Элькуновидение
| Элькуновидение | |
|---|---|
| Элькуновидение | |
 | |
| Жанр | кырӟан[d] |
| Кылдытӥсьёсыз | Удмурт Кенеш но Моя Удмуртия (телерадиокомпания) |
| Кун, кытын кылдыэмын | |
| Кыл | Удмурт кыл |
| Кылдытон | |
| Съёмка лэсьтэмын | Иж |
Элькуновидение — удмурт кырӟанъя ӵошатскон, ортчылӥз «Евровидение» ӵошатскон выллем.
Историез
Нырысьсэ «Элькуновидение» вожвылъяськон 2012-тӥ арын ортчиз. Со Удмуртилэн но «Мынам Удмуртие» телерадиокомпанилэн вордӥськем нуналэзлы сӥзем концерт-ӵошатскон выллем радъямын вал. Ужрадэ пӧртэм артистъёс пыриськизы: трос аръёс ӵоже кырӟась фольклор коллективъёс, егит артистъёс. Оглом — 20 ёросысь коллективъёс но кырӟасьёс. Соосты эрико жюри дунъяз — котькуд ёросысь быдэн одӥг мурт. Эшшо одӥг вормисез шараязы sms-куара сётон пыр. Озьы ик нимысьтыз кузьымъёс Брангуртысь песянайёслэсь но Silent Woo Goore группалэсь сётӥськизы.
Вожвылъяськонлэн кичӧлтӥсез Павел Поздеев вераз:
2010-тӥ арын Брангуртысь песянайёс «Евровидение» конкурсын 2-тӥ инты басьтӥзы, нош 2011-тӥ арын «Пичи калыкъёслэн Евровидениязы» Silent Woo Goore группа ассэ усто возьматӥз. Мон учки, кызьы ортчо кыкез но та вожвылъяськонъёс. Но, кыкезлэсь но куронъёссэс огазеяса, «Элькуновидение» конкурсмы пӧрмиз[1] .
Радлыкез
Ӵошатсконэ пыриськыны быгато коллективъёс яке нимаз кырӟасьёс (быдэ вуэм). Котькуд ёросысь пыриськисьёс кырӟаны быгато одӥг гинэ кырӟан, со кырӟан гожтэмын луыны кулэ со ёросын улӥсь яке отын вордӥськем адямиен[2]. Одӥг ёрос — одӥг пыриськись (коллектив яке огназ кырӟась)[3]. Вормисьлы кузьым — коньдон[4].
Нырысети аръёсаз вожвылъяськисьёсыз дунъязы ёросъёсысь вуэм муртъёс но учкисьёс, sms-ивортон келяса[3]. 2017-тӥ арысен конкурслэн 2 жюриез луиз: ёросъёсысь вуэм муртъёс но профессионалъёс — удмурт кылбурчиос, крезьгурчиос, кырзасьёс. Ваньзылэн соослэн балъёссы ватсаськизы, соосъя вормись тодмо луылӥз. СМС-куарая учкисьёслы тужгес кельшем номерез гинэ на пусйизы[1].
Суперфинал
2022-тӥ арын «Элькуновидение» 10-тӥ пол ортчиз. Отчы, котьку сямен, вань ёросъёсысь кырӟасьёсты ӧз отчалэ — люказы азьвыл аръёсы вормисьёсты. Озьыен, «Элькуновидение. Суперфинал» Удмуртиысь тужгес усто кырӟасьёсыз шараян понна ортчытӥськиз. Вожвылъяськонэ со аре пыриськизы: Балезино ёросысь Надежда Сидорова, Вавож ёросысь «Валан» ансамбль, Глазов ёросысь Александр Леонтьев, Дэбес ёросысь Антон Васильев но Артемий Гаврилов, Кияса ёросысь «Ерпечкаос», Можга карысь Мария Гроздова но Влад Андреев, Можга ёросысь «Сергейёс», Пичи Пурга ёросысь Андрей Корнилов, Сарапул ёросысь Павел Асат (Смирнов), Шаркан ёросысь Александра Протопопова но «Тулкым» ансамбль[4].
Вань куараосты лыдъяса, вормисе потӥз Вавож ёросысь «Валан» ансамбль. 2-тӥ инты басьтӥз Павел Асат, 3-тӥ интыын — Мария Гроздова[4].
Бӧрысь «Элькуновидение» вожвылъяськон ӧз ни радъяськы.
Валэктонъёс
- ↑ 1 2 Альбина Шайхутдинова Сила удмуртской песни или секреты успеха «Элькуновидения» [ӟуч] udmurt.media.
- ↑ Песенный конкурс «Элькуновидение» пройдет в Удмуртии, Известия (2 гудырикошконэ 2019). Эскеремын: 12 шуркынмонэ 2025 арын.
- ↑ 1 2 27 октября: Конкурс удмуртской песни «Элькуновидение» [ӟуч] Иж карлэн администрациез.
- ↑ 1 2 3 Анастасия Шумилова «Мынам Удмуртие» телеканал удмурт эстрадаез 10 ар будэтэ ни [удм.] Удмурт дунне.