Александр Невский нимо собор
| Православной черк | |
| Александро-Невской собор | |
|---|---|
-41.jpg) | |
| 56°50′38″ с. ш. 53°12′04″ в. д.GЯO | |
| Кун |
 Россия |
| Кар |
Ижевск, Максим Горький нимо урам, 66-тӥ номеро юрт |
| Конфессия | Православие |
| Епархия | Ижкар |
| Благочиние | Ижевской |
| Архитектурной стиль |
Ӟуч классицизм [1] |
| Проектлэн авторез | Андреян Захаров[2] |
| Архитекторез | |
| Кылдытэмын | 1818 |
| Юртэз пуктэмын | 1818-тӥ арын — 1823-тӥ арын |
| Валтӥсь датаос | |
|
|
| Инлыкез |
 ОКН № 1810001000 |
| Югдурез | Али ужась |
| Сайтэз | alnevsobor.ru |
 |
|
 Медиафайлъёс РувикиМедиа пушкын | |
 | Россилэн лулчеберето кылёс лэсьтосъёсыз федерал инлыкен рег. № 181210001700006 (ЕГРОКН) лэсьтос № 1810001000 (БД Викигида) |
Алекса́ндро-Не́вской собо́р — Ижкарысь бадӟым православной черк. Ӟуч православи черклэн Ижысь епархиезлэн пӧлэсаз пыре. 1994-тӥ арысен 2017-тӥ арозь епархилэн кафедральной соборез лыдъяське вал.
Александро-Невскойй черк Кронштадтысь Андреевской соборлэн вылтусызъя 1823-тӥ арын ӝутэмын (проектлэн авторез — архитектор Андреян Захаров)[1][3]. Нырысь-валысь Ижкар заводлэн валтӥсь черкез шуыса чакламын вал.
1929-тӥ арын черк котыр таласа быдтэмын, юртэз пытсамын. Берлогес отын «Колосс» кинотеатр ужаны кутскиз. 1990-тӥ арын Палладий епископлэн кичӧлтэмезъя (1990-тӥ арысен 1992-тӥ арозь настоятелез вал) РПЦ-лы берыктэмын.
Настоятелез — протоиерей Дмитрий Леонтьев.
Историез
Лэсьтӥськон ужъёс
1810-тӥ арын тылпу кылдэмен, карлэн бадӟым люкетэз бырыны шедиз, озьы ик Ижкарысь валтӥсез черк но — Илья Пророклэн черкез ӝуаса быриз[4]. Соин со интые выльзэ пуктон сярысь ужпум ӝутӥзы. Ар ортчыса, заводысь архитектор Семён Дудин* куинь престолэн но куинь гырлыжугонниен монументальной соборлы проект кылдытӥз. Но со проектсэ укыр дуно луэменыз палэнтӥзы. Со интые Кронштадтысь Андреевской собор выллем лэсьтыны дэмлазы[5]. Дудин аслаз чертежъёсаз воштонъёс пыртылӥз, кылсярысь, гранитэз заводын кисьтэм кортэн воштӥз, куд-ог архитектура кабъёссэ капчиятӥз.
1823-тӥ арын черкез лэсьтон быдэсак быдэстэмын вал. Шор приделэз благоверной князьлы Александр Невскийлы сӥзьыса вӧсямын, лымшорпал приделэз — курадӟытэм вӧсьлыко Екатериналы, уйпал приделэз — Инмар Анайлэн Кузонысь мудорезлы, улӥ, «пещерной» храмез — курадӟытэм вӧсьлыко Власийлы но Модестлы.
Черклэн ужамез
Император Александр I 1824-тӥ арын, Ижкар пыр ортчыкуз, черке пыраз. 1871-тӥ арын Собор улсын попечительство усьтӥськиз. Со югдытон но юрттэт сётон ужъёсын выриз. 1875-тӥ арысен черк бордын воскресной школа ужаны кутскиз. Берлогес мукет школаос, юрттэт сётонъя ӧриос но сазь улонъя дэменлык усьтэмын вал.
Черкез пытсан
1922-тӥ арын южтолэзе черкысь 5 пудлэсь ятыр азвесь, зарни но мукет дуно изъёс поттэмын вал. Инмарлы чутрак пумит луисьёслэн огазеяськонзылэн юношеской секциезлэн куремезъя 1929-тӥ арын черкез пытсазы, со арын ик гырлыжугонниез куашкатӥзы. Черк юртэз клублы пӧрмытӥзы. Берлогес 24 черк гырлы (огъя секталаез 650 пуд) отысь ваньмыз поттэмын вал. 1930-тӥ арысен отын нылпи клуб но кинотеатр, берлогес атеизмлэн муззез кылдытэмын вал. 1932-тӥ арын, выльдон-тупатъян ужъёс ортчытэм бере, «Колосс» кинотеатр усьтӥськиз. 1937-тӥ арын черклэсь йылзэ сэрттӥзы. Соберегес ик шӧтэм карем юртэз «I категориысь архитектура синпелетъёс» пӧлы пыртӥзы[6].
Выльдон
1990-тӥ арын черклэн юртэз выльысь инмарлы оскисьёслы берыктэмын вал. Выльдон ужъёслы проект лэсьтэм бере (архитекторез С. А. Макаров) 1992-тӥ арын тупатъян ужъёс кутскизы. 1993-тӥ арлэн пумаз йылаз-пумаз вуттыса, вӧзаз чукиндырон йылолэз быдэсъян пичи черк, вуэз вӧсян иордань, звонница но Иж заводэз кылдытӥсьлы Андрей Дерябинлы усыпальница пуктӥзы[1]. 1994-тӥ арын 2-тӥ толшоре черкез вӧсян йылол ортчытэмын.
1994-тӥ арын 5-тӥ коньывуонэ Синодлэн пуктэтэзъя черк кафедральной луиз[6].
Черк улсын катехизисъя курсъёс но церковно-приходской воскресной школа ужа[6].
Архитектураез
Черк ӵыпетлэн выллапалаз интыяськемын. Солэн интыяськемез Ижкарлы кудпала паськытаны валтӥсь пус луиз. С. Е. Дудинлэн проектъёсаз Пыӵалтӥрлык поттон заводлэн валтӥсь корпусэз, соборен но Арсеналэн одӥг архитектура ансамбле огазеямын вал[3].
Азьыз
Черк быдэсак ӟуч классицизм амалъя пуктэмын — шонер сэрего, «державной», Петербург выллем кезьыт тусо. Шонер выж пыкетъёсты огазеясь кӧзоно быгылес тусо. Ньыль юн пилонъёслэн сэрегъёссы волятэмын. Кык подпружной аркаосыз шундыпуксён-шундыӝужан осьын кыллё, алтарь но валтӥсь неф (кузялэс бӧлет) пала усьтэмын, лымшор паласен но уйпаласен соос муратэм гопъёс выллем лэсьтэмын.
Валтӥсез неф урдэс нефъёслэсь кыкналасянь ионической ордеръя пуктэм колоннаосыныз висъямын, котькуд палаз быдэн ньыль колонна. Валтӥсь нефлэн йыр азяз короб выллем кӧзоно лэсьтэмын. Вань православи черкъёсын кадь ик, соборлэн планэз кирос выллем луэ: лымшор палаз но уйпал люкетаз (черклэн кезьыт люкетаз) быдэн куать колоннаем портикъёс усьтӥсько. Соос но ионической ордеръя пуктэмын, но таосыз пуш колоннаосын ӵошатыса, трослы векчиесьгес луо. Трапезнойысь уйпал но лымшорпал борддоръёсысь котькуд колонна борды пилястра тупатэмын[3].
Пушкыз
Совето вакытэ, черклэсь юртсэ «Колосс» кинотеатрлы тупатэм бере, солэн пушкысьтыз суредъёс, иконостас но тросэз мудоръёс быдтэмын вал. Али дыре черклэн пушкыз академической стилен чебермамын.
Черкын Вӧсьлыко Голгофаысь Излэн пырыез но Иисуслэн Пу Киросэзлэн люкетэз утиське. Озьы ик преподобной Афанасий Афонскийлэн, Лаврентий Печерскийлэн, Лука Печерскийлэн, Илия Муромскийлэн, Лонгин Афонскийлэн, Феодор Печерскийлэн, святитель Иоанн Тобольскийлэн, благоверной Быдӟым князьлэн А. Невскийлэн, преподобной Ефимий Великийлэн, Серафим Саровскийлэн, Павел Афонскийлэн, Меркури Печерскийлэн ёзпырыоссы.
Галерея
- Черклэн пуш чеберез
_Interior-1.jpg)
_Interior-2.jpg)
_Interior-3.jpg)
_Interior-4.jpg)
_Interior-5.jpg)
- Экстерьер
А. Ф. Дерябинлэн усыпальницаез
Усыпальница вылысь буре ваён пул
Буре ваён пулъёс
Черклэн гырлыжугонниез
Черклэн вылтусыз Горький нимо урамысен
Лымшор паласен вылтусыз
-1.jpg)
-7.jpg)
_05.jpg)
.jpg)
Валэктонъёс
- ↑ 1 2 3 4 Загребин, 2012, с. 353.
- ↑ Туганаев, 2008, с. 345.
- ↑ 1 2 3 Лотарёва Р. М. Города-заводы России : XVIII — первая половина XIX века. — Екатеринбург : Издательство «Сократ», 2011. — С. 85. — 288 с., 16 с. ил. — 1000 экз. — ISBN 978-5-88664-372-5.
- ↑ Путешествуй по Удмуртии. Собор Александра Невского
- ↑ Ижевск. Официальный сайт. Собор Александра Невского
- ↑ 1 2 3 Туганаев, 2008, с. 604.
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — 540 с. — 300 экз. — ISBN 978-5-901304-62-4.
Чӧлсконъёс
- Александро-Невский собор в Ижевске на сайте «Храмы России»
- Александро-Невский собор в Ижевске на официальном сайте Ижевской и Удмуртской епархии
- Александро-Невский собор на сайте ЦМДБ им. М.Горького
.svg)