Елесина, Алевтина Александровна

Алевтина Елесина
Ачиз сярысь ивортон
Пол	кышномурт[d]
Быдэс нимыз	Алевтина Александровна Елесина
Кун	Россия
Удысэз	куасэн ӵошатсконъёс (B3)
Клуб	«Родник»
Вордӥськем дырыз	22-тӥ гудырикошконэ 1954({{padleft:1954|4|0}}-{{padleft:8|2|0}}-{{padleft:22|2|0}})
Вордӥськем интыез	Выль Юбера[d], Можга ёрос, Удмурт Автономной Советской Социалистической Республика
Кулэм дырыз	20-тӥ южтолэзе 2026({{padleft:2026|4|0}}-{{padleft:3|2|0}}-{{padleft:20|2|0}}) (71 год)
Кулэм интыез	Екатеринбург, Россия
Медальёсыз Куасэн бызьылонъёс Тол Паралимпийской шудонъёс Зарни Тинь 1992 5 иськеме Азвесь Тинь 1992 10 иськеме Зарни Лиллехаммер 1994 5 иськеме эрико амалъя Азвесь Лиллехаммер 1994 5 иськеме классика Азвесь Лиллехаммер 1994 10 иськеме классика Туй Лиллехаммер 1994 3x2,5 иськеме усьтэм эстафета Кун но ведомствоя данъетъёс

Алевти́на Алекса́ндровна Еле́сина (22-тӥ гудырикошконэ 1954, Выль Юбера^[d], Можга ёрос, Удмурт Автономной Советской Социалистической Республика — 20-тӥ южтолэзе 2026, Екатеринбург) — росси куасчи, кык полэс паралимпийской чемпионка, Паралимпийской шудонъёсты трос пол вормись, Европаысь чемпионка, Россиысь уно пол чемпионка. Россиысь ляб адӟись спортсменъёс пӧлын куасэн бызьылонъя спортъя дано мастер.

Улон сюресэз

Вордӥськиз 1954-тӥ арын 22-тӥ гудырикошконэ Можга ёросысь удмурт Выль Юбера черкогуртын.

Алевтина Елесина улонысьтыз бадӟым люкетсэ ортчытӥз Свердловск улосын. Вылӥ Пышмаысь ляб адӟисьёслы школаын дышетскиз, отӥяз массажистка луыса Свердловскысь Калинин нимо заводысь поликлиникае интыяськиз.

Куасэн бызьылыны ӧдъяз 33 аресказ. Григорий Смольников тренерез нырысьсэ кужымзэ возьматыны косыкуз, со мырдэм кык иськем кузьда сюресэз вормиз. Но кык ар ортчыса, 1989-тӥ арын, Алевтина Елесина СССР-ысь ляб адӟисьёс пӧлын чемпионка луиз, сое кунысь куасэн бызьылонъя сборное пыртӥзы.

1991-тӥ арын Италиын ортчем чемпионатын со кык зарни медаль утӥз, собере сое огазеям командалэн сборнояз Франциын 1992-тӥ арын радъяськоно Паралимпийской шудонъёсы пыриськон вылысь кутӥзы, сборное СССР-ысь азьвыл республикаосысь спортсменъёс шедизы .

1992-тӥ арын Тиньын ортчем тол Паралимпийской шудонъёсын 5 иськеме куасэн бызьылонъёсын вормиз, 10 иськеме дистанциын азьвесь призёр луиз.

Кык ар ортчыса, Лиллехаммерын ортчем Паралимпиадаын данъян пьедесталэ ньыль пол ӝутскылӥз: 5 иськеме эрико амалъя ӵошатсконын вормиз, 5 но 10 иськеме классика амалъя бызьылонъёсын азьвесь медальёсты утӥз, 3x2,5 иськеме эстафетаын туй вормиз.

Сочиын 2014-тӥ арын ортчем тол Олимпи шудонъёслэн олимпи тыллэн эстафетаяз пыриськиз.

Берло аръёссэ Алевтина Елесина Екатеринбургын улӥз. Нуныкайёссэ нодъянэн-будэтонэн выриз. Улонысь кошкиз 2026-тӥ арын 20-тӥ южтолэзе 71 аресказ. Люкиськон ужрад ортчиз 25-тӥ южтолэзе Екатеринбургын.

Данъетъёсыз

• «Батырлыко луэм понна» (ӟуч: За личное мужество) орден (1994);
• Россиысь спортъя дано мастер (1992).

Валэктонъёс

Чӧлсконъёс

• Сносила лыжи «до дыр» [ӟуч]