Шумилов, Евгений Фёдорович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Шумилов.
Евгений Фёдорович Шумилов
Евге́ний Фёдорович Шуми́лов.jpg
Вордӥськем дырыз 19-тӥ инвожое 1943({{padleft:1943|4|0}}-{{padleft:6|2|0}}-{{padleft:19|2|0}}) (83 года)
Вордӥськем интыез
Кун
Дышетскемез
Учёной степенез устолыктодосъя кандидат[d] но истори тодосъёсъя доктор[d]
Данъетъёсыз
орден преподобного Сергия Радонежского
Логотип РУВИКИ.Медиа Медиафайлъёс РувикиМедиа пушкын

Евге́ний Фёдорович Шуми́лов (вордӥськемын 1943-тӥ арын 19-тӥ инвожое Ижкарын) — Россиысь но улосысь искусствовед, историк, шаерчи. Ижкарлэн Дано кунмуртэз (2001). Удмурт Элькунысь Кун премилэн лауреатэз (2019).

Улон сюресэз

Евгений Шумилов вордӥськиз 1943-тӥ арын 19-тӥ инвожое Ижкарын. 1972-тӥ арын Урал кун университетэз йылпумъяз, искусствовед луиз. Дышетскон вакытаз Пермьысь суредаськонъя галереялэн Чайковскысь ёзаз тодослыко мурт сямен ужаз. Удмуртиысь суредаськон искусствоосъя музеез кылдытӥсьёс пӧлысь одӥгез. 1980-тӥ—1981-тӥ аръёсы музейлы директореюнматӥзы. Со сяна, Удмуртиын ӟуч культуралэсь обществозэ кылдытӥз но валтӥз (1991—1996). Озьы ик «Движения за демократию» огазеяськон кылдытӥз (1990—1992), та огазеяськонлэсь ик Удмурт АССР-ысь Вылӥ Советэ депутатэ бырйиськиз (1990—1995).

1985-тӥ арысен Устиновын калык патриотической движенилэн ужаз пыриськиз. 1987-тӥ арын 19-тӥ инвожое УАССР-лэсь шоркарезлэсь Ижкар нимзэ берыктыны юрттӥз[1].

1976-тӥ арысен Историысь синпелетъёсты но лулчеберетэз утёнъя Россиысь обществолэн удмурт ёзэзлэн президиумезлэн ёзчиез луэ. 2010-тӥ арысен та обществолэн дунъет сётонъя кенешезлэн тӧроез. 1998-тӥ арысен Историкъёслэн но архивистъёслэн Россиысь дэменлыксылэн удмурт ёзэзлэн президиумезлэн ёзчиез, 2014-тӥ арысен Ижысь огазеяськонэз валтэ. Россиысь Суредасьёслэн огазеяськонзылэн (1977) но Россиысь Архитекторъёслэн огазеяськонзылэн ёзчиосыз (1988)[2]. Графика амалэн суредаське, адӟытонъёс радъялля. Архитектураысь синпелетъёсты выльдонъя проектъёс бордын ужа, кылсярысь, Ижысь Михайловской соборез выльысь ӝутонъя проект бордын тыршиз.

1988-тӥ арын Удмурт кун университетын дышетӥз[2]. Удмуртиысь телепередачаосы ас удысэзъя пыриськылэ. 2009-тӥ арын пӧсьтолэзёзь «Эхо Москвы» радиолэн интыысь ёзаз «Ижевская старина» программа нуиз[3].

Шумилов Ижкарын улӥсьёсты «ижевцы» яке «ижаки» шуыса нималля[4].

2019-тӥ арын Ижысь оружейникъёслы сӥзем книгаос поттэмез понна Удмурт Элькунлэн Кун премиеныз пусъемын.

Наукая ужез

Е. Ф. Шумилов Ижысь пыӵалтӥрлык поттонъя вашкала заводлэн ӝуась валтӥсь корпусэз азьын интервью сётэ. 2018-тӥ арын 3-тӥ пӧсьтолэзе.

Е. Ф. Шумилов Удмуртилэсь XVI—XX дауръёсысь историзэ но культуразэ эскере, вордскем карезлы бадӟым саклык висъя. Тунсыкъяськон ӧрез паськыт: удмурт калыклэн кунлык басьтэмез, ӟуч югдытӥсьёслэн но миссионеръёслэн улонын интызы, черкогуртъёслэн но черкъёслэн историзы, Ватка котыре улыны выжыяськем ӟучъёс, завод котырын кылдэм каръёс, предприятиослэн азинскемзы, Граждан ож вакыт, вашкала дырысен утем лулчеберетэз азинтон но мукет.

Архивъёсын утчаськемезлы луыса шараяськизы Ижысь заводъёсын эксэй вакытэ ужам кафтанщикъёс (605 мурт). Озьы вунэтэмысь ӝутэмын таӵе нимъёс: А. Ф. Дерябин, С. Е. Дудин, З. О. Лятушевич, Н. Н. Блинов, П. В. Можаров но мукетъёсыз[1].

Кандидат диссертациез XIX даурлэн нырысетӥ паларысьтыз Кам заводъёсысь архитекторъёслэн творчествозылы сӥземын (1978. Искусствознаниея всесоюзной институт). Докторской диссертациез Удмуртиысь XVI—XX дауръёсысь христианстволы сӥземын (1996, Урал кун университет).

Библиография

  • Шумилов Е. Ф. Архитектура Ижевска / под ред. А. С. Терёхина и В. П. Орлова. — Ижевск: Удмуртия, 1978. — 116 с. — 3000 экз.
  • Шумилов Е. Ф. Первый зодчий Удмуртии. — Ижевск: Удмуртия, 1979. — 84 с. — 1000 экз.
  • «История искусства Удмуртии. Справочник» (1986)
  • «Искусство ижевских оружейников» (1987)
  • «Алексей Павлович Холмогоров» (1988)
  • «История нашего края» (в соавторстве с А. И. Сухановым) (1988)
  • «Загадка железного начдива. Краеведческий детектив. В. М. Азин» (1989)
  • «Город на Иже. Историческая хроника» (1990)
  • «Православная Удмуртия. История Ижевской и Удмуртской епархии. XX век» (1996)
  • Шумилов Е. Ф. Город на Иже 1760—2000. — 2-е изд., доп. и перераб.. — Ижевск: Свиток, 1998. — 400 с. — ISBN 5-89296-006-4.
  • «Неугасимая лампада» (Успенская церковь в Ижевске) (1999)
  • Вавож. «Утоли моя печали…» (1999)
  • «А. Ф. Дерябин. Очерк жизни гениального человека пушкинской эпохи» (2000)
  • «Христианство в Удмуртии. Цивилизационные процессы и христианское искусство. XVI — начало XX в.» (2001)
  • «Город оружейников. 1807—1917» Первый том двухтомника «Два века „Ижмаша“: истоки, лидеры, технологии, конструкции, династии, культура, быт». (2002; второе издание — 2007)
  • «Аксион» — «Замок». Ижевский мотозавод; люди и традиции, машины и приборы. 1933—2003" (2003)
  • «Для пользы ближних…» (А. Ф. Дерябин) (2004)
  • «Вода для Ижевска» (2004)
  • «Сердце города-завода». ТЭЦ-1» (2005)
  • «Большая наука. УдГУ: коллективный автопортрет» (2006)
  • Шумилов Е. Ф. Два века «Ижмаша». Т. 2: Завод заводов, 1917—2007. — Ижевск: Ижмашпринт, 2007. — 707 с. — 2000 экз. — ISBN 5-8980-091-X.
  • «Ижевск. Документы и материалы» (2010, коллектив авторов). Научный редактор и автор предисловия
  • «Сенной рынок. Народный торговый центр города на Иже» (2012)
  • «Трудфронт. Героические дела и повседневная жизнь кузницы оружия на Иже. 1941—1945» (2015)
  • Шумилов Е. Ф. История Ижевска: Краткий очерк. — Ижевск: Удмуртия, 2018. — 384 с. — ISBN 978-5-7659-0997-3.

Данъетъёсыз

  • Александр Невский князьлэн III степенё орденэз[5].
  • Сергей Радонежскойлэн III степенё орденэз[2].
  • «За вклад в наследие народов России» медаль.
  • М. Т. Калашниковлэн медалез[2].
  • Курадӟытыса вием дун-чылкыт Амвросийлэн, Сарапулысь епископлэн I степенё медалез.
  • Удмурт Элькунысь Искусство удысысь дано ужась (1993)[2].
  • Ижкарлэн Дано кунмуртэз (2001)[2].
  • Архитектурая устоез произведениос куспын Россиысь вожвылъяськонын «Архитектура Ижевска» но «Первый зодчий Удмуртии» книгаосыз нырысетӥ премиен пусъемын(1983).
  • Россиысь VII вожвылъяськонын «Ижевский синдром» («Русский город на удмуртской земле») публикациез I степенё дипломен но нырысетӥ премиен пусъемын (1989).
  • Архитектуралы сӥзем устоез произведениос куспын Россиысь вожвылъяськонын «Город на Иже» книгаез кыкетӥ премиен пусъемын (1990).
  • «Город оружейников» книгаез Россиысь книга поттӥсьёслэн ассоциацизы «Арлэн устоез книгаосыз» нимо дипломен пусйиз (2002).
  • «Зодчество» XIV калыкуспо фестивальын Ижысь Мхайловской соборез выльысь ӝутонъя проектэз туй дипломен пусъемын (2006).
  • Удмурт Элькунысь Кун премилэн лауреатэз (2019).

Озьы ик учке

Валэктонъёс

  1. ↑ 1 2 Шумилов Евгений Федорович [ӟуч] Информационно-аналитическоe управление Администрации города Ижевска. Эскеремын 2019-08-21 арын
  2. ↑ 1 2 3 4 5 6 Загребин, 2012, с. 513.
  3. ↑ Программа "Ижевская старина" «Эхо Москвы» в Ижевске. Эскеремын 2013-06-26 арын
  4. ↑ Евгений Шумилов: «Жителей Ижевска правильней называть «ижевцами» или «ижевлянами» «Моя Удмуртия». Эскеремын 2013-06-26 арын
  5. ↑ Первый кавалер ордена благоверного князя Александра Невского появился в Удмуртии В Удмуртии появился первый кавалер ордена благоверного князя Александра Невского

Литература

Чӧлсконъёс

«https://udm.ruwiki.ru/w/index.php?title=Шумилов,_Евгений_Фёдорович&oldid=489954»-ысь басьтэмын