Арлыдоослэн калыккуспо нуналзы
| Арлыдоослэн калыккуспо нуналзы | |
|---|---|
.jpg) | |
| Дырыз | 1-тӥ коньывуонэ |
 Медиафайлъёс РувикиМедиа пушкын | |
Арлыдоослэн калыккуспо нуналзы (ӟуч: Международный день пожилых людей (международный день престарелых) (ООН-лэн мукет официальной кылъёсаз: англ. International Day of Older Persons, араб اليوم الدولي للمسنين, исп. Día Internacional de las Personas de Edad, кит. 国际老年人日, фр. Journée internationale pour les personnes âgées ) — пусйиське 1991 арысен арлы быдэ 1-тӥ коньывуонэ. Ялэмын вал ООН-лэн Генеральной Ассамблеяезлэн 45-тӥ сессияз (1990 арын 14-тӥ толсуре поттэм A/RES/45/106 номеро Резолюциын) пересьёслэн калыккуспо нуналзы нимын. Берлогес, ООН-лэн ӟуч кылын гожтэм ужкагазъёсаз Арлыдоослэн калыкуспо нуналзы шуыса гожтэмын.
Резолюциын ООН-лэн Пересьмон ужпумъёсъя Целевой фондаз взносъёслэн кулэсмонзы но дуннеын улӥсьёслэн ӝог пересьмонзы сярысь пусъемын, озьы ик арлыдоос азинскон процессэ бадӟым ваёс кельтыны быгато шуыса верамын.
Генеральной Ассамблея кивалтэтъёсты но мукет огазеяськонъёсты Пересьмон ужпумъёсъя Целевой фондэ взносъёс пыртылыны дэмлаз.
1-тӥ коньывуонэ арлыдоослэсь эрикрадъёссэс утён ужпумъёсын герӟаськем пӧртэм фестивальёс, конгрессъёс но конференциос ортчыло. Мерлыко огазеяськонъёс но фондъёс благотворительной акциос радъялляло.
Арлыдоослэн нуналзылы сӥзем темаос аръёсъя
- 2021 — «Цифровой равенство вань арлыдъемъёс понна»
- 2020 — «Воштӥз-а пандемия асьмелэсь арлыд но пересьмон шоры учконмес?»
- 2019 — «Арлыдо равенство дорозь вуон сюрес»
- 2018 — «Тодэ ваём тужгес тодмо адями эрикрадъёсты утисьёсты»
- 2017 — «Вуоное пырон: арлыдоослэсь быгатонлыкъёссэс, ваёсъёссэс но пыриськемзэс уже кутон»
- 2016 — «Арлыдоосты ултӥян сярысь тодэтъёсты вӧлмытон»
- 2015 — «Арлыдоос понна городъёслэн ӝутӥськемзы но усьтӥськемзы»
- 2014 — «Нокинэ мышкамы кельтоно ӧвӧл»
- 2013 — «Вуоноез, кудӥз асьмелы кулэ: мар сярысь верасько арлыдоос»
- 2012 — «Кема улон: вуонозэ кылдытон»
- 2011 — «Мадрид +10: пересьмонэн герӟаськем ужпумъёсты но луонлыкъёсты паськытатон»
- 2010 — «Арлыдоос но Сюрсарлэсь азинскон ужпумъёссэ быдэстон»
- 2009 — «Мерлык вань арлыдъемъёс понна»
- 2008 — «Арлыдоослэн эрикрадъёссы»
- 2007 — «Пересьмонэн герӟаськем ужпумъёсты быдэстон но луонлыкъёсты кутон»
- 2006 — «Арлыдоослэсь улон югдурзэс тумоятон: ООН-лэн глобальной стратегизэ азинтыны юрттон»
- 2005 — «Пересьмонэн герӟаськем шуг-секытъёс выляз сюрсарын: саклык висъяно куанерлыклы, арлыдо кышноослы но азинсконлы»
- 2004 — «Арлыдо муртъёс, выжыосын вачекусыпъяськон вылын инъям мерлыкын»
- 2003 — «Арлыдын герӟаськем ужпумъёсты вӧлмытон: Сюрсарлэн Декларацияз пусъем Мадридысь пересьмон ужпумъёсын герӟаськем калыккуспо планэн но азинскон удысысь ужпумъёсын кусыпъяськон»
- 2002 — «Пересьмон ужпумъёсты эскерон: мар карыны луэ туннэ?»
Россиын
Россиысь Вылӥ Кенеш 1992-тӥ арын «Арлыдоослэн шуг-секытъёссы сярысь» нимысьтыз Пуктэт кутӥз. Отын ООН-лэн дэмланъёсыз вылэ пыкъяськыса, 1-тӥ коньыву)он Арлыдоослэн нуналынызы ялэмын. Со Пуктэтын ик та нуналэ нимысьтыз арлыдоос понна ужрадъёс ортчытон но та нуналэз радъясь ӧри кылдытон сярысь гожтэмын.
Шӧдон-валан
Пересьмон ужпумъёс борды эмъяськон ласянь саклыкез кыскон понна 1-тӥ коньывуонэКема улонлэсь калыккуспо нуналзэ пусйыны дэмлан вань[1][2][3][4][5].
Валэктонъёс
- ↑ October 1st is International Longevity Day Fight Aging!.
- ↑ Ilia Stambler Celebrations of the International Longevity Day around the World
- ↑ International Longevity Day Huntington University.
- ↑ ILA announces the call for the Longevity Activism Prize
- ↑ José Luis Cordeiro Día Internacional de la Longevidad [испан] El Universal. — [Международный день долголетия].
Чӧлсконъёс
- На сайте ООН
- Резолюция № A/RES/45/106
- Послание Генерального секретаря ООН в 2006 году
- Послание Генерального секретаря ООН по случаю Международного дня пожилых людей в 2014 году
- Постановление Президиума Верховного Совета РФ
Архивная копия от 22 куарусёнэ 2017 на Wayback Machine