30-тӥ толсур — Григориан дырпусъя — арлэн 364-тӥ нуналыз (касьян аре — 365-тӥез). Ар пумозь 1 нунал кылемын.
☀️ Ижкарын Шунды 9 час 2 минутэ ӝужа, пуксе 15 час 51 минутэ. Югыт нуналлэн кыстӥськемез 🕒 6 час 49 минут.
🌖 Синӥсь Толэзь (будэмез 20.71 нунал).
Нунал тодметъёс
- Данилалэн нуналыз. Та нунал толсурез дыртытэ, Ымусьтонэз матэктытэ, шуо. Вашкала дыръя та нуналэ туж зол гур эсто вылэм, шунытэз кык нуналлы, пе, мед окмоз. Кисые одно ик бумага коньдон поныны дэмлало, быдэс ар, пе, ёрмонэз медаз тодылы. Та нуналэ уг яра киужен вырыны, бирды вурыны, соин ӵош выляз аре вуж сюлмаськонъёс выжозы. Уг яра беромыны, шуддэ келялод, шуо.
- Та нуналэ пелляськиз ке — мушъёс умой палэпъяськозы.
Нимнуналзэс пусъё
- Александр, Азария, Анон, Даниил, Денис, Иван, Михаил, Никита, Николай, Пётр, Сергей.
Праздникъёс но буре ваён нуналъёс
- СССР
СССР — CCCΡ-лэн нуналыз (ӟуч: Дeнь Coюзa Coвeтcкиx Coциaлиcтичecкиx Ρecпублик)[1].
Мадагаскар — Элькунлэн нуналыз.
Тумошо праздникъёс
- Кыз шудонъёслэн нуналзы (ӟуч: День ёлочных игрушек).
Луэм учыръёс
Удмуртиын
Россиын
Дуннеын
- 533 — Юстинианлэн Дигестаосыз но Институциосыз кужымлыко луиллям.
- 1066 — мусульманской Гранадаын еврей погром вылэм.
- 1806 — Турция Россия имперлы ож ялӥз.
- 1921 — Прокофьевлэн «Любовь к трём апельсинам» операезлэн Чикагоын дунне премьераез ортчиз.
- 1947 — Михай I румын престоллэсь куштӥськиз.
- 2004 — Буэнос-Айресын «Республика Кроманьон» клубын тылпу потэмен сэрен 194 мурт бырыны шедиз.
Вордскизы
Удмуртиысь тодмо муртъёс
Россиысь но дуннеысь тодмо муртъёс
Кулӥзы
Удмуртиысь тодмо муртъёс
- 1988 — Леонид Васильевич Рыков (ворд. 1921-тӥ арын 15-тӥ тулыспалэ Дэбес ёросысь Князево гуртын), Быдӟым Атыкай оже пыриськем мурт. 1-тӥ Белорус фронтысь 16-тӥ воздушной армилэн 9-тӥ гвардейской уйин лобась бомбардировочной авиационной дивизилэн 44-тӥ гвардейской бомбардировочной авиационной полклэн эскадрильяезлэн командирез, гвардиысь старшой лейтенант. Совето Союзлэн Героез (1946).
Россиысь но дуннеысь тодмо муртъёс
Валэктонъёс
