Копысова, Евгения Владимировна

Википедиысь материал
Евгения Владимировна Копысова
Евгения Копысова.jpg
Вордӥськем нуналыз 19-тӥ куартолэзе 1947({{padleft:1947|4|0}}-{{padleft:5|2|0}}-{{padleft:19|2|0}})
Вордӥськем интыез
Кулон нуналыз 23-тӥ южтолэзе 2025({{padleft:2025|4|0}}-{{padleft:3|2|0}}-{{padleft:23|2|0}}) (77 лет)
Кулэм интыез
Кун
Ужудысэз композитор, лектор, музыковед

Евге́ния Влади́мировна Ко́пысова (нылдыр фамилиез — Харжевская; 19-тӥ куартолэзе 1947, Борисоглебск[d], Воронеж улос — 23-тӥ южтолэзе 2025, Иж) — совето но росси крезьгурчи, лектор-музыковед. Удмуртиысь искусство удысысь дано ужась, Россиысь крезьгурчиослэн огазеяськонзылэн ёзчиез.

Улон сюресэз

Вордӥськиз 1947-тӥ арын 19-тӥ куартолэзе Воронеж улосысь Борисоглебск карын ожгар лётчиклэн семьяяз. Пичи дырыз Сталинградын ортчиз. Евгения вазь крезьгурен тунсыкъяськыны кутскиз. 7 аресаз нырысьсэ крезьгур малпаз[1], нош 8 аресаз вераз, крезьгурчи луоз шуыса[2].

Шор ёзо школа бере Волгоградысь крезьгуръя училищеысь фортепианоя ёзэтэ пыриз. 1968-тӥ арын сое йылпумъяса, Калач-на-Дону карысь Крезьгуръя нылпи школае дышетӥсе интыяськиз. Собере вылӥ образование басьтӥз Саратовысь кун консерваторилэн теоретико-композиторской факультетаз. Дышетскон вакытаз концертмейстер луыса ужалляз[2].

1973-тӥ арысен Ижкарын улӥз. Удмурт кун филармониын лектор-музыковед но концертмейстер вал, нош 2004-тӥ арысен Мунё театрлэн крезьгуро люкетэныз кивалтӥз[3].

Со сяна, Евгения Копысова Элькунысь лулчеберетъя колледжын но Ижкарысь искусствоосъя школаын дышетӥз, нылпи филармониен но 56 номеро гимназиысь «Ритмы планеты» коллективен кивалтӥз[2].

Крезьгуръя «Элькуновидение» конкурсын дунъясьёслэн тӧрозы вал.

Улонысь кошкиз 2025-тӥ арын 23-тӥ южтолэзе Ижкарын[4].

Семьяез

Евгения Копысова быземын вал. Картэз — кырӟась, Удмуртиысь калык артист, Удмурт кун филармониысь солист Николай Копысов. Кузпалъёс Саратовысь консерваториын дышетскыкузы тодматскизы.

Копысовъёс кык нылъёссэс будэтӥзы — Юлия но Татьяна. Нылъёс анай-атайзылэн сюрестӥзы вамыштӥзы но улонзэс крезьгурен герӟазы. Озьы ик крезьгурен герӟаськемын Копысовъёслэн Дмитрий эмеспизы но Михаил нуноксы[2].

Творчествоез

Е.Копысова трос крезьгуро жанръёсын ужаз. Со кантатаослэн, симфониослэн, нылпи операослэн, камерно-вокальной произведениослэн, кырӟанъёслэн авторез луэ. Солэн ужъёсаз удмурт кырӟан но фольклор гуръёс пыртылэмын[3].

Крезьгурчилэн тужгес тодмо ужъёсыз — «Удмуртие моей» (сое элькунлэн официальной луисьтэм кункрезез шуо), «Берёзы», «Молитва», «Мусо шаер», «Журавли над Россией», «Афганская мать» но мукетъёсыз. Со крезьгур пӧрмытӥз тодмо удмурт авторъёслэн кылбур чуръёссыя, кылсярысь, Ф. Васильевлэн, Г. Ходыревлэн, В. Ванюшевлэн, Д. Яшинлэн, А. Кузнецовалэн но мукет[5][4]. Нош 2006-тӥ арын Копысова гожтӥз Ижкарын ортчем Россиысь спортъя шудонъёслэсь гимнзэс[6].

Евгения Владимировна театръёсын но ужаз. Солэн крезьгуръёсыз 70-лэсь трос спектакльёсын чузъясько. Кылсярысь: «А кукушка всё кукует», «Доходное место», «Снежная королева», «Волшебная лампа Алладина», «Заячья школа», «Гуси-лебеди»[5][7].

Данъетъёсыз но дано нимъёсыз

  • Удмуртиысь искусство удысысь дано ужась (1986)

Валэктонъёс

  1. ↑ Копысова Евгения Владимировна [ӟуч] Союз композиторов России.
  2. ↑ 1 2 3 4 Ксения Аксенова Мелодии будут жить вечно: вспоминаем ижевского композитора Евгению Копысову [ӟуч] «Комсомольская правда» - Ижевск.
  3. ↑ 1 2 Копысова Евгения Владимировна [ӟуч] Воршуд.
  4. ↑ 1 2 Евгений Кандаков «Хватает Волге широты и сини»: ушла из жизни автор песни об Удмуртии Евгения Копысова [ӟуч] udm-info.ru.
  5. ↑ 1 2 Александр Кирилин Ушла из жизни композитор Евгения Копысова — это утрата для музыки Удмуртии [ӟуч] Удмуртская правда.
  6. ↑ Скончалась заслуженный деятель искусств Удмуртии Евгения Копысова, Коммерсантъ (23 южтолэзе 2025). Эскеремын: 31 коньывуонэ 2025 арын.
  7. ↑ Копысова Евгения Владимировна [ӟуч] Театральные архивы России и русского зарубежья.

Литература

  • Голубкова, А. Фольклорные традиции и композиторское творчество / А. Н. Голубкова // Национальная проблема: пути решения : филос.-психол.-экон. подходы. — Ижевск, 1997. — С. 125—130.
  • Илларионова, Л. Алфавит Евгении Копысовой / Л. Илларионова // Долг. — 2002. — 24 мая. — С. 3.
  • Кирилин, А. «Мы цветём черёмухой, песенно живём» : [творч. вечер композитора Е. Копысовой] / А. Кирилин // Удмуртская правда. — 1997. — 28 мая.
  • Копысова, Е. В. Инмарлэсь гожтэмзэ уд ортчы : [беседа с чл. Союза композиторов России, заслуж. деят. искусств УР, лектором-музыковедом Удмурт. гос. филармонии о жизн. пути, о творчестве] / Е. В. Копысова; записала Л. Тихонова // Удмурт дунне. — 2007. — 25 сент. — С. 6-7.
  • Копысова, Е. В. Музыка — это разговор человека с богом : [беседа с композитором, заслуж. деят. искусств Удмурт. Респ.] / Е. В. Копысова; записала Л. Князева // Центральная газета. — 1994. — 12 мая.
  • Копысова, Е. В. Творец : [блиц-интервью с композитором] / Е. Копысова; беседовала Е. Поскрёбышева // Неделя Удмуртии. — 1998. — 13 марта. — С. 18.
  • Копысова Евгения Владимировна // Удмуртская Республика: культура и искусство. — Ижевск, 2012. — С. 242.
  • Копысова Евгения Владимировна // Удмуртская Республика: энциклопедия. — Ижевск, 2008. — С. 411—412.
  • Красновская, Е. Нежный, лирический цветок на лугу российской поэзии / Елена Красновская // Содружество двух муз : ст., очерки, библиогр. / Елена Красновская. — Ижевск, 2004. — С. 114—127.
«https://udm.ruwiki.ru/w/index.php?title=Копысова,_Евгения_Владимировна&oldid=507211»-ысь басьтэмын