23-тӥ тулыспалэ
23-тӥ тулыспал — Григориан дырпусъя — арлэн 54-тӥ нуналыз. Ар пумозь 311 нунал кылемын (касьян аре — 312 нунал).
☀️ Ижкарын Шунды 7 час 22 минутэ ӝужа, пуксе 17 час 31 минутэ. Югыт нуналлэн кыстӥськемез 🕒 10 час 8 минут.
🌓 Нырысетӥ ньыльмосэз (будэмез 6.02 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Прохорлэн нуналыз. Удмурт дырпусъя Вӧйдыр табань. Туннэ нуналысен, пе, омырын тулыслэн шокамез шӧдӥське ини.
- Туннэ липет вылысь шапыкъя ке ― ар емышо луоз. Ӟырт кезьыт ке ― емышез ӧжытгес луоз.
- Туннэ писпуос гӧртэмын ке ― гужем зоро возиськоз.
Нимнуналзэс пусъё
- Анастасий, Анна, Антоний, Аркадий, Афоний, Валентина, Валерьян, Ваптос, Василий, Галина, Геннадий, Герман, Григорий, Еннафа, Иван, Иоаким, Карп, Лонгин, Лука, Марк, Мартирий, Павла, Пётр, Пимен, Порфирий, Прохор, Симеон, Феоктист, Харлампий.
Праздникъёс но буре ваён нуналъёс
Россия, 
Белоруссия, 
Киргизия, 
Таджикистан — Атыкай музъемез утисьлэн нуналыз.
Бруней — Йӧскалык нунал.
Гайана — Элькунлэн нуналыз.
Луэм учыръёс
Удмуртиын
- 1968 — Кезын Ожгар но уж данлыкъя калык ёрос музей усьтӥськиз, 2008-тӥ арын солы калык кылбурчилэсь Олег Алексеевич Поскрёбышевлэсь нимзэ сётӥзы.
- 1873 — Сарапул карын пиослы ньыль классъем реальной училище усьтэмын.
- 1945 — Удмурт АССР-ысь Калык комиссаръёслэн кенешсы улсын Культурно-просветительной ужъюртъёсын ужанъя кивалтэт кылдытэмын.
- 1980 — Ижкарын Пионеръёслэн дворецзы усьтӥськиз.
- 1991 — Ижкарын Ӟуч культурая дэменлык кылдытэмын.
- 1998 — Ижкар администрацилэн Дошкольной дышетонъя но визьноданъя кивалтонниез кылдытэмын.
- 2018 — историын нырысьсэ Удмуртиысь спортсмен фигурной нискыланъёсъя олимпи чемпион луиз.
Россиын но дуннеын
- 1766 — Станислав Лещинский кулэм бере Лотарингия Франци ки улэ шедиз.
- 1874 — Уолтер Уингфилд «Sphairistike» шудонлы патент басьтӥз. Али теннис шуыса нимаське.
- 1893 — Рудольф Дизель дизельной установкалы патент басьтӥз.
- 1903 — Куба СШАлы Гуантанамо военной базазэ пыраклы сётӥз.
- 1935 — ВКП(б)-лэн партийной контролья ӧриезлы кивалтӥсе Н.Ежов пуктэмын. Берлогес НКВД-лэн кивалтӥсез луиз.
- 1941 — нырысьсэ кылдытэмын плутоний.
- 1945 — 1-тӥ Белорусской фронтысь ожгарчиос, толэзь ӵоже ожмаськыса,Польшаысь Познань крепость-карез басьтӥзы.
- 1947 — Стандартизацияя калыккуспо огазеяськон ужаны кутскиз.
- 1991 — «Ленинград» гостиницаын потэм тылпуын 16 адями ӝуаса быриз, соос пӧлын 9-эз тылпу кысӥсьёс вал.
- 1992 — Москваын Ельцинлэн реформаосызлы пумитъяськисьёс милициен ваче пумит вуизы.
- 1997 — «Мир» росси орбитальной станциын тылпу потӥз.
- 2006 — Москваын Басманной рынок куашкамен 68 мурт бырыны шедиз.
Вордскизы
Удмуртиысь тодмо муртъёс
- 1975 — Фёдор Миннигараев, удмурт журналист.
- 1992 — Белявский Давид Сагитович, Воткаын вордӥськем росси гимнаст, Олимпи чемпион.
Россиысь но дуннеысь тодмо муртъёс
- 1744 — Майер Амшель Ротшильд, ужбергатӥсьёслэсь калыккуспо династизэс кылдытӥсь.
- 1874 — Константин Пятс, Эстонилэн нырысетӥ президентэз.
- 1878 — Гаяз Исхаки, бигер йӧскалык активист, гожъяськись, публицист, политик.
- 1879 — Казимир Малевич, ӟуч суредась-абстракционист.
- 1883 — Карл Ясперс, Германиысь философ.
- 1929 — Алексий II, Ӟуч православи черклэн патриархез.
- 1944 — Олег Янковский, театрын но киноын шудӥсь, режиссёр, СССР-ысь Калык артист.
- 1954 — Виктор Ющенко, Украиналэн куинетӥ президентэз.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 1821 — Джон Китс, Англиысь кылбурчи.
- 1839 — Михаил Сперанский, Россиысь граф но политик, реформатор.
- 1855 — Карл Гаусс, немец математик, астроном но физик.
- 1945 — Алексей Толстой, ӟуч совето гожъяськись.
- 2015 — Джеймс Олдридж, Англиысь гожъяськись, журналист но мерлыко ужчи.