Ижысь ожтӥрлык поттон заводлэн арсенал юртэз
| Чеберлыко инты | |
| Ижысь ожтӥрлык поттон заводлэн арсенал юртэз | |
|---|---|
 | |
| 56°51′12″ с. ш. 53°12′56″ в. д.GЯO | |
| Кун |
 Россия |
| Интыяськемез | Ижысь Коммунаръёслэн ульчаысьтызы 287-тӥ юрт[1] |
| Архитектурной стиль | Ӟуч классицизм[1] |
| Проектлэн авторез | С. Е. Дудин (юрттӥсез — А. Д. Захаров)[2] |
| Архитекторез | Дудин, Семён Емельянович[1] |
| Юртэз пуктэмын | 1823[3] — 1825[3] |
| Валтӥсь датаос | |
|
|
| Инлыкез |
 ОКН № 1810005000 |
 Медиафайлъёс РувикиМедиа пушкын | |
Инмысен тусыз
_-_2.jpg)
_-_3.jpg)
 | Россилэн лулчеберето кылёс лэсьтосъёсыз федерал инлыкен рег. № 181410165270006 (ЕГРОКН) лэсьтос № 1810005000 (БД Викигида) |
Ижысь ожтӥрлык поттон заводлэн арсенал юртэз — XIX даурысь промышленной юрт, Ижысь заводын ӵыжатэм пыӵалтӥрлыкез возьыны но утьыны лэсьтэмын. Ижысь Коммунаръёслэн ульчаысьтызы 287 адресъя интыяськемын. Проектэз малпась но архитектор Семён Емельянович Дудин луэ (юрттӥсез — А. Д. Захаров)[2].
Туала вакытэ та юртын Удмурт Элькунысь Кузебай Герд нимо йӧскалык музей интыяськемын. Юртъер XIX даурысь классицизм вакытысь архитектурая синпелет луэ. Со П буква кадь пуктэмын, усьтэм кыр палыз лымшор пала учке. Комплекслэн быдӟалаез 3000 м²[1].
Архитектураез
Арсеналлэн комплексэзлы проект лэсьтонэн С. Е. Дудин 1803-тӥ—1813-тӥ аръёсы выриз, А. Д. Захаров но К. Леду архитекторъёслэсь ӵектонъёссэс-мылкыдъёссэс санэ басьтыса[4]. Проект борды со Италиын стажировка ортчыкуз ик кутскиз. Лымшор палась фасадзэ но азбараз пыронзэ А. Д. Захаровлэн проектъёсыз вылэ пыкиськыса, отысь мотивъёссэ асэстыса быдэстӥз[5].
1809-тӥ арысь генпланъя арсенал вуж шайвыллэн бервылаз интыяськыны кулэ вал — татын али Дун-чылкыт Михаиллэн соборез ужа. А. Ф. Дерябин пусъемъя, завод котырысь та инты тужгес ӝужытэз луэ, пыӵалтӥрлыкез возьыны но юн тупа, угось «музъемез кӧс, омырез чылкыт». Но комплексэз уйпал но шундыӝужан вискыгес пуктоно кариськизы, угось карын улоно коркаосты ӝутон ӧръяськиз, соослэсь палэнэгес арсеналэз лэсьтыны ӧдъязы, дары возён гуосыз пуштоно луизы ке, нокин но сӧсырмыны медаз шедьы шуыса[6][7]. Озьы арсеналэз выль интые пуктон Иж заводлэн (Ижлэн) кыкетӥ аспӧртэм центрез выллем луиз. Та сярысь мукет тодметъёс но возьматӥзы: пыӵалтӥрлык поттон заводлэн валтӥсь корпусэз сямен ик, арсеналлэн усьтэм азбарез лымшор пала учкылӥз, нош валтӥсь фасадэз — уйпала. Завод ласянь 30 градуслы пуксем арсенал, лымшор но шундыӝужан ласянь улоно коркаосты пуктэмысь но кортназ[8][9].
Дага выллем пуктэм корпусысь висъетъёсы югыт капичен сюрылӥз, угось лымшор пала учкылӥз. Шундыӝужан но шундыпуксён палаз куать колоннаослэсь липет выллем лэсьтэмын. Со липет улысь укноос вадьсын борддорез котырес тыремын, таин валче прямоугольник выллем укноос но рядэн сылӥсь колоннаос огъя суредлэсь висъяськеменызы чебер адско[10][9]. Азбар шорын ик пыӵалтӥрлыкез бичан но сузян корпус ӝутэмын вал. Отысен валтӥсь юртэ нуись липето сюбег коридоръёс лэсьтэмын вал, таин валче жоб куазен но ожтӥрлыкез корпусэ кӧсэн пыртыны луонлык кылдылӥз[11][12]. Лымшор палласянь корпусын комплексэз утисьёслы интыос чакламын вал[2].
Историез
1815-тӥ арын тулыс, фундаментлы шуыса, интыез сиклэсь тазатыны ӧдъязы. Арсеналлэсь юртъерзэ казнаысь коньдон висъям бере гинэ ай, 1823-тӥ арын, ӝутыны кутскизы. Арсеналлэсь мугорзэ лэсьтӥсьёслэн артеленызы крепостной крестьян А. Брусничин кивалтӥз. Пуктӥськон 1825-тӥ арын йылпумъямын вал, нош пуш ужъёссэ лэсьтон 1827-тӥ арын быдтэмын[2][13].
1824-тӥ арын 5-тӥ коньывуонэ Александр I император, Иж заводэ вуылыкуз, ӝутӥськись арсеналэз но эскерыны кожаз. Соку С. Е. Дудинэз Вӧсьлыко Владимирлэн 4-тӥ степенё орденэныз пусйиз. [1][14][2][15][13]. Император вуэмлэсь азьвыл гинэ арсеналлэн куиняз ик липет улаз татчыозь утиськымтэ геральдикая композициос шуккемын вал, фронтонъёсаз озьы ик алебастрлэсь лэсьтэм росси ӧрӟи, нош соос улын доспехъёс но вормонлэн пусэз юнматэмын вал[15]. Ижысь арсенал С. Е. Дудин архитекторлэн берпуметӥ бадӟым ужез луиз, корпусъёсты 1825-тӥ арын ӝутыкузы, со угось улонысь кошкиз[10].
Арсеналлэсь юртсэ нырысь-валысь пыӵалтӥрлык возён складэз чот кутылӥзы, отчы ваньзэ-ӧвӧлзэ 75 сюрс ыбылӥськон тӥрлык тэрылӥз. Солэн одӥгаз люкетаз пыӵалтӥрлыклэн эталон образецъёсыз, соосты лэсьтон заготовкаос но нимаз ёзъёсыз но заводской механизмъёслэн модельёссы но тупатъян тӥрлык интыямын вал. 1826-тӥ арын гужемысен арсеналлэсь огзэ висъетсэ со вакытлы быдӟа библиотекалы сётӥзы, татчы Библейской обществолэн пытсаськем Ижысь ёзысьтыз 741 книгаосты вуттӥзы. 1836-тӥ арын библиотекаез Ваткае келязы. 1830-тӥ аръёсы, пӧртэм производствоосты усьтыны интыос тырмымтэен, арсеналлэн шор корпусаз уно аръёс ӵоже лакъёсын вырон, арбериосты сэрттон-бичан но ӵыжатон мастерскойёс ужазы. Тылӝуэн ужаллязы бере, пыӵалтӥрлыкез татын утьыны кышкыт луиз[15]. 1835-тӥ арын великий князь Михаил Павлович косэмъя, иж пыӵалтӥрлыклэсь образецъёсызлэсь вань ёзъёссэ радэн-радэн бичазы но пияла шкапъёсы арсеналлэн шорысьтыз залаз интыязы. 1839-тӥ арын та залын пичи музей усьтӥзы, калык азе пыӵалтӥрлыкъёсты поттӥзы, соос ик валтӥсь экспонат луизы, таосты лэсьтонэ 1824-тӥ арын Александр I но 1837-тӥ арын престоллэн наследникез Александр Николаевич пыриськиз шуыса, вераллязы. Музее озьы ик пыӵалтӥрлыклэн эталон образецъёсыз, соосты лэсьтон заготовкаос но нимаз ёзъёсыз но заводской механизмъёслэн модельёссы люкамын вал[1][16][15].
Нырысетӥ дунневыл ож вакытэ Иж заводын пыӵалтӥрлык поттонэз паськытатӥзы, арсеналлэн юртаз валтӥсь предприятиысь пыӵаллы приклад но мукет ёзъёс лэсьтон мастерскойёсты выжтӥзы[1][17][13].
Музейлы сётон
1969-тӥ арын тулыспалэ арсеналлэн шундыӝужан палысьтыз лымшор ласянь интыяськем производствоя цехъёсыз бушатэмын, 1980-тӥ арын коньывуонэ уйпалысьтыз сэрттэмын. 1970-тӥ арын юртлэсь оглюкетсэ Ижысь Йӧскалык музейлы висъязы, нош 1986-тӥ арысен вань корпусъёссэ музейлы сётӥзы. Музейлэн экспозициосын адӟытон залэз 2107 м² луэ, 644 м² быдӟа интыын фондъёсыз утисько, паркез 1,5 гектар луэ. Музейын 7 ёзъёс, архив, наукая библиотека но реставрациен вырон мастерскойёс ужало.
1975-тӥ арын арсенал юрт федерал инлыкен синпелетъёс пӧлы пыртэмын. 1994-тӥ аръёсы арсенал тупатъямын-выльдэмын, сок ик музей но усьтӥськиз. 1995-тӥ арын Россиысь Президентлэн Указэзъя арсеналлэн юртэз кун ласянь утёно федерал синпелетъёс пӧлы пыртэмын. 2000-тӥ арын музейлы удмурт кылбурчилэсь но югдытӥсьлэсь Кузебай Гердлэсь нимзэ сётӥзы.
Арсеналлэн туала юртэз бордын Удмурт Элькунлэн Тӧроезлэн резиденциез интыяське, со 1941-тӥ арысен ужам производствоя кык этажъем цехлэн тупатъям-выльдэм юртэз луэ.
Галерея
Шундыӝужан палыз
Шундыпуксён палыз
Шундыпуксён палыз
Уйпал ласянь пыронэз
Музее валтӥсь пыронэз
Арсеналлэн шор люкетыз
Лымшор капка (азбар пушкысен)
Арсенал бордысь историзэ тодэ вайытӥсь пул
Арсеналэ уйпал ласянь пырон бордысь историзэ тодэ вайытӥсь пул
Арсеналлэн лымшор палаз Удмурт Элькунлэн Тӧроезлэн резиденциез интыяське
Валэктонъёс
- ↑ 1 2 3 4 5 6 7 Арсенал [ӟуч] Национальный музей Удмуртской Республики имени Кузебая Герда. Эскеремын 2019-05-28 арын
- ↑ 1 2 3 4 5 Туганаев, 2008, с. 525.
- ↑ 1 2 Туганаев, 2008, с. 163.
- ↑ Шумилов, 1979, с. 43.
- ↑ Лотарёва, 2011, с. 71.
- ↑ Шумилов, 2015, с. 31.
- ↑ Шумилов, 1978, с. 23.
- ↑ Лотарёва, 2011, с. 50, 70—72.
- ↑ 1 2 Васильева, Дмитриев, Куликов и др., 2005, с. 228.
- ↑ 1 2 Шумилов, 1979, с. 44.
- ↑ Шумилов, 1978, с. 22.
- ↑ Лотарёва, 2011, с. 70—72.
- ↑ 1 2 3 Загребин, 2012, с. 352.
- ↑ Туганаев, 2008, с. 176.
- ↑ 1 2 3 4 Шумилов, 2015, с. 32.
- ↑ Шумилов, 1979, с. 43—44.
- ↑ Шумилов, 2015, с. 33.
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Шумилов Е. Ф. Первый зодчий Удмуртии. — Ижевск: Удмуртия, 1979. — 84 с. — 1000 экз.
- Шумилов Е. Ф. Архитектура Ижевска (ӟуч): история развития и перспективы архитектуры, градостроительства и монументального искусства / под ред. А. С. Терёхин, В. П. Орлов — Ижевск: Удмуртия, 1978. — 116 с. — 3000 экз.
- История Арсенала — история музея. Шумилов Е. Ф. // Музейные чтения в Арсенале: материалы Всероссийской научно-практической конференции / под общ. ред. Р. Ф. Мартыновой. — Ижевск: Удмуртский издательский дом, 2015. — 200 с. — 250 экз.
- Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — 540 с. — 300 экз. — ISBN 978-5-901304-62-4.
- Васильева О. И., Дмитриев П. Н., Куликов К. И. и др. История Удмуртии: XX век / под ред. К. И. Куликова. — Ижевск: Институт истории, языка и литературы УрО РАН, 2005. — 544 с. — 3000 экз. — ISBN 5-7691-1649-8.
- Лотарёва Р. М. Города-заводы России : XVIII — первая половина XIX века. — Екатеринбург : Издательство «Сократ», 2011. — 288 с., 16 с. ил. — 1000 экз. — ISBN 978-5-88664-372-5.
.svg)