Ожгар но ужан данлыклы сӥзем монумент
| Чеберлыко инты | |
| Ожгар но ужан данлыклы сӥзем монумент | |
|---|---|
.jpg) | |
| 56°51′13″ с. ш. 53°13′08″ в. д.GЯO | |
| Кун |
 Россия |
| Город | Ижкар, Карлуд площадь |
| Скульпторез |
Волков Б. К.[1], художникез — Тагиров Р. К.[2] |
| Архитекторез | |
| Юртэз пуктэмын | 1967-тӥ арын 6-тӥ шуркынмонэ |
| Инлыкез |
 ОКН № 1800022000 |
 Медиафайлъёс РувикиМедиа пушкын | |
 | Россилэн лулчеберето кылёс лэсьтосъёсыз улос инлыкен рег. № 181510297320005 (ЕГРОКН) лэсьтос № 1800022000 (БД Викигида) |
Ожгар но ужан данлыклы сӥзем монумент — Ижысь Карлуд площадьын ӝутэм синпелет. Комплексэ Нимтэм ожгарчилэн статуяез, Ялан ӝуась тыл, Быдӟым Атыкай ожын быремъёслэн нимтулъёсынызы кӧня ке стеллаос сюро. Историысь но лулчеберетысь утёно Удмурт Элькунысь синпелетъёс пӧлы пыре[4].
Монумент чугунлэсь кисьтэмын, ӝуждалаез 10 метр луэ, секталаез — 14 тонна[5].
Историез
1960-тӥ аръёсы Ижын Быдӟым Вормон нуналэз пусъён синпелетэн интыос ӧй вал. Соин ик Удмурт Элькунысь кивалтӥсьёс йӧн-йӧн монумент пуктон сярысь огкылэ вуизы. Октябрьлы 50 ар тырмон котырын, Быдӟым ожын быремъёсты буре вайыса, Ялан ӝуась тылэз 1967-тӥ арын 6-тӥ шуркынмонэ кенжытоно шуыса кенешизы. Нырысетӥез Ялан ӝуась тыл Ленинградын 1957-тӥ арын ӝуатӥськиз ни вал. Мукет каръёс но адӟем каризы. Ижын пуктэм ужпумез быдэстон кемалы медаз ӝега, документъёс пумысен кенешон но соосты Мускоын юнматон кузь медаз кыстӥськы шуыса, Ялан ӝуась тыл доры ӝутоно синпелетэз садэ-парке юнматоно скульптура чот адӟытӥзы[5].
Нимтэм ожгарчилы сӥзем скульптуралы макетсэ Б. К. Волков монументлы проект лэсьтыны кутскемезлэсь азьвыл ик дасяз ни вал, «Большая Волга» адӟытонэ поттоз шуыса. Кыӵе луыны кулэ синпелет шуыса, юан ӝутӥськыку, Борис Волков со макетсэ возьматӥз. Мукет дэмлан но вал: Нимтэм ожгарчилы сӥзем синпелет интые Совето Союзысь кык полэс Геройлы Е. М. Кунгурцевлы синпелетэз монумент шоры пуктоно. Но огкылысь кенешонын ожгарчи вормиз, нош Евгений Кунгурцевлэсь бюстсэ Карлуд площаде бергес, 1992-тӥ арын, юнматӥзы[5].
Статуяез «Ижтяжбуммаш» заводын ӵыжатӥзы. Ожгар но ужан данлыклы сӥзем монументлы Удмуртиысь ужась калык но коньдонзэ люказ[6].
Синпелетэз мраморлэсь стилобат вылэ пуктӥзы, ӵапак со ӝужытгес лэсьтэм инты вылэ ик Ялан ӝуась тыл но кылдӥз. Ялан ӝуась тыл борды горелка юнматӥзы, городысь газ гумыос борды дэмӟыны мед луоз шуыса[6].
Ижысь Ялан ӝуась тылэз кенжытон понна Мускоысь Ялан ӝуась тылзэ факелэн сиё-дано вуттӥзы. 1967-тӥ арын 6-тӥ шуркынмонэ Ижысь Ялан ӝуась тылэз ӝуатыны СССР-ысь Геройлы, ожысь ветеранлы А. М. Лушниковлы[5] оскемын вал.
1980-тӥ арын Ялан ӝуась тыл доры дано караулэ Ижысь дышетскисьёсты поттӥзы.
2014-тӥ арын 5-тӥ пӧсьтолэзе монументлэн историяз нырысьсэ Ялан ӝуась тылэз ведра дурын кисьтӥсь зор кысӥз[7].
2025-тӥ арын оштолэзе, Быдӟым Вормонлы 80 ар тырмонэз пусъён азьын, Нимтэм ожгарчилы сӥзем синпелетэз выльдӥзы. Сое выльысь сьӧд буязы озьы, кыӵе со вал 1967-тӥ арын. Озьы ик мемориалысь гужам плитаос но выльдэмын, югдытӥсь лампаос вошъямын, пандусъёс, тубатъёс лэсьтэмын. Семьяен шутэтскын мед луоз шуыса, котыраз нылпиослы шудон площадка лэсьтэмын. Писпуос но куакъёс мерттэмын[8].
Галерея
-4.jpg)
-6.jpg)
-5.jpg)
Валэктонъёс
- ↑ 1 2 Шумилов, 1978, с. 60.
- ↑ Туганаев, 2008, с. 641.
- ↑ Туганаев, 2008, с. 475, 547.
- ↑ Постановление Совета Министров Удмуртской АССР «О постановке на государственную охрану памятников истории и культуры Удмуртской АССР» № 362 от 05.12.1979
- ↑ 1 2 3 4 Елена Кардопольцева 50 лет назад в Ижевске был зажжен Вечный огонь Славы [ӟуч] Сетевое издание IZHLIFE. ООО «Радио - Инвест». Эскеремын 2019-08-12 арын
- ↑ 1 2 Про Удмуртию сайт. Монумент боевой и трудовой славы. Вечный огонь
- ↑ В Ижевске ливень погасил Вечный огонь у Монумента боевой и трудовой славы [ӟуч] АиФ. АО «Аргументы и Факты». Эскеремын 2019-08-12 арын
- ↑ udm-info.ru/news/2025-04-23/rekonstruktsiya-monumenta-boevoy-i-trudovoy-slavy-zavershilas-v-izhevske-5375581 Udm-info.ru. Реконструкция Монумента боевой и трудовой славы завершилась в Ижевске
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Шумилов Е. Ф. Архитектура Ижевска (ӟуч): история развития и перспективы архитектуры, градостроительства и монументального искусства / под ред. А. С. Терёхин, В. П. Орлов — Ижевск: Удмуртия, 1978. — 116 с. — 3000 экз.
.svg)