Бутолин, Андрей Сергеевич

Рецензировать карем гожтос

Рецензент: Клементьев Андрей Александрович, филологи наукаосъя кандидат, «Вордскем кыл» журналлэн валтӥсь редакторез

Андрей Сергеевич Бутолин
Вордӥськем нуналыз	16-тӥ гудырикошконэ 1908(1908-08-16)
Вордӥськем интыез	Вятской губерниысь Бутолино гурт
Кулон нуналыз	20-тӥ южтолэзе 1997(1997-03-20) (88 арес)
Кулэм интыез	Ижевскын
Кунмуртлыкез	СССР СССР
Ужудысэз	гожъяськись, прозаик, драматург, кылбурчи, литературатодосчи
Данъетъёсыз

Бутолин, Андрей Сергеевич ( 1908-тӥ ар, 16-тӥ гудырикошкон Вятской губерниысь (али вакытэ Шаркан ёросэ пыре) Бутолино гурт ― 1997-тӥ ар 20-тӥ южтолэзь Ижкар, Удмурт Элькун ― Совето вакытысь удмурт кылбурчи, литературатодосчи, прозаик но драматург, редактор. Мерлыко но кун ужчи.

Биографиез

Бутолин, Андрей Сергеевич вордӥськемын 1908-тӥ арын, 16-тӥ гудырикошконэ Вятской губерниысь (али Шаркан ёрос) Бутолино гуртын удмурт крестьян семьяын.

1927-тӥ арын Ижевскысь педагогической техникумез йылпумъяз, собере, 1931-тӥ арын, Ленинградысь педагогикая (али Санкт-Петербург кар) Герцен нимо институтэз. Татын ик аспирантураын дышетскиз.

Ижкаре берытскыса ужаз Удмуртиысь книгапоттонниын, элькун газетъёсын, Удмурт научно-исследовательской институтын. УАССР-ысь калыкез дышетонъя министр вал. 1939-тӥ арысен Коммунистической партилэн ёзчиез. 1940-тӥ арысен СССР-ысь гожъяськисьёссылэн огазеяськонзылэн ёзчиез.

1943-тӥ—1948-тӥ аръёсы — «Советской Удмуртия» газетлэн валтӥсь редакторез.

1951-тӥ —1962-тӥ аръёсы — Удмурт АССР-ысь гожъяськисьёслэн огазеяськонзылэн секретарез.

1951-тӥ—1956-тӥ аръёсы — УАССР-ысь калыкез дышетонъя министр.

Ньыль ӧтёс ӵоже Удмурт АССР-ысь Вылӥ Кенешлэн депутатэз вал.

1997-тӥ арын 20-тӥ южтолэзе улонысь кошкиз.

Творчествоез

Андрей Бутолинлэн творческой кылёсэз бадӟым ик ӧвӧл. Кызьы пусйиз литературатодосчи З. А. Богомолова, мыло-кыдо мерлыко ужен выременыз сэрен солэнн творчестволы дырыз ӧжытгес кылиз.

Нырысетӥ кылбуръёсыз А. Алин кушемнимын печатласькыны кутскизы 1927-тӥ арын. А. Бутолин «Эшъяськон сюресъёс» , «Оскисько тыныд» поэмаослэн авторзы луэ.

1940-тӥ арын «Пумиськон» нырысетӥ кылбур сборникез печатласькиз. Татчы пыртэмын вал авторлэн тужгес но устоосыз кылбуръёсыз: «Гожтэт» но «Малпаськон».

1940-тӥ арын СССР-ысь гожъяськисьёслэн союзазы пыртэмын.

Андрей Бутолин удмурт кылэ ӟуч гожъясьёслэсь произведениоссэс берыктӥз, кылсярысь, А. Пушкинлэсь кылбуръёссэ, Л. Толстойлэсь «Поликушка» кузьвероссэ, В. Короленколэсь «Pека играет» , М. Горькийлэсь «Мои университеты», «Челкаш», «Экзекуция» веросъёссэ, В. Маяковскийлэсь «Моё открытие Америки», «Стихи о советском паспорте», «Левый марш», «Во весь голос» кылбуръёссэ. Озьы ик фольклорез эскерон бӧрдын тыршиз.

Удмурт литературая нырысетӥ учебниклэн авторез луэ («Удмурт литература», Ижевск, 1935-тӥ ар). Произведениоссэ кылдытъяз проза амалэн, («Сюлэм ӧз пӧя» кузьверос) но драма амалэн, «Югытлэсь уд ватскы» драма). Та произведениосын автор, гротеск но сатира амалъёсты кутыса, национальной интеллигенцилэсь юнмамзэ возьматэ.

«Верность» поэма сярысь

1943-тӥ арын удмурт кылбурчиослэн «Натиск» нимо кылбур бичетазы печатламын вал «Верность» поэмаез (ӟуч кылэ берыктӥз Анатолий Писарев).

Гожтэм кылыз яркыт но бурдъяськем мылкыдо, азьпал радын ожмаськись огшоры совето солдатлэн малпанъёсыз но мылкыдъёсыз возьматэмын. Кылбур гожтэмын гожтэт кабен. Солдат яратоно нылызлы-эшезлы гожтэ, вера ож вакытысь шуг-секытъёс сярысь, оске эшъяськон но ог-огедлы оскымон эш луон шуг-секытъёсты вормыны юрттоз шуыса:

В бою суровом познается друг,

А верность закаляется в разлуке.

Всегда со мной среди смертей и вьюг

Твои благословляющие руки.

Кутсконысеныз пумозяз поэма пыӵамын вормонлы мур осконэн, Совето Армилэн гитлеровецъёсты вормонъёсыныз данъяськонэн:

Слышишь, милая, добрые вести:

Взят Воронеж и взят Кропоткин.

Будем радоваться вместе

Нашей твёрдой военной походке.

Кылбурлэн берпуметӥ чуръёсыз тушмонэз матысь дыре вормонлы гимн кадь чузъясько, солэн часэз кыдёкын ӧвӧл ни:

Февральская вьюга по-прежнему злится,

С утра заметая в сугробы снега.

Мы первыми входим в родные станицы

Отбитые в жарких боях у врага.

Мы видим победную нашу дорогу.

Тяжелые танки стремятся вперед,

Туда, где фашистский солдат у порога,

Где горе и пытки, где слезы и гнёт.

Мы вызволим братьев из горькой неволи,

Их Родина примет в объятья опять.

Согреет их снова счастливая доля,

И песня в дому не устанет звучать.

З. А. Богомолова литературатодосчилэн пусъемезъя, Бутолинлэн ««Верность» поэмаез К. Симоновлэн «Жди меня» лирической кылбурез сямен ик Удмуртиын дано луиз. Поэмаын яратонлэн адямиосты огазеясь кужымез гинэ уг усьтӥськы, отын валтӥсь малпанэз — яратонлэн адямилы сӥбурлыко (нравственной) пыкъет луэмез ожлудын но, тылын но».

Данъетъёсыз

• Удмурт АССР-ысь культура удысын сиё-дано ужась (1972-тӥ ар)
• Горд Знамялэн орденэз (1950-тӥ ар)
• Кык «Знак Почёта» орден (1946-тӥ ар, 1958-тӥ ар)

Источникъёс

• Андрей Сергеевич Бутолин // Удмуртская Республика: энциклопедия. — Ижевск, 2008. — С. 221.
• Андрей Сергеевич Бутолин // Писатели и литературоведы Удмуртии: Биобиблиографический справочник / Сост. А. Н. Уваров.- Ижевск, 2006. — стр. 24-25
• Богомолова З. А. — «Путь по жизни, широкий и долгий…» // Голоса эпохи: статьи, воспоминания, эссе, очерки, письма. — Ижевск, 2003. — стр. 282—284
• Волков Э. — По-прежнему в общем строю // Удмуртская правда, 16 августа 1978
• Шкляев А. — Вань ужъёсаз — зырдыт мылкыд (Во всех работах горячее чувство: К 70-летию Андрея Сергеевича Бутолина) // Журнал «Молот», № 8, 1978. — стр. 44—46
• Безымяннов В. — Сын своего времени // Удмуртская правда, 13 августа 1998
• Андрей Сергеевич Бутолин // Проект «Книги Удмуртии — почтой»
• Очерки истории Удмуртской советской литературы, 1957 год.

Валэктонъёс