Путин, Владимир Владимирович

Владимир Владимирович Путин
Росси Федерацилэн 4-тӥ президентэз
7-тӥ куартолэзьысен 2012
Кивалтэтлэн тӧроез	Виктор Зубков (2012, одноужез быдэсъясь) Дмитрий Медведев (2012—2020) Михаил Мишустин (с 2020) Андрей Белоусов (2020, одноужез быдэсъясь)
Азьпалчиез	Дмитрий Медведев
Росси Федерацилэн 2-тӥ президентэз
(одноужез быдэсъясь 31-тӥ толсурысен 1999 — 7-тӥ куартолэзёзь 2000) 7-тӥ куартолэзьысен 2000 — 7-тӥ куартолэзёзь 2008
Кивалтэтлэн тӧроез	Михаил Касьянов (2000—2004) Виктор Христенко (2004, одноужез быдэсъясь) Михаил Фрадков (2004—2007) Виктор Зубков (2007—2008)
Азьпалчиез	Борис Ельцин
Бӧрысьчиез	Дмитрий Медведев
Россиысь Кун кенешлэн тӧроез
7-тӥ куартолэзьысен 2012
Азьпалчиез	Дмитрий Медведев
22-тӥ шуркынмонысен 2000 — 7-тӥ куартолэзёзь 2008
Азьпалчиез	интыуж кылдытэмын
Бӧрысьчиез	Дмитрий Медведев
Россиысь Кивалтэтлэн тӧроез
8-тӥ куартолэзьысен 2008 — 7-тӥ куартолэзёзь 2012
Президент	Дмитрий Медведев
Азьпалчиез	Виктор Зубков
Бӧрысьчиез	Виктор Зубков (одноужез быдэсъясь) Дмитрий Медведев
(одноужез быдэсъясь 9-тӥысен — 16-тӥ гудырикошконозь 1999) 16-тӥ гудырикошконысен 1999 — 7-тӥ куартолэзёзь 2000
Президент	Борис Ельцин ачиз (одноужез быдэсъясь)
Азьпалчиез	Сергей Степашин
Бӧрысьчиез	Михаил Касьянов
Союз кунысь Министръёслэн кенешсылэн тӧроез
27-тӥ куартолэзьысен 2008 — 18-тӥ пӧсьтолэзёзь 2012
Азьпалчиез	Виктор Зубков
Бӧрысьчиез	Дмитрий Медведев
«Единая Россия» партилэн кивалтӥсез
7-тӥ куартолэзьысен 2008 — 26-тӥ куартолэзёзь 2012
Азьпалчиез	Борис Грызлов
Бӧрысьчиез	Дмитрий Медведев
СНГ кунъёслэн Кивалтӥсьёссылэн Кенешсылэн тӧроез]]
1-тӥ толшорысен — 31-тӥ толсурозь 2017
Азьпалчиез	Алмазбек Атамбаев
Бӧрысьчиез	Эмомали Рахмон
16-тӥ куарусёнысен 2004 — 20-тӥ куартолэзёзь 2006
Азьпалчиез	Леонид Кучма
Бӧрысьчиез	Нурсултан Назарбаев
25-тӥ толшорысен 2000 — 29-тӥ толшорозь 2003
Азьпалчиез	Борис Ельцин
Бӧрысьчиез	Леонид Кучма
Россиысь Кышкыттэмлыкъя кенешлэн секретарез
29-тӥ южтолэзьысен — 9-тӥ гудырикошконозь 1999
Президент	Борис Ельцин
Азьпалчиез	Николай Бордюжа
Бӧрысьчиез	Сергей Иванов
Россиысь ФСБ-лэн кивалтӥсез
25-тӥ пӧсьтолэзьысен 1998 — 9-тӥ гудырикошконозь 1999
Президент	Борис Ельцин
Азьпалчиез	Николай Ковалёв
Бӧрысьчиез	Николай Патрушев
Вордӥськемын	7-тӥ коньывуонэ 1952(1952-10-07) (72 арес) Ленинград, СССР
Атаез	Владимир Спиридонович Путин
Анаез	Мария Ивановна Путина
Кузпалыз	Людмила Путина (Шкребнева) (1983—2013)
Нылпиосыз	Мария (1985), Екатерина (1986)
Дышетскемез	1. Ленинградысь кун университет 2. СССР-ысь КГБ-лэн Вылӥ школаез 3. СССР-ысь КГБ-лэн Краснознамённой институтэз
Учёной степенез	тодосъёсъя кандидат (1997)
Ужудысэз	юрист, разведчик, чиновник, политик
Ужез	президентство, кун служба, спецслужба
Кинюртэмез
Данъетъёсыз	СССР-лэн, Росси Федерацилэн но СНГ-лэн: конфессиональной: спортивнойе званиосыз: Мукет кунъёслэн: кузьмам ожтӥрлык:
Сайтэз	kremlin.ru (президент.рф)
Военной службаез
Служить карон аръёсыз	1975—1991, 1998—1999
Кытысь луэмез	СССР СССР → Россия Россия
Кыӵе войскоосын вал	СССР-ысь Кышкыттэмлыкъя кун комитет (КГБ)]]→ Россиысь Кышкыттэмлыкъя федерал служба (ФСБ) → Россиысь Ожтӥрлыко Кужымъёс
Званиез	полковник (1999) Классный чин: Росси Федерациысь 1-тӥ классем действительной кун советник
Командовать кариз	Росси Федерациысь Ожтӥрлыко Кужымъёслэн Вылӥ Армийырыз (31-тӥ толсурысен 1999 — 7-тӥ куарт олэзёзь 2008; 7-тӥ куартолэзьысен 2012)
Ожмаськонъёс	Кыкетӥ чечен ож Грузиын ожмаськон Российско-украинской военной конфликт Сириын военной операция Казахстанын ОДКБ операция
Ужан интыез	Россилэн президентэзлэн администрациез[d] Президентлэн ужёсызъя Управление[d] СССР-ысь КГБ-лэн Нырысетӥ валтӥсь управлениез[d] СССР-лэн Кун кышкыттэмлыъя комитетэз[d]
Медиафайлъёс РувикиМедиа пушкын

Влади́мир Влади́мирович Пу́тин (вордӥськемын 1952-тӥ арын, 7-тӥ коньывуонэ Ленинградын, СССР) — Россиысь кун но политика ужудысэз быдэсъясь. Россилэн президентэз, Росси Федерациысь Кун Кенешлэн но Росси Федерациысь Кышкыттэмлыкъя Кенешлэн тӧроез; 7-тӥ куартолэзьысен 2012 арын Росси Федерациысь Ожгар Кужымъёслэн Вылӥ Армийырзы луэ. Солэсь азьпал 2000-тӥ арын 7-тӥ куартолэзьысен 7-тӥ куартолэзёзь 2008-тӥ арын Россилэн президентэз вал, нош 1999-тӥ—2000-тӥ аръёсы но 2008-тӥ—2012-тӥ аръёсы Р осси Федерациысь Кивалтэтлэн Тӧроез. 2024-тӥ арын 15-тӥ 17-тӥ южтолэзе ортчем быръёнъёсын выльысь президентэ быръемын (со понна 76 277 708 мурт куара сётӥз, яке 87,28 %).

Дышетскиз Ленинградысь кун университетлэн (ЛГУ) юридик ёзэтаз. 1977-тӥ арысен СССР-ысь КГБ-лэн кивалтэтаз Ленинградъя но Ленинград улосъя следственной ёзэтаз ужаз. 1985-тӥ арысен 1990-тӥ арозь ГДР-ын палэнысь совето разведкалэн резидентураяз служить кариз. Ленинградэ берытскемез бере, нырысь ЛГУ-ысь ректорлэн юрттӥсез луыса ужаз, собере Ленинград кар кенешлэн тӧроезлэн Анатолий Собчаклэн советникез луиз. 1991-тӥ арын 20-тӥ гудырикошконэ, КГБ-ысь кошкыса, ужзэ Санкт-Петербурглэн мэрияз азьланьтӥз. 1996-тӥ арын губернатор быръёнъёсын, Собчак тырмыт куара люкамтэен, Владимир Путин Москвае выжиз. Отын президентлэн ужъёсыныз кивалтӥсьлэн воштӥсез луиз. 1997-тӥ арын экономика тодосъя кандидат учёной степень басьтӥз. Россиысь Кышкыттэмлыкъя Федерал службаен кивалтӥз, Кышкыттэмлыкъя Кенешлэн секретарез луыса ужаз. 1999-тӥ арын гудырикошкон толэзе Росси Федерацилэсь Кивалтэтсэ йыръяз.

1999-тӥ арын 31-тӥ толсуре, Россилэн президентэз Борис Ельцин отставкае кошкем бере, Путинэз президентлэсь одноужзэ быдэсъясе пуктӥзы.Нырысьсэ президентэ быръемын 2000-тӥ арын 26-тӥ южтолэзе ортчем быръёнъёсын, собере 2004-тӥ, 2012-тӥ но 2018-тӥ аръёсы бырйиськылӥз. 2012-тӥ арын быръёнъёс азьын президент ужоскетэз быдэсъян вакыт 4 арысен 6 арозь будэтэмын но Кункатэн юнматэмын вал.

Владимир Путинлэн нырысетӥ президентлыказ, экономикая реформаос ортчем бере но мувӧйлы но чагыр эстӥськонлы дунъёс вить поллы йылэм бере, росси экономика ар куспын шорлыдын 7 %-лы йылыны кутскиз. Путин кивалтон дыре Россия Кыкетӥ чечен ожын вормиз.

2008-тӥ—2012-тӥ аръёсы, Дмитрий Медведев президент улсын премьер-министрлэсь ужзэ быдэсъякуз, Владимир Путин армиын но полицииын ортчись реформаосын кивалтӥз.

Выжыосыз

Калыкез лыдъян-чотан ужрадысен Владимир путин ассэ ӟуч шуыса пусйиз.

Атаез — Владимир Спиридонович Путин (23.02.1911 — 2.08.1999) — вордӥськиз Тверь губерниысь Тверь уездысь Поминово гуртын. 1933-тӥ—1934-тӥ аръёсы вуул флотын служить кариз, Быдӟым Атыкай оже пыриськиз. 1941-тӥ арын инвожо толэзьысен Горд армилэн 86-тӥ дивизизиезлэн 330-тӥ полказ ожмаськиз. Нева шурлэн паллян (шундыӝужанпал) ярдурысьтыз плацдармез (Невский пятачок) тушмонлэсь утьыкуз, 1941-тӥ арын 17-тӥ шуркынмонэ снаряд чалепен паллян пыдъюмылыз но пыдпыдесыз секыт сӧсырмыны шедиз. «За боевые заслуги», «Ленинградэз утён понна», «Германиез вормем понна» медальёсын данъямын. 1941-тӥ арысен ВКП(б)-лэн ёзчиез вал. Тылож йылпумъяськем бере Ленинградысь И. Е. Егоров нимо вагон поттон заводын мастер луыса ужаз. 1985-тӥ арын Быдӟым Атыкай ожлэн 1-тӥ степенё ордэнэныз пусъемын.

Анаез — Мария Ивановна Путина (ныл дыръяз Шеломова) (17.11.1911 — 6.07.1998), вордӥськемын Тверь губерниысь Тверь уездысь Заречье гуртын. Озьы ик заводын ужаз, Ленинград блокадаез чидаз. «Ленинградэз утем понна» медален пусъемын.

• 

  Атаез — Владимир Спиридонович Путин

• 

  Анаез — Мария Ивановна Путина (ныл дыръяз Шеломова)

• 

  Владимир Путин аслаз анаеныз. Пӧсьтолэзь, 1958-тӥ ар

Пинал но егит дырыз

Владимир Путин атаезлэн туспуктэменыз «Вунонтэм полк» акциын. Москва, 9-тӥ куартолэзь, 2017-тӥ ар

Владимир Путин вордӥськиз 1952-тӥ арын 7-тӥ коньывуонэ Ленинградын. Пылатэмын Спасо-Преображенской бадӟым черкын.

Владимир семьяяз куинетӥез пинал вал. Кык бадӟым агайёсыз солэн вордскемезлэсь азьло кулӥзы: Альберт (Быдӟым Атыкай ож кутскемлэсь азьпал) но Виктор (1940—1942).

Путинъёслэн семьязы Ленинградысь Басков пролкаын коммунальной квартиралэн одӥгаз висъетаз (12 номеро юртын витетӥ этажын) улӥз. Отын Путин СССР-ысь КГБ-е ужаны кутскытозяз улӥз.

1960-тӥ—1965-тӥ аръёсы Путин 193 номеро тямыс классъем школаын дышетскиз. Собере дышетсконзэ 281 номеро шоръёзо школаын азьланьтӥз (Технологической институт бордын химиез мур дышетонъя нимазъям школа).

1964-тӥ арысен ассэ «Турбостроитель» спорт клубын кыдатӥз, Анатолий Рахлин но Леонид Усвяцов тренеръёс доры дзюдо амалэн нюръяськонъя секциосы ветлӥз. Ленинградысь мукет спортсменъёсын валче каскадёр чотын «Ленфильм» студилэн «Ижорский батальон» ожгар драмалэн но «Блокада» эпопеялэн съёмкаосаз пыриськиз.

1970-тӥ—1975-тӥ аръёсы Санкт-Петербургысь кун университетын (ЛГУ) юридик факультетлэн калыккуспо ёзэтаз дышетскиз. Соку ик Совето Союзысь коммунистической партие пыриз, нырысьсэ пумиськиз Анатолий Собчакен, со вакыт ЛГУ-ысь доцентэн. «Принцип наиболее благоприятствуемой нации» темая диплом уж гожтӥз (научной руководителез Л. Н. Галенская, калыккуспо правоя кафедра).

Кивалтэтэ вуытозяз

СССР-ысь КГБ-ын служить каремез (1975—1991)

Туспуктэм басьтэмын КГБ-ын ужасьлэн личной делоысьтыз

1975-тӥ арын, Санкт-Петербургысь кун университетысь юридик факультетэз йылпумъямез бере, распределения Кышкыттэмлыкъя кун комитетэ ужаны ыстӥзы. Соку ик Охтаын оперативной составез дасянъя курсъёсты ортчиз («401-тӥ школа») но СССР-ысь КГБ-лэн улосвыл ёзэтъёсысьтыз младшой офицер звание басьтӥз (юстицилэн старшой лейтенантэз).

1977-тӥ ар бере СССР-ысь КГБ-лэн Ленинградъя но Ленинград улосъя кивалтонниезлэн следственной ёзэтаз контрразведка удысъя ужаз, 1979-тӥ арын КГБ-лэн Вылӥ школаяз куать толэзьем курсъёсты ортчиз.

1984-тӥ арын юстицилэн майорез званиен КГБ-лэн Краснознамённой институтаз (Палэнысь разведкая академия) легальной но нелегальной разведка удысъя дышетскиз, отын ик немец кылзэ волятӥз. 1985-тӥ арын сое «Палэнысь разведка» ӧнеръя йылпумъяз.

1985-тӥ—1990-тӥ аръёсы Путин КГБ-лэн палэнысь разведкаяз ГДР-ын ужаз. Солэн кивалтӥсез вал Шундыӝужанпал Германиын совето разведгруппалэн кивалтӥсез, ГДР-лэн Кышкыттэмлыкъя кун министерствоез улсысь СССР-ысь КГБ-лэн огмуртэз полковник Лазарь Матвеев (шараямын 2017-тӥ арын куартолэзе, 90 арес тырмыса). Путин Дрезденысь разведточкае юнматэмын вал. Солэн отын ӵош служить карем эшъёсыз Сергей Чемезов но Николай Токарев. 2018-тӥ арын аслаз мадемезъя, совето разведгруппалэн валтӥсь ужпумез Шундыпуксёнпал Европаысь кунъёсты — США-лэсь союзникъёссэ — чакланэн герӟаськемын вал. Со кунъёс, нырысь ик ФРГ, 1980-тӥ аръёслэн шораз асьсэ интывылазы СССР вылэ лэзьыны дасям шор но пичи дальностен ракетаосты интыязы.

Кема дыр ӵоже командировкаын ужамез понна Путинлы подполковник звание сётэмын но ёзэтлэн кивалтӥсезлы старшой юрттӥсе юнматэмын. Берлин борддор куашкам бере, 1989-тӥ арын 5-тӥ толсуре, немец демонстрантъёс, КГБ-лэсь архивъёссэ киултон понна, Angelikastrasse 4 адресъя интыяськем совето резидентура вылэ урдскизы. Путин, ӝутӥськем калыкен лякытэн вераськыса, урдӥськонэз зӥбломытыны быгатӥз. Собере оперативной лушкем ужкагазъёслэсь бадӟым люкетсэ гурын сутӥз. 1990-тӥ арын толшоре, ГДР-ын командировкаез йылпумъяськемен, Ленинградэ берытскиз.

1989-тӥ арын ГДР-лэн йӧскалык калык армиезлэн «За заслуги» узвесь медаленыз данъетамын.

1991-тӥ арын 20-тӥ гудырикошконэ, Ленинградлэн мэрез Собчак Чрезвычайной положения кун комитетлэсь (ГКЧП) распоряженизэ быдэстыны пумит луэмез бере, Путин КГБ-ысь кошконэз сярысь рапорт гожтӥз.

Санкт-Петербургын ужамез (1990—1996)

Россия

Россилэн политика сӧзнэтэз сузьетысь статья

Росси Федерацилэн Кункатэз Кункатэз кутонъя вань калык куарасётон (1993) Воштэтъёс пыртон: • 2008-тӥ арын Кункатэ воштэтъёс пыртон • 2014-тӥ арын тулыспалэ Кункатэ воштэтъёс пыртон • 2014-тӥ арын пӧсьтолэзе Кункатэ воштэтъёс пыртон • 2020-тӥ арын Кункатэ воштэтъёс пыртон Огъя куарасётон Кункат радлыклэн инъетэз Народовластие Федерализм Кун: Социальной Светской Политика но идеология ласянь пӧртэмлыкъёс Росси Федерацилэн Президентэз Владимир Путин Президентлэн администрациез Кун Кенеш Кышкыттэмлыкъя кенеш Кивалтэт Кивалтэтлэн составез Кивалтэтлэн тӧроез Михаил Мишустин Федерал собрание Федераци Кенеш Сенаторъёс Федераци Кенешлэн тӧроез Валентина Матвиенко Кун дума Кун думаысь депутатъёс Кун думалэн тӧроез Вячеслав Володин Суд сӧзнэт Конституционной суд Верховной суд Прокуратура Федеративной радэсыз Федерацилэн асмосъёсыз Элькунъёс (республика) • Шаеръёс (край) • Улосъёс (область) Федерал инлыкен каръёс Автономи улосъёс Автономи округъёс Федераци асмосъёслэн тӧрооссы Федерал интывылъёс Быръёнъёс Парламент быръёнъёс: • РСФСР-ысь калык депутатъёсты быръёнъёс (1990) • 1993-тӥ арын Кун думае быръёнъёс • 1995-тӥ арын Кун думае быръёнъёс • 1999-тӥ арын Кун думае быръёнъёс • 2003-тӥ арын Кун думае быръёнъёс • 2007-тӥ арын Кун думае быръёнъёс • 2011-тӥ арын Кун думае быръёнъёс • 2016-тӥ арын Кун думае быръёнъёс • 2021-тӥ арын Кун думае быръёнъёс Президент быръёнъёс: • 1991-тӥ арын РСФСР-ын президент быръёнъёс • 1996-тӥ арын Россиын президент быръёнъёс • 2000-тӥ арын Россиын президент быръёнъёс • 2004-тӥ арын Россиын президент быръёнъёс • 2008-тӥ арын Россиын президент быръёнъёс • 2012-тӥ арын Россиын президент быръёнъёс • 2018-тӥ арын Россиын президент быръёнъёс • 2024-тӥ арын Россиын президент быръёнъёс Референдумъёс: • 1991-тӥ арын президент интыужез юнматон сярысь огъя референдум • 1993-тӥ арын 25-тӥ оштолэзе огъя референдум Политической партиос Шор быръён ӧри Палэнысь политика Кунпуш политика Военной положение Россилэн кунмуртлыкез Оппозиция Адямилэн эрикрадъёсыз Калыккуспо огазеяськонъёсы пыриськон

1990-тӥ арын тулысысен Путин Ленинградысь кун университетын ужаз. Отын со ректорлэн, Станислава Меркурьевлэн, кунсьӧр ужъёсъя юрттӥсез вал. Меркурьев берло Путинэз Собчаклы дэмлаз.

1990-тӥ арын куартолэзе, Собчакез Ленинградысь калык депутатъёслэн кар кенешазы тӧрое быръемзы бере, Путин солэн советникез луиз.

1991-тӥ арын 28-тӥ инвожоысен, Собчакез мэре быръем бере, Ленинградысь мэрилэн Палэнысь герӟетъёсъя комитетэзлэн тӧроезлэсь огдырлы одноужзэ быдэсъясе юнматэмын вал, 15-тӥ пӧсьтолэзьысен солэн тӧроез луиз. Палэнысь герӟетъёсъя комитетэн кивалтэм сяна, Путин оперативной ужпумъёсъя ӧриен кивалтӥз.

1993-тӥ арысен Путин Собчакез кунсьӧры поталлян висказ уж дурын вошъялляз.

1994-тӥ арын южтолэзе Путин Санкт-Петербургысь кивалтэтлэн тӧроезлэн нырысетӥ воштӥсез интыуже юнматэмын, со дыре ик палэнысь герӟетъёсъя комитетэн кивалтӥз.

1996-тӥ арын гужем Собчак, быръёнъёсын ӧжыт куара люкамен, мэр интыужысь палэнтэмын вал. Соин валче Путинлэн но Санкт-Петербургын ужез йылпумъяськиз.

Москваын ужамез (1996—1999)

Владимир Яковлевлэн выль администрацияз ужаны дэмламлы Путин чутрак пумит кариськиз.1996-тӥ арын, аслаз тодэ ваёнъёсызъя, 1991-тӥ арын августовской путч бере сямен ик, таксиын ужаса коньдон поттыны малпа вал.

Ӝоген Путинэз Москвае ужаны ӧтизы, президентлэн ужъёсыныз кивалтӥсь Павел Бородинлы воштӥсе дэмлазы. Татын со юридик кивалтонниез но кунсьӧрысь росси асваньбурен кивалтон ужпумъёсты чакласа возиз.

1997-тӥ арын 26-тӥ южтолэзе Путинэз Президентлэн администрациеныз кивалтӥсьлы воштӥсе юнматӥзы — Росси Федерацилэн президентэзлэн Валтӥсь контрольной управлениезлэн кивалтӥсез, та интыужын со Алексей Кудринэз воштӥз.

Путин верамъя, Россиысь обороная министрлэн Игорь Родионовлэн 1997-тӥ арын куартолэзе отставкае кошкон мугъёсыз пӧлысь одӥгез, со — Валтӥсь контрольной управленилэн эскеронъёсызлэн йылпумъёсыз.

Росси Федерациысь Кышкыттэмлыкъя федерал службаен кивалтэмез. 1998-тӥ ар

Россиысь Кышкыттэмлыкъя федерал службалэн директорез. 1998-тӥ ар

1998-тӥ арын 25-тӥ куартолэзе Валентин Юмашевлэн кичӧлтэмезъя Путинэз Президентлэн администрациезлэн тӧроезлы нырысетӥ воштӥсе пуктӥзы, выль интыужын со улосъёсын ужан понна кулкутӥз но Кремльысь одӥгез тужгес влиятельной мурт луиз.

1998-тӥ арын 25-тӥ пӧсьтолэзе Путинэз Росси Федерациысь Кышкыттэмлыкъя федерал службаен кивалтыны пуктӥзы. Та интыужын со ФСБ-лэсь экономикая контрразведкая но стратегической объектъёсты контрразведывательной обеспечения управлениосты быдтӥз, со интые куать выль управлениос кылдытӥз. Та интыужын ик Путинлы полковник звание сётэмын.

1999-тӥ арын 26-тӥ южтолэзе Путин Росси Федерациысь Кышкыттэмлыкъя кенешлэн секретарез луиз, соин валче ачиз ик ФСБ-ен кивалтӥз.

1999-тӥ арын оштолэзе, Путинлэн но кунпуш ужъёсъя министрлэн Сергей Степашинлэн кивалтэмзы улсын кылдытэм комиссилэн йылпумъянъёсызъя, ужысьтыз палэнтэмын вал Росси Федерацилэн генеральной прокурорез Юрий Скуратов.

1999-тӥ арын куартолэзь кутскон азьын Ельцин тӧрлыкез быдэсак Путинлы сётон сярысь решение кутӥз. 5-тӥ гудырикошконэ, Путинэн пумиськылыкуз, Россилэн кивалтэтэзлы тӧрое пуктыны малпамез сярысь ивортӥз.

Диссертацизэ утён (1997)

1997-тӥ арын Путин, экономика тодосъёсъя кандидат учёной степень басьтон вылысь, Санкт-Петербургысь Горной кун институтын «Стратегическое планирование воспроизводства минерально-сырьевой базы региона в условиях формирования рыночных отношений (Санкт-Петербург и Ленинградская область)» диссертацизэ утиз . Ужезлэн научной руководителез вал экономика тодосъёсъя доктор, профессор Владимир Федосеев — минерал ыльтырметъёс удысысь тодмо ӧнерчи.

Кивалтэтлэн тӧроез (гудырикошконысен — толсурозь 1999-тӥ ар)

1999-тӥ арын 7-тӥ гудырикошконэ Басаев но Хаттаб кивалтэм улсын боевикъёс кужмысь Дагестанэ пыризы, соку интыысь радикальной исламистъёс, боевикъёслэн юрттэмзыя, Ботлих но Цумадин ёросъёсын шариат кивалтон сярысь ялӥзы. Куд-ог эскерчиослэн верамзыя, со учыр Путинэз Росси Федерацилэн кивалтэтэзлы тӧрое пуктонлэн валтӥсь мугез луиз.

9-тӥ гудырикошконэ президент Ельцин Сергей Степашин интые Росси Федерацилэн кивалтэтэзлэсь тӧроезлэсь одноужзэ быдэсъясе но нырысетӥ воштӥсе ФСБ-лэсь директорзэ Путинэз юнматӥз . Со нуналэ ик телевизор пыр ивортоназ Путинэз аслаз бӧрысьчиеныз ялӥз.

16-тӥ гудырикошконэ Кун дума Путинэз кивалтэтлы тӧрое юнматӥз. Та интыужын Путин боевикъёслы пумит операциез дасяз но ортчытӥз.

1999-тӥ арын куарусёнэ Россиын бадӟым кышкемыт терактъёс ортчемен, Буйнакскын, Москваын (Гурьянов урамын но Каширской шоссеын) но Волгодонскын улон юртъёсты пушкытон учыръёсын 300 пала адями бырыны шедиз.

18-тӥ куарусёнэ росси ожгарчиос чечен висгожъёсты борӟазы. 1-тӥ коньывуонэ росси армилэн танковой подразделениосыз Ставрополье шаер но Дагестан палъёстӥ Чечняысь Наур но Шелков ёросъёсы пыризы.

1999-тӥ арын 30-тӥ толсуре росси газет-журналъёсын Путинлэн «Россия на рубеже тысячелетий» программной статьяез потӥз. Отын вуоно президент кунлэн азьвылэз но кун азьын сылӥсь ужпумъёс но политика ласянь нырысь быдэстоно ужъёс сярысь аслэсьтыз малпанъёссэ шараяз: «патриотизм», «державность», «государственничество», «социальная солидарность», «сильное государство».

Кун думае быръёнъёслэн йылпумъёссыя, Путинэн умоен лыдъям «Единство» выль политической движение, 23,3 % куара люкаса, кыкетӥ интые потӥз.

Президентлэсь одноужзэ быдэсъясь (31-тӥ толсурысен 1999 — 7-тӥ куартолэзёзь 2000)

Владимир Путин, Президентлэн администрациеныз кивалтӥсь Александр Волошин но Борис Ельцин, Кремльысь кошкыкуз.
1999-тӥ ар 31-тӥ толсур

1999-тӥ арын 31-тӥ толсурысен Ельцинлэн дырызлэсь вазь отставкае кошкеменыз, президентлэсь одноужзэ Путинлы быдэсъяно луиз.

Выль интыужын Путинлэн нырысетӥез гожтэм кун актэз ― «Ужоскетъёсызлэсь палэнскем Росси Федерацилэн президиентэзлы но солэн семьяезлы гарантиос сярысь» косэт. Со косэтын росси президентъёслэн исантэмлыкъёссы но мукет пайдаяськонъёссы сярысь верамын. 2001-тӥ арын Владимир Путин со выллем федерал кат гожтӥз.

Кремль дворецын Россилэн президентэз интыуже кутсконлы сӥзем сӥё-дано ужрадын Путинлэн веазиськонэз. Москва, 7-тӥ куартолэзь 2000-тӥ ар

2000-тӥ арын 26-тӥ южтолэзе Путин президент быръёнъёслэн нырысетӥ тураз, 52,94 % куара люкаса, вормисе потӥз.

Нырысетӥ но кыкетӥ президентлыкез (2000—2008)

2000-тӥ арын 7-тӥ куартолэзе Путин Россилэн президентэз луиз. 2000-тӥ арын 17-тӥ куартолэзе кивалтэтлы тӧрое Михаил Касьяновез юнматӥз.

2004-тӥ арын 4-тӥ тулыспалэ Касьяновлэн кивалтэтэз отставкае келямын. Кивалтэтлэн вылез тӧроез луиз Михаил Фрадков.

2004-тӥ арын 14-тӥ южтолэзе Путин, президент быръёнъёсын 71,31 % куара люкаса, кыкетӥ сроке кельтэмын.

2007-тӥ арын 12-тӥ куарусёнэ Путин Фрадковлэсь кивалтэтсэ отставкае келяз, выль тӧрое Виктор Зубковез юнматӥз.

2008-тӥ арын 7-тӥ куартолэзе тӧрлыкез сётӥз президентлэн администрациеныз азьвыл кивалтӥсезлы, калыкен быръем президентлы Дмитрий Медведевлы. Кӧня ке нунал солэсь азьпал Time газетлан дуннеысь тужгес влиятельной муртъёсын лыдметын Путин 2-тӥ интые потӥз.

Кыкетӥ чечен ож

Владимир Путин Чечен администрацилэн тӧроеныз Ахмат Кадыровен. Ростов-на-Дону, 8-тӥ шуркынмон 2000-тӥ ар

Чечняын выльысь ож кутскемен, калык улон интыысьтыз кошконо луиз но тросэз бырыны шедиз. 2000-тӥ арын тулыспал федерал войско Грозный карез киултӥз но Чечнялэн бадӟым люкетаз эскерон-чаклан радъяз. 2000-тӥ арын южтолэзе отын нырысьсэ огъяросси быръёнъёсы пыриськон понна быръён участокъёс кылдытэмын вал. Федерал тӧрлыклэн союзникез луиз Ичкериысь муфтий Ахмат Кадыров, солэн пиез Рамзан но Аслан Масхадовлэн кивалтэмезлы оскемысь дугдэм полевой командиръёс. 1999-тӥ арын сӥзьыл соос федерал кужымъёс пала выжизы. 2000-тӥ арын пӧсьтолэзе Путин Ахмат Кадыровез Чечен администрациен кивалтыны пуктӥз. 2003-тӥ арын южтолэзе отын федерал катрадлыклы тупась Кункат кутонъя референдум ортчиз. 2003-тӥ арын коньывуон толэзе Ахмат Кадыровез элькунлы тӧрое быръизы, 2004-тӥ арын куартолэзе теракт луэмен бырыны шедиз. 2007-тӥ арын оштолэзе Элькунэз йыръяз солэн пиез Рамзан Кадыров.

2009-тӥ арын 16-тӥ оштолэзе, контртеррористической операци режимез (КТО) палэнтэмен валче, йылпумъяськиз кыкетӥез чечен ож.

Уйпал Кавказын терроризмен нюръяськон

Паськытатэм войсковой операци йылпумъяськемен, чечен сепаратистъёс федерал тӧрлыклы пумит нюръяськонэз диверсиос но террор пыр азьланьтӥзы. 2001-тӥ арын куарусёнэ боевикъёс Гудермес вылэ ожалскизы, 2002-тӥ арын Руслана Гелаевлэн отрядэз Ингушетия вылэ урдскиз. 2003-тӥ арын Гелаевлэн Дагестан пыр Панкисской гурезь вискы (Грузия) пырыны турттонэз кык толэзьем пумитъяськонлы пӧрмиз.

Боевикъёс, нылкышно-смертницаослэн пыриськеменызы, Москваын но «Кисловодск — Минеральные Воды» электропоездын пушкытонъёс радъязы. 2004-тӥ арын 6-тӥ тулыспалэ Муско метрополитенлэн «Автозаводская» станцияз теракт луэм бере, «Россия террористъёсын кенешонъёс уг ортчытъя, со соосты быдтэ» шуыса, Путин чурыт кылзэ вераз.

2005-тӥ арын южтолэзе ФСБ-лэн спецоперациез улсын быдтэмын «Ичкерилэн президентэз» Аслан Масхадов. Масхадовез но солэсь кӧня ке полевой командиръёссэ быдтэм бере, диверсионно-террористической учыръёс шӧдскымон ичиёмизы. 2006-тӥ арын 31-тӥ толшоре Путин Чечняын контртеррористической операцилэн йылпумъяськемез сярысь ивортӥз. Со арын ик пӧсьтолэзе быдтэмын 1-тӥез террорист Шамиль Басаев.

2019-тӥ арын аслаз президентлыказ тужгес секыт югдурен Путин пусйиз Мускоысь Дубровкаын Театральной центрез но Бесланысь школаез террористъёсын киултонэз.

Политика сӧзнэтысь воштӥськонъёс

2000-тӥ арын куартолэзе Путин аслаз косэтэныз федерал округъёсын ужоскето огмуртъёслэсь институтсэс кылдытӥз. Улос катъёсты федерал катъёсъя тупатъян паськытатэм уж нуиськыны кутскиз.

Кунлэн конституционно-политической сӧзнэтаз нырысетӥез бадӟым воштӥськон Федераци Кенешез кылдытон радлыкен герӟаськемын. Кылсярысь, губернаторъёс но улосъёсысь каткылдлытӥсь тӧрлыкен кивалтӥсьёс, интыужзыя Федераци Кенешлэн ёзчиосыз юнматэм огмуртъёсын воштэмын. Озьы ик 2000-тӥ арын куарусён толэзе президент улсын кенешон ёзэт кылдытэмын — Государственный совет Россилэн кун кенешез, солэн ёзчиосыз кунлэн асмосъёсызлоэн тӧроосыз луо.

Бесланын терракт ортчем бере, 2004-тӥ арын 13-тӥ куарусёнэ Путин, федерал но улос тӧрлыкъёслэсь ужзс умоятон но терроризмен нюръяськонэз юнматон вылысь, улосъёсы тӧрое быръёнъёсты палэнтон сярысь ялӥз. 2004-тӥ арын толсуре улос тӧроосты президентлэн сётэм лыдметэзъя законодательной собрание быръе шуыса, кат гожтӥз. 2005-тӥ арын южтолэзьысен улосъёслэн янгыш лэсьтэм тӧроосты «осконлыксэ ыштэм» пусъетэн интыужысьтызы палэнтылыны кутскизы.

Путин Кызылын, Тыва, 15-тӥ гудырикошкон 2007-тӥ ар

2005-тӥ арын тулыс кутэмын вал Кун думае парти лыдметъёсъя гинэ быръёнъёс сярысь кат. Одӥг мандатъём быръён округъёс быдтэмын. Озьы ик кутэмын вал федерал катрадлыкъя воштэтъёс. Кылсярысь, улос парламентэ быръёнъёсын вормись партия Россилэн президентэзлы губернаторе аслэсьтыз кандидатуразэ ӵектыны быгатэ.

Правоохранительной сӧзнэтын воштӥськонъёс

2000-тӥ арын президентлэн Путинлэн косэтэзъя суд удысысь катрадлыкез умоятон понна ужан группа кылдытэмын вал. Ар ортчыса, «РФ судьяослэн инлыксы сярысь», «РФ судебной система сярысь», «РФ Конституционной суд сярысь» но «РФ адвокат ужудыс но адвокатур сярысь» катъёс кутэмын.

2001-тӥ арын толсуре Путин Росси Федерацилэсь выль Уголовно-процессуальной кодекссэ юнматӥз, 2002-тӥ арын пӧсьтолэзе — Росси Федераци лэсь Арбитражной процессуальной кодекссэ, шуркынмонэ — Гражданской процессуальной кодекссэ.

2007-тӥ арын инвожое прокуратура улсын Следственной комитет кылдытон сярысь кат гожтӥз, солы луыса, следствие ёзэтэзпрокуратуралэсь висъяз. 2011-тӥ арын Следственной комитетэз прокуратуралэсь быдэсак висъяса, нимаз федерал ведомстволы пӧрмытэмын.

2013-тӥ арын 21-тӥ инвожое Путин Россиысь Верховной но Вылӥ арбитражной судъёсты огазеяны дэмлаз, соин валче, Россилэн Кункатаз воштэтъёс пыртоно луиз. 6 августа 2014 года новый объединённый Верховный суд России начал свою деятельность.

«Курск» вуул лодкалэн выемез

2000-тӥ арын 12-тӥ гудырикошконэ Баренцево зарезьын «Курск» вуул лодкалэн выемез пумысь калык пӧлын РФ Ожгар-зарезь кужымъёсты но президентэз курлан вераськонъёс вӧлмизы. Подлодкаын пушт онъёс луэмен сэрен, быдэс экипаж, 118 мурт, бырыны шедиз.

Экономикалэн азинскемез

Россие кунсьӧрысь инвестициосты кыскон (1995-тӥ—2013-тӥ аръёс); США-лэн миллиард долларъёсаз возьматэмын

Улыны юнматэм минимумлэсь ичи доходэн Россиын улӥсьёслэн динамиказы (1992-тӥ—2016-тӥ аръёсы); процентъёсын

Brent мувӧйлэн дунызлэн динамикаез (1987-тӥ арын куартолэзьысен 2016-тӥ арын толшорозь); кӧня доллар баррель понна

Путинлэн Россиен кивалтон вакытаз (2000-тӥ—2007-тӥ аръёсы), США-лэн Кун кышкыттэмлыкъя кенешысьтыз Россияя азьвыл директорезлэн Томас Грэмлэн верамезъя, Россилэн экономикаез 1990-тӥ аръёсы ыштэм позициоссэ берланьтӥз но калыклы юрттэт сётонъя сектор кылдытыны быгатӥз. Россиын быдӟалаезъя куинетӥез, Китай но Япония бере, золотовалютной запас люкамы (в 2021 году у России — пятое место по золотовалютным резервам) .

Экономика Россилэн экономикаез ВВП-лэн будэменыз, промышленность, гурт возёс но лэсьтӥськон удысъёслэн паськвтаменыз, калыклэн уждунэзлэн йылэменыз висъяськиз. Кулэяськыса улӥсьёслэн лыдзы кулэсмиз(29 %-ысен 2000-тӥ арын 13,4 %-тозь 2008-тӥ арын). Ужтэк кылемъёслэн лыдзы синӥз 10,6 %-ысен 2000-тӥ арын 6,2 %-тозь 2008-тӥ арын.

2005-тӥ арын мер но экономика удысъёсысь ньыль йӧскалык проектэз азинтон ясярысь ялӥз. Соос пӧлын: «Тазалык», «Дышетос», «Улон юртъёс» но «Гурт удыс (АПК)». 2018-тӥ арын «Калык капитал», «Ӟеч улон инты» но «Экономикалэн будонэз» ― выль йӧскалык проектъёс борды басьтӥськон сярысь ивортӥз.

2012-тӥ арын 22-тӥ гудырикошконэ Россия Дунневыл вузкарон огазеяськонлэн (ВТО) ёзчиез луиз.

2006-тӥ арын Федерал Собранилы вазиськоназ Путин Россиын нылпи вордсконлыкез ӝутон сярысь вераз, со понна: нылпи пособосты будэтоно, введении «материнской капитал» басьтонэз радъяно но нылпиосын герӟаськем мукет ужпумъёсты эскероно, шуиз.

2008-тӥ арын 1-тӥ тулыспалэ Стабилизационной фонд Резервной но Йӧскалык улон дэлет(ФНБ) фондъёслы люкемын. Нырысетӥез бюджет кулэяськонъёслы чакламын, кыкетӥез ― пенси тыронлы но инфраструктурной проектъёслы.

2000-тӥ — 2010-тӥ аръёсы кунсьӧр инвестициослэн лыдзы йылӥз: 11 млрд долларысен 2000-тӥ арын 115 млрд долларозь 2010-тӥ арын.

Тӧрлыклэн бадӟым ужбергатонэн кусыпъёссы

Путин, президент луэмез бере, нырысь ик рынокез тӧрлыклэсь висъяз. Бадӟым ужбергатӥсьёслы приватизацилэн йылпумъёсыз уз эскериське но уз воштӥське шуыса ивортӥз. Солы луыса, бадӟым ужбергатоннилэн политика вылэ влияниез лябомиз. Евросоюз росси ужбергатӥсьёсты «олигархъёс» шуыса исамысь дугдӥз.

1990-тӥ аръёсы куд-ог узырмем миллиардеръёс кун кивалтоннилэсь палэнтэмын вал, куд-огез выт тырымтэез но пӧяса уксё поттэмзы понна кылкутытон улэ кыскемын. Соос пӧлы пыртэмын «Медиа-Мост» ЗАО холдинглэн кузёез медиамагнат Владимир Гусинский. Россиысь пегӟыса кошкиз тодмо ужбергатӥсь Борис Березовский, «Сибнефть» но «Аэрофлот» акционер капиталъёсысь аслэсьтыз пайзэ вузаса, акциосыз понна кык миллиард доллар уксё поттӥз. Озьы, валтӥсь телевизионной каналъёс — ОРТ (Нырысетӥ канал) «ВГТРК» но НТВ выльысь кун кие выжизы.

2003-тӥ арын «дело ЮКОСа» нимо ужез сэрттон-пертчон кутскиз. Солы луыса, калыкез пӧяса трос уксё лушкамзы но выт тырымтэзы понна кема дырлы пытсэтамын Платон Лебедев но Михаил Ходорковский. 2004-тӥ арын 24-тӥ тулыспалэ Путин Михаил Касьяновлэсь кивалтэтсэ отставкае келяз.

2004-тӥ арын гужем президентлэсь юрттӥьсэ — РФ президентлэн администрациеныз кивалтӥсьлэсь воштӥсьсэ Игорь Сечинэз «Роснефть» кун компанилэн директоръёсызлэн выль кенешазы тӧрое быръем бере азьвыл ЮКОС-лэн «Юганскнефтегаз» компаниез ӝоген «Роснефть» киулэ выжиз.

Палэнысь политика

Владимир Путин Россия-НАТО саммитлэн кенешаз. 2002-тӥ ар

Кунэн кивалтыны кутскем дырысеныз нырысь нуналъёсаз ик Путин Шундыпуксёнпал дуннеен, НАТО-ен кусыпъяськонлэн кулэлыкез сярысь вералляз.

Россилэн НАТО-е пыронэз сярысь ужпум ӝутэмын вал 2000-тӥ Билл Клинтонэн арын Москваын пумиськылыкуз.

2000-тӥ арын инвожое Путин «Росси Федерацилэн палэнысь политикаезлэн концепциез» косэтэз юнматӥз. Солэн валтӥсь ужпумез ― кунлэн кышкыттэмлыкез; яланлыко но шонеррадо миропорядокез кылдытон; росси висгож кузя эшлыко бускель кусыпъёс тупатон; куньсӧр кунъёсын но калыккуспо огазеяськонъёсын кусып тупатон.

См. также: Россия-американ кусыпъёс

Джордж Буш — младшийлэн нырысетӥ президент сроказ (2001-тӥ — 2005-тӥ аръёсы), тужгес но Иракын ож кутскытозь, экспертъёслэн чакламзыя, «террорен нюръяськонын» Россилэн Америкаен кусыпъёссы туж юнэсь вал, озьы ик президентъёс куспын но.

См. также: Россия но НАТО

США-ын 2001-тӥ арын 11-тӥ куарусёнэ ортчем террактъёс бере, Россия Америкалы калыккуспо террорен нюръясьонын юрттыны мылкыд каремзэ возьматӥз. Афганистанын талибъёслэн режименызы нюръяськон понна, Россия США-лэн кылдытэм антитеррористической коалицияз пыриськиз но «Отношения Россия — НАТО: новое качество» Рим декларацие гожтӥськиз. Со декларацияя Россия — НАТО Совет («Совет двадцати») кылдытэмын вал. США-лэсь но НАТО-лэсь военной грузъёссэ но ожгарчиоссэ Афганистанэ вуттон понна, Россия аслэсьтыз омыр интывылзэ сётӥз.

2001-тӥ арын, кунсьӧр военной базаослэн кулэлыксы быремен, росси кивалтэт Кубаысь (Лурдес) но Вьетнамысь (Камрань) военной базаоссэ быдтон сярысь решение кутӥз.

Андре Либих профессорлэн верамезъя, азьланяз кусыпъяськонлы ачиз США люкетӥз, 2001-тӥ арын толсуре Противоракетной обороная системаез сюбегатон сярысь тупанкылысь, ас мылкыдызъя потэменыз сэрен . США-лэн ПРО сярысь тупанкылысь потэмезлы пумит, Россия СНВ-II сырысь тупанкылысь потӥз.

2003-тӥ арын южтолэзе США-лэн но солэн союзникъёсызлэн Ираке кужмысь пырыса, Саддам Хусейнлэсь режимзэ палэнтэмзы Россилэн Шундыпуксёнпалэн кусыпъёсаз выль шуккет сётӥз. Россия, Германия но Франция США-лэсь действиоссэ курлазы. Озьы ке но, Европа союзникъёс берло США пала кариськизы. 2012-тӥ арын пресс-конференциын Путинлэн аслаз верамезъя, США-ен кусыпъёс, 2003-тӥ арын Ираке кужмысь пыремез бере сӧриськизы.

2003-тӥ арын шуркынмонэ Грузиын «розаослэн революцизы» кутскиз, соин валче, 2004-тӥ арын кивалтэтэ Михаил Саакашвили вуиз. Со Грузилэсь политиказэ США пала берыктӥз но НАТО-е пыронэз сярысь ялӥз. Россилэн Грузиенэн кусыпъёссы Саакашвили кивалтон вакытэ быдэсак воштӥськизы, уката 2008-тӥ арын ож кутскемен валче.

2004-тӥ арын южтолэзе, НАТО-е сизьым шундыӝужанпал кунъёс пыризы, соос пӧлын Эстония, Латвия но Литва.

2004-тӥ арлэн пумаз Украинаын президент быръёнъёсын росси кивалтэт Виктор Януковичлэн кандидатураез палан вал. Уго Янукович — Украин улосъёслэн партизылэн ёзчиез, Россиен экономика ласянь кусыпъяськон но ӟуч кылэз кыкетӥез кун кыл карон понна дурбасьтӥз. Быръёнъёсын вормем выль президент Виктор Ющенко Украиналэсь азинсконзэ европа пала берыктӥз, валтӥсь ужпумен НАТО-е пыронэз ялӥз (солэн Кункатаз нейтралитет возён сярысь пусъемез лыдэ басьтытэк). Росси кивалтэт Шундыпуксёнпалэн ӝуткам «Оранжевой революциез» но, Ющенколэсь политиказэ но шонертэмен лыдъяз. Ющенко кивалтон аръёсы вить ар куспын (2004-тӥ — 2009-тӥ аръёсы) Украинаен кусыпъёс пумен сӥялскизы.

2004-тӥ арын 14-тӥ коньывуонэ, Пекинэ вуылыкуз, Путин Тарабаров шормуӵез, Амур шур вылысь Бадӟым Уссурийской шормуӵлэсь ӝынызэ (быдӟалаезъя 337 км²) КНР-лы сётон сярысь огкыл гожтӥз. Озьы ик Аргунь шур вылысь Бадӟым шормуӵлэсь ӝынызэ; со огкыл Россиен Китаен вадесгожез висъялы луонлык сётӥз. Огкыллэн Росси понна ӟеч палыз ― Китаен кусыпъёсты умоятон но азьланяз интывыл пумысен вачевуонъёсты алон.

Жак Ширак, Людмила Путина, Владимир Путин, Джордж Буш-покчиез но Лора Буш. Москва, 9-тӥ куартолэзе 2005-тӥ арын

2006-тӥ арын Россия «Группа восьми» («Большая восьмёрка») огазеяськонлэн тӧроез вал.

Владимир Путин «Пётр Великий» атомной крейсерын Уйпал флотлэн учениосыз дыръя. 2005-тӥ ар

2007-тӥ арын тулыспалэ Мюнхенын ортчем Кышкыттэмлыкъя политикалы сӥзем конференциын Америкалэсь палэнысь политикая военной планъёссэ шонертэмен лыдъяз. Мюнхенын Путин озьы ик США-лсь ожгарчиоссэ но ПВО-зэ Шундыӝужанпал Европае пуктылэмезлы но инсьӧрез милитаризировать каронлы пумит луэмзэ вераз. Озьы ик Путин НАТО-ез но Евросоюзэз вань ужпумъёсты ожгар амалэн сэрттыны но ООН-эз асэнызы воштыны турттэменызы пыкылӥз. Путинлэн Мюнхенын вераськемез троссэ шундыпуксёнпал политикъёсты сюлмаськытытӥз.

Росси президентлэн америкалэн Россилы матын луись висгожъёс котыре ПРО интыянлы пумит кариськемез США-лэсь малпанъёссэ ӧз вошты. 2012-тӥ арын тулыспалэ Россия аслэсьтыз «Искандер» ракетной комплексъёссэ Калининград улосэ интыяны кутскиз.

2008-тӥ арлэн кутсконаз Украиналэн но Грузилэн НАТО-е пырон сярысь малпанзы Росилы кышкыттэмлык ласянь выль шуг-секытъёс кылдытӥз. НАТО-лэн ёзчиез луон понна, Украина но Грузия азязы пуктэм куронъёсты быдэстэмзы бере, НАТО-лэн кайта саммитъёсаз со кунъёсты кутон сярысь решение юнематэмын вал.

НАТО-лэсь Шундыӝужан пала паськытамзэ Путин котьку но Россилы кышкытлык кылдытӥсь муген лыдъялляз. Грузилэн но Украиналэн НАТО-е пырыны мерскмзылы пумит, Путин Абхазилы но Лымшор Осетилы юрттыны мылкыд кариз. 2014-тӥ арын 24-тӥ шуркынмонэ Россилэн но Абхазилэн президентъёсыз Сочиын Союзничество но стратегической партнёрство сярысь 10 арлы тупанкыл гожтӥзы.

2000-тӥ—2010-тӥ аръёсы ужамезлы дунъет сётон

Британ историклэн, Билькент университетысь калык кусыпъёсъя кафедраен кивалтӥсьлэн Норман Стоунлэн малпамезъя (2007), 2000-тӥ аръёсы Путин Россиез куашканлэсь утьыны быгатӥз. Журналист Марк Симпсон «The Guardian» газетын, Путин Росси кунэз улӟытӥз но солэсь тунсыкъёссэ утьыны быгатӥз, шуыса гожъяз. 2007-тӥ арын Time американ журнал Путинэз Арлэн адямиез шуыса нимаз но Россиез азинтӥсьёслэн азьветлӥсьсы шуыса пусйиз.

Кивалтэтлэн тӧроез (2008—2012)

Путинлэн кыкетӥ кивалтэтэз

2008-тӥ арын 8-тӥ куартолэзе, Дмитрий Медведевлэн инаугурациез ортчем бере, мукет нуналаз Кун дума Путинлэсь кандидатуразэ Россилэн Кивалтэтэзлы тӧрое юнматӥз. Медведев со нуналэ ик косэт гожтӥз. 12-тӥ куартолэзе Путин кивалтэтлэн выль составеныз тодматӥз.

27-тӥ куартолэзьысен 2008-тӥ арын 18-тӥ пӧсьтолэзёзь 2012-тӥ арын Белоруссилэн но Россилэн Министръёслэн кенешсылэн тӧроез вал.

2007-тӥ-2011-тӥ аръёсы калыклэн Путинлы осконэзъя индекс (ВЦИОМ)

Та вакытлы тупаз Россилэн финансово-экономической кризисэз (2008-тӥ—2010-тӥ аръёсы), глобальной кризислэн бервылыз.

Палэнысь политика (2008—2012)

2008-тӥ арын гудырикошкон толэзе Шундыпуксёнпалэн вачевуонэз лэчытомытӥз Грузиын пуромем ожмаськон. Грузия Южной Осетиез но отысь росси миротворецъёсты ыбылыны кутскемез бере, премьер Путин но президент Медведев «Грузиын военной операциез» кутскон сярысь решение кутӥзы. 5 нунал куспын росси ожгарчиос признать карымтэ кунлэсь интывылзэ грузин армилэсь мозмытӥзы но Грузие интыям военной объектъёсты пушкытъязы, собере Россия Лымшор Осетилэсь но Абхазилэсь асэрико луэмзэс юнматӥз. Та югдурен валче, Россилэн Евросоюзэн но США-ен кусыпъёссы выльысь тупатскыны кутскизы.

Росси кивалтэтэз йыръян вакытэ Путин БРИКС (Бразилия, Россия, Индия, Китай, ЮАР) огазеяськонэз кылдытон борды мыло-кыдо басьтӥськиз. Мюнхенын вераськоназ со пусйиз, та ньыль экономи сӧзнэтъёслэн огазеям ВВП-зы США-лэн но Европа кунъёслэ ВВП-зылэсь тросгес луэ. Та экономика блокез политика блоклы пӧрмытон понна, Путин трос кужымзэ понӥз, БРИКС-лэн 2009-тӥ арын Екатеринбургын ортчем нырысетӥ саммитысеныз кутскыса.

2009-тӥ арысен Путин ӵемысь Казахстанэн но Белоруссиен экономика ласянь валчеяськон пумысь ужпумъёс ӝутылӥз. Берло со Белоруссилэн, Казахстанлэн но Россилэн таможенной союзэзлы пӧрмиз.

Владимир Путин но США-лэн вице-президентэз Джозеф Байден 2011-тӥ арын

2011-тӥ арын коньывуон толэзе  Россилэн, Украиналэн, Белоруссилэн, Казахстанлэн, Арменилэн, Молдавилэн, Киргизилэн но Таджикистанлэн кивалтэтъёссылэн тӧрооссы эрико вузкарон зона кылдытон сярысь тупанкыл гожтӥзы.

Forbes американ журналлэн дуннеысь тужгес влиятельной муртъёсын лыдметаз 2010-тӥ арын шуркынмонэ Путин 4-тӥ интые потӥз. 2011-тӥ арын ― 2-тӥ интые. Со арын Путинлэн валтӥсез вормонэз ― 2015-тӥ арозь Евразийской союз кылдытон сярысь малпан.

2010-тӥ арын Süddeutsche Zeitung немец газетын Путин Евросоюзлы Владивостокысен Лиссабонозь, визовой режимез палэнтыса но таможенной тарифъёсты огвыллем карыса, экономической альянс кылдытыны ӵектӥз. Та малпан быдэсмытэк кылиз, малы ке шуоно, со вие Евросоюз, Россиез палэнтыса, поствсоветской пространствоысь кунъёсын «Восточное партнёрство» проект кылдытон бордын ужаз. Со проектъя Азербайджан, Армения, Белоруссия, Грузиия, Молдавия но Украина кунъёсын кусыпъёс тупатыны чакламын вал.

2011-тӥ арын НАТО-лэсь Ливиын ортчытэм военной операцизэ Путин крестовой походэн ӵошатӥз. Соку ик ООН-лэсь Кышкыттэмлыкъя Кенешезлэсь Ливияя кутэм резолюцизэ лэсянтэм шуыса курлаз.

2012-тӥ арын 4-тӥ тулыспалэ ООН-лэн Кышкыттэмлыкъя Кенешаз Сирия пумысен резолюци кутон быръёнъёсын Россия вето правозэ кутӥз.

Президент быръёнъёс (2012)

2012-тӥ арын 4-тӥ южтолэзе Путин президент быръёнъёслэн 1-тӥ тураз 63,6 % куара люкаса вормиз (45 602 075).

Куинетӥ, ньылетӥ но витетӥ президент срокъёс (2012-тӥ арысен кутскыса)

Владимир Путин Россилэн президентэзлэн интыужаз пуксе

12-тӥ арын 7-тӥ куартолэзе Владимир Путин куинетӥзэ Россилэн президентэз луиз Нырысетӥ ужан нуналаз ик программной косэтъёсын сузьет дасяз (майской косэтъёс). Мукет нуналаз кивалтэтэз йыръяны Дмитрий Медведевез ӵетӥз. Кун дума ӵектэммуртэ юнматэм бере, выль кивалтиэт кылдытыны косӥз.

2013-тӥ арын 12-тӥ инвожоысен Путин Огъяросси калык фронт (ОНФ) мерлыко движениез йыръяз.

2013-тӥ арлэн кутсконаз Россия, Украинаез возён вылысь, пӧртэм ужрадъёс малпаны кутскиз (пунэмен сётон, газ но мукет пайдаськонъёс). Кылсярысь, толсуре Россия Украиналы, меӵак юрттон вылысь, пунэмен 15 млрд доллар пала уксё дэмлаз. Путинлэн решениезъя, пунэмен 3 млрд доллар тыр нырысетӥез юрттэт луись транш быдэстэмын вал. Озьы ке но, Украина, национал мылкыдо политической элиталэн улсатэмезъя, шундыпуксён пала кариськиз. 2013-тӥ арлэн пумаз Евромайданлэн валтӥсь мугез ― Россиен кусыпъяськонэз таркан но Януковичез президент интыужыстыз палэнтон.

2014-тӥ арлэн кутсконаз Украиналэн президентэз Янукович интыужысьтыз кужмысь палэнтэмын вал. Украиналэн лымшор но шундыӝужанпал люкетаз но Крымын та югдурез кун переворот шуыса лыдъязы. 2014-тӥ арын тулыспалэ Путин Крымез Росси Федерацилэн пушпӧлаз пыртон сярысь решение кутӥз, южтолэзе Крымлэн инлыкез пумысь референдум ортчытыса, ужпум быдэстэмын вал. Та учыр калыклэсь Путинлы осконзэ юнматӥз. 2014-тӥ арысен Донбассын ожтӥрлыко вачевуонын Россия Украиналэн лымшор но шундыӝужанпал люкетэзлы пӧртэм ласянь юрттэт висъялляз.

2018-тӥ арын 18-тӥ южтолэзе президент быръёнъёсын 76,69 % куара люкаса, Путин ньылетӥзэ Росси Федерацилы президентэ быръемын вал.

7-тӥ куартолэзе Путин ньылетӥзэ Россилэн президентэз луиз.

2020-тӥ арын 15-тӥ толшоре Федерал Собранилы вазиськоназ Росси Федерацилэн кункатаз куд-ог воштэтъёс пыртыны дэмлаз.

2020-тӥ арын 16-тӥ толшорысен Путинлэн дэмламезъя, кивалтэтэз йыръяз РФ Выт бичанъя службалэн кивалтӥсез Михаил Мишустин. Озьы ик воштӥськиз кивалтэтлэн составез.

2020-тӥ арын Россиын Кункатэ воштэтъёс пыртонъя быръёнъёс ортчытэмын.

2023-тӥ арын 8-тӥ толсуре Кремльын Россилэсь Геройёссэ данъетан ужрадын Владимир Путин 2024-тӥ арын президент быръёнъёсы пыриськыны мылкыд каремез сярысь ивортӥз.

2024-тӥ арын 15-тӥ южтолэзьысен 17-тӥ южтолэзёзь ортчись быръёнъёсын 87,28 % куара люкаса, выльысь президентэ быръемын (пыриськиз 76 277 708 мурт).

Мерлык но экономика

2013-тӥ арын южтолэзе Путин куанерлыкен нюръяськонэз валтӥсь ужпумъёс пӧлы пыртӥз.

2018-тӥ арын 1-тӥ толшоре Резервной фондэз Йӧскалык улон дэлет фондэн (ФНБ) огазеяз (2017-тӥ арын Резервной фондысь уксё быдэсак бюджэет кулэяськонъёслы быдтэмын вал). ФНБ-е мувӧез баррельзэ 40 долларлэсь дуноен вузам уксё люкаськылӥз (дунъёс 2017-тӥ аръя).

2019-тӥ арын 27-тӥ толсуре Путин сиён-юон ласянь кышкыттэмлыкъя доктрина юнматӥз. Со ужкагазъя гурт удысын поттэм сиён-юонэн но секыт югдуре вуэм учыръёсы кутымон резерв кылдытыны чакламын.

2020-тӥ арын 15-тӥ тошоре Федерал Собранилы вазиськоназ Путин росси калыклэсь улон ӟечолксэ ӝутон ласянь ужпумъёс сярысь вераз. Но со ужпумъёсты быдэстыны выль коронавируслэн пандемиез люкетӥз.

Пенсионной реформа (2019-тӥ арысен)

Владимир Путин пенсиосъя реформалэн кулэлыкез но кивалтэтлэн кат ӵектосаз воштонъёс сярысь вера, Москва, 2018-тӥ ар 29-тӥ гудырикошкон

2018-тӥ арын 14-тӥ инвожое Медведевлэн кивалтэтэз пенсие потон арлыдэз будэтон сярысь ивортӥз. Кык нунал ортчыса, катӵектос Кун думае сётэмын вал. Та ужпумлэн ӝог быдэсмемез мерлыкез паймытӥз но калык пӧлын пумитъяськонъёс кылдытӥз. 29-тӥ гудырикошконэ Путин телевизор пыр калыклы вазиськоназ сыӵе воштэтлэсь кулэлыксэ валэктӥз но воштэтъёс капчиятэмын луозы шуыса оскытӥз. 27-тӥ куарусёнэ катӵектосэз Кун дума шонерен лыдъяз, 3-тӥ коньывуонэ — Федераци Кенеш, со нуналэ ик ачиз Путин юнматӥз.

Коронавирус пандемия (2020—2022)

Владимир Путин Коммунаркаысь COVID-19 инфекциен висисьёс понна 40 номеро больницаын, 2020-тӥ ар 24-тӥ южтолэзь

2020-тӥ арысен кутскыса, Россиысь мерлык но экономика югдурез, быдэс дуннеын сямен, COVID-19 пандемия воштӥз. 2020-тӥ арын 7-тӥ оштолэзе выль черлам учыръёс уй-нунал ӵоже сюрслэсь ятыр луизы.

2020-тӥ арын 25-тӥ южтолэзе, коронавируслэн ӝог вӧлмеменыз сэрен, Путин шуг югдуре шедем калыклы, гурт возёслы но ужбергатонлы социально-экономической юрттэт сётон сярысь ивортӥз. Солы луыса, 1 млн манетлэсь ятыр луись банк вкладъёслы выттырон юнматэмын, нош кунсьӧры ваньбурез поттӥсь муртъёс понна финансово-экономической куронъёс чурытатэмын вал. Озьы ик улосъёсысь тӧроослэн ужоскетъёссы паськытатэмын.

23-тӥ инвожое Путин калыклы вазиськоназ коронавирус черен нюръяськонъя йылпумъёсын тодматӥз но вуоно ужпумъёс сярысь вераз.

11-тӥ гудырикошконэ Путин Россиын кылдытэм COVID-19-лы пумит луись вакцина кылдытэмын шуыса ивортӥзт. Куарусёнэ ас мылкыд каремзыя паськытатэм вакцинация кутскиз. Президентлэн ужаз но коронавирусэн герӟаськем сюбегатонъёс пыртэмын вал, кылсярысь, вачевараськонъёс нуыку вис кусыпез чаклан.

Пандемия, мукет кунъёслэсь сямен ик, Россилэсь экономиказэ лябӟытӥз. Озьы ке но, калыклы но ужбергатонлы дырыз дыръя юрттэт сётыса, кризис яланлыко ӧз луы, шуиз Путин.

Ожтӥрлыко кужымъёс

2012-тӥ арын 6-тӥ шуркынмонэ Россилы обороная министре Сергей Шойгу юнматэмын.

Сергей Шойгу но Владимир Путин «Восток-2018» ожгар учениосын

2018-тӥ арын 1-тӥ южтолэзе Путин нырысьсэ ожтӥрлыко сӧзнэтысь выль кулэлыко разработкаос сярысь мадиз. Солэн верамезъя, сыӵе югдур кылдӥз США-лэн Противоракетной обороная тупанкылысь асмылкыдызъя потэменыз но аслаз интывылаз но асьме вигожъёс дуре ПВО-зэ пуктылэмен. Соин валче ядерной (МБР «Сармат») но гиперзвуковой (ракета «Кинжал») ожтӥрлыкъёслэсь но мукет выль комплексъёслэсь куд-ог аслыкъёссэс шараяз.

РАН-ысь академиклэн Алексей Арбатовлэн малпамезъя, президентлэн вазиськонэзлэн «военно-технической» люкетэз американ администрацилэн выль ядерной стратегиезлы пумит веран луэ. Путин со пумысь: «Россилы но солэн союзникъёсызлы пумит ляб, шор яке мукет мощностен ядерной ожтӥрлыкез кутон Россия вылэ урдскон шуыса лыдъяськоз. Солы пумиткыл туж ӝог но жалянтэм луоз» шуыса меӵак вераз.

Ядерной возетъя политика

2020-тӥ арын инвожо толэзе Путинлэн «Росси Федерацилэн ядерной возет удысын кун политика сярысь» косэтэз кужымлыко луиз. Отын ядерной ожтӥрлыклэн 4 учыре кутӥськемез сярысь верамын:

• Россилэн яке солэн союзникъёсызлэн интывылъёсаз баллистической ракетаос лэзён сярысь шонерлыко тоивортодэт вуэм бере;

• Россилы яке солэн союзникъёсызлы пумит тушмонлэн ядерной яке мукет массовой поражениен ожтӥрлыкез кутэменыз валче;

• Россилэсь кулэлыко кун яке военной объектъёссэ тушмон сӧремен валче;

• Россилы пумит огшоры пыӵал тӥрлыкен ӝутӥськон, кудӥз кунлыкез куашкатыны быгатэ.

Палэнысь политика (2012-тӥ арысен)

Владимир Путин G20 саммитын Санкт-Петербургын. 2013-тӥ ар

Bloomberg агентство 2019-тӥ арын Путинлэсь 20 ар ӵоже палэнысь политиказэ азинлыко шуыса пусйиз. Кылсярысь, Путин КНР-ен кусыпъёсты юнматӥз, валчеяз Крымез, Сириысь югдурез воштӥз но Матысь Шундыӝужан палан Россиез валтӥсь интые пуктӥз, НАТО-е пырись ЗРК С-400 Турцилы вузаны быгатӥз, валтӥсь союзникеныз — Саудовской Аравиеен ожтӥрлык но мувӧй пумысен бадӟым контрактъёс гожтӥз, 20 ар ӵоже Россия нырысьсэ ас кужымзэ Африкаын паськытыны кутскиз.

США

2013-тӥ арын гудырикошконысен Россиен Америкаен кусыпъёс чутрак воштӥськизы. Солэн валтӥсь мугъёсыз ― Россилэн аслаз музъем вылаз огдырлы ЦРУ-лэсь азьвыл ужасьсэ Эдвард Сноуденэз интыямез, Сириын югдур пумысь тупамтэос но Россиын адямилэн эрикрадъёсыз пумысен шугъяськонъёс.

Владимир Путин но Барак Обама, 2015-тӥ ар 29-тӥ куарусён

2016-тӥ арын шуркынмонэ президент быръёнъёсын Дональд Трамплэн вормемез но солэн Россиен кусыпъёсты тупатон мылкыдыз ӧз ворме ас кожазы ужась американ разведка службаосты, кудъёсыз Россиез американ президент бырънъёсы пыриськеменыз пыкылӥзы но янгыш каризы.

Владимир Путин но Дональд Трамп Россия-США саммитын. Хельсинки, 2018-тӥ ар

2019-тӥ арын толсуре Трамп «Северный поток — 2» газопроводэз лэсьтӥськонэ пыриськись компаниосты санкциос улэ пыртон сярысь кат гожтӥз.

США-лэн тӧрлыкез Джо Байденлэн администрациезлэн ки улаз шедем бере, югдур нош ик воштӥськиз. 2021-тӥ арын 24-тӥ толшоре газопроводэз лэсьтонъя вуул ужъёс выльысь азьланьтэмын вал, куартолэзь пумын Байден, газопроводэз лэсьтон ӝоген быдэстэмын луоз шуыса ялӥз но та проектлы пумит выль санкциос кутонэз шонертэмен лыдъяз. 2021-тӥ арын 10-тӥ куарусёнэ лэсьтӥськон ужъёс быдэсак быдэстэмын вал. 2022-тӥ арын 15-тӥ тулыспалэ, Россилэн «огазеяськем Шундыпуксёнпалэн» кусыпъёсыз сӧриськемен, Россия ласянь кышкыттэмлыкъя гарантиос курыса, Байден, Россия Украинаын военной действиос кутскиз ке, США «Северный поток — 2» трубопроводэз уз лэзьы шуыса алӥз.

2022-тӥ арын 26-тӥ куарусёнэ газопроводъёс вылын луэм диверсиен сэрен, ньыль гумыос пӧлысь куинез сӧремын но «Северной поток» кузя газ сётон дугдытэмын вал.

Инаугурациез ортчемлэсь азьпал Байден Путинэн Россия но США куспын СНВ-III Огкылэ нокыӵе ватсам условиос пыртытэк вить арлы азинтон сярысь телефон пыр вераськизы, 3-тӥ тулыспалэ со огкыл кужымлыко луиз.

2021-тӥ арын толсуре росси кивалтэт США-лы но НАТО-лы кышкыттэмлыкъя гарантиосын огкыллэсь проектсэ но Россилэсь но НАТО кунъёслэс кышкыттэмлыксэс утёнъя тупанкылъёс дэмлаз. Со проектъёсын Россия альянслэсь Украинаын паськытамтэез но Шундыӝужанпал Европаысь но Прибалтикаысь ожтӥрлыкъёссэ но ожтӥрлыко кужымъёссэ поттонэз сярысь гарантиос куриз. Озьы шундыпуксёнпал партнёръёс, кышкыттэмлыкъя гарантиосты тӥязы ке, Россия ожгар техникаез кутыны дась шуыса тодмостэмын вал.

2022-тӥ арын толшоре орчем вачевераськонъёс ӧз удалтэ. США но НАТО россилэсь альянсэз паськытатонэз дугдытон но 1997-тӥ арын пусъем висгожъёсы берланьскон сярысь куронъёссэ лыдэ ӧз басьтэ. Тулыспалысен стратегической стабильностья Россия но США куспын вачевераськонъёс дугдытэмын вал, кусыпъёс чутрак сӧриськизы.

2022-тӥ арын 24-тӥ тулыспалысен, Путинлэн решениезъя, Специальной военной операция кутскемын. Соин валче, США Украиналы ожгар юрттэт висъяз. 2023-тӥ арын шуркынмон толэзёзь, американ администрациэн административно-бюджетной управлениезлэн лыдъямезъя, США-лэн огъя юрттэтэз 111 млрд долларлэсь ятыр луиз .

Сирийской кризис

2011-тӥ арын тулыс Сириын граждан пумитъяськонъёслэн кутсконысенызы ик Россия президентлы Башар Асадлы дипломати юрттэт висъялляз. Озьы ик Россия Сири кивалтэтлы ожтӥрлыкен, ожгар техникаен но боеприпасъёсын юрттӥз. Сириын ожгар ӧнерлы дышетон удысэз радъяз но отчы аслэсьтыз ожгар советникъёссэ келяз. 2015-тӥ арын, Путинлэн решениезъя, постсоветской вакытэ нырысьсэ кыдёкысь кунсьӧрын Россилэн авиабазаез кылдытэмын вал (Хмеймим).

2015-тӥ арын 29-тӥ куарусёнэ ООН-лэн 70-тӥ Генассамблеяяз вераськыкуз, Шундыпуксёнпал кунъёсты быдэс дуннеысь югдурез лэчытомытонын янгыш кариз, тужгес но Матысь Шундыӝужанын. Мукет нуналаз, 30-тӥ куарусёнэ, Башар Асадлэн куремезъя, Россия «Ислам кун» но «Джебхат ан-Нусра» террорист формированиосты быдтонъя военной операциез кутскиз

Путин ивортэ Сириысь ожгар операцилэн быремез сярысь Хмеймимавиабазаын. 2017-тӥ ар 11-тӥ толсур

2017-тӥ арын 11-тӥ толсуре Путин Сириын военной операцилэн йылпумъяськемез но росси ожгар кужымъёслэсь валтӥсь люкетсэ отысь поттон сярысь ялӥз. Военной операцилэн валтӥсь ужпумез — Сирилэсь асэриклыксэ утён но ООН-лэн эгидаез улсын политикаез радъян условиос кылдытон — быдэстэмын вал. Соин валче, Сириын ужаны кутскиз тупаса улонэз выльдонъя но улон интыосысьтызы кошконо луэм калыкез берыктонъя программа. Озьы ик Сириын кылдытэмын вал вачевуонъёсты сэрттон-пертчонъя росси центр. Калыккуспо огкылъёсъя, татчы пыраклы кельтэмын кык росси базаос — Хмеймим авиабаза но материально-технической юрттэт сётонъя Тартусэ интыяськем база.

Сириысь военной операцилэн азинлыко йылпумъяськемез политической соглашениез Россилэн куронъёсызъя радъяны луонлык сётӥз; Турцилы но Саудовской Аравилы войнае пыриськемзы азинлыктэм шуыса возьматӥз; Башар Асад аслаз интыужаз кылиз (президентын 2000-тӥ арысен). Россилэн военно-космической кужымъёсыз Сириын 2023-тӥ арозь калыккуспо терроризмен нюръяськизы.

Турция

Турциен кусыпъёс уката сӥялскизы 2015-тӥ арын шуркынмонэ луэм учыр бере, куке Сирилэн омыр интывылаз Турцилэн боевой самолётэз росси бомбардировщикез пушкытӥз. 2015-тӥ арын 28-тӥ шуркынмонэ Путин «Россилэсь йӧскалык кышкыттэмлыксэ но росси калыкез йыруж лэсьтон но мукет эрикрадэз тӥясь учыръёслэсь утён но Турци ласянь нимысьтыз экономической возетъёс кутон сярысь» Косэт гожтӥз. Со Косэтъя Турциысь сиён-юон но ужасьёсты ваён алэмын вал. Озьы ик дугдытэмын Турцие лобись чартер рейсъёс но турок курортъёсы путёвкаос вузан. Тросэз калыккуспо проектъёс дугдытэмын, кылсярысь, «Турецкий поток». Кунъёс куспын палэнтэмын безвизовой режим.

2016-тӥ арын 27-тӥ инвожое Реджеп Тайип Эрдоган Россилэсь извинение куремез бере, Россия, Иран но Турция Сириысь югдурез чакланэз ас вылазы басьтӥзы.

2020-тӥ арын толшоре усьтэмын вал Сьӧд зарезь пыдэстӥ кыскем «Турецкий поток» газопровод. Со Россиез Лымшор Европа кунъёсын огазеяз.

Постсовето кунъёс

2014-тӥ арын 24-тӥ шуркынмонэ Путин Абхазилэн президентэныз Рауль Хаджимбаен тупаса улон но стратегической партнёрство сярысь 10 ар ӵожелы огкыл гожтӥз. Соин валче, огъя оборонной пространство кылдытӥз. Озьы ик Россия шӧдскымон будэтӥз Абхазилы коньдон ласяньюрттонзэ.

2020-тӥ арын Белоруссиын ортчем президент быръёнъёс политической кризисозь вуттӥзы. Тужгес секыт дыръёсаз Путин Александр Лукашенколы юрттыны тыршылӥз; Россиын солэн куремезъя, Белорус тӧрлыклы юрттон вылысь, росси эрикрадэз утисьёслэн резервзы кылдытэмын вал. Россилэн но Белоруссилэн президентъёсыз куспын Белоруссилэсь 1 млрд доллар тыр тыриськонзэ рефинансировать карон сярысь тупанкыл гожтэмын вал.

СССР куашкам бере Армения но Азербайджан куспын 2020-тӥ арын кыкетӥез ожмаськон пуромиз. Азербайджан быгатӥз берланьтыны Нагорной Карабахлэн интывылаз пырись музъемъёссэ но Нагорной Карабахлэсь оглюкетсэ киултӥз. 44 нунал ӵоже кыстӥськись ожмаськон 9-тӥ шуркынмонэ йылпумъяськиз. Арменилэн премьер-министрез Никол Пашинян, Азербайджанлэн президентэз Ильхам Алиев но Путин вачевуонъяськись интывылын росси миротворецъёсты пуктон сярысь тупанкыл гожтӥзы.

Калыккуспо форумъёс

2015-тӥ арын куарусёнэ Путин 10 ар ӵоже нырысьсэ ООН-лэн Генеральной Ассамблеяезлэн сессияз Нью-Йоркын вераськиз. Вазиськоназ со «Ислам кунэн» нюръяськон понна паськытатэм антитеррористической коалиция кылдытыны дэмлаз.

2020-тӥ арын 23-тӥ толшоре Путин Иерусалимын ортчись Холокостэз буре ваёнлы сӥзем дунневыл форуме пыриськиз. ООН-лэн Кышкыттэмлыкъя Кенешаз пырись вить кунъёслэн кивалтӥсьёсыныз, огъя шуг-секытъёсты сэрттон-перчтчон вылысь, 2020-тӥ арын пумиськон ортчытыны дэмланэн вазиськиз.Коронавирус пандемия кутскемен, пумиськонэз ортчытыны ӧз кылды.

Быдэс президентлыкез ӵоже Путин трос пол пыриськылӥз «Азиатско-тихоокеанской экономической сотрудничестволэн» (АТЭС) саммитъёсаз, Шундыӝужанпал экономической форумъёсы, Евразийской экономической форумъёсы, ӵош ужанъя Шанхай организацилэн форумъёсаз, Коллективной кышкыттэмлыкъя кенешлэн форумъёсаз (ОДКБ), «Один пояс — один путь» форуме, Асэрико кунъёслэн дэменлыксылэн (СНГ) саммитъёсаз, Петербургысь калыккуспо экономической форуме, «Россия зовёт!» инвестициосъя форуме но мукет калыккуспо ужрадъёсы.

КНР, Азиатско-Тихоокеанской регион (АТР)

Украинаын кылдэм югдурлы луыса, Шундыпуксёнпалэн кусыпъёс сӧриськемен, Путин Росси Федерацилэсь палэнысь политиказэ «Шундыӝужан пала берыктыны» малпаз. Азиатско-Тихоокеанской регионысь кунъёс шундыпуксёнпал санкциосты шонертэмен лыдъямен, Россилэн ыштонъёсыз шӧдскымон ичиёмизы.

БРИКС кунъёслэн азьветлӥсьёссы 2017-тӥ ар

2012-тӥ арын коньывуонэ Путин «Газпромлы» газопроводлэсь проектсэ эскерыны косӥз, берло сое «Сила Сибири» шуыса нимазы. Нырысьсэ трубопровод кузя чагыр эстӥськон Китае 2019-тӥ арын 2-тӥ толсуре лэземын . «Восточная Сибирь — Тихий океан» трубопроводэз лэзем бере, Китае мувӧй кыскисьёс пӧлысь Россия тужгес кужмоез луиз, Саудовской Аравиез палэнтыса.

Россилэн Китаен вачеужзы оборонной техногиос удысын но азинскиз.

2022-тӥ арын Украинаын военной действиос кутскемен валче, Китай нейтралитет позициез бырйиз; Россилэсь выль асмосъёссэ признать ӧз кары; Россилы пумит санкциосы но ӧз пыриськы. 2023-тӥ арын тулыспалэ аслэсьтыз 12 пунктлэсь кылдытэм мирной планзэ дэмлаз.

2023-тӥ арын южтолэзе но коньывуон толэзе Москваын но Пекинын Путинлэн но Си Цзиньпинлэн вачевераськонзы ортчиз. Тулыс кык кивалтӥсьёс Уйпал зарезь сюреслэсь огъя ужан ёзэтсэ азинтон, «Сила Сибири — 2» газопроводэз пуктонлэн валтӥсь куронъёсыз, Россиысь Монголия пыр Китае вуттӥсь транспорт коридорез кылдытон пумысь кенешизы. Росси но китай азветлӥсьёс многополярной дунне кылдытон сярысь вераськизы но солэн шорсюлмыз США но Европа медаз луэ шуыса пусйизы.

Путинлэн 2024-тӥ арын президент луэмез бере, нырысетӥез кунсьӧр потанэз куартолэзе Китае радъямын вал.

Крымез Россиен валчеям бере Украинаен кусыпъёс

Крым Элькунэз но Севастополез Россиен огазеян сярысь огкыл гожтыку . Москва, Кремль, 2014-тӥ ар 18-тӥ южтолэзь

2014-тӥ арын 19-тӥ южтолэзе, Крымез Россиен валчеям бере мукет нуналаз, Путин Керченской мувис вамен Крымской выж ӝутон сярысь ужпум пуктӥз. Со мукожез Россиен огазеянлэн валтӥсь тодметэз луиз. 2018-тӥ арын 15-тӥ куартолэзе Крым выжлэсь машинаен ветлон люкетсэ сӥё-дано усьтон ужрадэ Путин ачиз пыриськиз. 2019-тӥ арын 23-тӥ толсуре чугун сюрес люкетэз усьтӥськиз.

2019-тӥ арын 11-тӥ пӧсьтолэзе, Украиналэн кичӧлтэмезъя Зеленский но Путин куспын нырысетӥез телефон пыр вераськон ортчиз

2019-тӥ арын 9-тӥ толсуре Парижын «нормандской четвёркалэн» саммитэз ортчиз. Со саммит улсын Путинлэн но Зеленскийлэн кыкпалъем пумиськонзы ортчиз.

2021-тӥ арын Россия США-лэсь но НАТО кунъёслэсь НАТО-лэсь шундыӝужан пала паськытамтэез но Украинаез НАТО-е пыртонэм, НАТО-лэсь висгожъёссэ 1997-тӥ арын пусъем висгожъёсы берланьтон но Россиен матын висгожъёс дуре ожтӥрлыксэ интыянтэм сярысь юридической гарантиос куриз. НАТО Россилэсь куронъёсызлы пумит луиз.

Владимир Путин Гостиной дворын Федерал Собранилы вазиськыкуз. 2023-тӥ ар 21-тӥ тулыспал

2022-тӥ арын 21-тӥ тулыспалэ Путин ДНР-ез но ЛНР-ез признать карон сярысь косэт гожтӥз. 24-тӥ тулыспалэ Специальной военной операциез кутскиз. 2024-тӥ арын 14-тӥ инвожое тыложез дугдытонлэсь валтӥсь мугъёссэ вераз но вачевуонэз тупатон вылысь, вачевераськонъёс нуыны дэмлаз. Россилэн куронъёсыз пӧлын: Донецк, Луганск Элькунъёсысь но Херсон но Запорожье улосъёсысь вань украин ожгарчиосты поттон; Украиналы нейтральной, внеблоковой но безъядерный инлык сётон, Украинаын демилитаризаци но денацификаци ортчытон; Крымез, Севастополез, ДНР-ез, ЛНР-ез, Херсон но Запорожье улосъёсты калыккуспо огкылъёсын россилэн интывылъёсыз шуыса признать карон; Шундыпуксёнпаллэсь Россилы пумит луись санкциоссэ палэнтон. СВО мынон вакытэ украин спецслужбаос трос пол росси президент вылэ урдскыны турттылӥзы. Ваньмыз со учыръёс дырыз дыръя палэнтэмын вал.

Росси ужбергатӥсьёсын кусыпъёс

КГБ-лэн дрезден резидентураяз ужан вакытэз 1980-тӥ аръёс пумын Путин эшъяськиз Николай Токаревен но Сергей Чемезовен.

2013-тӥ арын толсуре Путин 10 ар ӵоже пытсэт улын возем ужбергатӥсез Михаил Ходорковскийез эрике лэзиз.

2014-тӥ арын южтолэзе США «Россия» банклы пумит санкциос юнматӥз, сое Росси Федерациысь вылӥ интыужъёсын ужасьёслэн но бадӟым ужбергатӥсьёслэн «личной банксы» луэ но шонерак Путинэн герӟаськемын шуыса пусйизы (соос пӧлы пыртэмын: Геннадий Тимченко, вынъёс Аркадий но Борис Ротенбергъёс, Юрий Ковальчук).

Путинлэн кемалась эшъёсыз пӧлысь одӥгез ― виолончелист но ужбергатӥсь Сергей Ролдугин.

Курланъёс

Пӧртэм кунъёслэн прессаязы Путинлэн ӝегатскон сямыз вань шуыса пусъемын.

Росси президентэз Украинаын военной действиос кутскемен пыкылэм сяна, Польшалэн азьвыл премьерез Матеуш Моравецкий 2024-тӥ арын толшоре Express изданилы интервью сётыкуз, Путинлэн «бадӟым ресурсэз, стратегической мурдалаез, калыккуспо политикаын юн чиданлыкез» вань шуыса пусйиз.

2024-тӥ арын инвожое тодмо британ политик, Reform UK правой партилэн азьветлӥсез Найджел Фараж, росси президент сярысь малпанъёсаз Путин солы адями сямен уг кельшы, нош политик сямен данъяське шуыса пусйиз.

Коррупциен но выт тыронлэсь палэнсконэн нюръяськон

2006-тӥ арын президент Путин Россилэн нимыныз коррупцилы пумит ООН-лэсь Конвенцизэ гожтӥз. 2012-тӥ арысен коррупциен нюръяськонъя кӧня ке йӧскалык план гожтӥз. Президентлэн косэмезъя выльысь ӝутэмын вал коррупциен герӟаськем йыружъёс. Вылӥ интыужъёсысь чиновникъёсты кылкутытон улэ кыскон учыръёслэн лыдзы йылӥз.

2023-тӥ—2024-тӥ аръёсы Росси Федерациысь Обороная министерствоын коррупциен герӟаськем ужъёсты сэрттон-пертчон кутскиз. Со эскеронъёсъя дасо бадӟым адямиос интужъёсысьтызы палэнтэмын.

Калыккуспо уголовной судлэн обвинениосыз

2023-тӥт арын 17-тӥ южтолэзе Калыккуспо уголовной суд В. Путинэз но М. Львова-Беловаез пытсэтан сярысь ордер сётӥз. Судлэн тодэтъёсызъя Путин но Львова-Белова военной йыружын янгыше уськытэмын: соос Украинаен Россиен вачевуон дыръя, Украин интывылысь нылпиосты Росси Федерацилэн интывылаз поттӥзы.

Россия та обвиненилы пумит луэ, Калыккуспо уголовной судлэсь юрисдикцизэ шонертэмен лыдъя.

Улон, политика но вӧсьбур шоры учконэз

Дунневаланэз

Политологъёс но журналистъёс Владимир путинэз политической предпочтениосызъя консерваторъёс пӧлы пырто.

Философъёс но историкъёс пӧлысь Путин вераськоназ ӵемысь кутэ правой консерваторъёслэсь веранъёссэс, дунневаланзыя слолы тужгес матын луо: И. А. Ильин, К. Н. Леонтьев, Л. Н. Гумилёв, Н. А. Бердяев, Н. М. Карамзин, Д. И. Менделеев, В. С. Соловьёв. Путинлэн яратоно философъёсыз пылы политолъёс пырто И. А. Ильинэз.

Философ Мишель Ельчанинов Путинлэсь дунневаланзэ консерватизм, антизападнической теория но евразийство шуыса пусъе. Путинлэн дунневаланэз совето вакытлэн инъетэз вылын возиське.

Ачиз Путин 2011-тӥ но 2013-тӥ аръёсы ассэ «некоммунистической консерватор» но консерватизм ӧрысь прагматик шуыса нимаз. 2014-тӥ арын ассэ либералъёс пӧлы пыртӥз но «Россиысь тужгес бадӟымез националист» шуиз (2018-тӥ арын «тужгес шонерез но пайдалыкоез» шуыса ватсаз). Соин валче, Путин курлаз «Россия для русских» идеяез (2021-тӥ арын сое «пещерной национализмлэн» лозунгез шуиз). 2022-тӥ арын одӥгаз телеинтервьын Путин пусйиз, валтӥсез ужпум ― «ӟуч калыкез огазеян». 2016-тӥ арын солы социалистической малпанъёс кельшо, шуиз.

Путин сталинизмез демонизировать каронлы пумит луэ, озьы ке но, куд-ог критикъёс Путинэз сталинист шуыса нимало. Алексей Венедиктовлэн верамезъя, Путин сталинист ӧвӧл, ачиз Сталинэз уг яраты,ӟуч эксэйёс пӧлысь сӥлы каре Екатерина II. Озьы ик тодмо луэ Путинлэн Ленинэз 1922-тӥ арын, СССР-ез кылдытыку, вашкала ӟуч интывылъёсты Донбассэз, Харьковщинаез но Малороссиез Украин ССР-лы сётэмез но кунъёслы союзной государстволэсь люкиськыны эрик сётэмез понна. Озьы ке но, Горд площадьысь В. И. Ленинлэсь Мавзолейзэ ворсанлы пумит луиз.

Росси но совето история шоры учконэз

Владимир Путин «Бадӟым росси энциклопедиен» тодматскон дыръя

2013-тӥ арын Путинлэн кичӧлтэмезъя шоръёзо школаослы историяя дышетон книгаос кылдытыны кутскемын, отын истори ласянь ог-огзылы пумит луись веранъёс палэнтэмын луыны кулэ, шуиз президент Со дыщшетон книгаосъя росси историез дышетон 2016/2017-тӥ аръёсы кутскемын.

2005-тӥ арын СССР-лэнсь куашканзэ Путин XX даурысь тужгес бадӟымез геополитической катастрофа нимаз. Соку ик со, выль демократической Россиез кылдытон понна, мерлыкез огазеяськыны ӧтиз.

Октябрь революцилэсь азьветлӥсьсэ В. И. Ленинэз но солэсь ужъёссэ Путин исторической Россиез кауашкатэменыз пыкылӥз.

2019-тӥ арын толсур толэзе калыккуспо но росси форумъёсын Путин Кыкетӥ дунневыл ожлэн кутсконэз понна Шундыӝужанпал кыл кутыны кулэ шуыса вераськиз. Озьы ик Путин юн курлаз Европарламентлэсь резолюцизэ, кудаз сталинской коммунизм но нацизм огвыллемесь луо шуыса гожтэмын. Путинлэн малпамезъя, войналэн зэмос мугез со ― Версальской тупанкыллэн «кабальной условиосыз», кудъёсыз Германия понна «йӧскалык ултӥянлы» пӧрмизы, нош европа кунъёслэн политиказы вуоно войналы плацдарм кылдытӥз. Путин нимысьтыз курлаз Польшаез но солэн али кивалтэтэзлы азьлоез понна извинение курыны дэмлаз.

2022-тӥ арын 20-тӥ оштолэзе Путин Рюрик князлэн кылдэмез сярысь норман теориен соглаш кариськымтэзез сярысь вераз. Та темаен со президентлыкезлэн кутсконаз ик тунсыкъяськыны кутскиз.

Емельян Пугачёвлэн XVIII дауре ӝутӥськемзэ Путин Росси империлэн шор люкетэзлэн лябӟеменыз герӟа.

2023-тӥ арын толшоре Ленинград блокадалэн йылпумъяськемез дырысен 80 ар тырмонэз пусйыку, Путин блокадае немецко-фашистской войскоос гинэ ӧвӧл, мукет европа кунъёсысь ожгарчиос но пыриськизы шуыса тодэ вайытӥз, та сярысь, кусыпъёсты сӧронтэм вылысь, Россия татчыозь ӧз ик поттылы вал.

2023-тӥ арын сӥзьыл Путин Совето Союзлэсь 1956-тӥ арын Венгрие но 1968-тӥ арын Чехословакие ожгарчиоссэ пыртэмзэ янгышен лыдъяз.

Вӧсьбур шоры учконэз

2012-тӥ арын толшоре президент быръёнъёс азьын Путин, 1952-тӥ арын шуркынмонэ (Михайло нуналэ) Ленинградысь Спасо-Преображенской соборын пыртэмын шуыса мадиз.

Путин ӵемысь христианствоез коммунистической идеологиен ӵошатылӥз, солэн малпамезъя, Коммунизмез лэсьтӥсьлэн кодексаз валтӥсь дунлыкъёс сярысь — «эрик, вынлык, огъя луон, шонерлык» — «ваньмыз Священной писаниын верамын. Озьы ке но, социалист-утопистъёс ас ужазы та малпанъёслэсь палэнэ кожизы».

Путин Спасо-Преображенской Валаамской монастыре вуылыкуз архимандритэн Панкратиен (паллян паласез), 2001-тӥ ар 16-тӥ гудырикошкон

Путин ӵемысь пумиськылӥз патриарх Московский но всея Руси Алексий II но ялан пумиськылэ Московской патриархен Кириллэн, пыриське вӧсьбуро службаосы, вуылэ православной черкъёсы но монастырьёсы, богослужениос мыныку вӧсяське.

Путинлэн малпамезъя, "Россилэн вӧсьбурез но, ядерной щитэз росси кунлыкез юнмато но солэсь педпал лясянь но, пуш ласянь но кышкыттэмлыксэ утьыны луонлык кылдыто.

Публичной образэз

Владимир Путин Су-27 кабинаяз, 2000-тӥ арын президент кам панилэн люкетэз

2013-тӥ арын «Forbes» журналлэн арлы быдэ ортчытӥськись рейтингаз Путин дуннеысь тужгес кужмо муртъёс пӧлын нырысетӥ интые потӥз, Барак Обамаез кыкетӥ интые палэнтыса. 2014-тӥ арын выльысь нырысетӥ луиз, 2016-тӥ арын озьы ик азьпал радын сылӥз. «Росси президент ас кунэзлэсь кужымзэ дуннелэн котькуд сэрегозяз вуттӥз».

Ачиз сярысь 2015-тӥ арын «корт бурдо дыдык» шуиз, тужгес лэсянтэм сямъёс пӧлы пыртӥз алдаськонэз но тыро-пыдо тодымтэез. Дрезденын служить карыкуз, Путин эшъёсызлэсь таза улон сямъёсыныз висъяськиз, но 2018-тӥ арын сурез яратэмез сярысь шараяз, нош азьланяз, шуд усиз ке, аракы лэсьтон уж усьтонлы но пумит ӧвӧл.

Имиджевой акциос

Владимир Путин Футболэн шудонъя XXI Дунне Чемпионатэз усьтон дыръя

2008-тӥ арын 31-тӥ гудырикошконэ Путин Уссурийской заповеднике вуылӥз, отын со уссурийской тигръёсты утёнъя программаен тодматскиз.

Путин Лада Калиналэн руль сьӧраз «Амур» трасса вылын. 2010-тӥ ар

2010-тӥ арын 28-тӥ оштолэзе Путин Земля Франца-Иосифа архипелаге вуылыса, тӧдьы гондыръёслэсь улэмзэс чаклась тодосчиослэн экспедици ужъёсынызы тодматскиз. Одӥгезлы гондырлы чыртыяз GPS-ошет думыны быгатӥз.

2012-тӥ арын 5-тӥ куарусёнэ Салехард котырысь «Кушеват» орнитологической станциын Горд книгае пыртэм стерхъёсты утёнъя «Полёт надежды» проект улсын ортчись экспериментэ пыриськиз.

2018-тӥ арын гужем Путин Россиын ортчись Футболэн шудонъя XXI Дунне Чемпионатэз усьтӥз.

2019-тӥ арын пӧсьтолэзе Путин, Щ-308 «Сёмга» вуул лодкаын Быдӟым Атыкай ож вакытэ бырем зарезьчиосты буре ваён понна, батискафен Финской залив пыдсы васьказ.

Тунсыкъёсыз

Гурезь куасэн нискыланэз яратэ. Самбо но дзюдо спорт удысъёсын спортъя мастер. Ленинградлэн самбоя (1973) но дзюдоя (1975) чемпионэз, самбоя Россиысь сӥё-дано тренер (1998), «Труд» ЦС ДСО-лэн чемпионэз, СССР-лэн кубокезлэн призёрез, «Жальгирис» но «Калев» ДСО-лэн первенствоосын вормись, трос пол вузъёсын ортчись чемпионатъёсын вормылӥз. 1998-тӥ арысен Путин Санкт-петербургысь дзюдоя Явара-Нева спорт клублэн дано президентэз. 2014-тӥ арын Кёкусин-кан каратэ-до огазеяськонлэн калыккуспо комитетэз Путинлы Кёкусинкайлэсь тямысэтӥ данзэ сётӥз.

1999-тӥ арын Путинлэн Василий Шестаковен но Алексей Левицкийен ӵош дзюдолы дышетонъя — «Учимся дзюдо с Владимиром Путиным» книгазы потӥз. 2008-тӥ арын 6-тӥ коньывуонэ со книгалэн видеоватсэтэныз тодматон ортчиз.

Вольыт вераське немец кылын, тодэ англи кылэз.

• 

  Путин (бур паласез) Енисей шурын чорыгакуз, Монакоысь князен Альбер II (паллянысез) но Шойгу. Тыва, 2007-тӥ ар 13-тӥ гудырикошкон

• 

  Байк-шоуын аслаз Harley-Davidson-эныз. Севастополь, 2010-тӥ ар 24-тӥ пӧсьтолэзь

• 

  Путинлэн берпуметӥез пыдлёгетэзТокио, 2012-тӥ ар 19-тӥ оштолэзь

• 

  Уй хоккей лигалэн матчаз. Сочи, 2015-тӥ ар 16-тӥ куартолэзь

Ас улонэз

Семьяез

Владимир Путинлэн но Людмила Шкребневалэн сюанзы. 1983-тӥ ар

1983-тӥ арын 28-тӥ пӧсьтолэзе 30 аресъем Путин 25 аресъем Людмила Александровна Шкребневаен кузпалъяськиз.

2013-тӥ арын 6-тӥ инвожое «Россия-24» телеканалын интервью сётыкузы Владимир но Людмила Путинъёс ас мылкыдзыя люкиськемзы сярысь шара веразы. Люкиськон сярысь ужкагазъёс 2014-тӥ арын южтолэзе дасямын, шуиз Путинлэн пресс-секретарез Дмитрий Песков.

Нылпиосыз но внукъёсыз

Кык нылъёссы: Мария (вордӥськиз 1985-тӥ арын 28-тӥ оштолэзе Ленинградын) но Екатерина (вордӥськиз 1986-тӥ арын 31-тӥ гудырикошконэ Дрезденын) —кыксы ик Санкт-Петербургысь кун университетын (СПбГУ) дышетскизы ( 2003-тӥ арысен) — Мария — биолого-почвенной ёзэтаз, Катерина — восточнояз.

2012-тӥ арын 20-тӥ толсуре пресс-конференцияз Путин, кыкез ик нылъёсыз Москваын дышетско но, ужало но, шуыса ивортӥз.

2012-тӥ арын 15-тӥ гудырикошконэ Мария нылызлэн пиез вордӥськиз , 2017-тӥ арын инвожое кыкетӥез внукез вордӥськиз.

Ӵыжы-выжыез

• Песятаез — Спиридон Иванович Путин (1879—1965).
• Двоюродной выныз — Игорь Александрович Путин (вордӥськиз 1953-тӥ арын 30-тӥ южтолэзе Ленинградын), дышетскемезъя инженер, юрист, 24 ар ӵоже Ожтӥрлыко кужымъёсын служить кариз, собере кун службаын ужаз, 2013-тӥ арын «Мастер-банклэн» вице-президентэз но правлениезлэн ёзчиез.
• Двоюродной агаез — Евгений Михайлович Путин (1933-тӥ арын 25-тӥ тулыспалэ —2024-тӥ арын 10-тӥ южтолэзе), врач-уролог, Ивановоын ужаз.
• Двоюродной племянникез — Роман Игоревич Путин (вордӥськиз 1977-тӥ арын), «Группа компаний МРТ» ООО-лэн директоръёсызлэн кенешсылэн тӧроез, «МРТ-АВИА» компанилэн совладелецез.
• Двоюродной сузэрезлэн пиез — Михаил Шеломов. 2000-тӥ аръёсысен 2017-тӥ арозь «Совкомфлотлэн» Петербургысь офисаз валтӥсь ӧнерчи луыса ужаз. «Россия» банклэсь 8,4 % акциоссэ возе, 12,47 % «Согазлэсь» (2004-тӥ арысен), 100 % «СОГАЗ-недвижимостьлэсь» (2009-тӥ арысен) но 50 % «Игора драйв» компанилэсь.
• Двоюродной вынызъя племянникез — Михаил Путин. Дышетскемезъя эмчи, 2018-тӥ арын «Газпромлэн» тӧроезлэн воштӥсез луиз.

Табышез сярысь тодэтъёс

Путинлэн 2018-тӥ арын декларировать карем табышез 8,6 миллион манет тыр луиз. Декларациосъя, Путинлэн асваньбурез пӧлы пыре 77 м² квартира но 18 м² гараж, озьы ик 153,7 м² быдӟалаем квартираез вань на. Путинлэн кык ГАЗ М21 автомобилез, «Ниваез» но «Скиф» прицепез. Президентлэн 2019-тӥ арсыкын официальной табышез 9,7 миллион манет луиз, асваньбурез воштӥськытэк кылиз.

Тазалыкез

Путин Толсур богослужении 2018-тӥар

Путин тазалыко улонэз чакла, уг кыскы но котырысьтыз тамак кыскисьёсты курла. Аслаз эмчиезлэн Сергей Мироновлэн верамезъя, эмъюмъёслы уггес оскы но туж яратэ мунчоез. Секыт висён учыръёсы Шор клинической эмъяськонниын тазалыксэ юнматэ.

Россысь вылӥ кивалтӥсьёс пӧлысь арлыдызъя Путин ньылетӥез луэ — Росси Федерациысь Конституци судлэн тӧроез Валерий Зорькин, Россиысь Федераци Кенешлэн тӧроез Валентина Матвиенко но Россиысь кунсьӧр ужъёсъя министр Сергей Лавров бере.

Путин крещенской пылатонъёсын Селигерын, 2018-т9 ар 19-т 9 толшор

Резиденциез но ужан транспортэз

2000-тӥ арысен Путин ялан улэ Москвалы матын луись Ново-Огарёвоысь юртъераз. Озьы ик официальной президент резиденциосыз вань на: Санкт-Петербург котырын —Стрельняысь Константиновской дворец; Сочиын — Бочаров Ручей; Тверь улосын — «Русь» («Завидово» йӧскалык парклэн интывылаз); Валдай ты дурын — Долгие Бороды. Кремльын ужан квартираез вань.

Москваез мултэс пробкаослэсь мозмытон вылысь, Путин ужан дураз вертолётэн ветлэ. 2018-тӥ арозь ужан машинаез вал Mercedes Pullman, 2018-тӥ арын инаугурация дыръяз Путин нырысьсэ проектлэн выль росси лимузинэныз ортчиз. Президентлэн яланлыко самолётэз Ил-96, отын интыямын ужан но шутэтскон кабинетъёс, кенешон бӧлет но Ожтӥрлыко Кужымъёсын кивалтон пульт.

Путин лулчеберетын

Путинэз ӵемысь поттыло паськыт вӧлмем урам интернет-лулчеберетын. Солы сӥземын суредъёс, плакатъёс, кырӟанъёс, граффити, видеороликъёс но фильмъёс (соос пӧлын документальноез но вань), анекдотъёс но мукет. «Семнадцать мгновений весны» совето телефильмез эскерыса, киноведъёс Стивен Ловелл но Марк Липовецкий Путинэз Штирлицен ӵошато.

Филателиын

Гейдар Алиевен Азербайджанлэн почта маркаяз (2001)

В. В. Путинлы Россиысь куинь пӧртэм почта маркаос сӥземын, озьы ик Азербайджанлэн, КНДР-лэн, Либерилэн, Молдавилэн, Словакилэн, Словенилэн, Украиналэн но Узбекистанлэн почта маркаосыз.

Фильмография

• 2001 — «Путин. Високосный год». Владимир Путинлэн президентлыкезлэн нырысетӥ арез сярысь фильм.
• 2007 — «55» — Никита Михалковлэн Владимира Путинлэн прези дентлыкез сярысь документальной фильм. Возьматэмын Путинлэн 55 арес тырмонэзлы сӥзьыса.
• 2012 — фильм «Путин, Россия и Запад»
• 2015 — «Президент» — Владимир Соловьёвлэн росси быдэсметражъем документальной фильмез.
• 2015 — «Крым. Путь на Родину» — Андрей Кондрашовлэн быдэсметражъем росси документальной фильмез.
• 2015 — «Миропорядок» — Владимир Соловьёвлэн быдэсметражъем росси документальной фильмез.
• 2016 — «Украина в огне» — Игорь Лопатёноклэн быдэсметражъем американ документальной фильмез.
• 2017 — «Интервью с Путиным» — Оливер Стоунлэн ньыль сериен американ документальной фильмез.
• 2017 — «Большой, любимый, дорогой» — «Десятая муза» нылпи киностудилэн вакчиметражъем росси художественной фильмез.
• 2018 — «Валаам» — Андрей Кондрашовлэн росси документальной фильмез.
• 2018 — «Миропорядок 2018» — Владимир Соловьёвлэн росси быдэсметражъем документальной фильмез.
• 2018 — «Путин» — Андрей Кондрашовлэн быдэсметражъем росси фильмез
• 2018 — «Свидетели Путина» — Виталий Манскийлэн росси документальной фильмез.
• 2018 — «Дело Собчака» — Вера Кричевскаялэн росси документальной фильмез.
• 2019 — «В борьбе за Украину» — Игорь Лопатёноклэн быдэсметражъем американ документальной фильмез.
• 2020 — британ мини-сериал «Путин: история русского шпиона». Куинь сериен документальной фильм.
• 2024 — Tucker Carlson Network видеоплатформаез кылдытӥсен Такер Карлсонэн интервью.

Данъетъёсыз

• 2007-тӥ арын Time американ журнал Владимир Путинэз «Арлэн адямиез» нимаз.
• 2013-тӥ, 2014-тӥ, 2015-тӥ но 2016-тӥ аръёсы Forbes журналъя Путин дуннеысь тужгес влиятельной муртъёсын лыдметэз йыръяз.
• Росси но кунсьӧр академиослэн но университетъёслэн дано докторез луэ.
• Пётр Великий нимо Йӧскалык премилэн (2001), «За выдающуюся деятельность по укреплению единства православных народов» премилэн (2002), Андрей Первозванныйлэн «За веру и верность» премиезлэн (2004), Конфуций нимо дунне премилэн (КНР, 2011) лауреатъёсыз.
• 2024-тӥ арын тулыс Путинлэн нимыз сётэмын Чечен Элькунысь Гудермесысь Спецназлэн ӟуч университетэзлы.
• 2025-тӥ арын 19-тӥ–20-тӥ оштолэзе Санкт‑Петербургын ортчем Этноспортлэн VII Калыккуспо форумаз Росси Федерацилэн Президентэз Владимир Путин азьветлонлыкез понна Этноспортлэн дунневыл федерациезлэн премиезлэн лауреатэз луиз.

Воинской званиез но классной чинэз

• Запасысь полковник (1999-тӥ ар)
• Росси Федерациысь 1-тӥ классъем действительной кун советник (1997-тӥ арын 3-тӥ оштолэзе)

Библиография

• Путин В. В. Стратегическое планирование воспроизводства минерально-сырьевой базы региона в условиях формирования рыночных отношений (Санкт-Петербург и Ленинградская область): дисс. … канд. экон. наук. — Санкт-Петербург, 1997. — 218 с.
• Путин В. В. Избранные речи и выступления. — М.: Книжный мир, 2008. — 471 с.
• Путин В. В. Прямая речь. — М.: Звонница-МГ, Новый ключ, 2016. — Т. 1—3. — 1000 экз.
• Путин В. В. Россия на рубеже тысячелетий // Независимая газета. — 1999. — 30 декабря.
• Владимир Путин Почему трудно уволить человека // Русский пионер. — 2009. — 16 июня.
• Путин В. В. Россия сосредотачивается — вызовы, на которые мы должны ответить // Известия. — 2012. — 16 января.
• Путин В. В. Россия: национальный вопрос // Независимая газета. — 2012. — 23 января.
• Путин В. В. О наших экономических задачах // Ведомости. — 2012. — 30 января. — № 15(3029)
• Путин В. В. Демократия и качество государства // Коммерсантъ. — 2012. — 6 февраля. — № 20/П (4805)
• Путин В. В. Строительство справедливости. Социальная политика для России // Комсомольская правда. — 2012. — 13 февраля.
• Путин В. В. Быть сильными: гарантии национальной безопасности для России // Российская газета. — 2012. — 20 февраля. — № 35(5708)
• Putin V. A Plea for Caution From Russia // The New York Times. — 2013. — September 11.
• Wladimir Putin Offen sein, trotz der Vergangenheit // ZEIT ONLINE.
  22. Juni 2021

Валэктонъёс