Гришкина, Маргарита Владимировна

Рувикиын таӵе фамилиен мукет муртъёс сярысь гожтосъёс вань. Учке: Гришкин.

Маргарита Владимировна Гришкина
Вордӥськем дырыз	4-тӥ оштолэзе 1943({{padleft:1943|4|0}}-{{padleft:4|2|0}}-{{padleft:4|2|0}}) (83 года)
Вордӥськем интыез	Пыгыли[d], Шамардан гурт поселение[d], Юкаменск ёрос, Удмурт Автономной Советской Социалистической Республика, РСФСР, СССР
Кун	СССР  Россия
Ужан интыез	Удмурт кун университет
Дышетскемез	Удмурт кун университет
Учёной степенез	истори тодосъёсъя доктор[d]
Дышетскисьёсыз	В. С. Чураков
Данъетъёсыз

Маргари́та Влади́мировна Гри́шкина (ныл нимыз — Сысоева; ворд. 4-тӥ оштолэзе 1943, Пыгыли^[d], Удмурт Автономной Советской Социалистической Республика) — совето но росси историк, история наукаосъя доктор, РАЕ-ысь профессор, Удмурт АССР-ысь но Росси Федерациысь наука удысысь дано ужась, Кузебай Герд нимо йӧскалык премилэн лауреатэз. Удмуртиысь историяя ӧнерчи.

Улон сюресэз

Вордӥськиз 1943-тӥ арын 4-тӥ оштолэзе Удмурт АССР-ысь Юкаменск ёросысь Пыгыли (ӟуч: Кочуково) гуртысь крестьян семьяын. 1963-тӥ арын Педагогикая удмурт кун институтысь историяя но филологияя факультетэз йылпумъяз но Яр шор ёзо школаын дышетыны ӧдъяз. Отӥяз Ярысь педучилищеын но ёрос газетын тыршиз. Бӧрысьгес СССР-ысь Наукаосъя академиысь историяя институтын стажировка ортчиз. 1965-тӥ арын СССР-ысь Наукаосъя академилэн Урал ёзысьтыз Историяя, кылъя но литературая удмурт институтысь историяя секторын тодосчи сямен ужаны кутскиз, нош 10 ар ортчыса, та секторез валтӥз.

1977-тӥ арын история наукаосъя кандидат диссертацизэ утиз. 1987-тӥ арын Удмурт кун университетысь революцилэсь азьвыл атыкай историяя кафедраысь доцент луиз. XVIII даурысь—XIX даурлэн нырысетӥ люкетысьтыз Россилэн историезъя но крестьян калыклэн историезъя курсъёсты дасяз. 1991-тӥ арысен кафедраын бадӟымез наукая ужась вал, диссертациез бордын выриз. 1993-тӥ арысен Приуральеысь калыкъёслэн историзыя но лулчеберетсыя институтлэн историяя ёзэтэныз кивалтӥз, нош 1996-тӥ арысен — УдГУ-ысь Шаертодонъя институтлэн улосвыл историяя ёзэтэныз. 1995-тӥ арын история наукаосъя доктор луиз. 1997-тӥ арысен — РАН-лэн Урал ёзэтысьтыз Историяя, кылъя, литературая удмурт институтысь историяя ёзэтысь тодосъя валтӥсь ӧнерчи.

Наукая ужез

Наукая удысэз — Урал но Поволжье улосвылысь крестьянстволэн историез но музъем вылын ужан амалъёс но кусыпъёс, озьы ик XV—XIX даурысь Удмуртилэн но удмурт калыклэн историысьтыз мерлыко, политикая, лулчеберетъя но экономикая ужпумъёс.

160-лэсь ятыр наукая публикациослэн авторзы, соос пӧлын «Крестьянство Удмуртии в XVIII веке» (1977), «Удмуртия в эпоху феодализма (конец XVII — первая половина ХIХ в.)» (1994), «Удмурты: Этюды из истории IX—XIX вв.» (1994) монографиос; 7-тӥ но 8-тӥ классъёсын дышетскисьёс понна Удмуртилэн историезъя учебник. Наукая изданиослэн редколлегиосазы пырылӥз.

Мерлыко ужез

Маргарита Гришкина удмурт но финн-угор движение мыло-кыдо пыриськиз, вань удмуртъёслэн «Удмурт Кенеш» ассоциацизылэн но «Удмурт нылкышно кенеш» огазеяськонлэн ёзчиез вал. Делегациен ӵош совето, росси но калыккуспо наукая конгрессъёсы, финн-угор калыкъёслэн конгрессъёсазы пыриськиз.

Семьяез

Картэз — Иван Георгиевич Гришкин, тодосчи, педиатр, Ижысь медициная кун академиысь профессор. Кык нылъёсыз — кыкез но эмчиос.

Данъетъёсыз но дано нимъёсыз

• Историяя наукаосъя доктор (1995);
• Удмурт АССР-ысь наука удысысь дано ужась (1981);
• Россиысь наука удысысь дано ужась (1999);
• Кузебай Герд нимо йӧскалык премилэн лауреатэз (1992);
• Россиысь наукаосъя академилэн наукаын вормонъёсыз понна данъян грамота.

Библиография

• М. В. Гришкина. Крестьянство Удмуртии в XVIII веке. — Ижевск: Удмуртия, 1977. — 188 с. — 500 экз.
• История Урала с древнейших времен до 1861 г. / ред. А. А. Преображенский. — М.: Наука, 1989. — 608 с. — 4100 экз. — ISBN 5-02-009432-3.
• М. В. Гришкина. Удмурты. Этюды из истории IX—XIX вв.. — Ижевск: Удмуртия, 1994. — 168 с. — 11 000 экз. — ISBN 5-7659-0504-8.
• М. В. Гришкина и др. История крестьянства России до 1917 г.. — М.: Наука, 1995.
• М. В. Гришкина и др. Хрестоматия по истории Удмуртии. Т. 1 (XII в. — 1917 г.). — Ижевск: Удмуртия, 1998.
• Гришкина М. В., Лигенко Н. П, Чураков В. С. и др. История Удмуртии: Конец XV — начало XX века / ред. К. И. Куликов. — Ижевск: Институт истории, языка и литературы УрО РАН, 2004. — 552 с. — 3000 экз. — ISBN 5-7691-1461-4.
• М. В. Гришкина, Е. М. Берестова. Колонизационные процессы и расселение этнических групп в Вятско-Камском междуречье в XVI — первой половине XVIII века. — Ижевск: УИИЯЛ УрОРАН, 2006. — 82 с.
• М. В. Гришкина. История Удмуртии. Первая половина XIX века : учеб. для 8 кл. общеобразоват. учреждений рек. МО УР / адапт. текста А. Н. Петрова. — Ижевск: Удмуртия, 2010. — 78 с. — 13 000 экз. — ISBN 978-5-7659-0568-5.
• М. В. Гришкина. История Удмуртии. 7 класс : учеб. для общеобразов. учреждений рек. МО УР. — Ижевск: Удмуртия, 2007. — 183 с. — ISBN 978-5-7659-0418-3.

Валэктонъёс

Литература

• Христолюбова Л. С. Удмуртские женщины. XX век. — Ижевск: Удмуртский институт истории, языка и литературы УрО РАН, 2002. — С. 132—148. — 448 с. — 600 экз. — ISBN 5-7691-1149-6.
• Феномен Удмуртии, Т. 7 / С. К. Смирнова. — М., Ижевск: Удмуртия, 2008. — С. 325. — 398 с.
• Т. А. Васина, Н. В. Пислегин, А. М. Субботина, В. С. Чураков, Е. М. Бероестова. Аграрный строй и крестьянство Удмуртии: к юбилею М. В. Гришкиной [ӟуч] // Вестник Удмуртского университета. — 2023. — Т. 33, № 5. — doi:10.35634/2412-9534-2023-33-5-1170-1176.