И. Д. Пастуховлы синпелет
| Синпелет | |
| И. Д. Пастуховлы сӥзем синпелет | |
|---|---|
 | |
| 56°50′57″ с. ш. 53°13′06″ в. д.GЯO | |
| Кун |
 Россия |
| Город | Ижкар, Красногеройской но Коммунаръёслэн ульчаоссы сэргын |
| Скульпторез | И. С. Ефимов[1] |
| Кылдытэмын | 1933 |
| Юртэз пуктэмын | 1933-тӥ арын[1] |
| Инлыкез |
 ОКН № 1800000001 |
| Лэсьтӥськон материалъёс | чугун |
 Медиафайлъёс РувикиМедиа пушкын | |
 | Россилэн лулчеберето кылёс лэсьтосъёсыз улос инлыкен рег. № 181610539830005 (ЕГРОКН) лэсьтос № 1800000001 (БД Викигида) |
И. Д. Пастуховлы синпелет Удмуртиысь нырысетӥ ужась большевик революционерлы, Ижысь горсоветлэн тӧроезлы сӥземын. Ижкарысь Красногеройской но Коммунаръёслэн ульчаоссы сэргын интыяськемын. Удмурт Элькунысь утёно архитектурая синпелетъёс пӧлы пыртэмын[2][3].
Иван Дмитриевич Пастуховлы сӥзем синпелетэз нырысь-валысь 1932-тӥ арын, Октябрь революцилэн юбилей арезлы чакласа, пуктыны медо вал. Архитектор Иван Семёнович Ефимовлы та проектэз быдэстыны 1930-тӥ арын ик оскизы. Заказ шедем бере ик скульптор Ижкаре вуылӥз, героез сярысь рос-прос тодон вылысь Иван Пастуховлэн ӵыжы-выжыосызлэсь, тодмоосызлэсь, эшъёсызлэсь юалляськиз, документъёсты пыр-поч эскериз, туспуктэмъёсты умой-умой учкылӥз. Синпелет 1887-тӥ арын вордӥськем геройзэ, Ижкарлэсь йырзэ котыр ласянь мед усьтоз шуыса, сюлмаськиз.
Синпелетлы И. Ефимов кӧня ке модель лэсьтӥз. Огзэ бырйизы ик. Но валамон вал: уж трос, дыр ӧжыт.
Синпелетэз лэсьтыкуз, И. С. Ефимов Иван Пастуховлэн улон-вылонысьтыз тужгес валтӥсь люкетъёссэ адӟытыны тыршиз. Озьы кык трос фигураослэсь барельеф 1918-тӥ арын гудырикошконэ бугыръяськись эсеръёсын ваче вуонэз, ожмаськонэз возьматэ. Синпелетлэн шораз ик Пастуховлэн тусыз пуктэмын, угось бугыръяськонъёс дыръя со кивалтӥсь сямен городэз утьыны выриз[4].
И. С. Ефимов скульптор ужзэ йылаз-пумаз вуттыны дыраз ӧз пӧрмыты. 1933-тӥ арын вуоно синпелетлы статуез Ленинградысь «Монументскульптура» заводын чугунлэсь ӵыжатӥзы. Таин валче синпелетэз 1933-тӥ арын 1-тӥ куартолэзе сӥё-дано усьтӥзы. Сое Советской но Горькийлэн ульчаоссы сэргысь Дун-чылкыт Александр Невский нимо собор котырысь азьвыл шор (Пастухов) кар лудэ юнматӥзы. Та синпелет революционерлы сӥзем Удмуртиысь нырысетӥез синпелет, озьы ик огшоры ужась муртлы сӥзем нырысетӥез кунамы синпелет луиз. Ижысь валтӥсь площадьын Пастуховлы сӥзем синпелет 1968-тӥ арозь сылӥз. Синпелет котырысь брусчаткалэсь вӧлдэм луд но Пастухов луд нимаськылӥз. Татын митингъёс, бадӟым ужрадъёс ортчытъязы, татысен 1-тӥ Май праздниклы сӥзем демонстрациез кутскылӥзы, нош Ижысь школьникъёсты синпелет азьын пионере кутылӥзы.
1968-тӥ арын синпелетэз шӧдтэк шорысь Красногейройской но Коммунаръёслэн ульчаоссылэн вожазы выжтӥзы. Секыт уж дыръя постаментэз уродмытӥзы, барельефсэ куштӥзы[2][5][6].
Нялтас вераса, 1968-тӥ арын И. Д. Пастуховлэсь лысьӧмзэ но Горд площадьысь Граждан ож вакытысь геройёслэн Вынлыко шайгуазы выжтӥзы но выльысь ватӥзы.
2000-тӥ аръёслэн кутсконазы синпелетысь кык декоративной винтовкаос но Ижысь бугыръяськонъёслы сӥзем кык барельефъёс ышизы[1].
Валэктонъёс
- ↑ 1 2 3 Туганаев, 2008, с. 527.
- ↑ 1 2 Загребин, 2012, с. 354.
- ↑ Постановление Правительства Удмуртской Республики «Об отнесении недвижимых объектов историко-культурного наследия народа Удмуртской Республики к категории памятников истории и культуры местного (Удмуртской Республики) значения» № 966 от 17.09.2001
- ↑ Шумилов, 1978, с. 36.
- ↑ Елена Кардопольцева 80 лет назад в Ижевске был открыт памятник Ивану Пастухову [ӟуч] Сетевое издание IZHLIFE. ООО «Радио - Инвест». Эскеремын 2019-08-21 арын
- ↑ Селивановский С. Н. Старый Ижевск. События и люди в объективе фотографов / рецензент И. И. Кобзев. — 3-е издание, исправленное. — Ижевск: КнигоГрад, 2015. — С. 145, 177, 270. — 292 с. — 100 экз. — ISBN 978-5-9631-0309-8.
Литература
- Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — 540 с. — 300 экз. — ISBN 978-5-901304-62-4.
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Шумилов Е. Ф. Архитектура Ижевска (ӟуч): история развития и перспективы архитектуры, градостроительства и монументального искусства / под ред. А. С. Терёхин, В. П. Орлов — Ижевск: Удмуртия, 1978. — 116 с. — 3000 экз.
.svg)