И. И. Бодалёвлэн сур пӧзьтон заводэз
| Учкымон инты | |
| И. И. Бодалёвлэн сур пӧзьтон заводэз | |
|---|---|
 | |
| 56°50′51″ с. ш. 53°11′47″ в. д.GЯO | |
| Кун | Россия |
| Ижкар | Ижысь Милиционной ульчаысь 3-тӥ юрт |
| Архитектурной стиль | Модерн[1] |
| Кылдон дырыз | 1882 |
| Пуктэмын | 1871-тӥ — 1873-тӥ |
| Инлыкез |
 ОКН № 1800000035 |
 Медиафайлъёс РувикиМедиа пушкын | |
 | Россилэн лулчеберето кылёс лэсьтосъёсыз улос инлыкен рег. № 181710791900005 (ЕГРОКН) лэсьтос № 1800000035 (БД Викигида) |
Иван Иванович Бодалёв купечлэн сур пӧзьтон заводэз (Бодалёвлэн сур но чечы вина пӧзьтон 2 номеро заводэз, Бодалёвлэн сур пӧзьтон 2 номеро заводэз) — Ижысь XIX—XX даурысь архитектурая сооружениослэсь комплекс, Ижкарысь Дудин зодчий нимо набережнойын интыяськемын, (почта адресэз — Милиционной ульчаысь 3-тӥ юрт). Удмуртиысь архитектурая синпелетъёс но лулчеберет удысысь утёно объектъёс пӧлы пыре[2].
Историез
1867-тӥ арын Сарапулысь 1-тӥ гильдиысь купеч[3] Иван Иванович Бодалёв Ижысь ӵыпетлэн ярдураз, Генерал юртлэн уллапалаз, заводлы шуыса, музъемез арендае кутӥз[4][5]. 1871-тӥ арын Ижысь заводлэсь дары лэсьтон но эскерон гуоссэ басьтӥз но отын аракы но сур пӧзьтон заводъёс усьтӥз[6]. Сур пӧзьтон заводлэсь нырысетӥ пулэсь выль корпусъёссэ Бодалёв Иж тыметлэн ярдураз 1872-тӥ арын пуктӥз. Завод ужаны кутскем дырысен нырысетӥ аръёсаз татын 5 мурт тыршиз[5].
1882-тӥ арын изъёслэсь корпус пуктон борды басьтӥськиз. Производствозэ паськытатон вылысь Артиллерийской департаментлэн музъемез вылаз лэсьтӥськыны медэ вал. Но участокез лэсьтӥськон вылысь басьтыны секыт луоз шуыса, Бодалёв гордсюйлэсь, сюйлэсь но сваяослэсь Иж тымет шоры учкись аспӧртэм шормуӵ выллем кылдытӥз. Ӵапак со вылэ ик корпусъёс ӝутӥз. Та интыез Бодалёвлэн мысэз нималлязы[1][4][5].
Пуктӥськон вакытаз Иван Иванович Бодалёв быдэс Удмуртиетӥ заводаз кутон вылысь чылкыт юон ву утчалляз. Ву сюриз лэсьтӥськонэн артэ ик, Иж тымет котырысь Полковниклэн ошмесаз. Ошмес татын ватэм Фёдор Фёдорович Венцель полковниклы, Гороблагодатской но Камской заводъёслэн валтӥсь командирзылы, пугачёвъёсын быдтэм муртлы сӥземын[6][7].
1873-тӥ арын аракы пӧзьтон завод 10 сюрс манет тыр вуз поттӥз, сур пӧзьтон завод — 2 сюрс манет тыр. Отӥяз завод сур но чечылэсь вина пӧзьтонэ быдэсак выжиз[6]. 1870-тӥ—1980-тӥ аръёсы Бодалёвлэн заводъёсыныз Сарапулысь Семён Гаврилович Тюнин купечлэн предприятиосыз гинэ вожвылъяськизы. Бодалёв конкуренциез вормиз, Тюнинэз рынокысь поттӥз.
1889-тӥ арын завод паськытаз: чужӟа (солод) пӧзьтон 6 этажъем башня пуктӥськиз на, сое бератаз 4 этажъем каризы, укнооссэ бадӟыматӥзы[4][8]. 1892-тӥ арын завод 7 сюрс пуд йыдылэсь, 80 пуд туглэсь, 200 пуд чечылэсь 28 сюрс ведра сур но 2 сюрс ведра чечы вина пӧзьтӥз. Завод вуззэ Ватка, Уфа, Пермь губерниостӥ вӧлмытӥз[9].
1905-тӥ арын заводысь 30 бадӟымъёс но 4 пиналъёс 20 сюрс манет тыр 14 сюрс ведра сур пӧзьтӥзы[10]. 1909-тӥ арын завод «Бодалёвлэн 2 номеро сур пӧзьтон заводэз» нимаськиз, отын 52 мурт ужаз, араз 122 548 барыш поттӥз. Бодалёвлэн 106 ужасьёсын Сарапулысь заводэз, Ижысь завод сярысь, чарак тросгес курыт юон лэсьтылӥз[11].
1906-тӥ арын Иван Иванович Бодалёв улонысь кошкем бере, ваньбурез Иван но Сергей пиосызлы кылиз. Соин валче 1906-тӥ арын иж завод «Иван Иванович Бодалёв» товариществолэн Сарапулысь вузкарон юртаз пыриз, нош 1912-тӥ арын пайёс вылын кылдытэм Ижысь вузкаронъя но промышленностья товариществолэн бурд улаз ужаны кутскиз, озьы Бадалёвъёслэн вань активъёссы огазеяськизы [12][11][13].
Ватка губерниысь губернаторлэн 1913-тӥ ар понна йылпумъянъёсаз Ижысь вина пӧзьтон завод Ижысь пыӵалтӥрлык лэсьтон заводэн ог радын ӟеч ужаменыз пусъемын[11].
1914-тӥ арын калык коньдонэн заводлэн вуж корпусэз котыре Ижысь нагорной люкетаз улӥсьёслы чылкыт юон ву вуттон вылысь насосэн ужась станция пуктэмын. Лэсьтэм корпус, кулэ луись техника шедьтымтэен, йылаз-пумаз вуттэмын ӧй вал[1].
1917-тӥ—1924-тӥ аръёсы завод юртын калык вуко, отӥяз карлэн сур пӧзьтон цехъёсыз ужаллязы. 1970-тӥ аръёсы татын профтехучилище интыяськылӥз[1].
Архитектураез
Татчыозь утиськем комплекслэн юртъёсыз кык Г буква кадь пуктэмын, огысьтыз мукетаз сюрон вылысь нимысьтыз выжон лэсьтэмын, ваньмыз та куинь этажъем башняен йылсаське. Нырысетӥ этаж цоколяз интыяське, мукетъёсызлэсь карнизэн висъяське. Заводлэсь «ымнырзэ» лэсьтыкузы, укноссэ арка кадь пуктылӥзы, озьы ик прямоугольникъёслы укшась каризы, кирпичъёслэсь пужыос чурен тыремын[1].
Заводлэн данъетъёсыз
Заводын маял, сюкась, вина, 40 пумо сур лэсьтылӥзы. Бодалёвлэсь вуззэ Россиысь но кунгож сьӧрысь адӟытонъёсын вылӥ дунъяллязы. 1879-тӥ арын Франциын И. И. Бодалёвлэн заводаз пӧзьтэм «Царское столовое» винаез умоен гинэ пусъемын вал. 1885-тӥ арын Ливорноын «Королевское столовое» винаез Виктор Эммануил II корольлэн тусыныз зарни медален пусъемын. Корольлэн тусыз отӥяз вина ӟенеликъёслэн этикеткаоссы вылэ печатласькылӥзы. 1886-тӥ арын наукая но промышленностья сибирь но урал адӟытонын Уралысь естествознаниез яратӥсьёслэн обществозы И. И. Бодалёвез пичи азвесь медаль пусйиз. 1908-тӥ арын Бодалёвлэн сурез Гаагаысь ӵошатсконын гран-при утӥз[6][4][11][12].
Галерея
- Татчыозь утиськем завод бервылъёс
Валэктонъёс
- ↑ 1 2 3 4 5 Пиво-медоваренные корпуса завода Бодалева(ӟуч) Информационно-аналитическоe управление Администрации города Ижевска. Эскеремын 2019-06-25 аре
- ↑ Постановление Правительства Удмуртской республики № 966 от 17 сентября 2001 года.
- ↑ с 1863 года.
- ↑ 1 2 3 4 Елена Кардопольцева Улица Горького: бизнес-центр дореволюционного Ижевска(ӟуч) Сетевое издание IZHLIFE. ООО «Радио - Инвест». Эскеремын 2019-05-28 аре
- ↑ 1 2 3 Шумилов, 1998, с. 77.
- ↑ 1 2 3 4 Красильникова Н. А. Иван Бодалёв — коммерсант, заводчик, пивовар(ӟуч) Архивная служба Удмуртской Республики. Эскеремын 2019-06-25 аре
- ↑ Книга Россия : полное географическое описание нашего отечества: настольная и дорожная книга для русских людей|том=5|с=521—522. Россия. Т. 5. Урал и Приуралье
- ↑ Андрей Коновал Критерий истины(ӟуч) ИА «День». Эскеремын 2019-05-28 аре
- ↑ Шумилов, 1998, с. 78.
- ↑ Лигенко, 2015, с. 33.
- ↑ 1 2 3 4 Лигенко, 2001, с. 159.
- ↑ 1 2 Туганаев, 2008, с. 213.
- ↑ Лигенко, 2015, с. 34—36.
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Лигенко Н. П. Купечество Удмуртии (ӟуч): Вторая половина XIX — начало XX века: Монография / под ред. Ю. И. Смыков, М. В. Гришкина — Ижевск: УИИЯЛ УрО РАН, 2001. — 432 с. — 500 экз. — ISBN 5-7691-1205-0
- Лигенко Н. П. История жизнедеятельности династии Бодалёвых – крупных предпринимателей камско-вятского региона в пищевой отрасли промышленности // Вестник Удмуртского университета : журнал. — Ижевск: Издательский центр «Удмуртский университет», 2015. — Т. 25, вып. 4. — С. 29—38.
- Шумилов Е. Ф. Город на Иже, 1760—2000 : Историческая хроника с прологом и эпилогом в двух томах, повествующая о славных традициях и драматической истории столицы Удмуртии. — 2-е изд., дополненное и переработанное. — Ижевск : Издательство «Свиток», 1998. — 400 с., 26 с. ил. — 10 000 экз. — ISBN 5-89296-006-4.
.svg)