Пастухов, Иван Дмитриевич

Википедиысь материал
Иван Дмитриевич Пастухов
ID Pastuhov.jpg
Вордскем дырыз 24.11.1887[1]
Вордскем интыез
Кулэм дырыз 18.08.1918[1]
Кулэм интыез
Кунмуртлыкез
Ужудысэз революционер
Партия Россиысь ужасьёслэн социал-демократической партизы (1905-тӥ арысен)
Валтӥсь малпанъёсыз большевизм
Атаез Дмитрий Данилович Пастухов
Логотип РУВИКИ.Медиа Медиафайлъёс РувикиМедиа пушкын

Иван Дми́триевич Пастухо́в (24-тӥ шуркынмонэ 1887, Иж, Ватка губерния — 17-тӥ гудырикошконэ 1918, Иж, Ватка губерния) — Ижысь пыӵалтӥрлык поттон заводысь ужась, революционер-большевик, Учредительной cобранилэн депутатэз, Уралын совето власть юнматон понна нюръяськись, солэн огез кивалтӥсез.

Улон сюресэз

1887-тӥ арын 24-тӥ шуркынмонэ Ижысь ожтӥрлык поттон заводысь потомственной ужасьлэн семьяяз вордӥськиз, куинетӥ пинал вал. Пастуховъёслэн семьязы заводын мукет ужасьёслэсь улэм-вылэменызы ӧз висъяськылы. Семьяысь ваньмыз сямен Ижысь революцияя движение пыриськизы. Узыр ӧз улэ ке но, дасэз ик нылпиос покчи образование басьтӥзы.

1900-тӥ арын, 2 классъем училищеез йылпумъямез бере, Ижысь ожтӥрлык поттон заводын тӥрлыкъёсъя мастерскойын токарьлэн дышетскисез луыса ужаны ӧдъяз. Александр агаез пыр социал-демократъёслэн учконъёсынызы тодматскиз. 1905-тӥ арын шуркынмонэ со завод администрация азьын тыршисьёслэсь сюлмаськонъёссэс утён понна кылдытэм ужась уполномоченнойёслэн Кенешазы быръемын. Со аре ик Иван Дмитриевич Россиысь ужась социал-демократической партилэн  [ӟуч] (удм. Ижысь ёзаз пыриз[1]. 1910-тӥ арын пытсэт сьӧры пуктэмын, отысь мозмытыкузы, казённой заводъёсын но чугун сюрес вылын ужаны правозэ таламын, таин валче Ижысь кошконо луиз. Надеждинскын, Владивостокын, 1913-тӥ арысен — Петербургын улӥз. Огысьтыз мукетаз заводэ выжылӥз, партийной печатьлы коньдон бичанэ пыриськиз, большевикъёслэн «Правда» газетазы корреспонденциос гожъялляз. 1914-тӥ арын 11-тӥ пӧсьтолэзе выльысь арест улэ шедиз, Петербургысь «Кресты» тюрьмаысь оген пукисьёслэн камераязы пытсамын вал. Куинь толэзь пытсэт улын пукемез бере Енисей губерниысь Колмогорово черкогуртэ этапен келямын[2].

1917-тӥ арын тулыспалэ революция бере Иже берытскиз, южтолэзе Россиысь ужась социал-демократической партилэн Ижысь комитетлы тӧроез быръемын[2][3]. Ижысь большевикъёслэн огез кивалтӥсез луиз. Заводлэн мастерскойёсаз Оштолэзь тезисъёсты  [ӟуч] (удм. вӧлмытон уж радъяз, ужась депутатъёслэн Кенешазы большевикъёслэсь кужымзэс юнматон понна трос лэсьтӥз. 1917-тӥ арын 26-тӥ инвожое Пастухов кивалтэм улсын Ижкарысь большевикъёс ас понназы ужась партийной организацие висъяськизы.

И. Д. Пастуховлэн юртэз, урдэс ласянь тусыз

Со кивалтэм улсын Ижысь Кенеш большевизация пыр потӥз. 1917-тӥ арын 30-тӥ гудырикошконэ Ижысь Кенешлэн огъя люкаськемез исполкомез выльысь бырйиз. Пастуховез сяна, большевикъёслэсь В. Шумайловез, А. Николаевез но мукетъёссэ бырйизы, тӧрое Владимир Шумайловез юнматӥзы. Кенеш пала интыысь гарнизонлэн солдатъёсыз султӥзы. 1917-тӥ арын куарусёнлэн 20-тӥ числоосаз Ижысь власть Советъёс кие выжиз. 1917-тӥ арын шуркынмонлэн кутсконаз Ижысь Кенешлэн исполкомлэн заседанияз тӧрое И. Д. Пастухов быръемын[3]. Кенешен кивалтыкуз, пыӵалтӥрлык поттонэз паськытатон ужен, милициез кылдытонэн, начар семьяысь нылпиосты грамоталы дышетон вылысь коньдон висъянэн, грамотатэм арлыдо мусульманъёс понна ӝыт курсъёс усьтонэн выриз.

Пастухов Россиысь Советъёслэн II ӧтчамазы делегатэ быръемын, солэн ужаз пыриськиз, ВЦИК-лэн ёзчиез луиз. 1917-тӥ арын шуркынмонэ большевикъёслэн списоксыя Пастухов Учредительной cобрание  [ӟуч] (удм. депутатэ бырйиськиз, солэн 1918-тӥ арын 5-тӥ толшоре ортчем заседанияз пыриськиз[3].

Пастухов, Петроградысь берытскыса, Ижысь исполкомлэн тӧроез сямен, экономика ласянь секыт югдуре шедем заводлэсь ужзэ радъянэ пыриськиз. 1918-тӥ арын тулыс — гужем Ижын сиён-юонлы ёрмон кылдӥз, лачак калык ужтэк кылиз, кивалтӥсьёслы лушкем но пумит ужасьёс югдурез секытомытӥзы на. Ижысь Кенеш 1918-тӥ арын гудырикошконэ большевикъёслы пумит ӝутӥськемъёсты басылатыны ӧз быгаты ни. Горд армие ужасьёсты кӧня ке пол мобилизациен басьтэмен, кужымзы лябӟиз, таин валче большевикъёс кема нюръяськыны ӧз пӧрмытэ.

Бугыръяськонъёсын валче совето властез кылдытӥсьёс быризы: С. И. Холмогоров, П. Н. Лихвинцев, В. С. Жечев но мукетъёсыз. Пастуховлы завод казналэсь оглюкетсэ городысь поттыны но ватыны удалтӥз. Ассэ, Иже берытскыны турттыкуз, бугыръяськисьёс кырмизы, сое 1918-тӥ арын 18 (?) гудырикошконэ туж кема но юн курадӟытӥзы. Мырдэм шокась муртэ Ижысь Нагорной шайвылэ улэпкын сюе согизы. 1928-тӥ арын лысьӧмъёссэ Вынлыко шайгуэ выжтӥзы, нош 1967-тӥ арын совето власть понна нюръяськыса быремъёслэн обелисксы доры выльысь ватӥзы[3][4].

Ижын И. Д. Пастуховлы синпелет
Ижысь Пушкинской ульчаын (Пушкинской но Пастуховлэн ульча сэрегазы) сылӥсь 154 номеро корка бордысь буре ваён пул

Буре ваён

  • 1933-тӥ арын 1-тӥ куартолэзе Ижысь валтӥсь карлудын (Советской но Горькийлэн ульчаослэн сэрегазы) И. Д. Пастуховлы синпелет усьтон ужрад ортчиз (скульпторез И. С. Ефимов) . Но 1968-тӥ арын синпелет азьвыл валтӥсь площадьысь Коммунаръёслэн но Красногеройской ульчаослэн вожазы выжтэмын вал[2].
  • 1968-тӥ арын И. Д. Пастуховлэсь лысьӧмъёссэ Горд карлудысь Граждан ожысь геройёслэн Вынлыко шайгуазы выжтӥзы.

Валэктонъёс

  1. ↑ 1 2 3 Туганаев, 2008, с. 529.
  2. ↑ 1 2 3 Елена Кардопольцева 80 лет назад в Ижевске был открыт памятник Ивану Пастухову [ӟуч] Сетевое издание IZHLIFE. ООО «Радио - Инвест». Эскеремын 01.07.2025 арын
  3. ↑ 1 2 3 4 Туганаев, 2008, с. 530.
  4. ↑ Елена Кардопольцева Есть повод: 92 года назад в Ижевске был открыт памятник героям революции [ӟуч] Сетевое издание IZHLIFE. ООО «Радио - Инвест». Эскеремын 01.07.2025 арын

Литература

  • Удмуртская Республика: энциклопедия / гл. ред. В. В. Туганаев. — 2-е изд., испр. и доп.. — Ижевск: Удмуртия, 2008. — 767 с. — 2200 экз. — ISBN 978-5-7659-0486-2.
  • Уральская историческая энциклопедия
  • Баринова В. Я. Некоторые страницы революционной деятельности И. Д. Пастухова // Вопросы истории и культуры Удмуртии. Ижевск, 1986
  • Куликов К. И. Иван Пастухов. Ижевск, 1987.
  • Садаков М. А. Иван Дмитриевич Пастухов // Они сражались за счастье народа. Ижевск, 1957.
  • Куликов К. И. Иван Пастухов : докум.-художеств. повесть / К. И. Куликов. — Ижевск : Удмуртия, 1987. — 252 с. : ил. — (Навечно в памяти народной).
  • Сергеева А. Д. Семья рабочего / А. Д. Сергеева. — Ижевск : Удмуртия, 1966. — 196 с. : фот.
  • Данилов В. Станет ли тайное явным? / В. Данилов // Колесо обозрения. — 2007. — 12-18 дек. (N 45). — С. 21 : фот.
  • Ламбин Е. Дом Пастухова : [о доме-музее Пастуховых] / Е. Г. Ламбин // Удмуртская правда. — 2002. — 16 июля. — (Наша история).
  • Шумихин В. Совет да кровь / В. Шумихин // Аргументы и факты в Удмуртии. — 2007. — Нояб. (N 48). — С.
«https://udm.ruwiki.ru/w/index.php?title=Пастухов,_Иван_Дмитриевич&oldid=507094»-ысь басьтэмын