Брангурт песянайёс

Википедиысь материал
Брангурт песянайёс
«Брангурт песянайёс» удмурт фестивальын (2011-тӥ ар)
«Брангурт песянайёс»
удмурт фестивальын (2011-тӥ ар)
Огъя тодэтъёс
Жанр калык кырӟан
Аръёс 2000 — 2018
Кун РоссияFlag of Russia.svg Россия
Кылдон интыез Удмуртия, Россия
Кылыз удмурт, ӟуч, англи
Составез Анна Прокопьева
Валентина Серебренникова
Екатерина Антонова
Азьвыл
пыриськемъёс		 Елизавета Филипповна Зарбатова
Граня Ивановна Байсарова
Алевтина Геннадьевна Бегишева
Зоя Сергеевна Дородова
Галина Николаевна Конева
Валентина Семёновна Пятченко
Ольга Николаевна Ту́ктарева
(художественный руководитель)
Екатерина Семёновна Шкляева
Наталья Яковлевна Пугачёва
Официальный сайт
Логотип Викисклада Медиафайлъёс РувикиМедиа пушкын

Брангурт песянайёс (ӟуч Бурановские бабушки) — удмурт крезьгуро фольклор коллектив. Бакуын ортчись «Евровидение-2012» крезьгуро калыккуспо ӵошатсконын Россилэсь данзэ утизы но кыкетӥ интые потӥзы[1].

Коллективын Удмурт Элькунысь Пичи Пурга ёросысь Буран черкогуртысь арлыдо песянайёс кырӟало . Чеберлыкъя кивалтӥсьсы — Ольга Николаевна Ту́ктарева. «Брангурт песянайёс» тодмо росси но кунсьӧр кырӟанъёсты удмурт кылын быдэстэменызы быдэс дуннелы тодмо луизы .

Исторез

[Тупатыны | вики-текстэз тупатыны]

«Евровидениe-2012» ӵошатсконэ пыриськытозь[Тупатыны | вики-текстэз тупатыны]

Внешние изображения
Новый состав коллектива «Бурановские бабушки»

«Брангурт песянайёс» фольклор коллектив кылдытэмын Брангуртын 1970-тӥ аръёсы. Отчы ветлӥсь нылкышноос калык кырӟанъёсты, сюан гуръёсты, куно пумитан-келян но мукет йылол гуръёсты но авторской кырӟанъёсты быдэсъязы[2]. Коллективысь кырӟасьёс, ваньмыз сямен, мӧйы кышномуртъёс. 2010-тӥ арын шорлыко арлыдзы 70 арес вал[3].

2008-тӥ арын Удмурт кыллэн нуналаз «Брангурт песянайёс» нырысьсэ быдэстӥзы Борис Гребенщиковлэсь но Виктор Цойлэсь удмурт кылэ берыктэм кырӟанъёссэс. Записьёсты интернетэ поттэм бере, песянайёс быдэс кунын тодмоесь луизы[4]. Вакчи дыр куспын коллективлэн реперуарез юн паськытаз, отчы ватсаськизы тодмо луэм кунгожсьӧр кырӟанъёс. Соосты удмурт кылэ берыктылӥз коллективлэн чеберлыкъя кивалтӥсез Ольга Туктарева[4][5].

2010-тӥ арын коллектив «Евровидение-2010» ӵошатсконлэн кунын ортчись отборочной тураз «Длинная-длинная береста» кырӟанэн пыриськиз. Та кырӟанэз, репертуарысьтызы троссэ кырӟанъёсты сямен ик гожтӥз Буран черкогуртын улӥсь но коллективе азьвыл пыриськись Елизавета Зарбатова. Отын «Брангурт песянайёс» куинетӥ интые потӥз. Кык ар ортчыса, кырӟасьёс выльысь пыриськизы ӵошатсконэ Party for Everybody кырӟанэн. Со вакытэ коллекативез азитон бордын тыршиз «Людмила Зыкиналэн Юртэзлэн» директорез но профессиональной продюссер Ксения Рубцова. Таяз учыре отборочной турын кырӟась песяйёс, Дима Биланэз но Юлия Волковаез азьпалтыса, вормисе потӥзы[4].

2012-тӥ арын коллектив Бакуын ортчись «Евровидение-2012» калыккуспо ӵошатсконын Россилэсь данзэ утиз. Нырысетӥ полуфиналын песяйёс, учкисьёслэн юрттэменызы, финалэ потӥзы[4]но кыкетӥ инты басьтӥзы[1]. Удмуртиысь кырӟасьёс ӧз ке но ворме, коллективлэн продюсерез Виктор Дробыш но мукетъёсыз крезьгурез дунъяны быгатӥсьёс удмурт перепечъёсын «Party for Everybody» номер «Евровиденилэн» историяз тужгес устоез вал шуыса пусйизы[6]. Ансамбльлэн Бакусь выступлениеныз запись учкисьеслэн лыдзыя, вань конкурентъёсты азьпалтӥз[7].

«Евровидение» бере[Тупатыны | вики-текстэз тупатыны]

«Брангурт песянайёс» (нырысетӥ состав) выль ар концертын Ижкарын. 2013-тӥ ар.

Калыккуспо ӵошатсконын кыкетӥ инты басьтэменызы, Буран черкогуртысь пересьёс туж тодмоесь луизы. Соос сярысь кун но федерал теле- но радиоканалъёсын мадьылӥзы, нош черкогурт быдэс дуннеысь туристъёсты бордаз кыскиз. 2011-тӥ арын 11-тӥ инвожое коллективлэн кивалтӥсез Ольга Ту́ктарева но отчы пыриськисьёс пӧлысь одӥгез Галина Конева Нырысетӥ каналын мынӥсь «Кто хочет стать миллионером?» шудонэ пыриськизы но 800 сюрс манет утӥзы. Вань утэм уксёзэс Бурангуртын черк пуктонэ сётӥзы[2]. Нош быдэс дуннеетӥ гастрольёсы ветлон мылкыдзы сярысь кырӟась песянайёс кемалась вераллязы ни вал[4]. 1930-тӥ аръёсы Буран черкогуртысь куашкатэм Святой Троицалэн Храмез интые 2016-тӥ арын инвожо толэзе выльзэ усьтӥзы но вӧсязы[8]. Песяйёслэн вань асьсэ устолыксылы сӥзем музейзы. Отын соос кунооссэс пумиталляло, перепечен куноято[9].

2012-тӥ арын оштолэзе песянайёс «Sprite» юзматӥсь юонлы рекламной видеороликын гожтӥськизы[10]. 2012-тӥ арын шуркынмонлэн кутсконаз «Брангурт песянайёслэн» но Варваралэн «А не пойду замуж я» ӵош быдэстэм кырӟанзылэн премьераез ортчиз[11].

Коллектӥвлэсь быгатонлыкъёссэ но азинлыксэ Удмурт Элькунын но пусйизы. 2012-тӥ арын Удмуртилэн президентэз Александр Волков ансамбльысь тямысэзлы кырӟась нылкышноослы (Байсарова Граня Ивановналы, Бегишева Алевтина Геннадьевналы, Дородова Зоя Сергеевналы, Конева Галина Николаевналы, Пугачёва Наталья Яковлевналы, Пятченко Валентина Семёновналы, Ту́ктарева Ольга Николаевналы но Шкляева Екатерина Семёновны) устолыкез азинтэмзы но вылӥ быгатонлыкъёссы понна «Удмурт Элькунысь калык артист» дано ним сётон сярысь косэт гожтӥз[12].

2013-тӥ арын 24-тӥ гудырикошконэ «Брангурт песянайёс» Коми Элькунысь Ыб черкогнуртын ортчись финно-угор лулчеберетлы сӥзем "Ыбица нимо куинетӥ мультифестивальын хедлайнер луизы[13]. 2014-тӥ арын 2-тӥ толшоре Сочиын Олимпи шудонъёсты усьтон ужрадын факелоносецъёс пӧлысь одӥгез вал «Брангур песянайёс» ансамбльын кырӟась 75 аресъем Галина Конева[14]. 2016-тӥ арын коллектив Йоэнсууысь Laula kanssain («Пой со мной»)крезьгуро фестивале пыриськиз[7].

Песяйёслэн кичӧлтэмзыя, гуртазы «Брангурт фольклор фестиваль» ортчытъяло, отчы нылпи коллективъёс мӧйыос пырисько[15].

Коллективлэн 2014-тӥ арын воштӥськемез

[Тупатыны | вики-текстэз тупатыны]

Сцена вылэ котьку сямен 8 песяйёс поталлязы, тужгес сӥлы карылӥзы самой мӧйызэ. Наталья Яковлевна Пугачёва озьы ик «Евровидение» ӵошатсконлэн быдэс историяз тужгес арлыдоез луиз. Арлыдзы шоры учкытэк, арлыдо кырӟасьёс дась вал дуннеез котыръяны. 2014-тӥ арын «Людмила Зыкиналэн Юртэныз» вить аръем контракт йылпумъяськем бере, Ксения Рубцова Буран гуртысь песяйёсты мукетъёсыныз, егитъёсынызгес воштӥз. Выльдэм коллективе азьвыл мукет удмурт колективъёсын кырӟамъёс шедизы[7].

Асьсэлэн увольненизы сярысь «пересьёс» интернетысь тодӥзы. Контракт йылпумъяськем бере, та коллективлы «Брангурт песянайёс» нимын сцена вылэ поталляны но асьсэ кырӟанъёссэс кырӟалляны лэземын ӧй вал. Вань автор правоосты «Людмила Зыкиналэн Юртэз» киултӥз. Коллективлэн выль составез кӧня ке дыр ӵоже азьвыл кырӟасьёслэн фонограммаосынызы кырӟалляз[16][17]. Сокун нырысетӥ составын кырӟасььсё асьсэды «Буран гуртысь песянайёс » шуыса нимазы[7].

Кыкез но коллективъёс — «Брангурт песянайёс» но «Буран гуртысь песянайёс» — учкисьёс азьын кырӟало. Вылез коллектив ӵемысь федерал программаосы поталля[7].

Нош азьвыл коллективе пыриськемъёс, гуртысьтызы черк пуктонэз йылпумъямзы бере, выль проект борды басьтӥськизы. «Дом милосердия» пуктон понна, концертъёс сётъяса, уксё бичало. 2022-тӥ арын проектэз азинтон борды Удмуртиысь тӧрлык басьтӥськиз[7].

Коллективе пыриськисьёс

[Тупатыны | вики-текстэз тупатыны]

Нырысетӥ состав[Тупатыны | вики-текстэз тупатыны]

«Бурановские бабушки»
  • Наталья Яковлевна Пугачёва (28-тӥ коньывуонэ 1935 — 26-тӥ коньывуонэ 2019[18]) — Удмурт Элькунысь калык артистка (2012)[12], «Евровидение-2012» ӵошатсконэ пыриськиз[19].
  • Граня Ивановна Байсарова (ворд. 12-тӥ инвожое 1949) — Удмурт Элькунысь калык артистка (2012)[12], «Евровидение-2012» ӵошатсконэ пыриськиз[19].
  • Алевтина Геннадьевна Бегишева (ворд. 3-тӥ южтолэзе 1958) — Удмурт Элькунысь калык артистка (2012)[12], «Евровидение-2012» ӵошатсконэ ӧз пыриськы[19].
  • Зоя Сергеевна Дородова (ворд. 15-тӥ оштолэзе 1940) — Удмурт Элькунысь калык артистка (2012)[12], «Евровидение-2012» ӵошатсконэ ӧз пыриськы[19].
  • Галина Николаевна Конева (ворд. 15-тӥ коньывуонэ 1938) — Удмурт элькунысь калык артистка (2012)[12], «Евровидение-2012» ӵошатсконэ пыриськиз[19].
  • Валентина Семёновна Пятченко (ворд. 21-тӥ коньывуонэ 1937) — Удмурт Элькунысь калык артистка (2012)[12], «Евровидение-2012» ӵошатсконэ пыриськиз[19].
  • Ольга Николаевна Ту́ктарева (ворд. 26-тӥ оштолэзе 1968) — Удмурт Элькунысь калык артистка (2012)[12], «Евровидение-2012» ӵошатсконэ пыриськиз[19] — ансамбльлэн чеберлыкъя кивалтӥсез.
  • Екатерина Семёновна Шкляева (2-тӥ шуркынмонэ 1937—23-тӥ пӧсьтолэзе 2024[20]) — Удмурт Элькунысь калык артистка (2012)[12], «Евровидение-2012» ӵошатсконэ пыриськиз[19].
  • Елизавета Филипповна Зарбатова (1927 — 13-тӥ толшоре 2014) — коллективлэн кырӟанъёсызлэн авторзы[21].

Кыкетӥ состав[Тупатыны | вики-текстэз тупатыны]

2014-тӥ арын коллектив выльдӥськиз, отчы выль муртъёс пыртэмын: Кырӟанъя но эктонъя «Италмас» кун академи ансамбльын азьвыл кырӟась Анна Прокопьева, Фольклор кырӟанъя но эктонъя «Айкай» удмурт кун театрысь азьвыл кырӟась Валентина Серебренникова, Пичи Пурга ёросысь арганэн шудӥсь нылкышноослэн «Арганчи» ансамбленызы кивалтӥсь Екатерина Антонова но Дэри ёросысь Лудорвай гуртысь кырӟасьёс[16][17].

Песянайёслэн нуналзы

[Тупатыны | вики-текстэз тупатыны]

2013-тӥ арысен Удмуртиын 26-тӥ куартолэзе Песянайёслэн нуналзы пусйиське — ӵапак та нуналэ удмурт коллектив «Евровидениын» кырӟаз но кыкетӥ интые потӥз. Праздник юнматэмын Удмуртилэн Президентэзлэн 2012-тӥ арын 25-тӥ инвожое гожтэм Косэтэныз. Нырысьсэ сое пусйизы 2013-тӥ арын Пичи Пурга ёросын Буран черкогуртын[22].

Арлы быдэ Песянайёслэн нуналазы пӧртэм ужралдъёс, концертъёс, мастер-классъёс, благотворительной акциос ортчытӥсько. , фотоконкурс от газеты «Известия Удмуртской Республики» газет «Мынам песянае» фотоконкурс радъялля[6].

Литература

[Тупатыны | вики-текстэз тупатыны]
  • Толстухина М. Н. Сказ о том, как простые бабушки из удмуртского села Бураново храм построили / Мария Толстухина. — Ижевск: Удмуртский издательский дом, 2020. 266 с.
  • Туктарева О. Н. Бабушки из Бураново. Как это было. — Ижевск: Удмуртия, 2023. — 208 с.: ил.

Валэктонъёс

[Тупатыны | вики-текстэз тупатыны]
  1. ↑ 1 2 «Бурановские бабушки» стали вторыми на конкурсе «Евровидение-2012» Архивная копия от 27 куартолэзе 2012 на Wayback Machine // РИА Новости (27 мая 2012 года)
  2. ↑ 1 2 Бабушки из Буранова
  3. ↑ Бабушки вернулись с «Евровидения». Архивная копия от 29 куартолэзе 2012 на Wayback Machine // РИА Новости (10 марта 2010 года)
  4. ↑ 1 2 3 4 5 "Бурановские бабушки": 40 лет на пути к признанию
  5. ↑ «Бурановские бабушки» по-удмуртски «зажгли» в Нарве. Архивная копия от 29 оштолэзе 2014 на Wayback Machine // baltinfo.ru (15 октября 2009 года)
  6. ↑ 1 2 День бабушки в Удмуртской Республике
  7. ↑ 1 2 3 4 5 6 Дарья Левинская «Бурановские бабушки»
  8. ↑ Храм, который построили «Бабушки из Бураново», сегодня освятили(ӟуч)
  9. ↑ Музей Бурановских бабушек АНО «Центр развития туризма Удмуртской Республики».
  10. ↑ Реклама «Sprite»: «„Бурановские бабушки“ зажигают, а что делаешь ты?» Архивная копия от 7 толшоре 2014 на Wayback Machine // izh.kp.ru (17 мая 2012 года)
  11. ↑ Екатерина Угланова «Бурановские бабушки» записали новую песню с певицей Варварой
  12. ↑ 1 2 3 4 5 6 7 8 9 Российский правовой портал «Семёрка». Указ Президента Удмуртской Республики А. А. Волкова № 97 от 24 мая 2012 года «О присвоении почётного звания Удмуртской Республики „Народный артист Удмуртской Республики“». Архивная копия от 13 куартолэзе 2016 на Wayback Machine // 7law.info
  13. ↑ «Бурановские бабушки» передали видеопривет участникам «Ыбицы». Архивная копия от 18 куарусёнэ 2013 на Wayback Machine // progorod11.ru (14 августа 2013 года)
  14. ↑ Олимпийский огонь пронесла «Бурановская бабушка». Архивная копия от 2 толшоре 2014 на Wayback Machine «Российская газета» // Российская газета (2 января 2014 года)
  15. ↑ Галина Савина Калыккуспо праздник ортчиз Брангуртын(удм.)
  16. ↑ 1 2 Галина Павлова Война бурановских бабушек: почему поменялся состав знаменитого коллектива
  17. ↑ 1 2 «Бурановских бабушек» заменили на молодых | KM.RU
  18. ↑ «Бурановская бабушка» Наталья Пугачева скончалась незадолго до дня рождения Архивная копия от 27 коньывуонэ 2019 на Wayback Machine // Вести.ру, 26 октября 2019
  19. ↑ 1 2 3 4 5 6 7 8 Бурановские бабушки: кто есть кто Эскеремын 2023-11-28 аре
  20. ↑ Умерла участница "Бабушек из Бураново" Екатерина Шкляева, РИА Новости (23 пӧсьтолэзе 2024). Дата обращения: 8 гудырикошконэ 2024.
  21. ↑ Автора песен «Бурановских бабушек» похоронили на родине в Бураново. Елизавета Зарбатова скончалась на 87 году жизни. Архивная копия от 16 толшоре 2014 на Wayback Machine // izh.kp.ru (21 января 2014 года)
  22. ↑ 26 мая - День бабушки в Удмуртии Госсовет УР.

Чӧлсконъёс

[Тупатыны | вики-текстэз тупатыны]

Архивная копия от 9 пӧсьтолэзе 2012 на Wayback Machine // buranovskie-babushki.ru

Архивная копия от 22 шуркынмонэ 2014 на Wayback Machine / «МК в Ижевске». 21.11.2014 г.

Архивная копия от 19 куарусёнэ 2015 на Wayback Machine

Азьпалчиез:
Алексей Воробьёв 		Россия «Евровидение» крезьгуро ӵошатсконын
2012 		Бӧрысьчиез:
Дина Гарипова
«https://udm.ruwiki.ru/w/index.php?title=Брангурт_песянайёс&oldid=269820»-ысь басьтэмын