Кез

Посёлок
Кез
Файл:СтанцияКез.JPG
Флагез Гербез
57°53′36″ с. ш. 53°42′39″ в. д.
Кун	Россия
Историез но географиез
Часовой поясэз	UTC+04:00
Улӥсез
Улӥсез	▼10 131 мурт (2021)
Официальной луись кыл	Удмурт кыл но Ӟуч кыл
Цифровой идентификаторъёс
Телефон кодэз	34158
Почта индекс	427580–427582 но 427599
Кез
Медиафайлъёс РувикиМедиа пушкын

Кез — Удмуртиысь посёлок (1942-тӥ арысен 2008-тӥ арозь — кар типъем посёлок), Кез ёрослэн центрез. Интыяськемын шаермылэн уйпал но шунды ӝужан палаз. Бускельёсыз луо Дэбес, Эгра но Балезино ёросъёс но Пермь шаер. Кез посёлыкысен Ижозь — 172 иськем.

Кез посёлокын улэ 11 сюрс 700 мурт. Со пӧлысь 68 процентэз удмуртъёс, 30 процентэз ӟучъёс, 1,5 процентэз бигеръёс. 1899-тӥ арын Ватка губерниын чугун сюресэз ӝутон герӟаз Сибирез Россилэн шоркареныз. Ӵапак сюресэз ӝутон бадӟым вамыш лэсьтӥз Кез ёрослэн азинсконаз. Паровозъёсты вуэн тырмытон понна нюлэсо-нюро интыын, Лып шур дурын, кылдӥз Кез станция. Озьы 1899-тӥ арын 1-тӥ ноябре кылдӥз Кез посёлок.

Кез посёлокын огез ульча сӥземын Удмуртиысь калык писательлы Олег Поскрёбышевлы.

1931-тӥ арысен ёросын пайда поттыса ужаны ӧдъяз Кез леспромхоз.

1931-тӥ арын ёросын кылдӥз «Колхоз сюрес» газет. 1943-тӥ арын редакция борды ватсаськиз радио.

Кез посёлокын вань шор ёзо школа, искуствоосъя нылпи школа, покчи техникъёслэн станцизы, нылпи творчествоя юрт,музей. Озьы ик Кезын интыяськемын нылпи юрт.

1968-тӥ арын 23-тӥ тулыспалэ Кезын Ожгар но уж данлыкъя калык ёрос музей усьтӥськиз, 2008-тӥ арын солы калык кылбурчилэсь Олег Алексеевич Поскрёбышевлэсь нимзэ сётӥзы.