Евдокимов, Григорий Петрович

Григорий Петрович Евдокимов
Григорий Петрович Евдокимов
Вордӥськем дырыз	2-тӥ куарусёнэ 1919
Вордӥськем интыез	Русские Ожги гурт, Малмыж уезд, Ватка губерния, РСФСР
Кулэм дырыз	15-тӥ толсуре 2014 (95 лет)
Кулэм интыез	Санкт-Петербург, Россия;
Кунмуртлыкез	СССР
Кыӵе войскоез	авиация
Служить карон аръёсыз	1938—1966
Званиез
Ожмаськонъёс/ожъёс	Быдӟым Атыкай ож

Григорий Петрович Евдокимов ( 2-тӥ куарусёнэ, 1919-тӥ ар Русские Ожги гурт — 16-тӥ толсуре 2014-тӥ ар, Санкт-Петербург) — Совето армиысь полковник, Быдӟым Атыкай оже пыриськем мурт, Совето Союзлэн Героез (1945-тӥ ар).

Улон сюресэз

Григорий Евдокимов вордӥськиз 1919-тӥ арын 2-тӥ куарусёнэ Русские Ожги гуртын (али дыре — Удмуртиысь Вавож ёрос) крестьян семьяын. Школаез йылпумъямез бере Можгалась педагогикая училищеын дышетскиз. 1938-тӥ арын армие мынӥз. 1940-тӥ арын Челябинскысь лётчик-наблюдательёсты дасясь авиацияя военной училищеез йылпумъяз. 1941-тӥ арын гудырикошкон толэзьысен фронтэ шедиз. Курской дугаын ожъёсы пыриськиз, Донбассэз, Одессаез, Молдаван ССР-ез, Югославиез, Венгриез, Австриез мозмытонэ пыриськиз.

1945-тӥ арын оштолэзе капитан Григорий Евдокимов 3-тӥ Украин фронтысь 17-тӥ воздушной армилэн 244-тӥ бомбардировочной авиадивизилэн 449-тӥ бомбардировочной авиаполклэн эскадрильяезлэн штурманэз луиз. Со дырозь 270 пол разведкаосы но бомбардировкаосы лобаз. Трос тушмон объектъёсты но солдат-офицеръёсты пушкытыса быдтӥз.

СССР-лэн Вылӥ Кенешезлэн Президиумезлэн 1945-тӥ арын 18-тӥ гудырикошконэ гожтэм Косэтэзъя «командованилэсь боевой заданиоссэ ӟеч быдэсъямез но сэзь геройлыко ожмаськемез понна» капитан Григорий Евдокимов Совето Союзлэн Героез дано нимын пусъемын но Ленин орден но «Зарни Кизили» медаль сётэмын (7990-тӥ номер).

Быдӟым Атыкай ож вакытэ Евдокимов 300-лэсь трос боевой лобанъёсы потаз, 15 тушмон самолётэз, 6 магазеез, 135 вагонэз, 10 цистернаез, 180 пала автомашинаез но трос мукет боевой техникаез но солдат-офицерез пушкытыса быдтӥз.

Москваысь Вормон Парадэ пыриськиз. Война бере службазэ Совето армиын азьланьтӥз. 1954-тӥ арын Военно-воздушной академиез йылпумъяз. 1966-тӥ арын полковник званиен запасэ лэземын. Улӥз Санкт-Петербургын, пенсие потытозяз Ленинградысь В. А. Серов нимо художественной училищеын военрук луыса ужаз. 1967-тӥ арын «Ленфильмын» пуктэм «Хроника пикирующего бомбардировщика» фильмлэн военной консультантэз вал.

Озьы ик Горд Знамялэн кык орденэныз, Быдӟым Атыкай ожлэн 1-тӥ но 2-тӥ степенё орденъёсын, кык «Горд Кизили» орденэн но мукет медальёсын пусъемын.

Улонысь кошкиз 16-тӥ толсуре 2014-тӥ арын, 96 аресказ. Ватэмын Петербургысь Киновеевской шайвылын^[1].

Мемуаръёсыз

Евдокимов Г. П. 300 вылетов за линию фронта. — Устинов: «Удмуртия», 1987. — 2-е изд., доп. — 184 с. — (Героев наших имена).^[2]

Валэктонъёс

↑ Полтавченко и Макаров выразили соболезнования в связи с кончиной Героя Советского Союза Григория Евдокимова // vpeterburge.com. — 19.12.2014. Эскеремын 2015-01-26 арын
↑ Впервые книга была издана в 1979 году.

Литература

Григорий Петрович Евдокимов [ӟуч] «Герои страны» сайт.

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Кулемин И. Г. Героев наших имена. — Ижевск, 1975.
Кулемин И. Г. и др. Герои Советского Союза — наши земляки. — Устинов, 1985.

[1] Полтавченко и Макаров выразили соболезнования в связи с кончиной Героя Советского Союза Григория Евдокимова // vpeterburge.com. — 19.12.2014. Эскеремын 2015-01-26 арын

[2] Впервые книга была издана в 1979 году.

[1]

[2]