Уксё возён магазей

Википедиысь материал
Чеберлыко инты
Уксё возён магазей
(ӟуч: Здание денежной кладовой)
Уксё возён магазейлэн юртэз. 2014-тӥ ар.
Уксё возён магазейлэн юртэз. 2014-тӥ ар.
56°50′38″ с. ш. 53°11′53″ в. д.GЯO
Кун РоссияFlag of Russia.svg Россия
УдмуртияFlag of Udmurtia.svg Удмуртия Ижкар, Свердлов нимо урам,
32-тӥ номеро юрт[1]
Архитекторез И. Т. Коковихин
Нырысьсэ веранъёс 1795-тӥ ар
Кылдытэмын 1804-тӥ арын из юрт ӝутэмын
Юртэз пуктэмын 1804-тӥ—1807-тӥ аръёсы
Валтӥсь датаос
  • 1804 — из юрт пуктон
  • 1852 — гаупвахта
  • 1885 — сиськонни
  • 1934 — «Ижмаш» музей
Инлыкез Логотип конкурса «Вики любит памятники» ОКН № 1810009000№ 1810009000
Югдурез Шоро-куспо[1]
Логотип РУВИКИ.Медиа Медиафайлъёс РувикиМедиа пушкын

Уксё возён магазейлэн юртэз — Ижкарысь федерал инлыкен архитектурая синпелет (Росси Федерацилэн Президентэзлэн 1995-тӥ арын 20-тӥ тулыспалэ гожтэм 176-тӥ номеро косэтэз[1]). Интыяськемын Свердлов нимо урамын 32-тӥ номеро юртын. Али дыре со юртын «Ижмаш» заводлэн музеез кылдытэмын.

Вылтусыз

Юртлэн борддораз шуккем буре ваён пул

Одӥг этажъем шонер сэрего пичигес юрт. Кык азбарез — одӥгез юртлэн уйпалаз сэрегаз, мукетыз (пуш азбар) азьвылэз но вылез вискын. Быдӟалазыя одӥг метр но ӝыныемесь укноос азбаръёсы пото. Шундыпуксёнпал борддораз шонер сэрего муратэм вить инты лэсьтэмын[2].

Историез

Уксё возён магазейлэн юртэз — Ижкарысь тужгес вашкалаез из юрт[3].

1795-тӥ арын со интыын, завод казнаез возён понна, пулэсь магазей пуктэмын вал. 1804-тӥ арын вужез интые из юрт ӝутэмын. Солэн борддоръёсыз зӧкталазыя одӥг но ӝыны метръемесь. Площадь азьын сылӥз ке но, XIX даурлэн шорозяз липетэз сюйлэсь лэсьтэмын вал. 1852-тӥ арын, юртэз выльдыку, архитектор И. Т. Коковихин[ru] магазеез гауптвахталы тупатӥз, казнаез завод кивалтоннилэн юртаз выжтӥзы. Юрт борды караульня, офицерской покой, арестантъёсты омырен шоканы поттылон понна пичияк азбар лэсьтӥзы.

1881-тӥ арын юрт азьын мерлыко сад мерттэмын. 1885-тӥ арын со юртэз нянь пыжоннилы но татысь ик гарнизон командаез сюдон интылы пӧрмытӥзы. Революцилэсь азьпал отын Ижысь лесничестволэн кивалтонниез интыяськемын вал.

1934-тӥ арын со юртэ «Ижмаш» заводлэсь музейзэ выжтӥзы. 1941-тӥ арын экспонатъёсты мукет интые эвакуировать каризы, нош юртсэ ожтӥрлыко кулэяськонъёслы сётӥзы. Тылож йылпумъяськем бере отчы «Удмуртгазлэн» кивалтонниез выжиз.

1975-тӥ арысен вашкала юрт «Ижмаш» заводлэн музеезлы берыктэмын.

«Ижмаш» музей

«Ижмаш» заводлэн музеез кылдытэмын 1835-тӥ арын 9-тӥ тулыспалэ, Артиллери департаментлэн директорез Александр Эйлер пыӵалтӥрлыкез возён сярысь косэт гожтэмез бере[4].

Граждан ож вакытэ музейын утиськись арбериос тросэз таламын вал. Аръёс ортчемъя экспозициез берентӥзы.1934-тӥ арын заводлэн вуоно директорезлэн А. И. Быховскийлэн[ru] кичӧлтэмезъя, заводлэсь музейзэ уксё возён магазейлэн юртаз интыязы. Быдӟым Атыкай ож аръёсы экспонатъёсты мукет интые эвакуировать каризы, ачиз музей ужамысь ӧз дугдылы. Ож бере музеез технической ужъёсъя кабинетлы пӧрмытӥзы. 1975-тӥ арын завод кивалтӥсьлэн И. Ф. Белобородовлэн куремезъя, музейлы магазейлэсь юртсэ берен берыктӥзы. Нырысь со куинь бӧлетэ гинэ интыяськиз. 2007-тӥ арын, юртэз тупатъям-выльдэм бере, ньылетӥез кылдӥз. Али дыре экспозициын 400-лэсь трос Ижкарын 1807-тӥ арысен кутскыса поттэм пыӵалтӥрлык возьматэмын[4].1998-тӥ–2011-тӥ аръёсы "Ижмашлэн" музеезлэн директорез вал Виктор Петрович Ионов[5]. Со бӧрсьы музеен кивалтӥз Алексей Алексеевич Азовский (али дырозь)[6].

Экспонатъёс[7]:

  • 1-тӥ номеро бӧлет: 1808-тӥ арысен 1947-тӥ арозь поттэм ыбылӥськон пыӵалтӥрлык; спортын кутӥськись ыбылӥськон тӥрлык (37 модель), вандон-бышкон тӥрлык (XIX даурлэн кутсконаз кылдытэм тесакъёс, сабляос, палашъёс).
  • 2-тӥ номеро бӧлет: Быдӟым Атыкай ожын кутӥськем пыӵалтӥрлык (авиаци пулемётъёс но пушкаос, Максим пулемёт[ru], куинь модификациен противотанковой пыӵалъёс), высокоточной пыӵалтӥрлык (управляемой артснарядъёс но авиапушкаос), токарно-винторезной станокъёс.
  • 3-тӥ номеро бӧлет: тодмо пыӵалтӥрлык кылдытӥсьлы М. Т. Калашниковлы сӥзем витрина, снайпер пыӵалъёс (СВ-98 но СВ-99, СВД[ru] но солэн модификациосыз, штучной карабинъёс «Медведь» но «Тигр» но мукет), «Сайга» карабинлэн ог дасо модельёсыз .
  • 4-тӥ номеро бӧлет: мотоциклет поттонлэн историез (ог 20 пала мотоцикл).
  • Музейлэн экспозициосыз
  • Izhmash museum 1.jpg
  • Izhmash museum 2.jpg
  • Izhmash museum-31.jpg
  • Izhmash museum-18.jpg
  • Izhmash museum-15.jpg
  • Izhmash museum-7.jpg
  • Izhmash museum-4.jpg
  • Izhmash museum-9.jpg
  • Izhmash museum-12.jpg

Валэктонъёс

  1. ↑ 1 2 3 Здание денежной кладовой Архивная копия от 24 южтолэзе 2016 на Wayback Machine
  2. ↑ Денежная кладовая
  3. ↑ Ижевск и его окрестности / сост. Фертиков А. В.. — Ижевск: Удмуртия, 2009. — С. 10—11. — 78 с. — 4000 экз. — ISBN 978-5-7659-0530-2.
  4. ↑ 1 2 Новости Ижевска и Удмуртии. Старейшему в Ижевске музею исполнилось 190 лет
  5. ↑ Национальная библиотека Удмуртской Республики. КаЛенДарь >> Ионов Виктор Петрович
  6. ↑ izhig.ru. Основатель музея А.В. Суворову
  7. ↑ Экспозиции Архивная копия от 26 коньывуонэ 2014 на Wayback Machine
«https://udm.ruwiki.ru/w/index.php?title=Уксё_возён_магазей&oldid=485619»-ысь басьтэмын