Кунгурцев, Евгений Максимович

Рувикиын таӵе фамилиен мукет муртъёс сярысь гожтосъёс вань. Учке: Кунгурцев.

Евгений Максимович Кунгурцев
Вордӥськем дырыз	3-тӥ коньывуонэ 1921({{padleft:1921|4|0}}-{{padleft:10|2|0}}-{{padleft:3|2|0}})
Вордӥськем интыез	Ижкар, РСФСР
Кулэм дырыз	11-тӥ куартолэзе 2000({{padleft:2000|4|0}}-{{padleft:5|2|0}}-{{padleft:11|2|0}}) (78 лет)
Кулэм интыез	Бердянск[d], Запорожье улос[d], Украина
Кунмуртлыкез	СССР СССР
Кыӵе войскоез	ВВС
Служить карон аръёсыз	1940–1968
Званиез
Частез	15-тӥ гвардейской штурмовой авиационной полк (277-тӥ штурмовой авиационной дивизия)
Командовать кариз	(749-тӥ Гвардейской штурмовой авиационной полкен)
Ожмаськонъёс/ожъёс	Быдӟым Атыкай ож
Данъетъёсыз
Медиафайлъёс РувикиМедиа пушкын

Кунгу́рцев Евге́ний Макси́мович (ворд. 1921-тӥ арын 3-тӥ коньывуонэ Ижкарын — 2000-тӥ арын 11-тӥ куартолэзе Бердянскын) — Быдӟым Атыкай оже пыриськем мурт, 277-тӥ штурмовой авиационной дивизилэн 15-тӥ гардейской штурмовой авиационной полклэн эскадрильяезлэн но звеноезлэн командирез, Совето Союзлэн кык полэс Героез, гвардиысь авиацилэн генерал-майорез (1964).

Улон сюресэз

Вордӥськиз 1921-тӥ арын 3-тӥ коньывуонэ Ижкарын огшоры ӟуч семьяын. 1939-тӥ арын, 22-тӥ номеро шоръёзо школаез йылпумъямез бере, Воткалась машиностроительной техникумын, со дыре ик аэроклубын дышетскиз. 1940-тӥ арын Горд Армие басьтӥзы. Отысен Балашовоысь пилотъёсты дасянъя военной авиационной школае ыстӥзы.

1941-тӥ арын 24-тӥ гудырикошконэ тушмон котыртэме шедиз. 10-тӥ куарусёнэ пленэ басьтӥзы. 12-тӥ шуркынмонэ отысь пегӟыны быгатӥз. Эскеронэз Подольскын НКВД-лэн спецлагераз ортчиз.

1943-тӥ арын тулыспал толэзьысен Быдӟым Атыкай оже пыриськиз. Ленинград но 3-тӥ Белорус фронтъёсын ожмаськиз. Нырысь лётчик, собере старшой лётчик, звенолэн командирез, 15-тӥ гвардейской штурмовой авиационной полклэн командирезлэн воштӥсез но эскадрильялэн командирез вал. Геройлыко луэменыз уката висъяськиз Ленинград фронтын. Блокада вакытэ асьме войскоослэсь азьлане донгиськонзэс вылысен тушмонлэсь сайялляз, Ленинградын улӥсьёсты тушмон пушкытъянъёслэсь трос пол утьылӥз. 1943-тӥ арын Огъяросси коммунист партилэн (ВКП(б)/КПСС) ёзчиез луиз.

1944-тӥ арын 14-тӥ инвожое Карел перешеекын финнъёслэсь кыкетӥзэ оборонительной полосазэс пазьгон нуналэ, Кунгурцев кык «Ил-2» самолётъёслэн сайямзы улсын, Маннергейм линиез туспуктыны быгатӥз, командованилэсь туж кулэлыко задагнизэ быдэстӥз.

1945-тӥ арын 15-тӥ тулыспал толэзёзь Е.М. Кунгурцев Ил-2 штурмовикеныз 200 пол ож лобанъёсы потаз, ачиз 8 тушмон танкез, 96 автомобилез, 2 паровозэз, 46 железнодорожной вагонэз, 16 повозкаез, 10 дзотэз но юнматэм юритэз, 5 магазеез, 21 артиллери орудиез, 21 минометэз пушкытыса быдтӥз; 1-зэ тушмон самолётэз омыр ожын пушкытӥз; зенитной артиллерилэсь 23 точказэ, малокалиберной зенитной артиллерилэсь 22 точказэ, 6 крупнокалиберной пулеметъёсэ быдтӥз; 600-лэсь трос тушмон солдат-офицерез быдтӥз.

СССР-ысь Вылӥ Кенешлэн Президиумезлэн 1945-тӥ арын 23-тӥ тулыспалэ гожтэм Косэтэзъя боевой подвигъёсыз но геройлыко ожмаськемез понна гвардилэн лейтенантэзлы Кунгурцев Евгений Максимовичлы Совето Союзлэн Героез дано ним сётэмын , Ленин орденэн но «Зарни Кизили» медален данъетамын (6233-тӥ номер).

1945-тӥ арын одӥгаз ожын секыт сӧсырмыса, выльысь пленэ шедиз (кулэмын шуыса лыдъямын вал — анаез «похоронка» басьтӥз), выльысь отысь пегӟыны быгатӥз но аслаз частяз вуиз.

СССР-ысь Вылӥ Кенешлэн Президиумезлэн 1945-тӥ арын 19-тӥ оштолэзе гожтэм Косэтэзъя выль подвигъёсыз понна гвардиысь старшой лейтенант Кунгурцев Евгений Максимович кыкетсэ «Зарни Кизили» медален данъетамын (42-тӥ номер).

1945-тӥ арын 24-тӥ инвожое Вормон Парадэ пыриськиз.

Тылож йылпумъяськем бере — авиационной соединенилэн лётчик-инспекторез, авиаполклэн но дивизилэн командирез луиз. 1952-тӥ арын полковник Кунгурцев Е. М. Военно-воздушной академиез йылпумъяз, 1957-тӥ арын — Генеральной штаблэсь Военной академизэ.

1961-тӥ арын — Таганрогысь Суворов но Кутузов нимо Краснознамённой авиационной 6-тӥ гвардейской бомбардировочной дивизилэн командирез вал (1964-тӥ арысен — 11-тӥ гвардейской, 1966-тӥ арысен — 18-тӥ гвардейской).

1968-тӥ арысен запасэ, собере отставкае лэземын. Улӥз Бердянскын, отын ик улонысь кошкиз 2000-тӥ арын 11-тӥ куартолэзе.

Авиациысь генерал-майор (1964).

Данъетъёсыз

Е. М. Кунгурцевлэн Ижкарын пуктэм бюстэз

• Совето Союзлэн Героезлэн «Зарни Кизили» медалез (23.02.1945, 6233-тӥ номер).
• Совето Союзлэн Героезлэн «Зарни Кизили» медалез (19.04.1945)
• Ленин орден (23.02.1945).
• Горд Знамялэн ньыль орденэз (12.10.1943, 17.06.1944, 2.08.1944, 22.02.1968).
• Богдан Хмельницкийлэн III степенё орденэз (14.03.1945, 2217-тӥ номер).
• Александр Невскийлэн орденэз (2.11.1944, 11984-тӥ номер).
• Атыкай ожлэн I степенё орденэз (6.04.1985).
• Трудовой Горд Знамялэн орденэз (4.06.1981).
• Кык Горд Кизили орденэз (26.07.1943, 30.12.1956).
• Медальёс:
• «Ленинградэз утем понна» медаль

Буре ваён

• Кунгурцевлэн нимыз Ижкарысь Ялан ӝуась тыл дорысь Совето Союзлэн Геройёсызлы сӥзем мемориал стелаын гожтэмын.
• 1950-тӥ арын Совето Союзлэн кык полэс Героезлэн Е. М. Кунгурцевлэн туй узвесьлэсь кисьтэм бюстэз Ижкарын Ялан ӝуась тыл дорын пуктэмын (скульпторез И. И. Козловский, архитекторез Л. М. Поляков).
• Украинаын Запорожье улосысь Бердянск карын Геройлы синпелет пуктэмын.
• Геройлэн нимыз Ижкарысь но Вотка карысь ульчаослы сётэмын.
• Бердянск карлэн дано муртэз (2005).
• Е. М. Кунгурцевлы сӥзьыса, 10110 проектлэн («Евпатория») прогулочной катерез «Генерал Кунгурцев» нимамын (ужаз Бердянскын, 2014-тӥ ар бере Одессае выжтэмын).

Валэктонъёс

Литература

• Буров А. В. Твои Герои, Ленинград. 2-е изд., доп. Л.: Лениздат, 1970
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Дважды Герои Советского Союза. — М.: Воениздат, 1973.
• Люди бессмертного подвига. Книга 1. М., 1975

Чӧлсконъёс

• Евгений Максимович Кунгурцев [ӟуч] «Герои страны» сайт.

 [Дата обращения: 4 тулыспалэ 2010]