Калыккуспо Восточно-Европейской университет
| Калыккуспо Восточно-Европейской университет | |
|---|---|
| (МВЕУ) | |
| Девизэз | Котькудӥзлы вормымон дышетскон! |
| Кылдон арез | 1993 |
| Попечительской кенешлэн тӧроез | Сурат Лев Игоревич |
| Интыяськемез | Ижкар |
| Юридической адресэз | Пушкинской ульчаысь, 268-тӥ юрт |
| Сайтэз | mveu.ru |
.jpg)
Калыккуспо Восточно-Европейской университет (МВЕУ) — Ижысь дышетон учреждениослэн ассоциацизы, татчы АНПОО «Калыккуспо Восточно-Европейской колледж» но ЧОУ ДПО «Калыккуспо Восточно-Европейской институт» пыро. Пушкинской ульчаысь 268-тӥ юртын интыяськемын. 1993-тӥ арын кылдытэм дышетсконни Удмуртиысь огез нырысетӥез кун луисьтэм вуз. МВЕУ-ын вылӥ, шоро-куспо профессиональной но ватсаса тодо-валан басьтыны луэ.
Структураез
- АНПОО «Калыккуспо Восточно-Европейской колледж»[1]
- ЧОУ ДПО «Калыккуспо Восточно-Европейской институт»
Кивалтӥсьёсыз
- Сурат Игорь Львович
МВЕУ-лэн Попечительской кенешезлэн тӧроез, НОЧУ ВО «Мускоысь экономикая институтлэн» ректорез, «Калыккуспо Восточно-Европейской колледжлэн» но ЧОУ ДПО «Калыккуспо Восточно-Европейской институтлэн» директорез, экономика наукаосъя кандидат, доцент
- Сурат Лев Игоревич
АОУ МВЕУ-лэн президентэз, Калыккуспо Восточно-Европейской колледжлэн Попечительской кенешезлэн тӧроез, ЧОУ ДПО «Калыккуспо Восточно-Европейской институтэз» кылдытӥсь, НОЧУ ВО «Мускоысь институт психоанализъя институтлэн» ректорез, экономика наукаосъя кандидат, доцент, Мускоысь психоанализъя институтысь экономикая но менеджментъя кафедраысь профессор
- Новикова Варвара Валентиновна
МВЕУ-лэн быдэсъясь директорез, Калыккуспо Восточно-Европейской колледжлэн директорез, профориентация но ужын будон пумысен визь-кенешен юрттӥсь эксперт.
Дышетон программаослэн ужпумзы
МВЕУ-ын очно, заочно но очно-заочно амалэн дышетскыны луэ. Татын 40-лэсь ятыр дышетон программаос улонэ пыӵало. 9-тӥ, 11-тӥ классэз йылпумъямъёс сяна, ужась ӧнерчиос но татын тодон-валанзэс муромытыны быгато. Студентъёссы котькытын адӟем карымонэсь мед луозы шуыса, сюлмасько. Соин ик ужзэс радъяны, ужпумъёс пуктыны но соосты быдэстыны, калыкен кусып тупатыны, вераськыны дышето[2].
Дышетон программаос дуальной дышетон вылэ пыкиськыса лэсьтэмын. Соя теория ласянь дасяськон, тодон-валан люкан дышетсконнилэн базаяз ортче, нош практика — уж сётӥсьёсын ӵош. Валче ужась компаниос асьсэос программа гожтонэ пырисько, компаниосысь ӧнерчиос профильной луись дисциплинаосты дышето, студентъёсты практикае но стажировкае куто, озьы ик ужын басьтэм тодон-валанзылы дунъет сёто.
Дуальной амалэн дышетсконлэн валтӥсь ужпумез — уж сётӥсьёслэн куронъёссылы тупась ӟеч ӧнерчиосты дасян. Та малпанэз быдэстон вылысь ИТ-колледж проект кылдытэмын. Отын дышетскон Удмурт Элькунысь ИТ-компаниосын валче таӵе ӧръёсъя радъяське: программирование (веб-разработка, ПО эскерон, 1С-программирование), дизайн (веб-дизайн, улонлы тупамон виртуальной дизайн но мукет), реклама (интернет-маркетинг, веб-аналитика, маркетинг).
МВЕУ-ын «усьтэм кафедра» но кылдытэмын, татын Удмуртиысь, Россиысь но кунгож сьӧрысь тодмо адямиосын пумиськонъёс ортчыло. Озьы студентъёслы луонлык сётэмын вал ни таӵе дано адямиосын ваче син кенешыны: Патрик Хейзелл, княжна Волконская, Эмир Кустурица, Владимир Познер, Виктор Шудегов но мукетъёсыз[3].
МВЕУ-ын дышетскемъёс выльысь но университетэ берытско, тодон-валанзэс муромыто я профпереподготовка программая мукет специальность басьто. Озьы быдэс улон даурзы ӵоже студентъёс туала куронъёслы тупась тодон-валанъёсын узырмо[3].
Калык проектъёс но ужрадъёс
МВЕУ-ысь студентъёс 2017-тӥ арысен WorldSkills Russia чемпионатэ арлы быдэ пырисько но вормон интыосты басьтыло.
2017-тӥ арын МВЕУ-лэн колледжысьтыз студентка Мария Алмазова WorldSkills чемпионатын, графикая дизайнын быгатонлыкъёссэ возьматыса, 4-тӥ интые потӥз.
2020-тӥ арын МВЕУ-лэн колледжысьтыз студентъёс Worldskills чемпионатын 4-тӥ инты басьтӥзы.
2021-тӥ арын МВЕУ-ын бухгалтер учётъя демонстрационной экзамен ортчытон понна аккредитацилы площадка луиз. Удмурт Элькунысь чемпионатын МВЕУ-ысь студентъёс 4 ӧръя призовой интыосты басьтӥзы: «Реклама», «Ужбергатон», «Веб-дизайн но проект кылдытон», «Графикая дизайн» — таин валче финалэ но потӥзы.
Валэктонъёс
- ↑ Среднее профессиональное образование [ӟуч] www.mveu.ru. Эскеремын 2021-04-27 арын
- ↑ Сусанин МВЕУ предложил доступное образование для каждого(МВЕУ)
- ↑ 1 2 Edunews.ru Международный Восточно-Европейский университет (МВЕУ)
Чӧлсконъёс
- «Комсомольская правда» радиоысь подкаст.
«Комсомольская правда-Ижевск» радиолэн меӵак эфираз Калыккуспо Восточно-Европейской университетлэн быдэсъясь директорез Варвара Новикова мадиз, кызьы колледж «вуоноысь профессиос» программазэ быгатыса улонэ пыӵатэ.
| Университетъёс |  | |
|---|---|---|
| Академиос | ||
| Институтъёс | ||
