23-тӥ южтолэзь — Григориан дырпусъя — арлэн 82-тӥ нуналыз (касьян аре — 83-тӥез). Ар пумозь 283 нунал кылемын.
☀️ Ижкарын Шунды 6 час 15 минутэ ӝужа, пуксе 18 час 39 минутэ. Югыт нуналлэн кыстӥськемез 🕒 12 час 23 минут.
🌒 Егит Толэзь (будэмез 4.49 нунал).
Нунал тодметъёс
- Тудву гулбече медаз пыры шуыса, туннэ корка котыртӥ лымыез гудо. Та нуналэ музъемен вырыны уг лэзё. Туннэ мерттэм маке уз поты, шуо.
- Туннэ инмын лыз пилемъёс вань ке — куазь шуныт кариськоз, зороз.
- Туннэ тӧло но кезьыт ке — кезьытъёс кӧня ке нунал возиськозы на.
- Ӟольгыриос ӵукнаысен ӵашето, огазе люкасько ке — куазь уродмоз.
- Куака нырзэ ватэ ке — кезьытскоз.
- Туннэ гудыртӥз ке — ю-нянь удалтоз.
- Туриос вуэмын ни ке — тыметъёсын йӧ ӝоген шунаса быроз.
Нимнуналзэс пусъё
- Анастасия, Василиса, Виктор, Викторин, Галина, Георгий, Дмитрий, Дионисий, Иван, Клавдий, Кодрат, Крискент, Киприан, Леонид, Марк, Михаил, Никифор, Ника, Павел, Папий, Руфин, Серапио, Феодора.
Праздникъёс но буре ваён нуналъёс
- ООН
ООН (ВМО) — Метеорологилэн дунневыл нуналыз.
- Россия
Россия — Гидрометеорологи ёзэсын ужасьёсдлэн ӧнер нуналзы.
Боливия — Зарезьлэн нуналыз.- Тунаськонлэн калыккуспо нуналыз.
Луэм учыръёс
Удмуртиын
- 1991 — Ижкарын Удмурт Элькунысь бигеръёслэн мер центрзы кылдытэмын.
- 1993 — Удмурт шоркарын нылпи эктонъёсъя «Розовый слон» театр кылдытэмын.
- 1995 — Воткалан нырысьсэ ортчытэмын егит крезьгурчиослэн «На родине Петра Ильича Чайковского» нимо улоскуспо вожвылъяськонзы.
Крезьгурчи Георг Фридрих Мендель
Россиын но дуннеын
- 1324 — Иоанн XXII (римской папа) Священной Римской империлэсь императорзэ Людовик IV черклэсь палэнтӥз.
- 1841 — Лондонын Ричард Биэрд Европаын нырысетӥ фотоателье усьтӥз. Ар талэсь азьвыл со выллем ужъюрт Александр Уолкот Нью-Йоркын кылдытӥз вал.
- 1876 — ӟуч инженер Павел Яблочков электро лампалы (Свеча Яблочкова) патент басьтӥз.
- 1891 — Англиын кунлэн Уйпал но Лымшор сборной командаосыз куспын матч азьын футбол воротаосы нырысьсэ сетка ошемын вал.
- 1951 — Атлантической океанын чиптэм-чаптэм ышиз американ ВВС-лэн Douglas C-124 Globemaster самолётэз.
- 1956 — Пакистан нырысетӥ ислам республикаен ялэмын.
- 1966 — Римын 400 ар ӵоже нырысьсэ официально пумиськизы Римский папа но Архиепископ Кентерберийский.
- 1983 — Совето Союзлэн космической ультрафиолетовой «Астрон» телескопез лэземын.
- 1983 — США-лэн азьмуртэз Рональд Рейган Стратегической оборонной инициатива (СОИ) кылдытыны кичӧлтонэн потӥз.
- 1994 — Междуреченск котырын «Аэрофлот — Российские авиалинии» компанилэн A310 самолётэз шуккиськиз.
- 2001 — Чус океанлэн лымшорпал люкетаз «Мир» орбитальной станция выйтэмын.
- 2019 — Казахстанлэн шоркарез Нур-Султан шуыса нимамын (2022-тӥ арын 17 шуркынмонысен нимыз выльысь Астана каремын).
- 2021 — Суэцкой каналын «Эвер Гивен» контейнеровоз шуэрес учыре шедиз.
Вордскизы
Удмуртиысь тодмо муртъёс
- 1926 — Роберт Токмурзин, Удмуртиысь дышетӥсь, шаерчи но журналист.
- 1947 — Валерий Злобин, Удмуртиысь суредась.
- 1965 — Валерий Сидоров, удмурт журналист но телепередачаосты нуись.
Россиысь но дуннеысь тодмо муртъёс
- 1749 — Пьер-Симон Лаплас, Франциысь астроном, математик.
- 1826 — Людвиг Минкус, Австриысь крезьгурчи, скрипкаен шудӥсь но дирижёр.
- 1900 — Эрих Фромм, немец-американ философ но психоаналитик.
- 1904 — Джоан Кроуфорд, Америкаысь киноактриса.
- 1912 — Вернер Фон Браун, Германиысь тодосчи, ракетостроениез инъясь.
- 1977 — Максим Маринин, Россиысь фигурист, дуннелэн кык полэс чемпионэз, олимпи чемпион.
Кулӥзы
Удмуртиысь тодмо муртъёс
- 2025 ― Евгения Владимировна Копысова ― Удмуртиысь искусство удысысь сӥё-дано ужась, Удмурт Элькун премилэн лауреатэз, Мунё театрлэн крезьгуро люкетэныз кивалтӥсь, дышетӥсь но крезьгурчи.
Россиысь но дуннеысь тодмо муртъёс
- 1842 — Стендаль, Франциысь гожъяськись.
- 1948 — Николай Бердяев, ӟуч философ.
- 1953 — Оскар Лутс, эстон гожъяськись, драматург.
- 1961 — Валентин Бондаренко, совето лётчик-истребитель, СССР-ысь космонавтъёслэн нырысетӥ отрядзылэн ёзчиез.
- 2011 — Элизабет Тейлор, Англиысь но Америкаысь актриса.
- 2013 — Борис Березовский, Россиысь олигарх но политик.
