж шур кузя гожъёссы кошко;
  • Удмуртиысь Дэри ёрос[3].

Историез

1945-тӥ арын 7-тӥ тулыспалэ РСФСР-ысь Вылӥ Кенешлэн Президиумезлэн  [ӟуч] (удм. указэзъя кылдытэмын Первомай ёрос[3].

1952-тӥ арын 3-тӥ южтолэзе ёрос Ижкарысь Азин но Пастухов ёросъёсы пыриз. 1962-тӥ арын 23-тӥ куартолэзе выльысь кылдытэмын вал Первомай ёрос[3].

Улӥсез

Численность населения
1970[4]1979[5]1989[6]2002[7]2009[8]2010[9]2012[10]
109 409↗109 974↗121 316↗126 806↘124 627↘124 598↗125 088
2013[11]2014[12]2015[13]2016[14]2017[15]2018[16]2019[17]
↗125 403↗125 708↗126 179↗126 248↗126 431↗126 509↗126 969
2020[18]2021[1]
↘126 396↘119 101

Первомай ёросысь улоно микрорайонъёс

Улоно ёрос[19] Валэктонъёс
Аэропорт Калык пӧлын «Вуж Аэропорт» шуо
Вотка Вотка чугун сюрес линиялы матэ интыяськемын
Ипподром
Поӟым
Ракета
Шор  [ӟуч] (удм.
Лымшор

Экономика

Ёрос нырысь ик завод ӵыпет котырысен пуктӥськыны кутскиз — Иж шурлэн паллян ярдураз, шуре Поӟым, Карлутка, Чемошур но Люлли шуръёс усён дорозязы вуиз. Быдӟалаезъя ёрос Жданов ёрослэсь пичигес, но вань мукетъёсызлэсь бадӟымгес вал. Ёросын 41 сюрс адями улӥз, со карысь вань улӥсьёс пӧлысь 20,3 %. Татын 100-лэсь ятыр предприятиос но ужъюртъёс, 8 школа, 2 вуз но 2 техникум, 14 эмъяськонни, 13 магазин ужаллязы. Ёрослэн быдӟалаез пумысен гожтыса кельтэм но архив ужкагазъёс ӧз утиське. 1952-тӥ арын южтолэзе Октябрь но Первомай ёросъёс быдтэмын вал, соос Пастухов но Азин ёросъёсы пыризы. Со вакытэ лыдъяллязы: ёросэз администрациос ласянь бадӟыматыса, коньдонзэс огазеяса, экономика, дышетон но лулчеберет удысъёсты эшшо но золгес азинтыны луоз. Котьма ке но улон-вылонын воксё мукет сямен луиз, озьы, 8 ар ортчыса, Ижен кивалтон ёросъёслы люкылытэк радъяськылӥз. Таӵе амалэн кивалтон 2 арлэсь кема кыстӥськиз[20].

УАССР-ысь Вылӥ Кенешлэн Президиумезлэн 1962-тӥ арын 3-тӥ куартолэзе кутэм пуктэтэзъя но РСФСР-ысь Вылӥ Кенешлэн Президиумезлэн со аре ик 23-тӥ куартолэзе юнматэм указэзъя кылдытэмын вал Ленин, Октябрь, Первомай но Индустри ёросъёс. Азьлоеныз ӵошатыса, Первомай ёрослэн уйпал люкетыз трослы кулэстэмын вал. Котьма ке но, быдӟалазэ ыштэмез бере но Первомай ёросын улӥсьёслэн лыдзы ялан йылӥз, гуртысь калык тапала улыны выжыяськылӥз[20].

Со аръёсы ёросын 45 бадӟымесь предприятиос ужазы. Соос пӧлын тужгес кужмоосыз вал: Ижысь механикая завод но Ижнефтемаш  [ӟуч] (удм., нянь пыжон кык завод, нянь но макарон лэсьтон комбинат. Кык автоколоннаос ужазы: 2 но 5[20].

1956-тӥ арын Сенной базар котырын автовокзал пуктэмын вал. Кык ар ортчыса, ёросын тазалыкез юнматонъя Металлург санаторий ужаны ӧдъяз. Калыкез автобус но трамвай нуллӥзы, нош 1969-тӥ арын выль транспорт кылдӥз — троллейбус.

1967-тӥ арын Октябрь лулчеберетъя дворец усьтӥськиз.

Ёрослэн данъяськонэз 1943-тӥ арын 1811 интылы чакласа пуктэм цирк вал (архитекторез — П. М. Попов)[21]. Туннэ солэсь дано интызэ басьтэ выль ӝутэм Удмуртиысь кун цирк.

Мерлыко удысъя но экономикая азинскон

Ёрослэн бадӟым люкетаз улоно коркаос пуктэмын: татын трос квартираем 804 коркаос но 5743 нимаз юртъёс. Таос пӧлын огез бадӟымез луэ «Аэропорт» нимо ёросысь трос этажъем «А10», «А11» вӧл-вӧл микрорайонъёс — Ижкарлэн валтӥсь планэзъя татын лэсьтӥськонэз азинтыны чакламын[22].

Первомай ёросысь автомобиль сюресъёслэн кузьдалазы 236 иськем, соосты нимысьтыз огазеяськонъёс но Первомай ёрос администарция чакласа, утялтыса возё.

Первомай ёрослэн интывылаз азинско машина лэсьтон, мувӧй поттон, сиён-юон поттон но капчи промышленность, лэсьтӥськон удыс, карысь тужгес бадӟымесь кык рынокъёс ужало.

Первомай ёросын ӟеч азинскемын мерлыко инфраструктура. Ёросын ужало тазалыкез утёнъя 14 ужъюрт, 37 нылпи сад, 22 школа, ватсаса тодон-валан сётонъя 5 ужъюрт, Быдэ вуымтэослы уж пыр нодъянъя реабилитацияя центр, Калыкез улон-вылонын утёнъя 1 номеро центр[22].

Ёросын искусствоосъя 2 нылпи школа, 5 библиотека, Кибашлыослэн элькун центрзы, Ижмаш музей, Удмуртиысь кун цирк, Удмуртиысь драмая ӟуч театр, Дружба киноцентр[22]. Татын ужа Енот-парк — семьяен сэзь шутэтсконъя центр.

Первомай ёросын кӧня ке кужмоесь предприятиос ужало, соос пӧлын: Ижысь механикая завод, «Ижнефтемаш» ОАО, «УССТ-8» ФГУП, «2 номеро Ижысь нянь пыжон завод» ОАО, «Сактон» ЗАО Ижысь трикотаж фабрика, 2006-тӥ арысен «Пастарель» ООО (Ижысь нянь но макарон лэсьтон комбинат), «Ижгорэлектротранс» муниципал унитарной предприятие[23].

2009-тӥ арын ёросысь предприятиос но огазеяськонъёс 22,3 млрд манет тыр ужъёсты быдэстӥзы, пӧртэм услугаос сётӥзы но вуз поттӥзы. Радлыкез:

  • 47 % — электро, газ но ву поттон но сётон;
  • 24 % — выль вуз поттон (обрабатывающее производство);
  • 11 % — транспорт но связь;
  • 8 % — лэсьтӥськон[24].

Транспорт

Трамвай
  • Карл Маркс ульча — № 1, 3, 5, 9, 12;
  • Ленин нимо ульча — № 2, 3, 4, 5, 8, 10, 11, 12;
  • Орджоникидзе ульча — № 2, 3, 4, 8, 11.
Троллейбус
  • Максим Горький нимо ульча — № 6, 6д, 9;
  • Карл Либкнехт нимо ульча — № 6, 6д, 10, 14;
  • Советской ульча — № 1, 4, 4д, 7;
  • Воровской ульча — № 2, 4, 4д, 6, 6д, 10, 14;
  • Промышленной ульча — № 2, 4, 4д, 6, 6д, 10;
  • Орджоникидзе ульча — № 2, 4, 4д, 6, 6д, 10;
  • Вормонлы 40 ар ульча — Победы № 2, 4д, 6д, 10;
  • Первомай ульча — № 2, 4д, 6д, 7, 10.
Автобус
  • Карл Маркс ульча — № 19, 22, 25, 49;
  • Чугун сюрес проезд но Маркин ульча — № 15, 15к;
  • Чугуевской ульча — № 19, 22, 25, 39, 49;
  • Промышленной ульча — № 25, 49, 68, 301, 304;
  • Орджоникидзе ульча — № 25, 49, 68, 301, 304, 344;
  • Камбарской ульча — № 301, 304, 344;
  • Вормонлы 40 ар ульча — № 25, 49;
  • Первомай ульча — № 25, 39, 49;
  • Воровской ульча — № 25, 45, 301, 304;
  • Карл Либкнехт ульча — № 19, 15, 15к, 22, 25, 39, 45, 50, 53;
  • Красноармейской ульча — № 15, 15к, 25;
  • Пушкинской ульча — № 19, 22, 39, 301, 304;
  • Удмурт ульча — № 22, 50, 53;
  • Ленин нимо ульча — № 10, 27, 28, 29, 31, 18, 40, 45, 52, 321, 331, 344;
  • Советской ульча — № 10, 12, 12к, 26, 27, 28, 40, 45;
  • Медведево ульча — № 2;
  • Аграрной (Металлург совхоз) ульча — № 41;
  • Люлли ульча — № 6.

Валэктонъёс

  1. ↑ 1 2 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более [ӟуч] (XLSX) Эскеремын 2022-09-01 арын
  2. ↑ Администрация Первомайского района [ӟуч] izh.ru. Эскеремын 20-10-2025 арын
  3. ↑ 1 2 3 Александров А. А. Первомайский район. — Ижевск: Удмуртия, 2001. — 135 с. — 5000 экз. — ISBN 5-7659-0081-Х.
  4. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу. [ӟуч] Демоскоп Weekly. Эскеремын 2013-09-25 арын
  5. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу. [ӟуч] Демоскоп Weekly. Эскеремын 2013-09-25 арын
  6. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу [ӟуч]
  7. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более [ӟуч]
  8. ↑ Численность постоянного населения Российской Федерации по городам, посёлкам городского типа и районам на 1 января 2009 года [ӟуч] Эскеремын 2014-01-02 арын
  9. ↑ Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более [ӟуч] Эскеремын 2013-11-14 арын
  10. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года [ӟуч] Эскеремын 2014-05-31 арын
  11. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) [ӟуч] Эскеремын 2013-11-16 арын
  12. ↑ Таблица 33. Численность населения Российской Федерации по муниципальным образованиям на 1 января 2014 года [ӟуч] Эскеремын 2014-08-02 арын
  13. ↑ Численность населения Российской Федерации по муниципальным образованиям на 1 января 2015 года [ӟуч] Эскеремын 2015-08-06 арын
  14. ↑ Численность населения Российской Федерации по муниципальным образованиям на 1 января 2016 года [ӟуч] Эскеремын 2021-05-15 арын
  15. ↑ Численность населения Российской Федерации по муниципальным образованиям на 1 января 2017 года [ӟуч] Эскеремын 2025-08-28 арын
  16. ↑ Численность населения Российской Федерации по муниципальным образованиям на 1 января 2018 года [ӟуч] Эскеремын 2018-07-25 арын
  17. ↑ Численность населения Российской Федерации по муниципальным образованиям на 1 января 2019 года [ӟуч] Эскеремын 2019-07-31 арын
  18. ↑ Численность населения Российской Федерации по муниципальным образованиям на 1 января 2020 года [ӟуч] Эскеремын 2020-10-17 арын
  19. ↑ Первомайский Административно-территориальный район г. Ижевска [ӟуч] iz-article.ru. Эскеремын 20-10-2025 арын
  20. ↑ 1 2 3 История района [ӟуч] izh.ru. Эскеремын 20-10-2025 арын
  21. ↑ Ренёв Е. Г. География памяти. — Ижевск: ИП Кокошкина Т. М., 2005. — С. 15. — 16 с. — 2000 экз.
  22. ↑ 1 2 3 Географическая характеристика района [ӟуч] izh.ru. Эскеремын 20-10-2025 арын
  23. ↑ Характеристика Первомайского района г. Ижевска [ӟуч] izh.ru. Эскеремын 20-10-2025 арын
  24. ↑ Социально-экономическое развитие Первомайского района г. Ижевска [ӟуч] izh.ru. Эскеремын 20-10-2025 арын
«https://udm.ruwiki.ru/w/index.php?title=Первомай_ёрос_(Иж)&oldid=507298»-ысь басьтэмын