20-тӥ южтолэзе
20-тӥ южтолэзь — Григориан дырпусъя — арлэн 79-тӥ нуналыз (касьян аре — 80-тӥез). Ар пумозь 286 нунал кылемын.
☀️ Ижкарын Шунды 6 час 21 минутэ ӝужа, пуксе 18 час 32 минутэ. Югыт нуналлэн кыстӥськемез 🕒 12 час 10 минут.
🌖 Синӥсь Толэзь (будэмез 20.39 нунал).
|
||||||||||||||||||||||||||||||||||||||||||||||||||
| 2025-тӥ ар | ||||||||||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Сьӧлыкез куштон нунал. Калык верамъя, Обыда, пе, туннэ кошке. Туннэ шуг-секытъёсты тодэ вайылыны яке уродэз сярысь малпаськыны уг яра. Туннэ уен нунал ӵошало.
- Туннэ куазь шуныт ке ― гужем пӧсь луоз.
- Туннэ ваёбыжез адӟон — умойлы.
- Туннэ куазь пилемо но тӧло ке ― гужем сӥялэс луоз. Сайкыт ке ― гужем но пӧсь, шундыё луоз.
- Туннэ тылобурдоос шуныт палъёсысь вуэмын ни ке ― кезьытъёс уз ни берытске.
Нимнуналзэс пусъё
- Анна, Антонина, Василий, Григорий, Евгений, Евдокия, Екатерина, Емельян/Емилиан, Ефрем, Капитон, Ксения, Лаврентий, Мария, Матрона, Надежда, Нестор, Николай, Нил, Павел.
Праздникъёс но буре ваён нуналъёс
ООН — Шудлэн каллыккуспо нуналыз- Астрологилэн калыккуспо нуналыз.
Тунис — Эриклык басьтон нунал.
Япония — сяськаясь сакуралэн нуналыз.- ООН — ООН-ын француз кыллэн нуналыз.
- Музъемлэн нуналыз.
- Эбеклэн но ӟольгырилэн калыккуспо нуналзы.
- Пужей вордӥсьёслэн но тундраын ужасьёслэн нуналзы.
Пичи Пургалась черк
Луэм учыръёс
Удмуртиын
- 1991 — Пичи Пургаысь централизованной библиотечной система кылдытэмын.
- 1993 — Удмурт Элькунысь еврей культурая мер кылдытэмын.
- 1938 — Удмурт республикаысь бакча емышъёслэсь но картофкалэсь кидыссэс поттонъя, дасянъя но келянъя «Сортсемовощ» огазеяськон кылдытэмын.
Россиын но дуннеын
.jpg)
- 44 ар асьме вапумлэсь азьпал — Гай Юлий Цезарез ватыку, рим консул Марк Антоний калык азьын Цезарьлэсь завещанизэ шараяз. Отын Цезарь апаезлэсь пизэ Гай Октавиез аслыз басьтӥз но бӧрысьчи кариз шуыса гожтэмын.
- 321 — рим император Константин I Великий арня нуналэз праздник карыны косӥз.
- 1535 — Елена Глинскаялэн кичӧлтэмезъя Россиын вуж коньдон выленыз воштэмын.
- 1792 — Франциысь йӧскалык ӧтчамын гильотинаез кутон умоен лыдъямын.
- 1815 — Наполеон Бонапарт Эльба шормуӵысь пытсэт улысь берен Париже берытскиз. «Сю нунал ӵоже кивалтонлэн» кутсконэз.
- 1833 — нырысьсэ быдэсак поттэмын «Евгений Онегин» роман.
- 1854 — США-ын республиканской партия кылдытэмын.
- 1888
- Москваын нырысетӥ чиган оперетталэн премьераез ортчиз.
- Петербургын нырысьсэ калык азьын шудӥз «Балалайкаен шудыны яратӥсьёслэн кружоксы» (Али — Василий Андреев нимо ӟуч академической калык оркестр).
- 1912 — Санкт-Петербургын нырысьсэ лэземын югыт тылын пиштӥсь реклама пуктыны.
- 1917 — РоссиысьОгдырлыко Кивалтэтлэн Косэтэзъя, вань императорской театръёс "кун театр" шуыса нимаськыны кутскизы. Императорлэсь вань портретъёссэ утялтыны косэмын. Империлэсь вань пусъёссэ — куштыны.
- 1919 — Мускоын Совето власть но Пичи Башкирилэн Кивалтэтэз куспын Советской Автономной Башкирия сярысь огкыл гожтэмын.
- 1921 — Канзас-ситиын прокатэ поттэмын Уолт Диснейлэн нырысетӥ мультфильмез.
- 1930 — МВТУ-ысь аэромеханической факультетлэн инъет вылаз Вылӥ аэромеханической училище кылдытэмын, берлогес Московский авиационный институт каремын.
- 1937 — Москва шур вамен Смоленской метромост но «Киевской» метро станци усьтэмын.
- 1992
- юнматэмын Росси Федерацилэн Героез ним.
- 20-21 южтолэзе Киевын СНГ-ысь азьветлӥсьёслэн нырысетӥ пумиськонзы ортчиз.
- 1995 — синкретической экстремизмо «Аум Синрикё» секта Токио метроын заринэн газовой атака ӝутӥз.
- 2003 — Ирак ожлэн кутсконэз.
- 2015 — Уйпал полушариын шунды ӵоктаськон пусъемын.
Вордскизы
Удмуртиысь тодмо муртъёс
- 1918 — Василий Петровский, Удмуртиысь филолог, Быдӟым Атыкай оже пыриськись.
- 1935
- 1943 — Владимир Владыкин, удмурт этнограф но гожъясьчи.
- 1948 — Тахир Даутов, Удмуртиысь инженер-механик, «Ижнефтемаш» заводлэн директорез (1992-2008).
- 1957 — Анатолий Романов, удмурт врач-травматолог, медицина тодосъя кандидат.
- 1962 — Юрий Лобанов (Кучыран Юри), тодмо удмурт суредась, Удмуртилэсь куншетсэ но кунпуссэ кылдытӥсь.
Россиысь но дуннеысь тодмо муртъёс
- 43 асьме вапумлэсь азьпал— Публий Овидий Назон, Вашкала Римысь кылбурчи.
- 1632 — Иван Мазепа, Украинаысь гетман (1687—1708).
- 1811 — Наполеон II, француз императорлэн Наполеон I-лэн пиез но бӧрысьчиез.
- 1905 — Вера Панова, ӟуч совето гожъясьчи.
- 1968 — Екатерина Стриженова, Россиысь актриса но телеведущая.
- 1976 — Честер Беннингтон, Америкаысь рок крезьгурчи, «Linkin Park» группаысь кырӟась.
- 1984 — Фернандо Торрес, Испаниысь футболэн шудӥсь, Европаысь но дуннеысь чемпион.
Кулӥзы
Удмуртиысь тодмо муртъёс
- 1997 — Андрей Бутолин, удмурт кылбурчи, драматург, журналист, литературатодосчи, критик, кун ужась, УАССР-ысь калыкез дышетонъя министр (1951-1956).
Россиысь но дуннеысь тодмо муртъёс
- 1894 — Лайош Кошут, революционер, Венгер революция дыръя Венгрилэн премьер-министрез но Азьмуртэз.
- 1898 — Иван Шишкин, тодмо ӟуч художник-пейзажист, суредась, гравер-аквафортист, академик.
- 1925 — Джордж Керзон, Англиысь публицист но кун ужась.
- 1929 — Фердинанд Фош, Франциысь маршал (1918), Великобританиысь фельдмаршал (1919), Польшаысь маршал (1923), Француз академилэн ёзчиез (1918).
- 1990 — Лев Яшин, совето футбольной вратарь.