Дерябин, Андрей Фёдорович
| Андрей Фёдорович Дерябин | |
|---|---|
 4 классъем обер-берггауптман | |
|
| |
 Горнной но соляной ужъёсъя департаментэн кивалтӥсь
|
|
| 1811 — 1817 | |
| Азьпалчиез | Качка Г. С. |
| Бӧрысьчиез | Мечников Е. И. |
|
|
|
| Вордӥськемын |
2-тӥ коньывуонэ 1770
Сибирской губерниысь Верхотуринской округ Дерябино черкогурт[1] |
| Кулэмын |
26-тӥ инвожое 1820 (49 арес) Гомельын |
| Кузпалыз | Урусова Наталья Никитична |
| Нылпиосыз | Фёдор (1813—1865) |
| Дышетскемез | |
| Данъетъёсыз |
 |
 Медиафайлъёс РувикиМедиа пушкын | |
А. Ф. Дерябинлэн усыпальницаез.
Ижысь Александро-Невской собор
-1.jpg)
Андре́й Фёдорович Деря́бин (1770-тӥ арын 2-тӥ коньывуонэ, Дерябино черкогуртын — 1820-тӥ арын 26-тӥ инвожое, Гомельын[1][2][3]) — росси кун ужчи, Берг-коллегилэн ёзчиез, Горной но соляной ужъёсъя департаментлэн но Горной кадетской корпуслэн кивалтӥсез, 1806-тӥ арысен Гороблагодатской, Камской но Богословской заводъёсын кивалтӥз. Горной Положенилэн проектэзлэн авторез, ас вакытаз Россиысь горнозаводской ужъёсъя ӧнерчиос пӧлысь одӥгез тужгес устоез но тодмоез.
Улон сюресэз
Андрей Фёдорович вордӥськиз диаконлэн семьяяз Пермской губерниысь Верхотурской уездысь Дерябинской (Дерябино) черкогуртын. Тобольской духовной семинариын дышетсконзэ йылпумъямез бере, тодон-валанзэ будэтӥз Петербургысь вылӥ горной училищеын. Куинь ар дышетскыса, Дерябинэз шихтмейстер чотын службазэ нуыны Нерчинской горной заводъёсы ыстӥзы. Училищеез йылпумъямез бере инспекциенГороблагодатской заводъёсы келязы . Собере кунсьӧр горной ужен тодматскон вылысь, Андрей Фёдорович Германие (1794—96), Францие (1797) но Англие (1798—99)[4][5][6][1][7][8][9][10] вуылӥз.
Горной коллегиын ужан вакытэз
А. Ф. Дерябинлы синпелет.
Иж тыметлэн ярдур урамез
.jpg)
1799-тӥ арын Андрей Дерябинэз Россиысь горной промышленностен кивалтонъя вылӥ кун ужъюртэ — Берг-коллегие кутӥзы но обер-бергмейстер ужудысэ юнматӥзы. 1800-тӥ арын берггауптман ужудысэ выжтӥзы — Экспедициен но Зарниез азвесьлэсь висъясь контораен кивалтӥсе юнматӥзы[1]. Сӥзьыл 1800-тӥ арын Дерябин Колыванской но Нерчинской заводъёсын кивалтыны кутске[5]. 1801-тӥ арын Андрей Фёдорович Дедюхинской соляной удысъёсын кивалтӥсь Гороблагодатской но Пермской горной начальствоослэн валтӥсь тӧрозы луэ[11][12][8][13]. Вакчи дыр куспын со ужъюгдурез тупатыны быгатӥз. Та вакыт усьтэмын вал выль рудникъёс, шедьтэмын рудаослэн кылдон интыоссы, заводъёсы тодӥсь-валась техникъёс но усточиос кутэмын, ӝутэмын фабрикаос, выльдэмын машинаос. 1802-тӥ арысен Андрей Фёдорович 5 классъем обер-берггауптман чин сётӥзы.
1804-тӥ арын Горной ведомстволэн реформаезъя комитет кылдытэмын вал. Комитетлэн ужаз пыриськон вылысь, Андрей Фёдоровичез Петербурге ӧтизы. Комитет азьын сылӥсь ужпумъёс пӧлысь валтӥсез ужпум — Россиысь горной ужлэн азинскеменыз но та удысысь катрадлыклэн историеныз тодматскон. Та ужез оскизы Дерябинлы. Кема ужамез бере, Андрей Фёдорович «Историческое описание горных дел в России с самых отдалённейших времён до нынешних» нимо ужзэ Уралысь железоделательной заводъёсын кивалтон реформалэсь проектсэ[14] коньдон ужпумъёсъя министрлы Васильевлы А. И. сётӥз. Комитет быдэсак соглаш луиз Дерябинлэн исторической заметкаяз верам малпанъёсыныз но ужкагазъёсты Императорлы возьматӥзы. 1804-тӥ арын 21-тӥ куарусёнэ Александр I но соосты умоен лыдъяз. Дерябинлэн кылдытэм «Горной Положениезлэн проектэз» юнматэмын вал 1806-тӥ арын 13-тӥ пӧсьтолэзе[8]. Выль радлыкез нырысь-валысь 5 арлы кутыны ӵектӥзы, собере соосты выльысь эскерыса, быдэсак юнматоно шуыса решени кутӥзы. Но выльысь учконъёс озьы ик эскерытэк кылизы, нош проект Законъёсын нырысетӥ Сводэз кутытозь ужаз но солэн пушпӧлаз нимазъям устав чотын пыриз. Реформаос йылпумъяськем бере, Дерябинэз Гороблагодатской, Камской но Богословской корт но ыргон поттон рудникъёсын но заводъёсын кивалтыны пуктӥзы, озьы Андрей Фёдорович Дерябин вань казённой урал заводъёслэн кивалтӥсьсы луиз[12][3].
1807-тӥ арын 20-тӥ тулыспалэ Кам котырын пыӵал тӥрлык поттон завод пуктон сярысь императорлэсь нимысьтыз Дерябинлы Косэт ыстэмын вал. Ижысь пыӵал тӥрлык поттон завод Ижысь корт поттон заводлэн инъет вылаз[10][15] со арын ик кылдӥз. 1808-тӥ арын заводэз Военной ведомстволы сётӥзы[16]. 1807-тӥ арын 18-тӥ гудырикошконэ Дерябин Воткинскын нырысетӥ заводской школа усьтӥз, 1808-тӥ арын — Ижын. 1809-тӥ арын Дерябинлэн кичӧлтэмезъя Иж заводын, кунсьӧр инструмент басьтонтэм вылысь, инструментальной производство кылдытэмын вал[10]. Андрей Фёдорович озьы ик тодмо луэ, пыӵал лэсьтӥсь усточиосты висъян понна, «мундирной отличной кафтан» нуллон сямез кылдытэменыз[1].
Берло аръёсыз
1810-тӥ арын Андрей Фёдоровичез выльысь Санкт-Петербурге ӧтьыса, солы 4 классъем обер-берггауптман чин сётӥзы, нош 1811-тӥ арысен кутскыса, Горной но соляной ужъёсъя департаментлэн но Горной кадет корпуслэн кивалтӥсез луиз[17][18]. Горной департаментэн но Горной корпусэн Дерябин 1817-тӥ арозь кивалтӥз[12][9] . Мукет тодэтъёсъя, отставкае висеменыз сэрен 1816-тӥ арын кошконо луэм[1][10], ужоскетсэ Мечниковлы Е. И. кельтыса. Вань на мукетыз малпан, Дерябин отставкае келямын М. М. Сперанскийлэн масонской ложееныз ёзчияськеменыз валче, кудӥз Александр I ярантэм луэм. Службаысь кошкемез бере Гомельын Н. П. Румянцев графлэн имениеныз кивалтӥз[3][8][19].
Андрей Фёдорович улонысь кошкиз 1820-тӥ арын 26-тӥ пӧсьтолэзе Гомельын[3][20]. Ватэмын Ярославль котырысь Свято-Введенской Толгской монастырьын[19]. 2002-тӥ арын шӧй пырыез Ижысь Александро-Невской соборе ваемын[1].
Ужъёсыз
- «Историческое описание горных дел в России с самых отдалённейших времён до нынешних». 1804 год.
Буре ваён
- А. Ф. Дерябинэз буре вайыса, Иж тыметлэн ӵыпетаз синпелет пуктэмын, усьтэмын 1907-тӥ арын,Иж заводлэн 100 ар тырмонэныз валче[1][10].
- Дерябинлэн нимыз сётэмын Иж тымет вылтӥ мынон-ветлон сюреслы[1].
- Дерябинлэн вордӥськем нуналыз ― 2-тӥ коньывуон Удмуртиысь буре ваён нуналъёс пӧлы пыртэмын[21].
Семьяез
Кузпалыз Наталья Никитична, Ярославской наместничествоен кузёяськись Никита Урусов князьлэн нылыз. Пиез — Фёдор (1813—1865)[22].
Озьы ик учке
Валэктонъёс
- ↑ 1 2 3 4 5 6 7 8 9 Туганаев, 2008, с. 302.
- ↑ Газета Московские ведомости. — 8 апреля 1825 года (№ 28). — С. 989
- ↑ 1 2 3 4 Андрей Федорович Дерябин // Северная пчела : Газета. — 1825. — 28 марта (№ 38).
- ↑ Дерябин, Андрей Федорович // Большая русская биографическая энциклопедия (электронное издание). — Версия 3.0. — М.: Бизнессофт, ИДДК, 2007.
- ↑ 1 2 Коновалов, 2006, с. 25.
- ↑ Лоранский, 1900, с. 63.
- ↑ Дерябин, Андрей Федорович // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ 1 2 3 4 Карабасов Ю. С., Черноусов П. И., Коротченко Н. А., Голубев О. В. Металлургия и время : Энциклопедия : в 6 т. — М. : Издательский Дом МИСиС, 2012. — Т. 4 : Русский вклад. — С. 98—100. — 232 с. — 1000 экз. — ISBN 978-5-87623-539-8 (т. 4).
- ↑ 1 2 Заболоцкий Е. М. Горное ведомство дореволюционной России (ӟуч): Очерк истории: Биографический словарь — М.: Новый хронограф, 2014. — С. 85—86. — 280 с. — 300 экз. — ISBN 978-5-94881-279-3
- ↑ 1 2 3 4 5 Дерябин Андрей Фёдорович // Ими гордится удмуртская земля / составители: Л. И. Фролова, З. Г. Кирюхина и др. — Ижевск : Республиканская библиотека Удмуртской АССР им. В. И. Ленина, 1978. — Вып. 2: Деятели науки и техники. Биобиблиографический указатель литературы. — С. 59—60. — 76 с. — 1000 экз.
- ↑ Коновалов, 2006, с. 24.
- ↑ 1 2 3 Лоранский, 1900, с. 64.
- ↑ Иванов А. В. Горнозаводская цивилизация (ӟуч) — М.: АСТ, 2014. — С. 194. — 283 с. — 4000 экз. — ISBN 978-5-17-079642-7
- ↑ Лоранский, 1900, с. 51.
- ↑ Перевощиков А. П. Ижевск : Экономико-географический и социальный очерк / рецензент А. К. Осипов. — 3-е изд., перераб. и доп. — Ижевск : Издательство «Удмуртия», 1995. — С. 10. — 352 с. — 15 000 экз. — ISBN 5-7659-0597-8.
- ↑ Алексеев, 2001, с. 220.
- ↑ История Санкт-Петербургского горного института Архивная копия от 27 толсуре 2009 на Wayback Machine
- ↑ Коновалов, 2006, с. 26.
- ↑ 1 2 Шумилов Е. Ф. Город на Иже, 1760—2000 : Историческая хроника с прологом и эпилогом в двух томах, повествующая о славных традициях и драматической истории столицы Удмуртии. — 2-е изд., дополненное и переработанное. — Ижевск : Издательство «Свиток», 1998. — С. 42. — 400 с., 26 с. ил. — 10 000 экз. — ISBN 5-89296-006-4.
- ↑ Власов, 1905, с. 327.
- ↑ [https://docs.cntd.ru/document/571039007 ЗАКОН УДМУРТСКОЙ РЕСПУБЛИКИ от 14 декабря 2020 года N 81-РЗ О праздничных днях и памятных датах Удмуртской Республики]
- ↑ РБС/ВТ/Дерябин, Федор Андреевич // Русский биографический словарь : в 25 томах. — СПб.—М., 1896—1918.
Литература
- В. Власов. РБС/ВТ/Дерябин, Андрей Фёдорович // Русский биографический словарь : в 25 томах. — СПб., 1905. — Т. 6: Дабелов — Дядьковский. — С. 327—329.
- Коновалов П. А. и др. Дети горы Благодать : Кушва, Верхняя Тура, Нижняя Тура, Арти : Культурно-исторические очерки / под общ. ред. В. В. Нестерова. — Екатеринбург : ИД «Сократ», 2006. — 432 с. : ил. — (Урал: История в ликах городов). — 16 500 экз. — ISBN 5-88664-258-7.
- Лоранский А. М. Краткий исторический очерк административных учреждений горного ведомства в России (ӟуч): 1700—1900 гг. — СПб.: Типография инженера Г. А. Бернштейна, 1900. — 207 с.
- Александров А. А. Ижевский завод. — Ижевск: Удмуртское книжное издательство, 1957. — 128 с. — 5000 экз.
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Металлургические заводы Урала XVII—XX вв. : [арх. 20 коньывуонэ 2021] : Энциклопедия / глав. ред. В. В. Алексеев. — Екатеринбург : Издательство Академкнига, 2001. — 536 с. — 1000 экз. — ISBN 5-93472-057-0.
- Перечень русских горных деятелей. (Из бумаг покойного горного инженера С. Н. Кулибина). — ГЖ, 1900, т.3, кн.8.
- Мелуа А. И. Геологи и горные инженеры России (ӟуч): Энциклопедия / под ред. Н. П. Лавёров — М., СПб.: Гуманистика, 2000. — С. 202—203. — 720 с. — 2500 экз. — ISBN 5-86050-124-2
- Шумилов Е. Ф. Андрей Фёдорович Дерябин. — Ижевск, 2000.
Чӧлсконъёс
- Биография и библиография в информационной системе «История геологии и горного дела» РАН.
 | |
|---|---|
| В библиографических каталогах |
|
- 2-тӥ коньывуонэ вордӥськемъёс
- 1770-тӥ арын вордӥськемъёс
- 26-тӥ инвожое кулэмъёс
- 1820-тӥ арын кулэмъёс
- Тодмо муртъёс алфавитъя
- Гомельын кулэмъёс
- Петербургысь Горной училищеын дышетскемъёс
- Вӧсьлыко Анналэн 1 степенё орденэзлэн кавалеръёсыз
- Геологъёс алфавитъя
- Тобольской духовной семинариын дышетскемъёс
- Горной кадет корпуслэн кивалтӥсьёсыз
- Ижысь пыӵал тӥрлык поттон заводлэн кивалтӥсьёсыз
- Тодмо муртъёс:Ижысь машина поттон завод
- Александро-Невской соборе ватэмъёс (Ижевск)
- 4 класъем обер-берггауптманъёс