Белявский, Давид Сагитович
| Давид Белявский | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Ачиз сярысь ивортодэт | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Полэз | пиосмурт[d] | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Быдэс нимыз | Давид Сагитович Белявский | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Кун | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Клуб | ЦСКА | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Вордӥськем нуналыз | 23-тӥ тулыспалэ 1992 (34 года) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Вордӥськем интыез | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Тренерез |
Ломаев В. Н., Китайский П. А. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Ӝуждалаез | 163 см | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Секталаез | 59 кг | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Данъетъёсыз но медальёсыз | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 Медиафайлъёс РувикиМедиа пушкын | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Давид Сагитович Белявский (ворд. 23-тӥ тулыспалэ 1992, Вотка, Удмурт Элькун) — росси гимнаст. 2020-тӥ арысь трос амалэн нюръяськонъя командаен Олимпи чемпион, 2016-тӥ арысь Олимпи шудонъёсысь валлин брусъёсын возьматэм упражнениосъя туй призёр, 2019-тӥ арысь трос амалэн нюръяськонъя командаен дуннеысь чемпион, Европаысь сизьым полэс чемпион, дуннеысь но Европаысь чемпионатъёсысь уно полэс призёр, Бакуын 2015-тӥ арын ортчем Европаысь I шудонъёсын но 2019-тӥ арын Минскын ортчем Европаысь II шудонъёсын вормись. «Локомотив» ДЮСШ-лэн кыдатэм пиез (Екатеринбург кар)[1].
Улон сюресэз
Вордӥськиз 1992-тӥ арын 23-тӥ тулыспалэ Удмурт Элькунысь Воткаын. Пичи дыръяз ик анай-атаез быризы, Давидэз будэтӥз песянаез. Со ик Белявскиез спорт гимнастикая секцие сётӥз. Нырысетӥ тренерез Сергей Закиров ӵектэмен, Давид 14 аресказ Екатеринбурге выжиз но «Локомотив» ДЮСШ-ын Пётр Китайский кивалтэм улсын дасяськиз[1].
16 аресаз Белявский Россиысь юниор сборное шедиз но Швейцариын ортчем Европаысь чемпионатын камандаен зачётын но пыкъетысь тэтчонын азвесь призёр луиз. Вуонояз 2009-тӥ арын Давид Тамперын радъяськем Европаысь первенствоын ньыль зарни данъетъёсты басьтӥз — командаен ӵошатсконъёсын, трос амалъя нюръяськонын, эрико упражнениосын но кульчоосын[1].
Спортын карьераез
2008
2008-тӥ арын Россиысь юниор сборноен ӵош Швейцариын ортчем Европаысь спорт гимнастикая первенствоын луиз азвесь призёр. Эмин Гарибов, Давид Белявский, Игорь Пахоменко, Кирилл Игнатенков но Матвей Петров ёзчиосын росси команда кыкетӥ луиз, 263,300 балл люкаса. Россиянъёс тужгес умой баллъёс басьтӥзы кӧзоно понна (43,050), кыкетӥзэ — вал понна (43,700) но брусъёс понна (43,800), куинетӥзэ — кульчоос понна (43,100) но пыкъетысь тэтчан понна (46,800). Ӧжытгес удалтӥз эрико упражнениосын, татын ньылетӥ результат басьтӥзы — 42,850. Эшшо одӥг азвесь медаль Давид утӥз пыкъетысь тэтчанын.
2009
Тамперын ортчем Европаысь егитъёслэн олимпи фестивалязы спортсмен 4 пол ӝутскылӥз пьедесталлэн вылӥ тубатаз. Нырысь Давид Игорь Пахоменкоен но Михаил Андреевен дэмен командаен ӵошатсконъёсын вормизы, оглом 164 балл люкаса, отӥяз Давид трос амалъя нюръяськонын нырысетӥ инты басьтӥз, Андрей Василе Мунтян румынэз 1,5 баллы азьпалтыса, но нимысьтыз трос амалъя нюръяськонъёсын кык пол вормиз на — эрико упражнениосын но кульчоосын.
Япониын ортчем спорт гимнастикая Japan Juniour International Competitions ӵошатсконъёсын, юниоръёс пӧлын официальной луисьтэм чемпионатын, екатеринбург пи аслэсьтыз классэ юнматӥз, тэтчанын «зарни» утӥз (16,100), кӧзоноын — «азьвесь» (14,800) но вал вылын — «туй» (13,950). Трос амалъя нюръяськонын со ньылетӥ луиз (85,850), кульчоын упражнениосын но тэтчонын янгышаса[2].
2010
Россиысь чемпионатын Д. Белявский опораысь тэтчанын азвесь но брусъёс вылын упражнениосын туй призёр луиз, та солы луонлык сётӥз Бирмингемын ортчоно Европалэн чемпионатаз пыриськон вылысь Россилэн сборнояз сюрыны, но Исландиын вулкан быректэмен, сборной дыраз лобӟыны ӧз быгаты но турнире ӧз пыриськы[3].
Челябинскын ортчем Россиысь Кубокын Давид трос амалэн нюръяськонъя квалификациын вормиз но вить снарядъёсын финалэ шедиз. Трос амалэн нюръяськонъя финалын нырысетӥ мынэ вал, но йылпумъянъёсъя луиз ньылетӥ: вал вылын кизэ мыдлань пуктӥз но усиз. Эрико упражнениосын «зарни» утӥз, Европаысь но дуннеысь та программая устозэ гимнастэз Антон Голоцуцковез азьпалтыса, нош пыкъетысь тэтчанын кыкетӥ луиз[4]. Россиысь Кубоклэн йылпумъянъёсызъя но «Озеро Круглое» спорт базаын эскерон тренировкаосъя спортсмен дуннеысь чемпионатэ пыриськон вылысь сборное сюриз[5], татын Россилэн сборноез 6-тӥ инты басьтӥз.
2012
Монпельеын (Франция) ортчем командаен первенствоын Европалэн чемпионатаз азвесь призёр луиз. Со арын ик гудырикошконэ Лондонын радъяськем Гужем Олимпи шудонъёсы пыриськиз, отын командаен 6-тӥ инты басьтӥз, личной многоборьеын 5-тӥ но вал вылын 7-тӥ луиз.
2013
2013-тӥ арын Россиын трос амалъя нюръяськонын но валлин брусъёсын чемпион луиз. Озьы ик Европаысь нимысьтыз трос амалъя нюръяськонын чемпион луиз (89,799). Валлин брусъёсын ӵошатсконъя финалын туй медаль утӥз (15,533) но эрико упражнениосын 5-тӥ инты басьтӥз (14,4).
Николай Куксенковен, Эмин Гарибовен, Денис Аблязинэн но Никита Игнатьевен ӵош Кузонын ортчемгужем Универсиадаын командаен зарни утӥзы. Озьы ик трос амалъя нюръяськонын туй медаль вормиз (парез украин гимнаст Олег Верняев вал). Ӵошатсконъёслэн финалазы со эрико упражнениосын туй медаль но валлин брусъёсын азвесь медаль утӥз, Эмин Гарибов аспалчиезлы гинэ келяса.
2013-тӥ арын ортчоно Дуннеысь чемпионатлэсь арня азьвылгес Белявский лодӥгазэ (ӟуч: лодыжка) вӧсь кариз. Дуннеысь чемпионатэ со пыриськиз ик, но трос амалэн нюръяськонъя финалэ 14-тӥ интыен потӥз, финалын 86,274 баллэн 12-тӥ инты басьтӥз.
2014
2014-тӥ арын трос амалъя ас кожаз нюръяськонын Россилэн кык пол чемпионэз но валлин брусъёсын Россилэн куинь пол чемпионэз луиз.
Софиын ортчем Европалэн чемпионатаз Денис Аблязинэн, Александр Баландинэн, Никита Игнатьевен но Николай Куксенковен ӵош командаен зачётын Россилэсь зарни медальзэ утӥз. Валлин брусъёсын 2-тӥ интые потӥз. Со озьы ик эрико упражнениосын 8-тӥ инты басьтӥз.
Китайысь Наньнинын ортчем дуннеысь чемпионатын командаен ӵош 5-тӥ инты басьтӥз, трос амалъя нюръяськонын но 5-тӥ луиз.
2015
2015-тӥ арын трос амалъя нюръяськонын Россилэн куинь пол чемпионэз но валлин брусъёсын Россилэн ньыль пол чемпионэз луиз.
2015-тӥ арын Франциысь Монпельеын ортчем Европалэн чемпионатаз трос амалъя нюръяськонын но эрико упражнениосын 2-тӥ инты басьтӥз.
Европаысь шудонъёсын командной зачётын зарни басьтӥз, эрико упражнениосын туй медаль, валлин брусъёсын азвесь медаль утӥз но вал вылын 4-тӥ луиз. Спорт гимнастикая дуннелэн чемпионатаз командаен первенствоын 4-тӥ но трос амалъя нюръяськонын 11-тӥ инты басьтӥз.
2016
2016-тӥ арысь Россиысь чемпионатын валлин брусъёсын Россилэн вить пол чемпионэз луиз но командаен трос амалъя нюръяськонын зарни утӥз, озьы ик вал вылын упражнениын 2-тӥ но трос амалъя ас кожаз нюръяськонын 3-тӥ луиз.
Европаысь чемпионатын командаен первенствоын но валлин брусъёсын Европалэн чемпионэз луиз.
Рио-де-Жанейроын ортчем гужем Олимпи шудонъёсын Иван Стретовичен, Денис Аблязинэн, Николай Куксенковен но Никита Нагорныен ӵош командной первенствоын азвесь медаль вормизы. Озьы ик валлин брусъёсын туй медаль утӥз, трос амалъя ас кожаз нюръяськонын 4-тӥ но вал вылын 5-тӥ луиз.
2017
2017-тӥ арын Россилэн чемпионатаз валын но кӧзоноын 1-тӥ инты басьтӥз. Озьы ик командной первенствоын но эрико упражнениосын 5-тӥ инты басьтӥз.
Европалэн чемпионатаз вал вылын зарни медаль но кӧзоно вылын туй медаль басьтӥз, озьы ик валлин брусъёс вылын 4-тӥ инты басьтӥз.
2018
2018-тӥ арын Россиысь чемпионатын валын зарни медаль, трос амалъя нюръяськонын, кульчоосын но кӧзоноын упражнениосын азьвесь медаль, озьы ик трос амалъя командаен нюръяськонын туй медаль вормиз.
Европаысь чемпионатын командаен зарни утӥз, брусъёсын — азвесь, валын 4-тӥ луиз.
Дуннеысь спорт гимнастикая чемпионатын командаен азвесь медаль басьтӥз, валын 7-тӥ луиз.
2019
2019-тӥ арын Европаысь шудонъёсын трос амалъя ас кожаз нюръяськонын но валын зарни медаль утӥз, озьы ик брусъёсын 4-тӥ, кӧзоноын 5-тӥ луиз.
2021
2021-тӥ арын Россиысь чемпионатын трос амалъя ас кожаз нюръяськонын но валын зарни медаль утӥз.
2020-тӥ арын радъяськем Гужем Олимпи шудонъёсын трос амалъя командаен нюръяськонын Денис Аблязинэн, Артур Далалоянэн но Никита Нагорныен ӵош олимпи чемпион луиз. Та данъетэз 25 ар ӵоже Россиысь команда нырысьсэ басьтӥз[6].
2025
2025-тӥ арын Россиысь чемпионатын вал вылын упражнениосын кыкетӥ но брусъёсын сизьыметӥ луиз. Джакартын ортчем дуннеысь чемпионатэ росси гимнастъёслэн нейтральной статусэнызы сэрен пыриськыны пумит луиз[7].
Озьы ик «Титаны» спортъя шоуысь куинетӥ сезоназ пыриськиз, 12-тӥ сериын палдӥз[8].
Россиысь гимнастикая федерациын
2025-тӥ арын 12-тӥ южтолэзе Давид Белявский Россиысь гимнастикая федерацилэн президиумаз пыриз. Ивортэмын вал, гимнастикалэсь тунсыкъёссэ Урал федерал округын утёз но спортсменъёслэсь комиссизэс кылдытон борды басьтӥськоз шуыса[9].
Дышетскемез
Урал федерал университетысь мугорез кыдатон культурая, спортъя но егитъёсын ужан политикая институтлэсь магистратуразэ «Мугорез кыдатон культура но спорт ӧрын кивалтон но технологиос» программая йылпумъяз[10].
Ас улонэз
2016-тӥ арын 30-тӥ коньывуонэ Мария Михайловаен кузпалъяськиз. 2017-тӥ арын куарусёнэ Алисия нылзы вордӥськиз.
Йылпумъянъёс
| Ар | Турнир | Ортчытон инты | Программалэн видэз | Инты | Очкоос | Инты (квалиф.) | Очкоос (квалиф.) |
|---|---|---|---|---|---|---|---|
| 2010 | XLII Спорт гимнастикая дуннеысь чемпионат |  Роттердам
|
Командаен | 6 | 263.170 | 6 | 355.076 |
| 2011 | Спорт гимнастикая Россиысь Кубок |  Екатеринбург
|
Эрико упражнениос | 6 | 14.580 | 3 | 15.075 |
| 2011 | Спорт гимнастикая Россиысь Кубок | Екатеринбург
|
Вал/махъёс | 2 | 15.080 | 9 | 13.950 |
| 2011 | Спорт гимнастикая Россиысь Кубок | Екатеринбург
|
Валлин брусъёс | 8 | 12.380 | 1 | 15.600 |
| 2011 | Спорт гимнастикая Россиысь Кубок | Екатеринбург
|
Абсолютной первенство | 4 | 89.975 | 4 | 88.275 |
| 2011 | XLIII Спорт гимнастикая дуннеысь чемпионат |  Токио
|
Командаен первенство | 4 | 269.045 | 5 | 353.725 |
| 2011 | XLIII Спорт гимнастикая дуннеысь чемпионат | Токио
|
Абсолютной первенство | 6 | 89.274 | 16 | 87.632 |
| 2012 | Гужем Олимпи шудонъёс |  Лондон
|
Командаен первенство | 6 | 269.603 | 2 | 272.595 |
| 2012 | Гужем Олимпи шудонъёс | Лондон
|
Абсолютной первенство | 5 | 90.297 | 2 | 90.832 |
| 2012 | Гужем Олимпи шудонъёс | Лондон
|
Вал/махъёс | 7 | 14.733 | 7 | 14.900 |
| 2013 | V Спорт гимнастикая Европаысь личной чемпионат | Муско
|
Абсолютной первенство | 1 | 89.799 | 3 | 88.265 |
| 2013 | V Спорт гимнастикая Европаысь личной чемпионат | Муско
|
Эрико упражнениос | 5 | 14.400 | 2 | 15.433 |
| 2013 | V Спорт гимнастикая Европаысь личной чемпионат | Муско
|
Валлин брусъёс | 3 | 15.533 | 6 | 15.066 |
| 2013 | XXVII Дунневыл гужем универсиада | Кузон
|
Командаен первенство | 1 | 273.150 | Ӧз радъяскы | Ӧз радъяскы |
| 2013 | XXVII Дунневыл гужем Универсиада | Кузон
|
Абсолютной первенство | 3 | 89.600 | 4 | 89.750 |
| 2013 | XXVII Дунневыл гужем универсиада | Кузон
|
Эрико упражнениос | 3 | 15.250 | 2 | 15.300 |
| 2013 | XXVII Дунневыл гужем универсиада | Кузон
|
Валлин брусъёс | 2 | 15.625 | 4 | 15.550 |
| 2013 | XLIV Спорт гимнастикая дуннеысь чемпионат | .svg){kind=small} Антверпен
|
Абсолютной первенство | 12 | 86.274 | 14 | 86.065 |
| 2015 | VI Спорт гимнастикая Европаысь личной чемпионат | .svg){kind=small} Монпелье
|
Абсолютной первенство | 2 | 88.131 | 6 | 85.864 |
Спортысь дано нимъёсыз
- Россиысь калыккуспо классъем спортъя мастер (2010-тӥ арын 5-тӥ оштолэзе)[11];
- Россиысь спортъя дано мастер (2014-тӥ арын 15-тӥ толсуре)[12].
Данъетъёсыз
- Росси Федерациысь Президентлэн Данъян грамотаез (2013-тӥ арын 19-тӥ пӧсьтолэзе) — Кузонын 2013-тӥ арын радъяськем XXVII Дунневыл гужем универсиадаын спортъя вылӥ вормонъёсыз понна[13];
- «За заслуги перед Отечеством» орденлэн I степенё медалез (2016-тӥ арын 25-тӥ гудырикошконэ) — Рио-де-Жанейро (Бразилия) 2016-тӥ арын радъяськем XXXI Олимпи шудонъёсын спортъя вылӥ вормонъёсыз понна[14];
- Эшъяськонъя орден (2021-тӥ арын 11-тӥ гудырикошконэ) — кунысьтымы спортэз азинтонэ пыриськемез, Токиоын (Япония) 2020-тӥ арын радъяськем XXXII Олимпи шудонъёс дыръя спортын бадӟым вормонъёс басьтэмез, юн сямо но тыршись луэмез понна[15].
Валэктонъёс
- ↑ 1 2 3 Биография [ӟуч] olympics.com. Эскеремын 2026-03-20 арын
- ↑ Екатеринбуржец Давид Белявский выиграл золото на турнире по спортивной гимнастике в Японии [ӟуч] sports66.ru. Эскеремын 2026-03-20 арын
- ↑ Мужская сборная не выступит на чемпионате Европы из-за вулкана [ӟуч] news.sportbox.ru. Эскеремын 2026-03-20 арын
- ↑ Виктор Мясников Серебряный призёр ОИ 2016 [ӟуч] peoples.ru. Эскеремын 2026-03-20 арын
- ↑ Назван окончательный состав сборной России по спортивной гимнастике на чемпионат мира! [ӟуч] allsportinfo.ru. Эскеремын 2026-03-20 арын
- ↑ Спортивная гимнастика: как команда ОКР одержала великую олимпийскую победу [ӟуч] olympics.com. Эскеремын 2026-03-20 арын
- ↑ Егор Алеев (2025-10-13) Олимпийский чемпион гимнаст Белявский отказался выступать без флага России [ӟуч] ТАСС. Эскеремын 2026-03-20 арын
- ↑ Кто вылетел из шоу «Титаны» на ТНТ 7 декабря? В полуфинал прошли 20 участников [ӟуч] kick-or-die.ru (2025-12-07). Эскеремын 2026-03-20 арын
- ↑ Чемпион ОИ-2020 Белявский вошел в руководство Федерации гимнастики России [ӟуч] РБК. Эскеремын 2026-03-20 арын
- ↑ Выпускник вуза Давид Белявский завоевал золото на Олимпиаде в Токио [ӟуч] urfu.ru (2021-07-26). Эскеремын 2026-03-20 арын
- ↑ Приказ о присвоении спортивного звания «Мастер спорта России международного класса» [ӟуч] msrfinfo.ru. Эскеремын 2026-03-20 арын
- ↑ Приказ о присвоении почётного спортивного звания «Заслуженный мастер спорта России» [ӟуч] minsport.gov.ru. Эскеремын 2026-03-20 арын
- ↑ Распоряжение Президента Российской Федерации № 277-рп «О поощрении» [ӟуч] pravo.gov.ru (2023-07-19). Эскеремын 2026-03-20 арын
- ↑ Указ Президента Российской Федерации № 429 «О награждении государственными наградами Российской Федерации» [ӟуч] publication.pravo.gov.ru (2016-08-25). Эскеремын 2026-03-20 арын
- ↑ Указ Президента Российской Федерации № 463 «О награждении государственными наградами Российской Федерации» [ӟуч] publication.pravo.gov.ru (2021-08-11). Эскеремын 2026-03-20 арын
Чӧлсконъёс
- Белявский Давид [ӟуч]
- 23-тӥ тулыспалэ вордӥськемъёс
- 1992-тӥ арын вордӥськемъёс
- Воткинскын вордӥськемъёс
- Эшъяськон орденлэн кавалеръёсыз (Россия)
- «За заслуги перед Отечеством» I степенё орденлэн медаленыз пусъемъёс
- Росси Федерацилэн Азьмуртэзлэн Данъян грамотаеныз пусъемъёс
- Россиысь спортъя сӥё-дано мастеръёс
- Россиысь калыккуспо классъем спортъя мастеръёс
- Тодмо муртъёс алфавитъя
- Спортсменъёс алфавитъя
- Россиысь гимнастъёс
- Спорт гимнастикая олимпи чемпионъёс
- Россиысь Олимпи комитетысь олимпи чемпионъёс
- 2020-тӥ арысь гужем Олимпи шудонъёсысь чемпионъёс
- 2016-тӥ арысь гужем Олимпи шудонъёсысь азвесь призёръёс
- 2016-тӥ арысь гужем Олимпи шудонъёсысь туй призёръёс
- 2012-тӥ арысь гужем Олимпи шудонъёсысь гимнастъёс
- 2016-тӥ арысь гужем Олимпи шудонъёсысь гимнастъёс
- 2020-тӥ арысь гужем Олимпи шудонъёсысь гимнастъёс
- Спорт гимнастикая Европаысь чемпионъёс
- Спорт гимнастикая Европаысь шудонъёсысь чемпионъёс
- Спорт гимнастикая дуннеысь чемпионъёс
- Урал федерал университетэз йылпумъямъёс
- «Титаны» телешоуэ пыриськемъёс