1-тӥ коньывуон — Григориан дырпусъя — арлэн 274-тӥ нуналыз (касьян аре — 275-тӥез). Ар пумозь 91 нунал кылемын.
☀️ Ижкарын Шунды 6 час 40 минутэ ӝужа, пуксе 18 час 14 минутэ. Югыт нуналлэн кыстӥськемез 🕒 11 час 34 минут.
🌖 Синӥсь Толэзь (будэмез 19.31 нунал).
Нунал тодметъёс
- Легезясь Ариналэн нуналыз (ӟуч: Арина Шиповница). Туннэысен легезьпу мульы толалтэлы дасяны кутско ини. Вашкала мадёсъёсъя, Арина, пе, туриосты кузь сюрес вылэ келя, юрттэ но уте соосты. Лобем беразы инбамез тулысозьлы тунгона, пе. Нош туриос тулыс выльысь мед берытскозы шуыса, бӧрсязы «Сюресты питран мед луоз» шуыса кеськоно, шуо.
- Туннэ нуналъя учко, кыӵе куазь луоз 1-тӥ оштолэзе.
- Туннэ нуналозь кызьпу куар усемын ӧвӧл на ке — толалтэ гань-гань луоз.
- Тылобурдоос татчыозь шуныт палъёсы кошкемын ӧвӧл на ке — 2-тӥ шуркынмонозь уз на кезьытскы.
Нимнуналзэс пусъё
- Aлeкceй, Apиaдна, Иpина, Coфия, Apкaдий, Cepгeй, Миxaил, Кoнcтaнтин, Ивaн, Илapиoн, Влaдимиpa, Вeниaмин, Бopиc.
Гавгамелы котырын ожмаськон
Праздникъёс но буре ваён нуналъёс
Йӧскалык праздникъёс
- Россия
Россия — Музъемвыл войскоослэн нуналзы.
- Китай
Китай — Элькунлэн нуналыз.
- Нигерия
Нигерия — Асэриклык басьтон нунал, (1960).
Тумошо праздникъёс
- Кофелэн калыккуспо нуналыз.
- Вегетарианстволы сӥзем калыккуспо нунал.
- Почта открыткалэн кылдон нуналыз.
- Енотъёсты утёнлы сӥзем калыккуспо нунал.
Луэм учыръёс
Удмуртиын
- 1918 — Горд армия тӧдьы бугыръяськисьёслэсь Эгра черкогуртэз мозмытӥз.
- 1922 — Кун утетъя удмурт областной управление (Облгосстрах) кылдытэмын.
- 1934 — Удмуртиын вирез переливать карон станция кылдытэмын.
- 1938 — Можгаын усьтэмын нянь пыжон комбинат.
- 1940 — Ижкарын Валтӥсь архитекторлэн управлениез кылдытэмын.
- 1944 — Камбаркаысь литейно-механической заводлэн инъет вылаз Камбаркаысь машина лэсьтон завод кылдытэмын.
- 1950 — Глазовын нылпиослы крезьгуро школа усьтэмын.
- 1962 — Сарапул карын Ижысь механикая институтлэн ӝыт филиалэз усьтэмын.
- 1966 — Ижысь механикая институтлэн «Механик» газетэз потыны кутскиз, Удмуртиысь вылӥ дышетсконниос пӧлын нырысетӥез.
- 1970 — Ижысь электромеханической заводлэн эмъяськон юртэз усьтэмын.
- 1981 — Чурысь силикат борддор материал поттӥсь завод нырысетӥ продукцизэ сётӥз.
- 1992 — Ижын Маммологической центр усьтӥськиз.
- 1990 — «Иднакар» газетлэн удмурт кылын нырысетӥ номерез потӥз.
- 2002 — Нырысьсэ эфире потӥз «Мынам Удмуртие» телекомпания.
Россиын но дуннеын
Москваысь сатирая академической театр
- 331 асьме вапумлэсь азьпал — Александр Македонский Гавгамелы дорын ожмаськонын Перси кунэз вормиз.
- 1795 — Нидерланды Франциилэн пушпӧлаз пыртэмын.
- 1847 — Вернер фон Сименс (Ernst Werner Siemens) вынъёс но Иоганн Гальске (Johann Georg Halske) «Telegraphenbauanstalt Siemens & Halske» фирмаез инъязы, али со «Siemens AG» нимын тодмо луэ.
- 1879 — Карл Вейпрехтлэн кичӧлтэмезъя Гамбургын усьтӥськиз нырысетӥез Калыккуспо полярной конференция.
- 1880 — инъямын Браззавиль, Францилэн Конго колониезлэн шоркарез.
- 1881 — Франциын футболъя «Бордо» клуб кылдытэмын.
- 1895 — Франция Мадагаскарез киултӥз.
- 1904 — Кругобайкальской чугун сюрес кузя поездъёслэн мынон-ветлонзы усьтэмын.
- 1924 — Мускоын Сатирая театр усьтӥськиз.
- 1926 — Киевын Операя но балетъя театр усьтӥськиз.
- 1929 — СССР революционной календаре выжиз.
- 1930 — Муско Кремльын Чудов монастырь пуштытэмын.
- 1931 — Харьковысь С. Орджоникидзе нимо трактор лэсьтон заводлэн конвейерысьтыз нырысетӥез трактор васькиз.
- 1946 — йылпумъяськиз Нюрнберг процесс.
- 1949 — Китай Калык Республикаез кылдытон сярысь ялэмын.
- 1960 — конвейерысь васькиз нырысетӥез «Запорожец».
- 1964 — дуннеысь нырысетӥез вылӥ ӝоглыко магистраль усьтэмын.
- 1977 — Пелелэн люкиськон матчез ортчиз.
- 1979 — Панамаысь каналлэн зонаез Панамалы сётэмын.
- 1988
- СССР-ысь футболъя сборной командаез, бразилецъёсты 2:1 лыдын вормыса, олимпи чемпион луиз.
- Эстониысь калык фронт кылдытэмын.
- 1992 — Россиын приватизаци сертификатъёсты — ваучеръёсты — сётон кутскиз.
- 1994 — Палау шормуӵъёс (Океания) эрико кун луизы.
- 1997 — совето паспортъёсты Росси Федерациысь гражданинлэн паспортэзлы воштон ужрад кутскиз.
Вордӥськизы
Удмуртиысь тодмо муртъёс
- 1927 — Александр Татаринцев, Удмуртиысь дышетӥсь, литературатодосчи, фольклорист но шаерчи.
- 1937 — Леонид Крекнин, Ижысь инженер-механик.
- 1953 — Владимир Некрасов, инженер-архитектор, Ижкарысь валтӥсь архитектор (2002—2011).
- 1959 — Андрей Ведерников, Ижысь спортсмен, велоспортъя мастер.
Россиысь но дуннеысь тодмо муртъёс
- 1754 — Павел I, ӟуч император.
- 1881 — Уильям Боинг, Америкаысь авиаконструктор.
- 1924 — Джимми Картер, США-лэн 39-тӥ президентэз (1977—1981).
- 1956 — Тереза Мэй, Великобританиысь политик, Огазеяськем королевствоысь премьер-министр.
- 1975 — Чулпан Хаматова, Россиысь актриса.
Надежда Плевицкая, ӟуч кырӟась
Кулӥзы
Удмуртиысь тодмо муртъёс
- 1981 — Алексей Грозин, Удмуртиысь ӟуч драмая театрысь актёр (1952-тӥ арысен 1973-тӥ арозь).
Россиысь но дуннеысь тодмо муртъёс
- 1864 — Хуан Флорес, Эквадорлэн нырысетӥ президентэз.
- 1940 — Надежда Плевицкая (ворд. 1884), ӟуч кырӟась, калык кырӟанъёсты но романсъёсты быдэстӥсь.
- 2018 — Шарль Азнавур, Франциысь армян выжыё актёр но кырӟась.
ООН — Арлыдоослэн калыккуспо нуналзы.
ЮНЕСКО — Крезьгурлэн калыккуспо нуналыз.
